ទីក្រុងនិយាយ! ការដាក់ឲ្យដំណើរការ គេហទំព័រសម្លេងទីក្រុង

ទីក្រុងនិយាយ! ការដាក់ឲ្យដំណើរការ គេហទំព័រសម្លេងទីក្រុង

On

អស់​រយៈពេល១ឆ្នាំកន្លះ​បន្ទាប់ពី​ការ​ឲ្យ​ដំណើរការ​គេហទំព័រ​ដំបូង​កាលពី​ខែកុម្ភៈ ឆ្នាំ២០១២ យើង​មាន​ភាព​រីករាយ​យ៉ាងខ្លាំង​ក្នុងការ​ដាក់​ឲ្យ​ដំណើរ​ជា​ផ្លូវការ​នូវ​គេហទំព័ សម្លេង​ទីក្រុង!  រយៈពេល១៨ខែ​កន្លងមកនេះ យើង​បានធ្វើការ​យ៉ាង​សស្រាក់សស្រាំ​ក្នុ្ង​ង​ការ​អភិ​វ​ឌ្ឃ​គេហទំព័រ​នេះ ដូចជា​ការដាក់​បន្ថែម​ទំព័រ​ប្លុក និង​ប្រព័ន្ធ​រាយការណ៍​តាមរយៈ​សារ​ជា​អក្សរ​តាម​ទូរស័ព្ទដៃ និង​ការផលិត​វី​ឌី​អូ​ណែនាំ​ជាជំហានៗពន្យល់​ពី​របៀប​ដាក់រ​បាយ​ការណ៍​ទៅ​គេហទំព័រ។ យើង​បានធ្វើ​យុទ្ធនាការ​មួយចំនួន ចាប់ពី​យើង​បាន (ទទួលជោគជ័យ) ជួយសង្គ្រោះ​ហាង​អ៊ី​ន​ធើ​ណេ​ត​កាហ្វេ ទៅ​យុទ្ធនាការ​ដ៏​ល្បី​គឺ​ការ​ដាច់​ចរន្តអគ្គិសនី  រហូតមកដល់​យុទ្ធនាការ​រាយ​ការ​ណី​ពី​ស្ថានភាព​ផ្លូវ​នៅក្នុង​រាជធានី​ភ្នំពេញ។

ក្នុងពេល​នៃ​ការដាក់​ដំណើរ​ជា​ផ្លូវការ​នូវ​គេហទំព័រ​នេះ យើង​ក៏មាន​សេចក្តី​រីករាយ​ក្នុងការ​ចាប់ផ្តើម​យុទ្ធនាការ​ថ្មី​ស្របពេល​ជាមួយគ្នា ដែល​យុទ្ធនាការ​នេះ​ផ្តោតទៅលើ​ទឹកជំនន់​នៅ​ទីក្រុង​ភ្នំពេញ។ បើទោះបីជា​ប្រព័ន្ធ​លូទឹក​មាន​ដំណើរការ ក៏​ប​ន្តែ​ផ្លូវ​មួយចំនួន​នៅក្នុង​ទីក្រុង​នៅ​បន្ត​លិច​ក្នុងពេល​មាន​ភ្លៀង​ធ្លាក់​ខ្លាំង ហើយ​យើង​ចង់ដឹងថា​វា​មាននៅ​ទីណា​ខ្លះ! លទ្ធផល​ទិន្នន័យ​នៅលើ​ផែនទី នឹង​ជួយ​អ្នករស់នៅ​ទីក្រុង​ជៀស​ពី​តំបន់​មាន ដែលមាន​ការលិចលង់​ខ្លាំង ក្នុងអំឡុងពេល​ភ្លៀង ហើយក៏​ដូចជា​ជួយ​បង្ហាញ​ដល់​កិច្ចប្រឹងប្រែង​អភិវឌ្ឍ​ប្រព័ន្ធ​លូទឹក។

យើង​ក៏មាន​សេចក្តី​សប្បាយរីករាយ ក្នុងការ​ប្រកាស​អំពី​កិច្ចប្រជុំ​ប្រចាំខែ​របស់​សម្លេង​ទីក្រុង​ផងដែរ។ កិច្ចប្រជុំ​ប្រចាំខែ​របស់​សម្លេង​ទីក្រុង គឺមាន​ក្រុម​អ្នក​ស្ម័​គ​ចិត្ត​ដែល​ជួបគ្នា​រៀងរាល់ខែ ដើម្បី​ពិភាគ្សា​អំពី​បញ្ហា​ទីក្រុង ការអភិវឌ្ឍ​ចុងក្រោយ​របស់​សម្លេង​ទីក្រុង និង​ការឆ្លើយតប​វិញ​តាមរយៈ​ការសំអាត​ទីក្រុង។ កិច្ចប្រជុំ​នឹង​ចាប់​ផ្តើមដំបូង នៅ​ថ្ងៃទី១២ តុលា។ យើង​នឹង​ចាប់ផ្តើម​ដោយ​ការ​ជុំគ្នា​នៅ ការិយាល័យ​សម្លេង​ទីក្រុង ( ៧៣បេ ផ្លូវ ៩៧) ជាទី​ដែល​យើង​នឹងមាន​ការបង្ហាញ​ខ្លី និង​ពិភាគ្សា​អំពី​តូ​នាទីម្នាក់ៗនៅក្នុង​កិច្ចប្រជុំ​ក្រុម។ បន្ទាប់មក​យើង​នឹងធ្វើ​ដំណើរ​ទៅ​ផ្សារកណ្តាល ដែល​យើង​នឹង​ចំណាយពេល​ពី​បី​ម៉ោង​សំអាត​ទីនោះ។ ឧបករណ៍​សំអាត និង​អាវយឺត​នឹងត្រូវ​បានផ្តល់​ដល់​អ្នក​ចូលរួម​ទាំងអស់។ ដើម្បី​ចុះឈ្មោះ ឬ​ទទួលបាន​ពត៌មាន​បន្ថែម សូម​អ៊ីមែល​មកកាន់​យើង​តាមរយៈ​អ៊ី​ម៉ែ​ល៖ admin@teangntanut.org

ជាទី​បញ្ចប់ សូមកុំ​ភ្លេច​កម្មវិធី​ការដាក់​ឲ្យ​ដំណើរការ​ជា​ផ្លូវការ​នូវ​គេហទំព័រ​សម្លេង​ទីក្រុង​របស់​យើង! ដើម្បី​ជាការ​អបអរ​ការ​ប្រារ​ព​ទិវា​លំនៅដ្ឋាន​ពិភពលោក សម្លេង​ទីក្រុង​នឹង​រៀបចំ​កម្មវិធី​នៅ Meta House (ផ្ទះ​លេខ ៣៧ ផ្លូវ​សុធារស) ថ្ងៃទី ៨ ខែតុលា។ ពេល​ល្ងាច នឹងមាន​ការធ្វើ​បទ​បង្ហាញ​អំពី​សម្លេង​ទីក្រុង ការដាក់​ប​ញ្ជាំ​ង​វី​ឌី​អូ​ខ្លី​ដំបូង​របស់​យើង និង​ជា​ឪ​កាស​សម្រាប់​ក្នុងការ​ទទួលបាន​បទ​ពិសោធ ក្នុង​ការប្រើ​គេហទំព័រ​នេះ ដោយមាន​ការជួយ​សម្រប​សម្រួល​ពី​ក្រុមការងារ​របស់​យើង។ ការតាំង​ពិ​ពណ៌​រូប​សិល្បៈ​ដែល​គួរ​ឲ្យ​ទាក់ទាញ​មាន​ចំណងជើង​ថា ពី​ទីក្រុង​និយាយ! ក៏​នឹង​ចាប់ផ្តើម​ធ្វើ​ដែរ ហើយ​បន្តទៅ២ស​ប្តា​ហ៏​បន្ទាប់។ ភេសជ្ជៈ និង​អាហារ​នឹង​ត្រូវបាន​ផ្តល់ជូន។

យើងសង្ឃឹមថានឹងបានជួបអ្នកនៅថ្ងៃទី ០៨ ខែតុលា ហើយ យើងសូមស្វាគមន៍ បើអ្នកអាចចុះឈ្មោះសម្រាប់ការចូលរួម ។ ការចុះឈ្មោះមិនមែនជាការចាំបាច់ទេ ប៉ុន្តែអ្នកដែលបានចុះឈ្មោះ ៥០នាក់ដំបូងគេ នឹងទទួលបានអាវយឺតពីសម្លេងទីក្រុងដោយឥតគិតថ្លៃ សូមភ្ជាប់មកជាមួយនូវសំបុត្រចុះឈ្មោះមកជាមួយផង!

តើមានគេប្រើឈ្មោះរបស់អ្នកក្នុងការបោះឆ្នោតឬ?

តើមានគេប្រើឈ្មោះរបស់អ្នកក្នុងការបោះឆ្នោតឬ?

On

កាលពីម្សិលមិញ ការសែតភ្នំពេញប៉ុស្ត៍បានចុះផ្សាយផែនទី និង ទន្ន័យ ដែលបង្ហាញពីអត្រា អ្នកមានឈ្មោះបោះឆ្នោត ដែលមានចំនួនលើសពី ១០០ ភាគរយ នៅតំបន់ភាគច្រើននៃទីក្រុងភ្នំពេញ។ យោងតាមអត្ថបទមួយរបស់ការសែតភ្នំពេញប៉ុស្ត៍ បានឲ្យដឹងថា មានឈ្មោះអ្នកបោះឆ្នោតចំនួន ១៤៥ ០០០ឈ្មោះ បន្ថែមទៀតដែលបានរក ឃើញនៅក្នុងតារាងឈ្មោះបោះឆ្នោតនៅរាជធានីភ្នំពេញ។ ឧទាហរណ៍ជាក់ស្តែង នៅសង្កាត់ទន្លេបាសាក់ អត្រាការចុះឈ្មោះបោះឆ្នោតមានរហូតដល់ទៅ ១៦៨ ភាគរយឯណោះ ដែលនេះមានន័យថា មានឈ្មោះបន្ថែមចំនួន ៩១៩៧ ឈ្មោះដែលបានរកឃើញ នៅក្នុងតារាងបញ្ជីឈ្មោះអ្នកបោះឆ្នោត បើប្រៀបធៀបទៅនឹងចំនួនពិតជាក់ស្តែងនៃអ្នកមាន ឈ្មោះបោះឆ្នោតក្នុងតំបន់នោះ។ ចំនែកឯ សង្កាត់ស្រះចកវិញ អត្រានៃអ្នកដែលមាន ឈ្មោះបោះឆ្នោត មានចំនួនរហូតដល់ទៅ ១៣៨ភាគរយ បើគិតជាឈ្មោះមានចំនួន ៥៧៤៧នាក់។ បញ្ហានៃចំនួនឈ្មោះ លើសពីស្ថានភាពជាក់ស្តែង គឺកើតមានឡើងស្រដៀងគ្នានៅតំបន់ ផ្សេងៗជាច្រើនទៀតនៅ ក្នុងប្រទេសកម្ពុជាតែម្តង។

12-PhnomPenh-Inner

ដូច្នេះ តើមានន័យថាយ៉ាងដូចម្តេច? ពិតណាស់តាមបច្ចេកទេស គេអាចបោះឆ្នោត ចំនួសអ្នកបាន មូលហេតុសម្រាប់បញ្ហានេះគឺថា មានលិខិតអត្តសញ្ញាណសម្រាប់ការបោះឆ្នោតជិត ៥០0, ០០០ សន្លឹក ដែលបានចេញដោយរាជរដ្ឋាភិបាលកម្ពុជា ចាប់តាំងពីរយៈកាលនៃ ការចុះឈ្មោះបោះឆ្នោតត្រូវបានបិទ។ នេះសបញ្ជាក់ឲ្យឃើញថា បញ្ហាទាំងនេះអាច កើតឡើងបានដោយងាយ សម្រាប់ការទាមទារឈ្មោះបោះឆ្នោតជំនួស។ សម្រាប់សម្លេងទីក្រុងកម្ពុជា ពិតជាមានការចាប់អារម្មណ៍ខ្លាំងណាស់លើ សង្កាត់ដែលនៅចំកណ្តាល់ទីក្រុង ដូចជា សង្កាត់ទន្លេបាសាក់ និងស្រះចក ជាកន្លែងដែលមានភាគរយនៃ ការចុះឈ្មោះបោះឆ្នោតកើនឡើងខ្ពស់ ហើយវាក៏ជាសង្កាត់ដែលប្រជាពលរដ្ឋ ត្រូវបានគេបណ្តេញចេញពី លំនៅឋានកាលពីមុនផងដែរ។ បញ្ហានេះបានចោទជាសំណួរថាតើអាចមាន ឬគ្មានឈ្មោះអ្នកដែលត្រូវបានបណ្តេញចេញពីលំនៅស្ថាន ហាក់ដូចជានៅតែមានឈ្មោះបោះឆ្នោតនៅឡើយ នៅ​ទីតាំងចាស់ តែពួកគាត់ទាំងនោះបាន ទៅចុះឈ្មោះបោះឆ្នោតនៅមណ្ឌុលបោះឆ្តោតថ្មីហើយឬយ៉ាងណា។​ មួយវិញទៀត តើអាចទៅរួចទេដែលមានគេយកឈ្មោះអ្នកដែលគេបណ្តេញចេញពីសង្កាត់ទន្លេបាសាក់ ដោយគ្រាន់តែទទួលបាន​លិខិបញ្ជាក់អត្តសញ្ញាណសម្រាប់ការបោះឆ្នោត ហើយអាចបន្លំបោះឆ្នោតជំនួសអ្នក?  យោងតាមការសែតភ្នំពេញប៉ុស្ត៍ នេះជារឿងដ៏គួរឲ្យព្រួយបារម្មណ៍ណាស់ ពីព្រោះការផ្តល់ប័ណបោះឆ្នោត ដោយគ្រាន់តែមានសាក្សីពីនាក់ និងរូបភាពពីរបីសន្លឹក ដែលប័ណបោះឆ្នោតនោះទៀតសោត អាចចេញ ដោយប្រធានសង្កាត់ ហើយមានប្រធានសង្កាត់ជាង ៩៧ភាគរយ នោះជាមនុស្សរបស់ គណបក្សប្រជាជនកម្ពុជាដែរ។

ដើម្បីពិនិត្យ បើសិនអ្នកមានឈ្មោះស្ទួននៅក្នុងតារាងឈ្មោះបោះឆ្នោត ដែលវាពិតជាអាចឲ្យគេបោះឆ្នោត ជំនួសឈ្មោះរបស់អ្នកនោះ ដូច្នេះ ចូលទៅកាន់ តារាងបោះឆ្នោតលើអ៊ីនធើណេត ឬ …