8-5-001

យានដ្ឋាន​ជួសជុល​រថយន្ត និង​ឃ្លាំង​ស្តុក​ទំនិញ​ធំ​ៗ ត្រូវ​នៅ​ក្រៅ​ក្រុង

Sorry, this entry is only available in Khmer. For the sake of viewer convenience, the content is shown below in the alternative language. You may click the link to switch the active language.

ប្រភព ៖ អង្រុត

លោក ប៉ា សុជាតិវង្ស អភិបាលនៃគណៈអភិបាលរាជធានីភ្នំពេញ បានចេញបញ្ជាផ្ទាល់ម៉ាត់របស់លោកថា ឲ្យយានដ្ឋានជួសជុលរថយន្ត និងឃ្លាំងស្តុកទំនិញធំៗ ដែលមានទីតាំងក្នុងរាជធានីភ្នំពេញ ត្រូវចេញទៅនៅក្រៅក្រុងវិញ ដើម្បីកាត់បន្ថយការកកស្ទះចរាចរណ៍ ឫការបំផ្លាញផ្លូវសាធារណៈ ដោយសារតែរថយន្តកុងតឺន័រធំៗ បានដឹកទំនិញទាំងនោះ ចូលក្នុងឃ្លាំងរបស់ខ្លួន ។ ការលើកឡើងនេះ ក្នុងឱកាសចុះពិនិត្យមើលការដ្ឋានសាងសង់ នៅចំណុចរង្វង់មូលព្រំប្រទល់ខណ្ឌដង្កោ និងខេត្តកណ្តាល នាព្រឹកថ្ងៃទី៦ ខែឧសភា ឆ្នាំ២០១៧ នេះ ។

លោកអភិបាលរាជធានីភ្នំពេញ បានថ្លែងទៅកាន់មន្ត្រីក្រោមឱវាទថា ដោយសារតែទីតាំងទាំងនោះហើយ ជាហេតុធ្វើឲ្យមានការកកស្ទះចរាចរណ៍ និងខូចផ្លូវ ព្រោះតែរថយន្តកុងតឺន័រ និងរថយន្តដឹកទំនិញ បើកឆ្លងកាត់ ដាក់ទំនិញចូលយានដ្ឋានជួសជុលរថយន្ត និងឃ្លាំងស្តុបទំនិញធំៗ បញ្ហាទាំងនេះហើយទើបតម្រូវអោយយានដ្ឋាន និងឃ្លាំងធំៗ ដែលមានទីតាំងនៅក្នុងរាជធានីភ្នំពេញ នឹងត្រូវឲ្យផ្លាស់ប្តូរទីតាំងទៅនៅជាយក្រុងវិញ ។

ប៉ុន្តែយ៉ាងជាណាក៏លោកអភិបាលរាជធានីភ្នំពេញ នៅមិនទាន់បានបង្ហើបថ្ងៃខែឲ្យបានច្បាស់ថា តើពេលណាត្រូវឲ្យមានការផ្លាស់ប្តូរយានដ្ឋានជួលសជុលរថយន្ត និងឃ្លាំងស្តុបទំនិញទាំងនេះ នៅឡើយទេ ។ ជាមួយនឹងចំណាត់ការរបស់លោកប៉ា សុជាតិវង្ស កាលពីរសៀលថ្ងៃទី២០ មីនា កន្លងទៅក៏បានលើកឡើងថា ទូដកលុយ ATM នៅតាមទីសាធារណៈទាំងអស់ របស់ធនាគារឯកជន ត្រូវប្រឈមទៅនឹងការលុបបំបាត់ចោលទាំងស្រុង ព្រោះទូទាំងអស់នោះ មិនមានអ្នកការពារ និងមើលថែឱ្យមានសុវត្ថិភាព បង្កឱ្យបទល្មើស និងអសន្តិសុខដល់សង្គម ។ មហាជនរងចាំមើលថា ចំណាត់ការរបស់លោកប៉ា សុជាតិវង្ស មួយទៀតនេះ តើមានប្រសិទ្ធភាព ឫយ៉ាងណា ?

8-5-002

8-5-003

8-5-004

Leave a Reply