Villagers, Police Face Off in Dispute Over Road Expansion

Villagers, Police Face Off in Dispute Over Road Expansion

On

By: Ben Sokhean, The Cambodia Daily, | March 18, 2015

CD 001
A dump truck drives away from Boeng Chhouk village in Phnom Penh on Tuesday after villagers blocked workers from beginning a planned road expansion. (Siv Channa/The Cambodia Daily)

On February 23, City Hall for the second time issued a letter, signed by district governor Thuy Sokhan, warning the villagers that any homes standing in the way of the expansion after 15 days would be destroyed.

Authorities did not attempt to make good on their threats until about 8 a.m. Tuesday, when a convoy of five sand-laden dump trucks, a bulldozer …

អង្គការ JICA និង​សាលា​រាជធានី កំពុង​សិក្សា​ផែនការ​ប្រព័ន្ធ​លូ​-​ប្រឡាយ រំដោះ​ទឹកស្អុយ​ចេញ​ទីក្រុង

អង្គការ JICA និង​សាលា​រាជធានី កំពុង​សិក្សា​ផែនការ​ប្រព័ន្ធ​លូ​-​ប្រឡាយ រំដោះ​ទឹកស្អុយ​ចេញ​ទីក្រុង

On

ដោយ៖​កូ​ឡាប, CEN news,​ ថ្ងៃទី១៧ខែមីនា ឆ្នាំ២០១៥

CEN

ភ្នំពេញ: ដើម្បី​បញ្ជៀ​ស​ការលិចលង់​ជំនន់​ទឹកភ្លៀង នៅ​រដូវវស្សា និង​លប់បំបាត់​ភាពកក្វក់ ក្លិនស្អុយ នៅ​រាជធានី​ភ្នំពេញ អង្គការ​ចៃ​ការ​ជប៉ុន និង​សាលា​រាជធានី​ភ្នំពេញ រួមគ្នា​រក​វិធីសាស្ត្រ​ទៅលើ​ផែនការ​ប្រព័ន្ធ​ប្រឡាយ លូ សម្រាប់​បង្ហូរ កាកសំណល់ និង​ទឹកស្អុយ​ចេញ​ក្រៅ​រាជធានី ដើម្បី​បង្កើន​ភាពស្រស់ស្អាត និង​មាន​បរិស្ថាន​ល្អ​។

​នៅក្នុង​កិច្ចប្រជុំ​ពិភាក្សា​រវាង​សាលា​ រាជធានី​ភ្នំពេញ និង​អង្គការ​ចៃ​កា​រលើ​ផែនការ​ប្រព័ន្ធ​ប្រឡាយ​-​លូ សម្រាប់​រំដោះ​កាកសំណល់ បង្ហូរទឹក​ស្អុយ​ចេញ​ទីក្រុង និង​ឲ្យ​មាន​អាង​ស្តុ​ប​ទឹក នៅក្នុង​រាជធានី​ភ្នំពេញ កាលពី​ព្រឹក​ថ្ងៃទី​១៧ មីនា ឆ្នាំ​២០១៥ លោក អ៊ូ​ឃី​ដា តូ​ហ្គូ ទីប្រឹក្សា​បង្កើត​គម្រោង របស់​អង្គការ​ចៃ​កា​ជប៉ុន បាន​លើកឡើងថា ដើម្បី​បញ្ជៀ​ស​ការលិចលង់​ជំនន់​ទឹកភ្លៀង នៅ​រដូវវស្សា និង​លប់បំបាត់​ភាពកក្វក់ ក្លិនស្អុយ នៅ​រាជធានី​ភ្នំពេញ ឲ្យ​មាន​ភាពល្អប្រសើរ​បន្តិច​ម្តងៗ ក្លាយទៅជា​ទីក្រុង​ដែលមាន​ហេដ្ឋារចនាសម្ព័ន្ធ​ល្អ​ស្អាត ដូច​ប្រទេស​ក្នុង​តំបន់​អាស៊ាន អង្គកា​ចៃ​ការ​នឹង​រៀបចំ​ផែនការ​អភិវឌ្ឍ​ទីក្រុង​មួយ​នេះ ឲ្យ​បានល្អ​ស្អាត ដោយ​បង្កើត​អាង ស្តុ​ប​ទឹក ធ្វើ​ប្រព័ន្ធ​ប្រឡាយ​បង្ហូរ​ទឹកស្អុយ​និង​ក​កា​សំណល់​ចេញពី​រាជធានី​ នៅក្នុង​ឆ្នាំ​២០១៥​នេះ​។

​លោក​បាន​បន្តថា វិធីសាស្ត្រ​នៃ​ការបង្ហូរ​ទឹក​សំអុយ​ចេញពី​ទីក្រុង តាម​ការសិក្សា លើ​គម្រោង​ផែនការ​តំបន់​ភាគ​ខាងជើង ត្រូវ​បង្ហូរ​ចេញទៅ​ទំនប់​កប់​ស្រូវ ចំណែក​ភាគ​ខាងលិច និង​ខាងត្បូង បង្ហូរ​ទៅ​តំបន់​ជើងឯក រួមទាំង​មាន​អាង​ស្តុ​ប​ទឹក​ទៀតផង ដែល​ទាំងអស់នេះ អាចជួយ​បន្ធូ​ភាព​តានតឹង​នៅ​រាជធានី​ភ្នំពេញ បានធ្វើ​ឲ្យ​ការរស់នៅ​របស់​ប្រជាពលរដ្ឋ​មាន​ភាពល្អប្រសើរ​។​
​    ​
​ លោក អៀង អូន នី អភិបាលរង​រាជធានី​ភ្នំពេញ បាន​ឯកភាព​ចំពោះ​គម្រោង​ផែនការ​របស់​អង្គការ​ចៃ​កា​នេះ ដោយ​លោក​បាន​លើកឡើងថា តាម​ការសិក្សា​គម្រោង​ល្អិតល្អន់​របស់​ចៃ​កា​នេះ ពិត​មាន​សារៈសំខាន់ នឹង​ផ្តល់​អត្ថ​ប្រ​យោ​ជ​ន៏​ជូន​ប្រជាពលរដ្ឋ​រស់នៅ​។​

​ លោក​បន្ដថា ដោយ​តម្រូវការ​ចាំ បាច់​ត្រូវតែ​ដាក់​បណ្ដាញ​លូ​មេ​រំដោះ ទឹកជំនន់ ទើប​អាជ្ញាធរ​រាជធានី​ភ្នំពេញ​ត្រូវ រក​ជំនួយ​ពី​ដ្ឋា​ភិ បាលជ​ប៉ុន​ឲ្យ ជួយ​ដោះស្រាយ ដើម្បី​បញ្ចប់​បញ្ហា​ប្រឈម​នូវ​ជំនន់​ទឹកភ្លៀង​រាល់​ឆ្នាំនេះ​។

​ ពាក់ព័ន្ធ​ករណីនេះ​ដែរ អ្នកដំណើរ​ម្នាក់​បាន​និយាយថា នៅ​រាជធានី​ភ្នំពេញ ក្នុងពេល​ឥឡូវនេះ នៅ​ផ្លូវ​ណា​ក៏​ឃើញ​មាន​គំនរ​សំរាម លូទឹកស្អុយ និង​ក្លិនស្អុយ ស្ទើរ​គ្រប់​ទីកន្លែង​។​

​សូមបញ្ជាក់ថា បច្ចុប្បន្ន​ប្រព័ន្ធ​ប្រឡាយ​មេ​រំ ដោះ​ទឹក​នៅ​រាជធានី​មាន​ប្រវែង ៤៦៩.៨៤០ ម៉ែត្រ អណ្ដូង​លូ …

កិច្ចប្រជុំពិភាក្សាគម្រោងសិក្សាកសាងផែនការមេកែលម្អប្រព័ន្ធប្រឡាយលូ

កិច្ចប្រជុំពិភាក្សាគម្រោងសិក្សាកសាងផែនការមេកែលម្អប្រព័ន្ធប្រឡាយលូ

On

ប្រភព៖ Municipality of Phnom Penh 

សាលារាជធានីភ្នំពេញ និងក្រសួងមន្ទីដែលពាក់ព័ន្ធ រួមសហការជាមួយ JICA (Japan international cooperation Agency ) បានបើកកិច្ច ប្រជុំពិភាក្សាការងាររបស់គណៈកម្មការគ្រប់គ្រង ដឹកនាំគម្រោង និងគណៈកម្មការបច្ចេកទេសគម្រោងសិក្សាកសាងផែនការមេកែលម្អប្រព័ន្ធប្រឡាយ-លូបង្ហូរទឹកភ្លៀង និងសំណល់រាវក្នុងរាជធានីភ្នំពេញ កាលពីព្រឹកថ្ងៃទី១៧ ខែមីនា ឆ្នាំ២០១៥ ដឹកនាំអង្គប្រជុំដោយ ឯកឧត្តម អៀង អូននី អភិបាលរងរាជធានីភ្នំពេញ ។ដោយនេះជាកិច្ចប្រជុំ ពិនិត្យ និងផ្តល់ជាមតិយោបល់ចំពោះ ការសិក្សាគម្រោង ដំណាក់កាលទី១ របស់ JICA លើការប្រមូលទិន្នន័យ និងឈានទៅចាប់ផ្តើមអនុវត្តន៏គម្រោងដំណាក់កាលទី២ ក្នុងការរៀបចំផែនការមេ ( Formulation of master plan )។

អគ្គស្នងការ​នគរបាល​ជាតិ បង្កើត​ក្រុមការងារ​ចំរុះ​បង្ការ​ពន្លត់អគ្គីភ័យ​ នៅ​រាជធានី​ភ្នំពេញ

អគ្គស្នងការ​នគរបាល​ជាតិ បង្កើត​ក្រុមការងារ​ចំរុះ​បង្ការ​ពន្លត់អគ្គីភ័យ​ នៅ​រាជធានី​ភ្នំពេញ

On

ថ្ងៃ អង្គារ ទី17 មីនា ឆ្នាំ2015,  ដោយ: កម្ពុជាថ្មី​

 ភ្នំពេញ ៖ អគ្គស្នងការ​នគរបាល​ជាតិ​ បានប្រកាស​សមាសភាព​ក្រុមការងារ​ចំរុះ​សំរាប់​បង្ការ​ពន្លត់អគ្គីភ័យ​នៅ​រាជធានី​ភ្នំពេញ​។​

ការប្រកាស​សមាសភាព​ក្រុមការងារ​ចំរុះ​ បាន​ធ្វើឡើង​នៅក្នុង​កិច្ចប្រជុំ​កាលពី​ថ្ងៃទី​១៦ ខែមីនា ឆ្នាំ​២០១៥ នៅ​អគ្គស្នងការដ្ឋាន​នគរ​បាល​ជាតិ​ក្រោម​អធិបតីភាព​លោក នាយ​ឧ​ត្ត​ម​សេនីយ៍ នេ​ត សាវឿន​អគ្គស្នងការ​នគរបាល​ជាតិ​។​

​ ​សមាសភាព​ក្រុមការងារ​ចំរុះ​មាន សមាជិក ចំនួន​ប្រាំ​មួយរូប ក្នុងនោះ​លោក ឃួ​ង ស្រេង អភិ​បាលរង​រាជធានី​ភ្នំពេញ ជា​ប្រធាន និង​លោក​ឧ​ត្ត​ម​សេនីយ៍​ឯក សួស អង្គា​រ៍ អគ្គ​ស្នងការរង​នគរបាលជាតិ​ជា​អនុប្រធាន​។ នៅក្នុង​ឱកាស​នោះដែរ​លោកនាយ​ឧ​ត្ត​ម​សេនីយ៍ នេ​ត សាវឿន​បាន​ជំរុញ​ឲ្យ​ក្រុមការងារ​ចំរុះ ត្រូវ​ពង្រឹង​ការត្រួតពិនិត្យ​ប្រព័ន្ធ​សុវត្ថិភាព បង្ការ​ពន្លត់អគ្គីភ័យ​នៅ​រាជធានី​ភ្នំពេញ​ឲ្យ ទៅតាម​លក្ខណៈ បច្ចេកទេស​។​

លោក​បានលើកឡើង​ទៀតថា ដើម្បី​ធ្វើការ​ផ្សព្វផ្សាយ​ណែនាំ​នេះ​ត្រូវ​កំណត់​គោលដៅ​សម្រាប់​ត្រួតពិនិត្យ ក្នុងនោះ​ជំ​ហ៊ាន​ដំបូង គោលដៅ​បឋម​ចំនួន ៤ ត្រូវបាន​កំណត់ ក្នុងនោះ​មាន មជ្ឈមណ្ឌល​កោះ​ពេជ្រ​, សំណង់​អាគារ​ចាស់ និង​ថ្មី​, រោងចក្រ និង​តាម​ស្ថានីយ៍​ប្រេង​ឥន្ទ​នៈ។

ឯកឧត្តម​បានលើកឡើង​បន្តទៀតថា បន្ទាប់ពី​ធ្វើការ​ត្រួតពិនិត្យ ត្រូវមាន​ការចាត់វិធានកា​រណ៍​លើ​ការត្រួតពិនិត្យ​ប្រព័ន្ធ​បច្ចេកទេស​សុវត្ថិភាព បង្ការ​ពន្លត់អគ្គីភ័យ និង​ត្រួតពិនិត្យ​ប្រព័ន្ធ​សង្គ្រោះ​នៅ​មាន​អគ្គីភ័យ ដោយ​ការត្រួតពិនិត្យ​នេះ​ត្រួវ​ទៅតាម​លក្ខណៈ​បច្ចេកទេស ដូចជា ការបំពាក់​បំពង់​ពន្លត់អគ្គីភ័យ ប្រព័ន្ធ​ទឹក​តាម​ជញ្ជាំង ប្រព័ន្ធ​ប្រកាសអាសន្ន ទំហំ​អាគារ ច្រក​ជួយសង្គ្រោះ ជាដើម ។

​ ​លោក​បាន​បន្តទៀតថា​ការត្រួតពិនិត្យ​នេះ​ត្រូវ​មានការ​កិច្ចសហការ​គ្រប់​សមាសភាព​ក្រុម​ការងារ​ទាំងអស់ រួម​និង​អង្គភាព​ដែល​ពាក់ព័ន្ធ និង​រួមសហការ​ជាមួយ​អ្នកគ្រប់គ្រង និង​អ្នកបច្ចេក​ទេស​នៅតាម​ទីតាំង​ដែល​ត្រូវ​ត្រួតពិនិត្យ។ លោក​បាន​បន្ថែមថា ក្នុង​ត្រួតពិនិត្យ​ត្រូវមាន​កំណត់ហេតុ​ត្រួតពិនិត្យ​ច្បាស់លាស់ រួម​និង​រូបភាព​ផងដែរ។ ក្នុងនោះដែរ​ក្រោយពី​ការត្រួតពិនិត្យ​មានការ​ខ្វះខាត​ទៅតាម​ល​ក្ខ​ណៈ​បច្ចេកទេស ត្រូវធ្វើ​ការអប់រំ ណែនាំ ឫ​ក៏ត្រូវ​តម្រូវ​ឲ្យ​បំពាក់​បន្ថែម​នួវ​អ្វីដែល​ខ្វះខាត​ដើម្បី​ឲ្យ​ស្រប​លក្ខណៈ​បច្ចេកទេស​នៃ​ការបង្ការ និង​សង្គ្រោះ​ការ​ពន្លត់អគ្គីភ័យ ដោយឡែក​សំណង់​អាគារ​ណា​ដែល​ចាំបាច់ និង​មិនទាន់មាន​ប្រព័ន្ធ​បង្ការ ពន្លត់អគ្គីភ័យ ក្នុងករណី​ចាំបាច់​ត្រូវ​ផ្អាក​ដើម្បី​ឲ្យ​រៀបចំ​នូវ​ប្រព័ន្ធ​បង្ការ​ពន្លត់អគ្គីភ័យ​នេះ​ឡើង ៕

អភិបាល​រាជធានី​ភ្នំពេញ​ចង់​ឲ្យ​អង្គការ​សង្គម​ស៊ីវិល ​និង​វិស័យ​ឯកជន​ទាំងអស់​រួមគ្នា​ជាមួយ​អាជ្ញាធរ​ធ្វើជា​កញ្ចប់​មួយ​ដើម្បី​ចុះ​ជួយ​ប្រជាពលរដ្ឋ​ក្នុង​សហគមន៍​ក្រីក្រ​

អភិបាល​រាជធានី​ភ្នំពេញ​ចង់​ឲ្យ​អង្គការ​សង្គម​ស៊ីវិល ​និង​វិស័យ​ឯកជន​ទាំងអស់​រួមគ្នា​ជាមួយ​អាជ្ញាធរ​ធ្វើជា​កញ្ចប់​មួយ​ដើម្បី​ចុះ​ជួយ​ប្រជាពលរដ្ឋ​ក្នុង​សហគមន៍​ក្រីក្រ​

On

ថ្ងៃ អង្គារ ទី17 មីនា ឆ្នាំ2015,  ដោយ: កម្ពុជាថ្មី​

ភ្នំពេញ ​៖ អភិបាល​រាជធានី​ភ្នំពេញ​លោក ប៉ា សុជាតិ​វង្ស​ មានបំណង​មួយ​ចង់​ឲ្យ​អង្គការ​សង្គម​ស៊ីវិល​ទាំងអស់​ និង​វិស័យ​ឯកជន​រួមគ្នា​ជាមួយ​អាជ្ញាធរ​ធ្វើជា​កញ្ចប់​មួយ​ដើម្បី​ចុះ​ជួយ​ប្រជាពលរដ្ឋ​ក្នុង​សហគមន៍​ក្រីក្រ​នៅក្នុង​រាជធានី​។​ លោក​អភិបាល​រាជធានី​បាន​លើក​ឡើង​បែបនេះ​ក្នុង​ជំនួប​ពិភាក្សា​ការងារ​មួយ​ជាមួយ​លោក​ Blake Audsley​ តំណាង​អង្គការសហប្រជាជាតិ​នៃ​កម្មវិធី​ស្បៀងអាហារ​ពិភពលោក​ការិយាល័យ​តំបន់​នៅ​ទីក្រុង​បាងកក​។​

លោក ប៉ា សុជាតិ​វង្ស​ បាន​មានប្រសាសន៍​ថា នៅក្នុង​រាជធានី​ភ្នំពេញ​មកដល់​បច្ចុប្បន្ន​នេះ​មាន​សហគមន៍​ក្រីក្រ​ប្រមាណ​ជាង​៣០០​សហគមន៍​ហើយ​ក្នុង​ចំនួន​នេះ​មាន​ប្រជាពលរដ្ឋ​មួយចំនួន​សាង​ទីលំនៅ​មិន​រៀបរយ​ដូចជា​នៅ​តាម​ដងផ្លូវ​សាធារណៈ ប្រឡាយ ​លូ​ និង​នៅ​លើ​ដី​ឯកជន​ជាដើម ដែល​ធ្វើ​ឲ្យ​មាន​ការ​លំបាក​ដល់​អាជ្ញាធរ​រាជធានី​ភ្នំពេញ​។​ ប៉ុន្តែ​ទោះបីជា​យ៉ាង​ណា​ក្តី​ក្នុងនាម​អាជ្ញាធរ ដែល​ជា​អាណាព្យាបាល ​ពួកគាត់​តែងតែ​យកចិត្តទុកដាក់​ចំពោះ​ជីវភាព​ និង​ការរស់នៅ​របស់​ពួក​គាត់​ជានិច្ច ដោយ​កន្លង​មក​នេះ​អាជ្ញាធរ​របស់​យើង​បាន​ស្វែងរក​ដៃគូ​ទាំង​ឯកជន​ និង​អង្គការ​សង្គម​ស៊ីវិល​ដើម្បី​ចុះ​ជួយ​ពួកគាត់​។​ សកម្មភាព​ជួយ​ពួកគាត់​កន្លង​មក​នេះ​យើង​ក៏​នៅតែ​គិតថា​មិនទាន់​គ្រប់គ្រាន់​ដែរ ដែល​តម្រូវ​ឲ្យ​យើង​ចុះ​ជួយ​ពួកគាត់​បន្ថែម​ទៀត ទាំង​វិស័យ​អប់រំ សុខាភិបាល​ និង​ការ​កសាង​ហេដ្ឋារចនាសម្ព័ន្ធ​ជាដើម​។ ​ប៉ុន្តែ​តំបន់​ដែល​ពួកគាត់​រស់នៅ​ខ្លះ​យើង​ពិតជា​មិនអាច​ផ្តល់​អ្វី​ឲ្យ​ពួកគាត់​បាន​ ដោយសារតែ​ពួកគាត់​រស់នៅ​លើកដី លូ ប្រឡាយ​សាធារណៈ​របស់​រដ្ឋ នេះ​ជា​កង្វល់​ធំ​មួយ​របស់​អាជ្ញាធរ​រាជធានី​ដែល​ត្រូវ​ឲ្យ​មាន​ដោះស្រាយ​ឲ្យ​បាន​សមស្រប​មួយ​។​

លោក​បន្ត​ទៀត​ថា សម្រាប់​អាជ្ញាធរ​រាជធានី​ភ្នំពេញ​បើកចំហ​ជានិច្ច​សម្រាប់​អង្គការ​សង្គម​ស៊ីវិល វិស័យ​ឯកជន​ក្នុង​ការ​រួមគ្នា​ជួយ​ដល់​ប្រជាពលរដ្ឋ​រស់​នៅ​ក្នុង​សហគមន៍​ក្រីក្រ​។ ​លោក​បន្ត​ថា យើង​មាន​អង្គការ​សង្គម​ស៊ីវិល និង​វិស័យ​ឯកជន​ច្រើនណាស់ បើ​មាន​ចេតនា​ជួយ​ប្រជាពលរដ្ឋ​ក្រីក្រ​ដោយ​ស្មោះ​មែន​នោះ​វា​មិន​ពិបាក​ទេ​។ ​លោក​លើក​ជា​ឧទាហរណ៍​ថា មាន​អង្គការ​សង្គម​ស៊ីវិល​មួយ​គេ​ជួយ​ប្រជាពលរដ្ឋ​ក្រីក្រ​ក្នុង​សហគមន៍​លើ​ផ្នែក​សុខាភិបាល មួយទៀត​លើ​ផ្នែក​អប់រំ សេដ្ឋកិច្ច​ និង​មួយចំនួន​ណា​ទៀត​នោះ​លើ​ផ្នែក​លំនៅដ្ឋាន​ ឬ​លើ​ហេដ្ឋារចនាសម្ព័ន្ធ​ផ្សេងៗ​ទៀត​នោះ យើង​យក​មក​រួមគ្នា​ជាមួយ​អាជ្ញាធរ​រាជធានី​បង្កើត​ជា​កញ្ចប់​មួយ​ចុះ​ជួយ​ពួកគាត់​តែម្តង នោះ​ពិតជា​ល្អ​ប្រសើរ​ណាស់​ហើយ​សម្រាប់​អាជ្ញាធរ​រាជធានី​ភ្នំពេញ​គឺ​ចង់បាន​បែបនេះ​។ នៅ​ចុង​ខែមេសា​ខាងមុខនេះ​សាលា​រាជធានី​ភ្នំពេញ​នឹង​ធ្វើ​អង្គ​សិក្ខាសាលា​មួយ​ជាមួយ​អង្គការ​សង្គម​ស៊ីវិល​ និង​វិស័យ​ឯកជន​ដើម្បី​ជំរុញ​ឲ្យ​មាន​ការ​ជួយ​ប្រជាពលរដ្ឋ​ក្រីក្រ​ដោយ​បង្កើត​ជា​កញ្ចប់​តែមួយ​។​

លោក​Blake Audsley​បាន​មានប្រសាសន៍​លើកឡើង​ដែរ​ថា ការ​មក​ជួប​សម្ដែង​ការគួរសម​ និង​ពិភាក្សា​ការងារ​ជាមួយ​លោក​អភិបាល​រាជធានី​ភ្នំពេញ​នេះ​គឺ​មាន​គោលបំណង​ចង់​ដឹង​ពី​អ្វី​ដែល​ជា​ផែនការ​សកម្មភាព​ដែល​អាជ្ញាធរ​បាន​និង​កំពុង​ធ្វើ​ជាមួយ​ប្រជាពលរដ្ឋ​ក្នុង​សហគមន៍​ក្រីក្រ​ទាំងនោះ ។ ​សម្រាប់​អង្គការសហប្រជាជាតិ​នៃ​កម្មវិធី​ស្បៀងអាហារ​ពិភព​មាន​ការងារ​២​សម្រាប់​ជួយ​ដល់​ប្រជាពលរដ្ឋ នោះ​គឺ​ការ​ជួយ​លើក​ការ​វិស័យ​អប់រំ​និង​អាហារូបត្ថម្ភ ហើយ​ការងារ​ទាំងនេះ​អង្គការ​របស់​លោក​មាន​គោលដៅ​២​ផង​ដែរ ក្នុង​នោះ​គោលដៅ​ទី​១-​ធ្វើការ​ងារ​នេះ​ជាមួយ​រាជរដ្ឋាភិបាល​ និង​សាលា​រាជធានី​ភ្នំពេញ​ផ្ទាល់​តែម្តង និង​គោលដៅ​ទី​២-​យើង​ធ្វើ​ជាមួយ​ដៃគូ​អភិវឌ្ឍន៍​ផ្សេងៗ​ទៀត​។​ លោក​បន្ត​ថា សម្រាប់​ទិសដៅ​ការងារ​២០១៦​ដល់​២០២០​អង្គការ​របស់​លោក​ចង់​ពង្រីក​ការងារ​របស់​ខ្លួន​បន្ថែ​ម​ទៀត​ក្នុង​ការ​ជួយ​ប្រជាពលរដ្ឋ​ក្នុង​សហគមន៍​ក្រីក្រ ប៉ុន្តែ​ការងារ​ទាំងនេះ​ត្រូវ​ពឹងពាក់​ការ​ជួយ​គាំទ្រ​ពី​រាជរដ្ឋាភិបាល​និង​សាលា​រាជធានី​ភ្នំពេញ ថា​តើ​រាជរដ្ឋាភិបាល ​និង​សាលា​រាជធានី​ភ្នំពេញ​គាំទ្រ​ក្នុង​កម្រិត​ណា នោះ​អង្គការ​របស់​លោក​នឹង​ដាក់​បញ្ចូល​ទៅ​ក្នុង​ផែនការ​តែម្តង​៕​

ប្រជាពលរដ្ឋ​រាប់ពាន់​គ្រួសារ​ដង្ហោយ​រក​អាជ្ញាធរ​ឲ្យ​ជួយ​ដោះស្រាយ​ បញ្ហា​អត់​ទឹក​ប្រើប្រាស់​

ប្រជាពលរដ្ឋ​រាប់ពាន់​គ្រួសារ​ដង្ហោយ​រក​អាជ្ញាធរ​ឲ្យ​ជួយ​ដោះស្រាយ​ បញ្ហា​អត់​ទឹក​ប្រើប្រាស់​

On

ដោយ: កម្ពុជាថ្មី​, ថ្ងៃ អង្គារ ទី17 មីនា ឆ្នាំ2015

ភ្នំពេញ ៖ ក្រុមហ៊ុន​ទឹកស្អាត ព្រៃគុហ៍​ខន​ស្ត្រាក់សិន ដែលមាន​ទីតាំង​នៅក្នុង​ភូមិ​ផ្សា​លិច សង្កាត់​ព្រែក​ព្នៅ ខណ្ឌ​ព្រែក​ព្នៅ មិនមាន​ទឹក​ឲ្យ​ប្រជាពលរដ្ឋ​រាប់ពាន​គ្រូ​សារ​ប្រើប្រាស់ ក្នុងភូមិ​ចំនួន​៤​របស់​សង្កាត់​សំរោង ខណ្ឌ​ព្រែក​ព្នៅ រាជធានី​ភ្នំពេញ តែ​ដល់​ខែ​មក​កត់​ភ្នែក​គីឡូ​គិតលុយ​បើទោះ​ជា​មិនបាន​ប្រើប្រាស​ក៍ដោយ​។

ប្រជាពលរដ្ឋ​រាប់ពាន​គ្រួសារ ក្នុងភូមិ​ចំនួន​៤​របស់​សង្កាត់​សំរោង​ដែល​ខ្វះ​ទឹកស្អាត​ប្រើប្រាស់​នេះ​បាន​លើកឡើងថា ជា​រៀងរាល់ឆ្នាំ​ឲ្យតែ​ដល់​រដូវប្រាំង​ម្តងៗ​ពួកគាត់​តែងតែ​ខ្វះ​ទឹក​ប្រើប្រាស់ ជានិច្ច​បើទោះជា​ពួកគាត់​បាន​ត​ភ្ជាប់​ប្រព័ន្ធ​ បណ្តាញ​ទឹកស្អាត​រួចរាល់​ហើយ​ក៏ដោយ​។

ប្រជាពលរដ្ឋ​ទាំងនេះ​បាន​បន្តថា លុះត្រា​ណា​តែ​ប្រជាពលរដ្ឋ​ ដែលមាន​ទីលំនៅ នៅ​ជិត​អាង​ទឹក​ស្អាត​របស់​ក្រុមហ៊ុន​ទឹកស្អាត ព្រៃគុហ៍ ខន​ស្ត្រា​ក់សិននោះ​ ទើប​មានទឹក​ប្រើប្រាស់​គ្រប់គ្រាន់​។ បើ​នៅ​ឆ្ងាយ​វិញ អ្នក ​ដែលមាន​ទុយោ​ទាប​ជាងគេ​អាច​បើក​ចោល​១​យប់​ទល់​ភ្លឺ​បាន​កន្លះ​ពាង​តែ​ប៉ុណ្ណោះ តែបើ​មាន​ទុយោ​ជាប់​តាមផ្លូវ​ថ្នល់​នោះ​ គឺ​ទឹក​អត់​ចេញ​តែម្តង ហេតុនេះ​ធ្វើ​ឲ្យ​ពួកគាត់​ទៅ​ទិញ​ទឹក​គេ​មកប្រើប្រាស់​ជាប្រចាំ​។ តែ​ដល់​ខែ​គេ​ឃើញ​បុគ្គលិក​ក្រុមហ៊ុន​ទឹកស្អាត ព្រៃគុហ៍ ខន​ស្ត្រា​ក់សិន​នោះមក​កត់​ភ្នែក​គីឡូ​គិតលុយ ជាប្រចាំ​បើទោះជា​មិនបាន​ប្រើប្រាស់​ក៏​ដោយ​។ ប្រជាពលរដ្ឋ​នៅ​សង្កាត់​សំរោង​នេះ​លើកឡើង​ទៀតថា តាំងពី​ក្រុមហ៊ុន​ទឹកស្អាត ព្រៃគុហ៍ ខន​ស្ត្រា​ក់សិន​នេះ​បង្កើត​មក គឺ​ពិបាក​នូវ​បញ្ហា​ខ្វះ​ទឹក​ប្រើប្រាស់​នេះ​រហូត​តែម្តង​។ ហើយ​កន្លងមក​ប្រជាពលរដ្ឋ​នាំគ្នា​ធ្វើសំណើ​ទៅតាម​រយៈ​លោក​ចៅសង្កាត់​សំរោង​ក្នុង​វេទិកាសាធារណៈ​ជា ញឹកញាប់​សុំ​ឲ្យ​ក្រុមហ៊ុន​ទឹក​ស្អាត​មួយ​នេះ ចុះមក​ពិនិត្យ​និង​បញ្ចេញ​ទឹក​ឲ្យ​ប្រជាពលរដ្ឋ​ប្រើប្រាស់​គ្រប់គ្រាន់​ផង ប៉ុន្ដែ​ការ​ស្នើសុំ​របស់​ប្រជាពលរដ្ឋ​ហាក់ដូចជា​គ្មាន​ដំណោះស្រាយ បន្ដិច​សោះឡើយ​ព្រោះ​ទឹក​អត់​មានប្រើ​ប្រាស់​ដដែល​។

ប្រជាពលរដ្ឋ​ទាំងនេះ​បញ្ជាក់ថា ការសន្យា​ពី​អាជ្ញាធរ​ថា​ដោះស្រាយ​ជូន​ប្រជាពលរដ្ឋ​គឺ​ដូរ​អស់​អភិបាលខណ្ឌ​ពីរ​នាក់​ហើយ ក៏​នៅ​មិនមាន​ដំណោះស្រាយ​ដែរ ហាក់​ខ្លាច​អំណាច​ក្រុមហ៊ុន​ទឹកស្អាត ព្រៃគុហ៍ ខន​ស្ត្រាក់សិន​នេះ​ណាស់​។ ប្រជាពលរដ្ឋ​ទាំងនេះ​បញ្ជាក់ទៀតថា ចាំមើល​អភិបាលខណ្ឌ​ព្រែក​ព្នៅ​ដែល​ឡើង​ថ្មី​នេះ អាច​ដោះស្រាយ​ជូន​ប្រជាពលរដ្ឋ​អំពី​បញ្ហា​ខ្វះ​ទឹក​ប្រើប្រាស់​នេះ​បាន​ឫ​យ៉ាងណា​? ឫក៏ដូច​មុន​ទៀត​ដែរ​?​។ ទាក់ទង​និង​បញ្ហា​នេះ កម្ពុជា​ថ្មី​បាន​ព្យាយាម​សុំ​ការបំភ្លឺ​តាម​ទូរ​ស័ព្ទ​ពី​ប្រធាន​ក្រុមហ៊ុន​ទឹកស្អាត ព្រៃគុហ៍ ខន​ស្ត្រា​ក់សិន​នេះដែរ តែ​មិនអាច​ទាក់ទង​បានឡើយ​បាន​ត្រឹម​ជួប ផ្នែក​បេឡា​ម្នាក់​ឈ្មោះ​គីម ស៊ុយ ដោយ​ឆ្លើយថា​មិនដឹង​អ្វី​ទាំងអស់ ទឹក​មាន​ឫ​មិន​មាននៅ​ថ្ងៃ​ណា​នោះ​គឺ​មិនដឹង​ឡើយ​។​

ចំណែក​លោក ទូច សា​លិ​ន អភិបាលរងខណ្ឌ​ព្រែក​ព្នៅ ទទួលបន្ទុក​ប្រធាន​គណៈកម្មការ​ទឹក​ស្អាត​ក្នុង​ខណ្ឌ​នេះ​បាន​ប្រាប់​កម្ពុជា​ថ្មី​តាម​ទូរស័ព្ទ​ឲ្យ​ដឹងថា លោក​សុំ​ការយោគយល់​ពី​ប្រជាពលរដ្ឋ​ទាំង​៤​ភូមិ ក្នុង​សង្កាត់​សំរោង​ដែល​អត់​ទឹក​ប្រើប្រាស់ មូលហេតុ​មកពី​ក្រុមហ៊ុន​ទឹកស្អាត ព្រៃគុហ៍ ខន​ស្ត្រាក់សិន​មួយ​នេះ ជីក​ថ្នល់​បេតុង​ត​ទុយោកាត់ បណ្តាល​ឲ្យ​ខួច​ថ្នល់​ជា​អន្លើ​ទើប​ខាង​អាជ្ញាធរ​ខណ្ឌ​ចុះ​ផ្អាក​ក្រុមហ៊ុន​នេះ​មួយរយៈសិន ដើម្បី​ឲ្យ​ក្រុមហ៊ុន​នេះ​មក​ធ្វើ​កិច្ច​សន្យាថា បើ​ថ្នល់​កន្លែង​ជីក​នេះ​ខូច ក្រុមហ៊ុន​ទឹកស្អាត ព្រៃគុហ៍ ខន​ស្ត្រាក់សិន​នេះ​ជា​អ្នក​សង​ការខូចខាត​ទាំងអស់​។

លោក​បន្តថា លោក​ដឹង​ថាប​ច្ច​ប្បន្ន​ប្រជាពលរដ្ឋ​ខ្វះ​ទឹក​ប្រើប្រាស់ អ្នក​ខ្លះទៅ​ដងទឹក​ស្រៈ​ក្នុង​វត្ត អ្នកខ្លះ​ទិញ​ទឹក​គេ​ដឹក​លក់​តាម​ឡាន​។ តែ​បន្ទាប់ពី​ក្រុមហ៊ុន​នេះ​ធ្វើ​កិច្ចសន្យា​ហើយ លោក​នឹង​ចុះ​ពន្លឿន​កា​រត​បណ្តាញ​ទឹកស្អាត​ក្នុង​សង្កាត់​សំរោង​នេះ ដើម្បី​ឲ្យ​មានទឹក​ជូន​ប្រជាពលរដ្ឋ​ប្រើប្រាស់​ឲ្យ​បាន​គ្រប់គ្រាន់​ឡើងវិញ ហើយ​មិនយូរ​ទេ​១​ថ្ងៃ​ឫ​២​ថ្ងៃ​ទៀត​ប៉ុណ្ណោះ​៕