កម្ពុជានឹងរៀបចំកម្មវិធីរត់ប្រណាំងសប្បុរសធម៌អាស៊ាន

កម្ពុជានឹងរៀបចំកម្មវិធីរត់ប្រណាំងសប្បុរសធម៌អាស៊ាន

On

នៅថ្ងៃទី១៨ ខែឧសភា ឆ្នាំ២០១៧ ម្សិលម៉ិញនេះ រដ្ឋបាលរាជធានីភ្នំពេញបានជួបប្រជុំជាមួយតំណាងស្ថានទូតឥណ្ឌូនេស៊ី ប្រចាំព្រះរាជាណាចក្រកម្ពុជា ក្រោមវត្តមានឯកឧត្តម ឃួង ស្រេង អភិបាលរង នៃគណៈអភិបាលរាជធានីភ្នំពេញ ដើម្បីពិភាក្សាអំពីការការពារសន្តិសុខ សណ្ដាប់ធ្នាប់

រដ្ឋបាលខណ្ឌពោធិ៍សែនជ័យ​ បើកការដ្ឋានសាងសង់ផ្លូវបេតុងមួយខ្សែរជូនប្រជាពលរដ្ឋ

រដ្ឋបាលខណ្ឌពោធិ៍សែនជ័យ​ បើកការដ្ឋានសាងសង់ផ្លូវបេតុងមួយខ្សែរជូនប្រជាពលរដ្ឋ

On

បងប្អូនប្រជាពលរដ្ឋស្ថិតនៅភូមិគោកចំបក់ សង្កាត់ចោមចៅ បានទទួលផ្លូវបេតុងឆ្អឹងដែក ១ខ្សែទៀតហើយ ដែលបានបើកការដ្ឋានជួលជុល ក្រោមអធិបតីភាពលោក ហែម ដារិទ្ធិ អភិបាលខណ្ឌពោធិ៍សែនជ័យ និងលោក ក្រូច ផាន ប្រធានក្រុមព្រឹក្សាខណ្ឌពោធិ៍សែនជ័យ អភិបាលរង អធិការខណ្ឌ មេបញ្ជារការកងរាជអាវុធហត្ថខណ្ឌ នាយករង រដ្ឋបាលខណ្ឌ ប្រធាន-អនុប្រធានការិយាល័យជុំវិញខណ្ឌ ចៅសង្កាត់-ចៅសង្កាត់រង សមាជិកក្រុមប្រឹក្សា សង្កាត់ មេភូមិ-អនុភូមិ សមាជិកភូមិ និងប្រជាពលរដ្ឋជាច្រើនផងដែរ នាព្រឹកថ្ងៃទី ១៦ ខែឧសភា ឆ្នាំ២០១៧នេះ។ ផ្លូវបេតុងខាងលើមានប្រវែង ៣១២ម៉ែត្រ ទទឹង ៧ម៉ែត្រ តភ្ជាប់ពីផ្លូវវេងស្រេង ចំណុចខាងលិចសួនកាណាឌីយ៉ា ទៅភ្ជាប់នឹងប្រឡាយបារាំង ដែលជាគម្រោងអភិវឌ្ឍខណ្ឌឆ្នាំ២០១៧។

លោក ហែម ដារិទ្ធិ បានឱ្យដឹងថា ផ្លូវប្រៀបដូចជាសសៃឈាម ដែលមិនអាចខ្វះបាន ផ្លូវបេតុងឆ្អឹងដែក ដែលស្ថាបនា នាពេលនេះ គឺគម្រោងអភិវឌ្ឍន៍ដែលប្រើប្រាស់ថវិការបស់សាលាខណ្ឌ តាមផ្អែកតាមស្ថានភាពបច្ចុប្បន្ន ហេដ្ឋារចនា សម្ព័នប្រព័ន្ធ លូ ផ្លូវ និងប្រឡាយជាដើម ដែលមានការខូចខាតទាមទាឱ្យមានការជួសជុល និងស្តាឡើងវិញ។

លោក ហែម ដារិទ្ឌិ បានបន្តថា ការខូចខាតបែបនេះ គឺដោយសារតែរដូវវស្សាមានភ្លៀងធ្លាក់ខ្លាំង ហើយទឹក បានដក់ នៅតាមដងផ្លូវ មានរយ:ពេលយូរ និងម្យ៉ាងវិញទៀត ប្រព័ន្ធលូនៅតាមកន្លែងខ្លះ កកស្ទះហូរ មិនទាន់ ដោយសារតែ សំរាម និងដីកកស្ទះក្នុងប្រព័ន្ធលូ ប្រឡាយ។

17-5-014

17-5-015

17-5-016

17-5-018

 

ជប៉ុននឹងចំណាយ៨០០លានដុល្លារលើគម្រោងបង្កើតរថភ្លើងធុនស្រាលស្វ័យប្រវត្តិលើអាកាសដំបូងក្នុងក្រុងភ្នំពេញ

ជប៉ុននឹងចំណាយ៨០០លានដុល្លារលើគម្រោងបង្កើតរថភ្លើងធុនស្រាលស្វ័យប្រវត្តិលើអាកាសដំបូងក្នុងក្រុងភ្នំពេញ

On

ប្រភព ៖ https://www.business-cambodia.com/article/28524

ប្រទេសជប៉ុននឹងចំណាយថវិកា ៨០០លានដុល្លារ លើគម្រោងបង្កើតរថភ្លើងធុនស្រាលស្វ័យប្រវត្តិលើអាកាសលើដំបូងនៅក្រុងភ្នំពេញ តាមរយៈទីភ្នាក់ងារ សហប្រតិបត្តិការអន្តរជាតិ(JICA) ក្នុងពេលឆាប់នេះៗ នេះបើយើងតាមរយៈជំនួបរវាងឯកឧត្តម ហោ ណាំហុង និងតំណាងប្រទេសជប៉ុន Keiichi ISHII នៅថ្ងៃទី៥ ឧសភា កន្លងទៅនេះ នៅវិមានសន្តិភាព។

OCIC គ្រោង​ចំណាយ​​​ជាង​ ១ ​លាន​ដុល្លារ​​សង់​ផ្លូវ​ថ្មើរជើង​ថ្មី​ នៅ​ចំណុច​ប្រសព្វ​រង្វង់មូល​នាង​គង្ហីង

OCIC គ្រោង​ចំណាយ​​​ជាង​ ១ ​លាន​ដុល្លារ​​សង់​ផ្លូវ​ថ្មើរជើង​ថ្មី​ នៅ​ចំណុច​ប្រសព្វ​រង្វង់មូល​នាង​គង្ហីង

On

ប្រភព ៖ ភ្នំពេញបុស្តិ៍

ក្រុមហ៊ុន OCIC គ្រោងចំណាយទឹកប្រាក់ជាង ១ លានដុល្លារដើម្បីសាងសង់ផ្លូវថ្មើរជើងថ្មីមួយស្ថិតនៅចំណុចប្រសព្វអតីតៈរង្វង់មូលនាងគង្ហីងជាទីតាំងស្ថិតនៅទល់មុខគម្រោង Olympia City ដែលវិនិយោគដោយក្រុមហ៊ុនមួយនេះ។

អគ្គនាយករងក្រុមហ៊ុន OCIC លោក ទូច សំណាង បានថ្លែងឲ្យដឹងតាមទូរស័ព្ទកាលពីថ្ងៃសៅរ៍ថា បច្ចុប្បន្នក្រុមហ៊ុនកំពុងសិក្សាពីផលប៉ះពាល់ និងប្លង់មេនៃគម្រោងនេះជាមួយសាលាក្រុងភ្នំពេញ មុនពេលចាប់ផ្តើមសាងសង់ដែលអាចនឹងធ្វើឡើងនៅក្នុងត្រីមាសទី ៣ ឆ្នាំនេះ។ លោកបន្តថាផ្លូវថ្មើរជើងថ្មីនេះមានចំនួន ៥ ដែលអាចឲ្យប្រជាពលរដ្ឋដើរឆ្លងកាត់បានគ្រប់ទិសដើម្បីសម្រួលការធ្វើដំណើរ និងកាត់បន្ថយអត្រាគ្រោះថ្នាក់ចរាចរណ៍។

លោកបន្តថា៖ «តាមធម្មតាគម្រោងអ្វីមួយតែងមានគុណវិបត្តិ និងគុណសម្បត្តិ ប៉ុន្តែប្រទេសយើងស្ថិតក្នុងដំណាក់កាលអភិវឌ្ឍហេតុនេះគម្រោងនេះនឹងត្រូវតែទៅមុខ»។

លោកបន្តថា៖ «គម្រោងនេះត្រូវបានឌីសាញឡើងដោយស្ថាបត្យករខ្មែរ ១០០ ភាគរយហើយថវិកាវិនិយោគលើគម្រោងនេះមានចន្លោះ ១ ទៅ ១,៥០ លានដុល្លារអាមេរិកជាថវិការបស់ក្រុមហ៊ុន»។

ប្រសិនជាការសាងសង់ផ្លូវថ្មើរជើងនេះដំណើរការនេះគឺជាផ្លូវថ្មើរជើងឆ្លងកាត់ថ្នល់ទី ២ ហើយនៅទីក្រុងភ្នំពេញដែលគម្រោងទី ១ ស្ថិតនៅតាមបណ្តោយផ្លូវជាតិលេខ ៤ ម្តុំវត្ត និងផ្សារជម្ពូរវ័ន ប៉ុន្តែស្ពានឆ្លងកាត់ផ្លូវធ្វើដំណើរលើកទី ១ ដែលបានបើកឲ្យដំណើរការនាពេលថ្មីៗនេះរងការរិះគន់ពីប្រជាពលរដ្ឋដោយសារការសាងសង់ស្ពាននោះមិនសមស្របតាមបទដ្ឋានបច្ចេកទេសពោលគឺស្ពាននោះមិនបានឆ្លងកាត់ទទឹងផ្លូវទាំងស្រុងទេដែលបង្កឲ្យមានគ្រោះថ្នាក់ចរាចរណ៍ដល់ប្រជាពលរដ្ឋធ្វើដំណើរឆ្លងកាត់។

លោកបណ្ឌិត វ៉ាន់ វ៉ាត អ្នកឯកទេសផ្នែកនគរូបនីយកម្មបានថ្លែងថាការធ្វើស្ពាន ឬផ្លូវថ្មើរជើងឆ្លងកាត់ថ្នល់ជាការជួយសម្រួលចរាចរ និងកាត់បន្ថយគ្រោះថ្នាក់ព្រោះនៅតំបន់នោះមានចរាចរណ៍ច្រើនឆ្លងកាត់ ដូច្នេះការសាងសង់ផ្លូវថ្មើរជើងខាងលើជាជម្រើសល្អ។ ប្រសិនជាការសាងសង់នេះភ្ជាប់ដល់ផ្លូវចូលស្តាតអូឡាំពិកជាការកាន់តែល្អ ដោយសារពេលមានសកម្មភាពកីឡាម្តងៗតែងតែមានមនុស្សឆ្លងកាត់ច្រើននៅតំបន់នេះ។

លោកបន្តថា៖ «នៅទីក្រុងរបស់យើងមានផ្លូវប្រសព្វគ្នាច្រើន ដូច្នេះការសាងសង់ផ្លូវថ្មើរជើងឆ្លងកាត់ផ្លូវកាន់តែច្រើនកាន់តែល្អ»។ លោកបន្តថា៖ «វាជាការចាំបាច់ណាស់សម្រាប់រាជធានីរបស់យើងដើម្បីសម្រួលការធ្វើដំណើរ»។

លោក មាស ម៉េតភក្តី អ្នកនាំពាក្យសាលារាជធានីភ្នំពេញបានថ្លែងថាជាគោលការណ៍សាលារាជធានីភ្នំពេញបានផ្តល់ការអនុញ្ញាតហើយ ប៉ុន្តែការអនុវត្តការងារ និងបទដ្ឋានបច្ចេកទេសមួយចំនួនស្ថិតនៅក្រោមមន្ទីរសាធារណការ និងដឹកជញ្ជូនរាជធានីភ្នំពេញ។

លោក សាំ ពិសិដ្ឋ ប្រធានមន្ទីរសាធារណការ និងដឹកជញ្ជូនរាជធានីភ្នំពេញមិនលើកទូរស័ព្ទផ្តល់ការបញ្ជាក់នោះទេ៕

ព្រឹកនេះ សាលារាជធានីភ្នំពេញ ប្រកាសដាក់ឲ្យប្រើប្រាស់ស្ពាន​អាកាស​ថ្មើរជើង ទី១នៅកម្ពុជា និងផ្លូវអមសងខាងកំណាត់ ផ្លូវជាតិលេខ៤

ព្រឹកនេះ សាលារាជធានីភ្នំពេញ ប្រកាសដាក់ឲ្យប្រើប្រាស់ស្ពាន​អាកាស​ថ្មើរជើង ទី១នៅកម្ពុជា និងផ្លូវអមសងខាងកំណាត់ ផ្លូវជាតិលេខ៤

On

ប្រភព ៖ FreshNews

រដ្ឋបាលរាជធានីភ្នំពេញ នៅថ្ងៃទី០៥ ខែឧសភា ឆ្នាំ២០១៧នេះ បានបើកពិធីប្រកាសដាក់ឲ្យប្រើប្រាស់ កំណាត់ផ្លូវ ប្រវែង ៤០០ម៉ែត្រ នៃផ្លូវជាតិលេខ៤ ចាប់ពី រង្វង់មូលចោមចៅ ដល់ផ្លូវបំបែកកប់ស្រូវ ប្រវែង១.៧៥០ម៉ែត្រ និងស្ពានអាកាសថ្មើរជើង២ខ្សែ ដែលមានទីតាំងស្ថិតនៅ ម្តុំផ្សារជម្ពូវ័ន្ត ក្នុងខណ្ឌ ពោធិ៍សែនជ័យ ក្រោមអធិបតីភាពលោកប៉ា សុជាតិវង្ស អភិបាលរាជធានីភ្នំពេញ។

នៅក្នុងពិធីនោះ លោក សាំ ពិសិដ្ឋ ប្រធានមន្ទីរសាធារណការ និងដឹកជញ្ជូនរាជធានីភ្នំពេញ បានឲ្យដឹងទៀតថា ដោយមាន បញ្ហាចម្ងល់ក្នុងបណ្តាញ សង្គមហ្វេសប៊ុក ស្តីពីករណីស្ពានអាកាសថ្មើរជើង នៅផ្លូវជាតិលេខ៤ មន្ទីរសាធារណការ និង ដឹកជញ្ជូនរាជធានីភ្នំពេញ បានបំភ្លឺជូនសាធារណជនថា ការសិក្សាគម្រោងឈរលើហេតុផលបច្ចេកទេស និងផលប៉ះពាល់ ជាចម្បងគឺជាការសិក្សា ដោះស្រាយបញ្ហា ចរាចរ ដោយរៀបចំហេដ្ឋារចនាសម្ព័ន្ធក្នុងតំបន់ រួមមាន បញ្ហាលំហូរចរាចរ បញ្ហាចំណតរថយន្ត បញ្ហាសុវត្ថិភាព បញ្ហាថ្មើរជើង បញ្ហាបណ្តាញប្រឡាញបង្ហូរ និងរៀបចំសណ្តាប់ធ្នាប់ឲ្យបានល្អ។

ប្រធានមន្ទីរសាធារណការ និងដឹកជញ្ជូនរាជធានីភ្នំពេញដដែលបានបន្តរថា បញ្ហាផលប៉ះពាល់ផ្សេងៗ ដូចជាបណ្តាញអគ្គិសនី បណ្តាញទឹក បណ្តាញប្រៃសណីយ៍ និងផលប៉ះពាល់ប្រជាពលរដ្ឋ ជារឿងសំខាន់។ ករណីនេះ បើជណ្តើរស្ពានថ្មើរជើងចុះឬឡើង ចំពីមុខផ្ទះ កៀកមាត់ទ្វារ ម្ចាស់ផ្ទះនឹងជំទាស់ដាច់ខាត ដោយសារជណ្តើរ បិទមុខផ្ទះប្រជាពលរដ្ឋ។ លោកថា ផ្លូវក្រៅសងខាង សម្រាប់តែយានយន្តចេញ និងចូលផ្ទះប្រជាពលរដ្ឋ សងខាងផ្លូវ ប៉ុណ្ណោះ ជាផ្លូវចរាចរមិនច្រើនទេ ដោយបើធ្វើដំណើរផ្លូវឆ្ងាយ យានយន្តត្រូវបត់ទៅគន្លងផ្លូវកណ្តាលចំនួន៦ខ្សែ ដែលជា ផ្លូវល្បឿនលឿនគ្មានឧបសគ្គ ហើយចំពោះ ផ្លូវរថត្រង់នឹងគន្លងជណ្តើរ ស្របផ្លូវនេះ យើងបង្កើតបានចំណត រថយន្តជាច្រើន រួមទាំងរៀប ចំសួនច្បារផងដែរ ទីតាំងនេះបើដោះស្រាយបញ្ហាចំណតមិនបាន ការកកស្ទះចរាចរ ច្បាស់ជាកើតមានដដែល។

លោក សាំ ពិសិដ្ឋ បានបញ្ជាក់ថា នៅពេលខាងមុខនេះ រាជរដ្ឋាភិបាលកម្ពុជា នឹងស្ថាបនាស្ពានអាកាសនិងផ្លូវក្រោមដី ត្រង់រង្វង់មូល ចោមចៅ ដែលពេលនោះតំបន់ចោមចៅពិតជាអាចដោះស្រាយបាននូវលំហូរចរាចរបានល្អប្រសើរ មិនកកស្ទះចរាចរណ៍ដូច …

ផ្លូវ​មួយ​ចំនួន​នៅ​ភ្នំពេញ​នឹងហាម​មិន​ឲ្យឃោស​នាបោះ​ឆ្នោត

ផ្លូវ​មួយ​ចំនួន​នៅ​ភ្នំពេញ​នឹងហាម​មិន​ឲ្យឃោស​នាបោះ​ឆ្នោត

On

ប្រភព ៖ VOD

សាលារាជធានីភ្នំពេញឲ្យដឹងថា មហាវិថីមួយចំនួននៅក្នុងរាជធានីភ្នំពេញ នឹងមិនត្រូវបានអនុញ្ញាត្តិឲ្យធ្វើការឃោសនាបោះឆ្នោតនោះទេ ដោយថា ការឃោសនាទាំងនោះ អាចនាំឲ្យមានការកកស្ទះចរាចរណ៍នៅពេលហែក្បូន។

អ្នកនាំពាក្យសាលារាជធានីភ្នំពេញលោក ម៉េត មាសភក្តី បានឲ្យវីអូឌីដឹងនៅរសៀលថ្ងៃទី៤ខែឧសភានេះថា សាលារាជធានីភ្នំពេញបានដាក់លិខិតស្នើទៅកាន់គណកម្មាធិការជាតិរៀបចំការបោះឆ្នោត ដើម្បីសុំឲ្យគោលការណ៍ពីគណកម្មាធិការជាតិ ដើម្បីហាមមិនឲ្យមានការឃោសនាបោះឆ្នោតនៅលើមហាវិថីសំខាន់ៗ និងផ្លូវមួយចំនួនដើម្បីបញ្ជៀលនូវការកកស្ទះចរាចរណ៍។

លោកបានឲ្យដឹងថា មហាវិថីមួយចំនួននោះមានដូចជា មហាវិថីនរោត្តម មហាវិថីសហព័ន្ធរុស្ស៊ី និងផ្លូវជុំវិញផ្សារនានានៅរាជធានីភ្នំពេញ។

លោកថា៖ « ព្រោះយើងដឹងហើយថាទោះបីជាមិនមានក្បូននៃយុទ្ធនាការឃោសនាបោះឆ្នោត យើងទទួលស្គាល់ថាក្រុភ្នំពេញរបស់យើងនេះកំពុងប្រឈមនឹការកកស្ទះចរាចរណ៍ថ្ងៃធម្មតាយើងគ្រាន់តែជិះចូលទៅក្នុងផ្សារតំបន់ដែលខ្ញុំនិយាយអំបាញ់មិញនេះក៏វាមានការកកស្ទះរួចទៅហើយ »

ទោះជាយ៉ាងណាលោកថា ការស្នើនេះ នៅមិនទាន់មានការឆ្លើយតបជាយ៉ាងណានោះទេពីគ.ជ.ប។

គួរបញ្ជាក់ផងដែរថាការឃោសនាបោះឆ្នោតក្រុមប្រឹក្សាឃុំសង្កាត់សម្រាប់អណត្តិទី៤ឆ្នាំ២០១៧ នេះនឹងប្រព្រឹត្តិទៅចាប់ពីថ្ងៃទី២០ឧសភា ដល់ថ្ងៃទី២មិថុនាឆ្នាំ២០១៧។ ចំណែកឯការបោះឆ្នោតនឹងប្រព្រឹត្តទៅថ្ងៃទី៤មិថុនាឆ្នាំ២០១៧៕