រយៈពេល​ ១១ ​ខែ​ដើម​ឆ្នាំ​ ទុនវិនិយោគ​ក្នុង​វិស័យ​សំណង់​កើន​ដល់​ ២៩៣៦ ​លាន​ដុល្លារ

រយៈពេល​ ១១ ​ខែ​ដើម​ឆ្នាំ​ ទុនវិនិយោគ​ក្នុង​វិស័យ​សំណង់​កើន​ដល់​ ២៩៣៦ ​លាន​ដុល្លារ

On
ប្រភព៖ ភ្នំពេញប៉ុស្តិ៍,ដោយ៖ស៊ីវ ម៉េង,Thu, 10 December 2015

ដោយ​បង្ហាញ​ពី​ទុន​វិនិយោគ​ក្នុង​វិស័យ​សំណង់​ឆ្នាំ​នេះ​មាន​កំណើន​រហូត​ដល់ ២៧ ​ភាគរយ​គិត​ត្រឹម​ខែ​វិច្ឆិកា​ឆ្នាំ​ ២០១៥ ​នេះ​រដ្ឋមន្ត្រី​ក្រសួង​រៀបចំ​ដែនដី​នគរូបនីយកម្ម និង​សំណង់​បាន​ហៅ​ឆ្នាំ​ ២០១៥ ថា​ជា​ឆ្នាំ​នៃ​ការ​សាងសង់​ខុនដូ និង​អាផាតមិន​។

លោក អ៊ឹម ឈុនលឹម ទេស​រដ្ឋមន្ត្រី រដ្ឋមន្ត្រី​ក្រសួង​រៀបចំ​ដែនដី នគរូបនីយកម្ម និង​សំណង់​បាន​ថ្លែង​​ក្នុង​ពិធី​បើក​មហាសន្និបាត​បូក​សរុប​ការងារ​សំណង់​លើក​ទី​ ៤ របស់​សមាគម​អ្នក​សាងសង់​កម្ពុជា និង​ពិធី​សម្ពោធ​បើក​ពិព័រណ៍​ឧស្សាហកម្ម​សំណង់​កម្ពុជា​ឆ្នាំ​ ២០១៥ កាល​ពី​សប្តាហ៍​មុន​ថា​ តាម​​ទិន្នន័យ​សំណង់​ដែល​ក្រសួង​ស្រង់​បាន​គិត​ដល់​ដំណាច់​ខែ​វិច្ឆិកា​ឆ្នាំ​ ២០១៥ នេះ​ទុនវិនិយោគ​ក្នុង​វិស័យ​សំណង់​នៅ​ទូទាំង​ប្រទេស​មាន​ប្រមាណ ២៩៣៦ ​​លាន​ដុល្លារ​អាមេរិក​បើ​ធៀប​រយៈពេល​ដូច​គ្នា​កាលពី​ឆ្នាំ​ ២០១៤ មាន​ការ​កើន​ទ្បើង ២៧ ​ភាគរយ​ក្នុង​នោះ​ទុនវិនិយោគ​លើ​អគារ​ខ្ពស់ៗ​ដែល​មាន​កម្ពស់​ចាប់​ពី ១០ ​ជាន់​ដល់​ ៥៥ ​ជាន់​មាន​ចំនួន ៥៦ ​អគារ​មាន​តម្លៃ​ទុនវិនិយោគ​ប្រមាណ ១៥៨១ ​​លាន​ដុល្លារ​ស្មើ​នឹង ៥៤ ​ភាគរយ​នៃ​ទុនវិនិយោគ​សរុប​។

លោក​បាន​បន្ត​ថា «​ក្នុង​សភាព​រីកចម្រើន​យ៉ាង​ខ្លាំង​ក្នុង​វិស័យ​សំណង់ និង​ក្នុង​បរិបទ​នៃ​ការ​បង្កើត​សហគមន៍​សេដ្ឋកិច្ច​អាស៊ាន ការ​គ្រប់គ្រង ការ​កសាង​ច្បាប់​បទប្បញ្ញត្តិ ពាក់ព័ន្ធ​ការ​កំណត់​ស្តង់ដារ​សំណង់​ដើម្បី​ពង្រឹង​អាជីវកម្ម​សំណង់​គឺជា​កត្តា​សំខាន់ និង​មាន​ភាព​ចាំបាច់​បន្ទាន់​បំផុត»​។

លោក​រដ្ឋមន្ត្រី​បន្ត​ថា «​ដោយ​វិស័យ​ឯកជន​ជា​ដៃគូ​មាន​ប្រសិទ្ធភាព​របស់​រាជរដ្ឋាភិបាល​ក្នុង​ការ​អភិវឌ្ឍ​ប្រទេស​ជាតិ​ខ្ញុំ​សង្ឃឹម​ថា​សមាគម​អ្នក​សាងសង់​កម្ពុជា​នឹង​ចូលរួម​ចំណែក​ជាមួយ​ក្រសួង​ស្ថាប័ន​ពាក់ព័ន្ធ​ជា​បន្តបន្ទាប់​ទៀត​លើ​កិច្ចការ​នេះ​»​។

អ្នក​ឧកញ៉ា ពុង ឃាវសែ ប្រធាន​សមាគម​អ្នក​សាងសង់​កម្ពុជា​បាន​ថ្លែង​ថា​នេះ​ជា​ឆ្នាំ​ទី​ ៤ ​ហើយ​ដែល​សមាគម​បាន​រៀបចំ​មហាសន្និបាត​បូក​សរុប​ការងារ​ប្រចាំ​ឆ្នាំ​ហើយ​ក៏​ជា​លើក​ទី​ ២ នៃ​ការ​រៀបចំ​ពិព័រណ៍​ឧស្សាហកម្ម​សំណង់​កម្ពុជា​ដែល​មាន​លក្ខណៈ​ធំ​ជាង​គេ​ហើយ​មាន​ការ​រៀបចំ​ស្តង់​ប្រមាណ ២៥០ ​ស្តង់​ និង​មាន​ផលិតផល​ជាង ១៥០ ​ប្រភេទ​ដែល​ផលិតផល​ទាំង​នេះ​បាន​នាំ​ចូល​មក​ដាក់​តាំង​ដោយ​ក្រុមហ៊ុន​ក្នុង​ស្រុក និង​មាន​ខ្លះ​ជា​ក្រុមហ៊ុន​មកពី​បរទេស​។

អ្នក​ឧកញ៉ា​បាន​បញ្ជាក់​ថា​ការ​រៀបចំ​ «​កម្មវិធី​នេះ​គឺ​ចង់​បង្ហាញ​ពី​ការ​អភិវឌ្ឍ​ និង​ការ​រីកចម្រើន​នៃ​​វិស័យ​សំណង់​នៅ​កម្ពុជា​ជាក់ស្តែង​ដូច​ដែល​យើង​បាន​ឃើញ​ហើយ​ថា​នៅ​រាជធានី​ភ្នំពេញ​បច្ចុប្បន្ន​មាន​សំណង់​អគារ​ខ្ពស់ៗ​ទំនើបៗ​​ធំ​ស្កឹមស្កៃ​បាន​រីក​ដុះដាល​គួរ​ឲ្យ​មាន​ភាព​ស្ញប់ស្ញែង​»​។

លោក​បន្ត​ថា «​សមាគម​បាន​រៀបចំ​កម្មវិធី​នេះ​ទ្បើង​គឺ​មាន​សារសំខាន់​ណាស់​ព្រោះ​សមាគម​បាន​រៀបចំ​ធ្វើការ​ផ្សព្វផ្សាយ និង​បង្ហាញ​ពី​សកម្មភាព​ការងារ​របស់​សមាគម​ផង និង​ចូលរួម​ចំណែក​ជួយ​ធ្វើការ​ផ្សព្វផ្សាយ និង​បង្ហាញ​ពី​ការងារ​របស់​សមាគម​ផង និង​ផ្សព្វផ្សាយ​ពី​​កិច្ចការ​ក្នុង​វិស័យ​សំណង់​របស់​រដ្ឋាភិបាល​ផង​»​។

ទេស​រដ្ឋមន្ត្រី ឈុនលឹម បាន​ថ្លែង​បន្ត​ថា​ដោយ​មាន​ជំនឿ​ជឿជាក់​លើ​ស្ថិរភាព​នយោបាយ សន្តិសុខ​សណ្តាប់​ធ្នាប់​សង្គម នយោបាយ​សេដ្ឋកិច្ច​សេរី​បើក​ចំហ​ជាមួយ​នឹង​លក្ខខណ្ឌ​វិនិយោគ​ដែល​មាន​​ការ​ជំរុញ​លើក​ទឹកចិត្ត​របស់​រាជរដ្ឋាភិបាល​ក្នុង​រយៈពេល​ប៉ុន្មាន​ឆ្នាំ​ចុង​ក្រោយ​នេះ​សេដ្ឋកិច្ច​កម្ពុជា​មាន​ការ​កើន​ទ្បើង​ជា​លំដាប់​ក្នុង​អត្រា​ប្រមាណ ៧ ​ភាគរយ និង​មាន​ការ​ជំរុញ​ឲ្យ​មាន​ការ​វិនិយោគ​នៅក្នុង​វិស័យ​ឧស្សាហកម្ម​សំណង់ កាត់ដេរ ទេសចរណ៍ និង​កសិកម្ម​ជាក់ស្តែង​ទុន​វិនិយោគ​ក្នុង​វិស័យ​សំណង់​បាន​កើនទ្បើង​តាំង​ពី​ឆ្នាំ ​២០១១ រហូត​មក​ទល់​ពេល​នេះ​ក្នុង​អត្រា​កំណើន​ខ្ពស់​ជា​បន្តបន្ទាប់​។

លោក ស៊ឹង ប៊ុណ្ណា អគ្គនាយក​ក្រុមហ៊ុន​ប៊ុណ្ណារៀលធីគ្រុប​បាន​ថ្លែង​ថា​កំណើន​នៃ​ការ​វិនិយោគ​ខ្លាំង​ក្នុង​វិស័យ​អចលនទ្រព្យ​ក្នុង​ឆ្នាំ​ ២០១៥ និង​ឆ្នាំ​ ២០១៤ កន្លង​មក​ដោយ​សារ​ការ​ផ្គង់ផ្គង់​វិស័យ​អចលនទ្រព្យ​នៅ​ប្រទេស​ចិន ទីក្រុង​ហុងកុង …

សកម្មភាព​ទិញ លក់​ស្ងប់ស្ងាត់​តែ​តម្លៃ​កើនឡើង

សកម្មភាព​ទិញ លក់​ស្ងប់ស្ងាត់​តែ​តម្លៃ​កើនឡើង

On

ដោយ ស៊ុំ ម៉ាណេត, ភ្នំពេញ ប៉ុស្តិ៍ , ថ្ងៃ ទី ៣១ ខែ មករា​ ឆ្នាំ ២០១៥

តម្លៃ​អចលនទ្រព្យ​នៅ​តាម​បណ្តោយ​មហាវិថី​ព្រះមុនីវង្ស បាន​កើនឡើង​ខ្ពស់​គួរ​កត់សម្គាល់​នៅក្នុង​ឆ្នាំ​២០១៤ បើ​ប្រៀបធៀប​ទៅ​នឹង​រយៈពេល​ដូច​គា្ន​កាលពី​ឆ្នាំ​២០១៣​។

អ្នកជំនាញ​ផ្នែក​អចលនទ្រព្យ​ក្នុង​ស្រុក​ជាច្រើន​បាន​លើក​ឡើង​ថា តម្លៃ​អចលនទ្រព្យ​នៅ​តាម​បណ្តោយ​មហាវិថី​ព្រះមុនីវង្ស​មាន​ស្ថានភាព​ល្អ ប៉ុន្តែ​សកម្មភាព​នៃ​ការទិញ លក់​ហាក់​មិន​សូវ​មាន​ភាព​ផុសផុល​នោះ​ទេ បើ​ទោះបី​ជា​មាន​តម្រូវការ​ច្រើន​ក៏ដោយ​។

លោក ស៊ា ឆៃលីន នាយកប្រតិបត្តិ​ក្រុមហ៊ុន​អចលនទ្រព្យ ស៊ីអិល រៀលធី បាន​លើក​ឡើង​ថា តម្លៃ​អចលនទ្រព្យ​នៅ​តាម​បណ្តោយ​មហាវិថី​ព្រះមុនីវង្ស មាន​ការ​កើនឡើង​ក្នុង​រង្វង់​១០-១៥​ភាគរយ​ក្នុង​ឆ្នាំ​២០១៤ បើ​ប្រៀបធៀប​នឹង​ឆ្នាំ​២០១៣​។ តម្រូវការ​អចលនទ្រព្យ​នៅ​ទីនោះ​បាន​កើនឡើង​ជា​លំដាប់ ប៉ុន្តែ​ការ​ប្រកាស​លក់​ដី ឬ​អចលនទ្រព្យ​នៅ​តាម​បណ្តោយ​មហាវិថី​ព្រះមុនីវង្ស ហាក់​មិន​សូវ​មាន​ច្រើន​នោះ​ទេ​។

លោក ឆៃលីន មាន​ប្រសាសន៍​ថា​៖​«តម្លៃ​ដី​នៅ​តាម​បណ្តោយ​មហាវិថី​ព្រះមុនីវង្ស នឹង​បន្ត​កើនឡើង​បន្ថែម​ទៀត​នៅក្នុង​ឆ្នាំ​២០១៥​នេះ ដោយ​មិន​មាន​សញ្ញា​ណា​មួយ​បង្ហាញ​ថា តម្លៃ​អចលនទ្រព្យ​នៅ​ទីនោះ​អាច​ធ្លាក់​ចុះ​ឡើយ​។ នៅក្នុង​រយៈពេល​៣-៤​ឆ្នាំ​ខាង​មុខ​ទៀត​ក៏​ខ្ញុំ​ហ៊ាន​អះអាង​ថា អចលនទ្រព្យ​នៅ​ទី​នោះ​នៅ​តែ​បន្ត​កើនឡើង​ដដែល​។ បើ​សួរ​ខ្ញុំ​ថា​ហេតុអី​បាន​ជា​ហ៊ាន​និយាយ​បែប​នេះ​? ការ​ដែល​ខ្ញុំ​ហ៊ាន​និយាយ​បែប​នេះ គឺ​ដោយសារ​ខ្ញុំ​គិត​ថា សេដ្ឋកិច្ច​ប្រទេស​កម្ពុជា និង​ពិភពលោក​ទាំងមូល​កំពុង​មាន​សញ្ញា​ល្អ​ប្រសើរ​។ លោក​បាន​បន្ត​ទៀត​ថា៖ «ការ​កើនឡើង​នេះ​យើង​មិន​ដឹង​ថា វា​នឹង​កើនឡើង​ដល់​កម្រិត​ណា​នោះ​ទេ ដោយ​យើង​មាន​តែ​រង់ចាំ​មើល​វា​បន្ត​ទៅ​ទៀត​តែ​ប៉ុណ្ណោះ»។

ទិន្នន័យ​របស់​ក្រុមហ៊ុន​អចលនទ្រព្យ ស៊ីអិល រៀលធី បាន​ឲ្យ​ដឹង​ថា បច្ចុប្បន្ន​តម្លៃ​ដី​នៅ​តាម​បណ្តោយ​មហាវិថី​ព្រះមុនីវង្ស ចាប់ពី​គល់​ស្ពាន​អាកាស​ក្បាល​ថ្នល់ មក​ដល់​ភ្លើង​ស្តុប​បូកគោ ដី​សម្រាប់​សាងសង់​អគារ​ធំ (​មាន​ទំហំ​ចាប់​ពី​១០០០​ម៉ែត្រការ៉េ​ឡើង​ទៅ​) គេ​អាច​រក​ទិញ​បាន​ក្នុង​ចន្លោះ​ពី​២៨០០ ទៅ​៣៣០០​ដុល្លារ​ក្នុង​មួយ​ម៉ែត្រការ៉េ​។ ប្រភេទ​ដី​សម្រាប់​ផ្ទះល្វែង ចាប់ពី​ចំណុច​ភ្លើងស្តុប​បូកគោ មក​ដល់​ភ្លើង​ស្តុប​អគារ Gold Tower 42 មាន​តម្លៃ​ចាប់ពី​៣២០០​ទៅ​៣៨០០​ដុល្លារ រីឯ​ចាប់ពី​ភ្លើងស្តុប​អគារ Gold Tower 42 ទៅ​ដល់​ភ្លើងស្តុប​អគារ កាណាឌីយ៉ា ដី​មាន​តម្លៃ​ចន្លោះ​ពី​៣៥០០-៤៥០០​ដុល្លារ​ក្នុង​មួយ​ម៉ែត្រការ៉េ (តំបន់​នេះ​ពិបាក​ស្វែងរក​អចលនទ្រព្យ​ដាក់​លក់​ណាស់​) ចំណែក​ចាប់ពី​ភ្លើងស្តុប​អគារ កាណាឌីយ៉ា ទៅ​ដល់​គល់​ស្ពាន​ជ្រោយចង្វារ ដី​មាន​តម្លៃ​ចាប់ពី​៣៥០០​ទៅ​៤៥០០​ដុល្លារ​អាមេរិក​។

ទោះបី​ជា​យ៉ាង​ណា​នាយក​ក្រុមហ៊ុន ស៊ីអិល រៀលធី ខាង​លើ​បាន​អះអាង​ថា តម្លៃ​អចលនទ្រព្យ​នៅ​តាម​បណ្តោយ​មហាវិថី​ព្រះមុនីវង្ស អាច​ឡើង​ទៅ​ដល់​៦០០០-៧០០០​ដុល្លារ​ក្នុង​មួយ​ម៉ែត្រការ៉េ​ទៀត​ផង ដោយ​អ្វីៗ​អាស្រ័យ​ទៅតាម​ទីតាំង និង​ទំហំ​របស់​ដី​។

លោក​បាន​បន្ត​ទៀត​ថា តម្លៃ​ផ្ទះ​ល្វែង​នៅ​តាម​បណ្តោយ​មហាវិថី​នេះ​អាច​មាន​តម្លៃ​៥៥០ ០០០-៨០០ ០០០​ដុល្លារ​ក្នុង​មួយ​ល្វែង​ដោយ​អាស្រ័យ​លើ​ទំហំ​ផ្ទះ និង​កម្ពស់​របស់​អគារ​។

មហាវិថី​ព្រះមុនីវង្ស បាន​ក្លាយ​ជា​តំបន់​ពាណិជ្ជកម្ម​ដ៏រស់រវើក​មួយ​នៅក្នុង​រាជធានី​ភ្នំពេញ ដោយ​តាម​បណ្តោយ​មហាវិថី​នេះ​ជា​បណ្តុំ​នៃ​ភោជនីយដ្ឋាន សណ្ឋាគារ ធនាគារ …

អាជ្ញាធរខណ្ឌ​ទួលគោក​ចាត់វិធានការក្តៅ​លើអ្នកលក់ដូរ​នៅលើផ្លូវ៣៣៦​និងជុំវិញ​ផ្សារនាគមាស

អាជ្ញាធរខណ្ឌ​ទួលគោក​ចាត់វិធានការក្តៅ​លើអ្នកលក់ដូរ​នៅលើផ្លូវ៣៣៦​និងជុំវិញ​ផ្សារនាគមាស

On

ដោយ វ៉ា វឌ្ឍនៈ, កោះសន្តិភាព, ថ្ងៃសុក្រ ទី៣០ ខែមករា ឆ្នាំ២០១៥

រាជធានីភ្នំពេញ ​៖ អភិបាលរងខណ្ឌទួលគោក ​លោក ប៉ាង លីដា​ បានដឹកនំាកម្លំាង​ចុះរៀបចំសណ្តាប់ធ្នាប់​នៅផ្លូវ៣៣៦​ និង ​ផ្លូវជុំវិញ​ផ្សារនាគមាស​ និង ផ្សារដើមគ ។

បើតាមអ្នកឆ្លើយឆ្លង​ព័ត៌មានកោះសន្តិភាព​បានឲ្យដឹងថា​ ការចុះរៀបចំសណ្តាប់ធ្នាប់​នៅព្រឹកថ្ងៃទី៣០ ​មករា ២០១៥នេះ ​បានធ្វើឡើង​បន្ទាប់ពី​ប្រធានផ្សារ​នាគមាស ​និងផ្សារដើមគ ​បានបន្តយកផ្លូវ​សាធារណៈជួល​ឲ្យអាជីវករ និងប្រជាពលរដ្ឋរស់​នៅជុំវិញផ្សារលក់​ដូរបង្កឲ្យមានការកកស្ទះចរាចរណ៍ ។

គួរបញ្ជាក់ថា ​កន្លងមកទីតំាងខាងលើនេះ​ អាជ្ញាធរបាន​ចុះរៀបចំ​និងបើកផ្លូវ៣៣៦​ឲ្យដំណើរការឡើងវិញ​ ប៉ុន្តែមិនបានប៉ុន្មានថ្ងៃផង ​ក្រុមអាជីវករបាន​នំា​គ្នាមកលក់លើ​ផ្លូវនេះដដែល ។

សេចក្តីរាយការណ៍​បានបន្ថែមទៀតថា​ នៅពេលនេះ ​អាជ្ញាធរបានចាប់ទំនិញ ​និងសម្ភារនានា​របស់​អាជីវករ​លើកដាក់លើរថយន្តតែម្តង ​និងបង្កឲ្យភាព​រញ៉េរញ៉ៃ​ ​និងប៉ះពារពាក្យ​សម្តីដាក់គ្នាផងដែរ​ តែមិនមានអំពើហិង្សា​ណាមួយកើត​ឡើងនោះទេ៕

បើកទ្វាបង្ហាញទិន្នន័យ ៖ សារៈសំខាន់នៃ លេខល្អ – ផ្នែកទី៣

On

នេះជាផ្នែកទីបីនៃផ្នកទាំងបីរបស់អត្ថបទនិយាយពី ទិន្នន័យល្អ អ្នកអាចស្វែងរកនៅទីនេះ

បើកទ្វាបង្ហាញទិន្នន័យ ៖  សារៈសំខាន់នៃ លេខល្អ – ផ្នែកទី១ និង ផ្នែកទី២

 ការផ្ទៀងផ្ទាត់

គ្រប់ទិន្នន័យទាំងអស់ត្រូវបានផ្ទៀងផ្ទាត់ឡើងវិញដោយការយល់ឃើញថា ប្រហែលជាមានកំហុសឆ្គងខ្លះដែលអាចកើតមានឡើង។ មនុស្សក្នុងករណីជាច្រើន គឺជាអ្នកប្រមូលព័ត៌មានផង ឬជាអ្នកយកព័ត៌មានផង ដែលត្រូវបានធ្វើការវិភាគ ហើយពួកគេអាចនឹងធ្វើឱ្យមានកំហុសឆ្គង។ ការពិចារណានិយមន័យនៃពាក្យគន្លឹះ វិធីសាស្រ្ត និងសូម្បីតែមូលហេតុដែលទិន្នន័យត្រូវបានប្រមូល អាចផ្តល់ឱ្យអ្នកនូវគំនិតដ៏ល្អមួយ នៃរបៀបក្នុងការប្រមូលទិន្នន័យ ដែលអាចនឹងមិនមានភាពត្រឹមត្រូវទាំងស្រុង និងអ្វីដែលជាព័ត៌មានលំអិតអាចត្រូវបានត្រួតពិនិត្យឡើងវិញ។ នៅក្នុងឧទាហរណ៍នៃយុទ្ធនាការប្រឌិតគេហដ្ឋានពណ៌ក្រហមទាំងអស់នៅក្នុងរាជធានីភ្នំពេញ ដែលអាស័យដ្ឋានគួរតែត្រូវបានត្រួតពិនិត្យ។

ការផ្ទៀងផ្ទាត់ គឺជាដំណើរការនៃការពិនិត្យមើលទិន្នន័យ ដើម្បីធានាថាវាមានភាពត្រឹមត្រូវ។ ចំពោះសម្លេងទីក្រុង ក្នុងវិធីពីរយ៉ាងក្នុងការផ្ទៀងផ្ទាត់: 1) របាយការណ៍អំពីបញ្ហាដូចគ្នា និងទីតាំងមួយដែលត្រូវបានរាយកាណ៍ដោយមនុស្សទីពីរ ឬ 2) ក្រុមការងារសម្លេងទីក្រុង ចុះទៅពិនិត្យទីតាំងផ្ទាល់ជាមួយអ្នកដែលផ្ដល់របាយការណ៍នោះ។ សារៈសំខាន់នៃការផ្ទៀងផ្ទាត់នេះ គឺជាមូលហេតុដែលនាំឲ្យរបាយការណ៍ទាំងអស់នៅលើផែនទីនេះ មានរូបចង្អុលបង្ហាញតួចៗសម្រាប់ចង្អុលបង្ហាញ ថាតើពត៌មាននេះត្រូវបានត្រួតពិនិត្យ ហើយឬនៅ។ អ្នកប្រើក៏អាចចង្អុលបង្ហាញ ថាតើពួកគេគួរពិចារណាលើរបាយ​ការណ៍ជាក់លាក់មួយ ដែលអាចជឿទុកចិត្តបានដោយការចុចលើព្រួញ នៅក្នុងរបាយការណ៍នីមួយៗ។

សម្លេងទីក្រុង ចង់បញ្ចូលបន្ថែមទិន្នន័យរបស់រាជរដ្ឋាភិបាលទៅលើគេហទំព័រ។ នៅក្នុងបណ្តារប្រទេសដទៃទៀតជាច្រើន ដែលរដ្ឋាភិបាលប្រមូល និងបោះពុម្ពផ្សាយព័ត៌មានជាច្រើន ដែលប្រជាពលរដ្ឋអាចប្រើដើម្បីវិភាគ តាមការយល់ដឹងរបស់ពួកគេកាន់តែល្អប្រសើរ។ ព័ត៌មាននេះ អាចនឹងមានសារៈប្រយោជន៍ណាស់នៅក្នុងរាជធានីភ្នំពេញផងដែរ ដូចជា ព័ត៌មានលម្អិតពីការដាច់រន្តអគ្គីសនី, ការស្ថាបនាសាងសងផ្លូវ និងការលើកឡើងពីគម្រោងអភិវឌ្ឍន៍ទ្រង់ទ្រាយធំ ដែលគម្រោងទាំងអស់នេះនឹងជួយអ្នករស់នៅក្នុងរាជធានីភ្នំពេញឲ្យបានយល់ដឹងអំពីទីក្រុងរបស់ពួកគេ និងការផ្លាស់ប្តូរផ្សេងៗ។ សម្លេងទីក្រុង បានបង្ហាញរួចរាល់ផងដែរនូវទិន្នន័យប្រជាសាស្រ្ត ដែលបានមកពីការធ្វើជំរឿន។ ខណៈពេលដែលនៅតែមានចម្ងល់នៅឡើយ លើគុណភាពទិន្នន័យរបស់រដ្ឋាភិបាល ក្រុមការងារសម្លេងទីក្រុងសង្ឃឹមថា ទិន្នន័យជាច្រើននឹងត្រូវបានចែករំលែកតាមកាលកំណត់។ តាមរយៈការពិនិត្យពិច័យជាសាធារណៈទៀងទាត់នៃទិន្នន័យរបស់ខ្លួន រដ្ឋាភិបាលទំនងជាត្រូវបានគេលើកទឹកចិត្ត ដើម្បីផ្តោតទៅលើគុណភាពទិន្នន័យផងដែរ ហើយជាលទ្ធផល ជីវិតរបស់អ្នករស់នៅទីក្រុងភ្នំពេញមានភាពប្រសើរឡើង។ ចំពោះសំណុំទិន្នន័យដែលមានទំហំធំបានមកពីស្ថាប័ននានា ដូចជាទិន្នន័យជំរឿនប្រជាជនដែលទទួលបានពីវិទ្យាស្ថានជាតិស្ថិតិកម្ពុជា វាគឺជាបញ្ហាមួយនៃការអនុវត្តនៅពេលដែល យកវាមកផ្ទៀងផ្ទាត់ទិន្នន័យរបស់ពួកគេ។ សម្លេងទីក្រុងមិនមានធនធានមនុស្សដើម្បីធ្វើវានោះទេ ប៉ុន្តែបានផ្តល់ទិន្នន័យដែលមានសារៈសំខាន់សម្រាប់រាជរដ្ឋាភិបាលកម្ពុជា និងសម្លេងទីក្រុងផ្សេងទៀត អាចទទួលយកវាបានដោយគ្មានការផ្ទៀងផ្ទាត់។

បើយោងតាម​​ភ្នំពេញប៉ុស្តិ៍ លោក កែម ឡី ជាអ្នកស្រាវជ្រាវការអភិវឌ្ឍសង្គម ដែលធ្វើការខាងទិន្នន័យសេដ្ឋកិច្ច ពីក្រសួងសេដ្ឋកិច្ច និងហិរញ្ញវត្ថុ បានប្រាប់ឱ្យដឹងថា៖ ក្រសួង និងអង្គការមួយចំនួន “តែងតែគណនា និងប៉ាន់ប្រមាណលើទិន្នន័យតែម្នាក់ឯង ដោយមិនបានប្រើប្រាស់វិធីសាស្រ្តចូលរួមពីស្ថាប័នដ៏ទៃ” ។ ការគិតស្ងាត់ៗបែបនេះ …

បើកទ្វាបង្ហាញទិន្នន័យ ៖  សារៈសំខាន់នៃលេខល្អ – ផ្នែកទី២

បើកទ្វាបង្ហាញទិន្នន័យ ៖ សារៈសំខាន់នៃលេខល្អ – ផ្នែកទី២

On

នេះជាផ្នែកទីពីរនៃផ្នកទាំងបីរបស់អត្ថបទនិយាយពី ទិន្នន័យល្អ អ្នកអាចស្វែងរកនៅទីនេះ

បើកទ្វាបង្ហាញទិន្នន័យ ៖  សារៈសំខាន់នៃ លេខល្អ – ផ្នែកទី១

គុណភាព ធៀបទៅនឹងបរិមាណ

វាជាការងាយស្រួលក្នុងការធ្វើអោយមានការទាក់ទាញ ដោយសារគំនិតនៅក្នុងទិន្នន័យជាច្រើន។ ជាមួយនិងចំនួនទិន្នន័យច្រើនអ្នកអាចធ្វើការបានរហ័ស។ ចំពោះសម្លេងទីក្រុង មានន័យថាយើង អាចបន្ថែមនូវរបាយការណ៍ជាច្រើន នៅលើផែនទីរបស់យើង​ ហើយ ជាមួយគ្នានេះផងដឬ វាក៏បានបង្ហាញនូវ សេចក្ដីសន្និដ្ឋានដែលគួរឲ្យចាប់អារម្មណ៍មួយចំនួនផងដែរ។ ចំពោះយុទ្ធនាការណ៍របស់យើងវិញ វាក៏នឹងទទួលបានជោគជ័យក្នុងក្រសែរភ្នែកមនុស្សភាគច្រើនផងដែរ។ ជាឧទាហរណ៍មួយនៃយុទ្ធិនាការណ៍ អំពី ចំនួនផ្ទះដែលមានគេហដ្ឋានពណ៌ក្រហមនៅក្នុងរាជធានីភ្នំពេញ។ ដោយសារយើងចង់បានតែរបាយការណ៍អំពីផ្ទះដែលមានគេហដ្ឋានពណ៌ក្រហមប៉ុណ្ណោះ ដូច្នេះ យើងនឹងសន្មត់ថារបាយការណ៍ដែលយើងទទួលបាន គឺអំពីគេហដ្ឋាន និងពណ៌របស់វា ហើយមានពណ៌ក្រហម។ ហេតុអ្វីបានជារាបាយការណ៍អំពគេហដ្ឋានមួយ គួរតែមានពណ៌ផ្សេងៗ?

Blue and Red Doors. Photo by Michael Osmenda
Blue and Red Doors. Photo by Michael Osmenda

បញ្ហារនោះ គឺឋិតនៅត្រង់ថាមិនមែនគ្រប់របាយការណ៍ទាំងអស់អំពីគេហដ្ឋាននោះ គឺសុតតែគេហដ្ឋានដែលមានពណ៌ក្រហមនោះទេ។ ប្រហែលជាមាននរណាម្នាក់មិនបានយល់ច្បាស់អំពីយុទ្ធនាការណ៍ ហើយគេបានបញ្ជូនរបាយការណ៍អំពីគេហដ្ឋាន ដែលមានពណ៌ខៀវទៅវិញ ឬ ប្រហែលជានរណាម្នាក់ដែលគេចូលចិត្ដគេហដ្ឋានដែលមានពណ៌ទឹកក្រូចរបស់គេ ហើយគេបានផ្ញើររបាយការណ៍អំពីគេហដ្ឋានពណ៌ទឹកក្រូចនោះមកកាន់យើង ។ ហើយប្រហែលជាមាននរណាម្នាក់ដែលមានគេហដ្ឋានពណ៌ក្រហមផង និងខៀវផង ហើយគេបានផ្ញើរបាយការណ៍នៃពណ៌ទាំងពីរមកសម្លេងទីក្រុងក៍មាន។ ដូច្នេះហើយបានជាសម្លេងទីក្រុងមានរបាយការណ៍ជាច្រើន ប៉ុន្ដែមិនមែនគ្រប់របាយការណ៍ទាំងអស់ត្រឹមត្រូវនោះឡើយ។ ដូច្នេះក្រុមការងារ សម្លេងទីក្រុង មានតួនាទីត្រូវត្រួតពិនិត្យរាល់ទិន្នន័យនៃរបាយការណ៍ទាំងអស់ ហើយប្រាកដថាវាពិតជាត្រឹមត្រូវ។ ប៉ុន្ដែការផ្ទៀងផ្ទាត់របាយការណ៍ គឺមិនមែនជាការងាយស្រួលនោះទេ ។ ប្រសិនបើក្នុង របាយការណ៍មួយបានសរសេរថា “មានផ្ទះដែលមានគេហដ្ឋានពណ៌ក្រហមនៅអស័យដ្ឋាននេះ”​ ប៉ុន្ដែ មិនមានភ្ជាប់មកជាមួយនូវរូបភាពអំពីគេហដ្ឋាននោះទេ នោះក្រុមការងារសម្លេងទីក្រុងមានលទ្ធិភាពតិច តួចក្នុងការផ្ទៀងផ្ទាត់របាយការណ៍អោយប្រាដកថាត្រឹមត្រូវ ប្រសិនបើមិនបានចុះទៅផ្ទាល់ដល់ អស័យដ្ឋាននៃរបាយការណ៍នោះទេ។

នោះដោយសារតែគុណភាពនៃទិន្នន័យនៅក្នុងរបាយការណ៍មានកំរិត ឬមិនមានភាពពេញលេញ។ គុណភាពនៃព័ត៌មានមិនមែនងាយស្រួល ក្នុងការកំណត់អត្ដសញ្ញាណនោះឡើយ។ នៅក្នុងឧទាហរណ៍មួយនៃយុទ្ធនាការណ៍ប្រឌិត ដែលបានកំណត់អំពីគេហដ្ឋានផ្ទះដែលមានពណ៌ក្រហម នៅក្នុងរាជធានីភ្នំពេញ ចំពោះរបាយការណ៍ដែលល្អ គឺរួមបញ្ចូលទាំងអស័យដ្ឋាន និងរូបភាពនៃគេហដ្ឋានពណ៌ក្រហមនោះផងដែរ។  ទិន្នន័យដែលល្អបំផុតដែលអ្នកអាចផ្ដល់បាន គឺការភ្ជាប់មកជាមួយនូវអស័យដ្ឋានរួមជាមួយនឹងងរូបថតដែលចង្អុលបង្ហាញពីទីតាំងត្រឹមត្រូវនៅលើផែនទី ដូច្នេះក្រុមការងារសម្លេងទីក្រុងអាចកំណត់ទីតាំងគេហដ្ឋាននោះបានដើម្បីផ្ទៀងផ្ទាត់នូវទិន្នន័យទាំងនោះថា​ ពិតជាត្រឹមត្រូវ។

និយមន័យ និង វិធីសាស្រ្ដ

ដូចដែលបានរៀបរាប់នៅក្នុងអត្ថបទមួយរបស់ភ្នំពេញប៉ុស្តិ៍ដែលបានចុះផ្សាយថា “និយមន័យពាក្យគន្លឹះ និងបញ្ហាវិធីសាស្រ្ត” គឺនៅតែកើតមាននៅក្នុងប្រទេសកម្ពុជា​​។​ ការកំណត់ទីតាំងស្ថិតនៅជាបានក្លាយជាបញ្ហា នៅពេលដែលគេធ្វើការប្រមូលទិន្នន័យ  ជាពិសេសគឺ ទិន្នន័យរបស់ crowdsourcing …

តម្រូវការទីធ្លាបៃតង

តម្រូវការទីធ្លាបៃតង

On

អ្នករស់នៅទីក្រុងភ្នំពេញមានភាពសកម្មណាស់។ ជារៀងរាល់ល្ងាច ពួកគេបានប្រមូលផ្តុំគ្នានៅ​តាមទីធ្លាសាធារណៈនានា លេងល្បែងកម្សាន្តដូចជា វាយសី ទាត់សី បាល់ទាត់ និងជជែកកម្សាន្តជាមួយមិត្តភ័ក្ភជាដើម។ តែស្ថានភាពផ្លូវនៅទីក្រុងមិនមែនជាកន្លែង អំណោយ ផលផ្ដល់សុវត្ថិភាព​ ឲ្យពួកគេលេងកម្សាន្តនៅល្បែងប្រជាប្រិយទាំងនោះទេ ជាពិសេសក្មេងៗតែម្តង។ ហើយសួនកម្សាន្តនៅទីក្រុងឥឡូវនេះកំពុងតែមានតម្រូវការខ្ពស់។ មានតែ ផ្ទៃដីប្រមាណជា ០.៦៦ គីឡូម៉ែតនៃទីក្រុងភ្នំពេញតែប៉ុណ្ណោះ ដែលជាសួនកម្សាន្តសាធាណៈផ្លូវការ ដែលតំណាងឲ្យ ០.១ ផ្ទៃដីរបស់ទីក្រុងទាំមូល។​ ហើយសួនសាធារណៈភាគច្រើន ត្រូវបានគេឃើញមាននៅតែទីប្រជុំជនក្នុងក្រុងតែប៉ុណ្ណោះ។ ទោះបីជាយ៉ាងនេះក៏ដោយ នៅជាយក្រុងឥឡូវនេះមានទីកន្លែងទំនេរជាច្រើន តែគ្មានកន្លែងណាមួយត្រូវ បានរៀបចំធ្វើជាទីកម្សាន្ត (សួន) សាធារណៈឡើយ គេឃើញតែមានការតាំងបង្ហាញ ពីការអភិវឌ្ឍនានា ដែលមើលទៅហាក់ដូចជាដីទំនេរទាំងនោះ គេទុកសម្រាប់សាងសង់ជាបុរី ផ្ទះវីឡា ជាជាងទីធ្លាបៃតង (សួនកម្សាន្ត) ហើយមើលទៅ។

សារៈសំខាន់នៃសួនកម្សាន្ត

​ សួនកម្សាន្ត ដើរតួនាទីយ៉ាងសំខាន់ក្នុងការថែរក្សាបរិស្ថានទីក្រុង ហើយក៏មានតួនាទីសំខាន់ៗ​ជាច្រើនទៀត។ សួនកម្សាន្តទាំងឡាយ ផ្តល់ជាកន្លែងសម្រាប់ប្រជាពលរដ្ឋទាំងអស់ប្រមូលផ្តុំគ្នា និងលេងល្បែងកម្សាន្តនានា។ នៅសួនកម្សាន្ត ក្មេងៗទាំងឡាយអាចលេងកម្សាន្តសប្បាយតាមចិត្ត ជាមួយមិត្តភ័ក្ភរបស់ពួកគេ។ តាមច្បាប់ធម្មជាតិ ទីសាធារណៈ ដូចជាសួនកម្សាន្ត បានកាត់ផ្តាច់រនាំងសង្គម ដែលបង្ករឲ្យ មនុស្សទូទៅអាចជួបជុំគ្នាធ្វើសកម្មភាពបានដោយសេរី។ អ្នកអាចទៅកម្សាន្តនៅសួនកម្សាន្តរាជធានីភ្នំពេញ ឬសួននៅទីក្រុងដ៏ទៃទៀត នោះអ្នកនឹងឃើញថាមនុស្ស ទាំងឡាយសប្បាយរីករាយក្នុងការកម្សាន្តនៅសួនសាធារណៈ។ ពលរដ្ឋទាំងអស់មានសិទ្ធិស្មើគ្នាក្នុង ការលេងកម្សាន្តនៅលើសួនសាធារណៈ។

សួនកម្សាន្តនានា ជាកន្លែងរុក្ខជាតិបៃតង ដែលវាមិនមែនជាសំណង់ធ្វើអំពីស៊ីម៉ង់ និងកញ្ចក់ដែលយើង ទាំងអស់គ្នារស់នៅ និងធ្វើការនោះទេ។ ការលុបបំបាត់ចំណុចមិនល្អនៃទេសភាពទីក្រុង ដោយផ្សាភ្ជាប់រុក្ខជាតិបៃតង គឺវាមានសារៈសំខាន់ណាស់សម្រាប់សុខភាព​ទាំងទីក្រុង និងអ្នករស់នៅក្នុងទីក្រុង ហើយវាអាចជួយកាត់បន្ថយសំលេងរំខាន និងការបំពុលបរិយាកាស ដែលផលិតដោយទីក្រុងផងដែរ។ សួនកម្សាន្ត Botanical Gardens នៅប្រទេសសិង្ហបុរី ជាឧទាហរណ៍មួយដែល វាមានភាពស្ងប់ស្ងាត់ បើទោះបីជាវាឋិតនៅលើដងផ្លូវដែលមាន ចរាចរមមាញឹកយ៉ាងណាក៏ដោយ។

Symphony Lake in the Singapore Botanic Gardens, Singapore
បឹង Symphony នៅសួនកម្សាន្ត Botanic, ប្រទេសសិង្ហបុរី

ការរត់ហាត់ប្រាណ ការហាត់ប្រាណ លេងបាល់ជាក្រុម ឬធ្វើយោកាក៏ដោយ សុទ្ធតែជាសកម្មភាពដែល មនុស្សទាំងឡាយអាចធ្វើបាននៅឯសួនកម្សាន្ត។ មានសួនកម្សាន្តមួយចំនួន ដូចជាសួនកម្សាន្តមាត់ ទន្លេ ទីក្រុងភ្នំពេញ គេក៏ឃើញមានក្លឹបហាត់ប្រាណផងដែរ។ នៅទីក្រុងបាងកក ប្រទេសថៃ …