គម្រោង​អគារ​ពហុ​មុខងារ Parkway នឹង​លេច​ជា​រូបរាង​នៅ​តំបន់​ទួល​គោក

គម្រោង​អគារ​ពហុ​មុខងារ Parkway នឹង​លេច​ជា​រូបរាង​នៅ​តំបន់​ទួល​គោក

On

ប្រភព ៖ ភ្នំពេញបុស្តិ៍

បណ្តុំអគារពហុមុខងារកម្ពស់៣៥ជាន់ថ្មីមួយនឹងផុសឡើងខ្ពស់នៅក្នុងតំបន់ទួលគោក ត្រង់ម្តុំខាងកើតអង់តែនទូរទស្សន៍ជាតិ ដែលវានឹងផ្តល់ជាលំនៅឋានជាផ្ទះហាង និងខុនដូ, ផ្សារទំនើប,ការិយាល័យ និងឈានទៅដល់មានទាំងមជ្ឈមណ្ឌលកម្សាន្តផងដែរ។

រដ្ឋ​ និង​ឯកជន​ផ្ដើម​សិក្សា​គម្រោង​លំនៅឋាន​ថ្មី​ ៥ ​ម៉ឺន​ខ្នង​ផ្ទះ​ក្នុង​ ១ ​ឆ្នាំ​សម្រាប់​អ្នក​ចំណូល​ទាប​ និង​មធ្យម

រដ្ឋ​ និង​ឯកជន​ផ្ដើម​សិក្សា​គម្រោង​លំនៅឋាន​ថ្មី​ ៥ ​ម៉ឺន​ខ្នង​ផ្ទះ​ក្នុង​ ១ ​ឆ្នាំ​សម្រាប់​អ្នក​ចំណូល​ទាប​ និង​មធ្យម

On

ប្រភព ៖ ភ្នំពេញបុស្តិ៍

មន្ត្រី និងអ្នកជំនាញអះអាងថាកម្ពុជាត្រូវការលំនៅឋានថ្មីប្រមាណជា ៥ ម៉ឺនខ្នងផ្ទះក្នុងមួយឆ្នាំសម្រាប់អ្នករស់នៅទីប្រជុំជនទូទាំងប្រទេស ដែលគម្រោងលំនៅឋាននេះនឹងមានតម្លៃសមរម្យតែចាំបាច់ត្រូវការកិច្ចសហការគ្នារវាងវិស័យរដ្ឋ និងឯកជន។

ថ្លែងក្នុងវេទិកាលំនៅឋានថ្នាក់ជាតិកាលពីម្សិលមិញ លោក ជា សុផារ៉ា រដ្ឋមន្ត្រីក្រសួងរៀបចំដែនដីបានលើកឡើងថាក្នុងឆ្នាំ ២០១៤ ចំនួនប្រជាពលរដ្ឋរស់នៅទីប្រជុំជននៅទូទាំងប្រទេសកម្ពុជាមានចំនួន ៤,៥ លាននាក់ ហើយចំនួននេះនឹងកើនដល់ជាង ៧,៩ លាននាក់នៅឆ្នាំ ២០៣០។ លោកបន្តថាគិតចាប់ពីឆ្នាំ ២០១៥ ដល់ឆ្នាំ ២០៣០ ប្រជាជនកម្ពុជាដែលរស់នៅក្នុងតំបន់ទីប្រជុំជនត្រូវការលំនៅឋានថ្មីចំនួន ៨០ ម៉ឺនខ្នងផ្ទះដោយក្នុងមួយឆ្នាំត្រូវការលំនៅឋានថ្មីប្រហែល ៥ ម៉ឺនខ្នងផ្ទះ។

លោកថ្លែងថាក្រសួងកំពុងជំរុញ និងគាំទ្រការអភិវឌ្ឍលំនៅឋានជាពិសេសការអភិវឌ្ឍលំនៅឋានដែលមានតម្លៃសមរម្យសម្រាប់មន្ត្រីរាជការ និងអ្នកមានចំណូលទាប និងមធ្យមដើម្បីធានាការអភិវឌ្ឍប្រកបដោយសមធម៌។

លោក សុផារ៉ា ថ្លែងបន្តថា៖ «រាជរដ្ឋាភិបាលកំពុងជំរុញដោះស្រាយការតាំងទីលំនៅបណ្តោះអាសន្នរបស់ប្រជាពលរដ្ឋនៅតាមទីតាំងនានាតាមរយៈការអនុវត្តសារាចរណ៍ស្តីពីការដោះស្រាយសំណង់បណ្តោះអាសន្នលើដីរបស់រដ្ឋដែលត្រូវបានកាន់កាប់ដោយខុសច្បាប់តាមរាជធានី ទីប្រជុំជន និងទីក្រុងក្រសួងក៏បាន និងកំពុងយកចិត្តទុកដាក់កសាងផ្ទះជូនកងកម្លាំងប្រដាប់អាវុធ ប្រជាពលរដ្ឋក្រីក្រតាមរយៈកម្មវិធីដីសង្គមកិច្ច»។

ចំណែកស្ថាបនិកវិទ្យាស្ថានកម្ពុជាសម្រាប់ការសិក្សាទីក្រុងលោក ទេព ម៉ាកាធី លើកឡើងក្នុងវេទិកានោះដែរថាប្រជាពលរដ្ឋដែលចំណាកស្រុកមកកាន់ទីប្រជុំជនភាគច្រើនគឺដើម្បីឱកាសការងារក្នុងចំណោមប្រជាពលរដ្ឋចំណាកស្រុកមាន ៥០ ភាគរយមកកាន់ទីក្រុងភ្នំពេញ។

លោកបន្តថាដោយសារពួកគាត់ជាអ្នកចំណាកស្រុកហើយជាអ្នកដែលគ្មានជំនាញ ឬមានជំនាញតិចតួចនាំឲ្យចំណូលរបស់គាត់ទាប និងមានលទ្ធភាពតិចតួចក្នុងការទិញផ្ទះក្នុងទីក្រុង។

លោកបន្តថាបញ្ហាលំនៅឋានតម្លៃសមរម្យនេះទាមទារឲ្យមានការចូលរួមទាំងវិស័យឯកជន និងរដ្ឋសហការគ្នា។

លោក ម៉ាកាធី បន្តថា៖ «វាពិបាកណាស់ក្នុងការលែងដៃឲ្យវិស័យឯកជនជាអ្នកដឹកនាំក្នុងការធ្វើ…ដែលជាអ្នករកផលចំណេញតាមយោបល់ផ្ទាល់ខ្លួនរបស់ខ្ញុំទាមទារឲ្យមានអ្នកសម្របសម្រួលមួយខ្លាំងហើយគ្មានអ្នកណាក្រៅពីរដ្ឋាភិបាលទេ បញ្ហាលំនៅឋានសម្រាប់អ្នកមានចំណូលទាបនេះជាបញ្ហាជាក់ស្តែង ជាបញ្ហាសង្គម…គឺរដ្ឋាភិបាលត្រូវដើរតួនាទីសំខាន់ណាស់តាំងពីរបបគោលនយោបាយយុទ្ធសាស្ត្រ…តែក៏ទាមទារឲ្យវិស័យដទៃទៀតចូលរួម និងជួយ ឧទាហរណ៍ថាធនាគារអាចគិតបានទេថាបើយកការប្រាក់ ១០ ទៅ ១១ ភាគរយ ហើយអ្នកមានចំណូលទាបអាចជួយគាត់បានទេត្រឹម (ការប្រាក់) ៥ ភាគរយ ៦ ភាគរយយើងត្រូវដឹងខ្លួនទាំងអស់គ្នាថារឿងហ្នឹងធ្វើបានទេ?»។

ចំណែកអ្នកគ្រប់គ្រងទូទៅរបស់ក្រុមហ៊ុនអចលនទ្រព្យ Worldbridge Homes Co., Ltd លោក យុ សុទ្ធិរិទ្ធ លើកឡើងថាទន្ទឹមនឹងរដ្ឋាភិបាលមាននូវគោលនយោបាយជាតិស្តីពីលំនៅឋាន និងសារាចរមួយចំនួនហើយរដ្ឋាភិបាលក៏គួរពិចារណាវិនិយោគការតភ្ជាប់មធ្យោបាយដឹកជញ្ជូនសាធារណៈពីតំបន់លំនៅឋានតម្លៃសមរម្យមកកាន់ទីក្រុងដោយថាបច្ចុប្បន្នបញ្ហាចរាចរណ៍ក្នុងទីក្រុងពិបាកក្នុងការធ្វើដំណើរចេញចូលក្នុងក្រុង។

លោកបន្តថារដ្ឋាភិបាលក៏មានការលើកទឹកចិត្តផ្សេងទៀតដល់ក្រុមហ៊ុនឯកជនលើការអនុគ្រោះពន្ធលើសម្ភារនាំចូលមួយចំនួនដើម្បីឲ្យតម្លៃសាងសង់ចំណាយតិចជាដើមមិនត្រឹមតែប៉ុណ្ណោះលោកថាដើម្បីឲ្យគម្រោងនេះកាន់តែមានប្រសិទ្ធភាពវិស័យឯកជនផ្សេងទៀតដូចជាធនាគារជាដើមក៏គួររួមចំណែកដូចគ្នា។

លោកមានប្រសាសន៍ថា៖ «យើងជាវិស័យឯកជនព្យាយាមរកមធ្យោបាយក្នុងការបន្ថយតម្លៃសាងសង់ ប៉ុន្តែទន្ទឹមនឹងហ្នឹងបើមានការបន្ធូរបន្ថយពន្ធពីខាងរដ្ឋពីការនាំចូលអីវ៉ាន់សាងសង់ក៏ចូលរួមកាត់បន្ថយការចំណាយរបស់ (អ្នកទិញ) ហើយសំខាន់គឺទាក់ទងនឹងវិស័យហិរញ្ញប្បទានបើមានតែខាងអ្នកអភិវឌ្ឍន៍យើងតែឯងទៅអត់រួចទេ…ខាងធនាគារហ្នឹងក៏ទាមទារឲ្យរួមចំណែកដែរទាក់ទងនឹងអត្រាការប្រាក់រយៈពេលខ្ចី និងបែបបទនៃការខ្ចីឲ្យបានស្រួល…ទាក់ទងនឹងបញ្ហាទាំងអស់នេះយើងធ្វើយ៉ាងម៉េចឲ្យមានសហគមន៍មួយដែលខ្លាំង អ៊ីចឹងទាមទារឲ្យមានការដោះស្រាយបញ្ហាប្រឈមទាំងនេះ»។

ទាក់ទងនឹងបញ្ហាលំនៅឋាននេះអគ្គនាយកនៃអគ្គនាយកដ្ឋានលំនៅឋាននៃក្រសួងដែនដី លោក បេងហុង សុជាតិ ខេមរ៉ូ ថ្លែងថារដ្ឋាភិបាលកំពុងតែពិភាក្សាលើគោលនយោបាយលើកទឹកចិត្តស្តីពីលំនៅឋានសមរម្យនេះ។ ថាតើគួរមានគោលនយោបាយលើកទឹកចិត្តសម្រាប់ប្រជាពលរដ្ឋដែលជាអតិថិជន និងគោលនយោបាយដទៃទៀតសម្រាប់អ្នកអភិវឌ្ឍន៍លំនៅឋានដែលរួមមានក្រុមហ៊ុនឯកជន អង្គការជាតិ និងអន្តរជាតិដែលមានបំណងចូលរួមក្នុងការកសាងទីផ្សារលំនៅឋានមានតម្លៃសមរម្យនេះ៕

អ្នក​ជំនាញ​ថា​គម្រោង​ខ្សែ​ក្រវាត់​មួយ​ផ្លូវ​មួយ​របស់​ចិន​ផ្តល់​ប្រយោជន៍​ដល់​កម្ពុជា

អ្នក​ជំនាញ​ថា​គម្រោង​ខ្សែ​ក្រវាត់​មួយ​ផ្លូវ​មួយ​របស់​ចិន​ផ្តល់​ប្រយោជន៍​ដល់​កម្ពុជា

On

ប្រភព ៖ RFA

អ្នកជំនាញពីស្ថាប័នស្រាវជ្រាវ និងស្ថាប័នរដ្ឋាភិបាល យល់ឃើញថា ប្រទេសកម្ពុជា នឹងចំណេញពីការចូលរួមអនុវត្តគំនិតផ្ដួចផ្ដើមខ្សែក្រវាត់មួយផ្លូវមួយ (Belt and Road Initiative) របស់រដ្ឋាភិបាលចិន។ អ្នកជំនាញលើកឡើងថា គម្រោងដ៏ធំសម្បើមរបស់ចិន នេះ នឹងជួយកម្ពុជា អាចសម្រេចក្តីសុបិនបានឆាប់រហ័ស តែ

ក្រឡេក​មក​មើល​ស្នាដៃ «Penh to Paper» នៅ​កម្ពុជា

ក្រឡេក​មក​មើល​ស្នាដៃ «Penh to Paper» នៅ​កម្ពុជា

On

ប្រភព ៖ ភ្នំពេញបុស្តិ៍

សម្រាប់លោក Stuart Croxford ដែលកាលពីមុនជាស្ថាបត្យករ ហើយបច្ចុប្បន្នជាអ្នកសិល្បៈម្នាក់នោះ ប្រទេសកម្ពុជា គឺតែងតែជាគោលដៅដ៏ធំមួយរបស់លោក។

ចំណត​ក្រោម​ដី​ទី​១ នឹង​ដាក់​ដំណើរ​ការ​ឆាប់ៗ ខណៈ​គម្រោង​ធំ​ទី៣ កំពុង​សិក្សា

ចំណត​ក្រោម​ដី​ទី​១ នឹង​ដាក់​ដំណើរ​ការ​ឆាប់ៗ ខណៈ​គម្រោង​ធំ​ទី៣ កំពុង​សិក្សា

On

ប្រភព ៖ ភ្នំពេញបុស្តិ៍

ខណៈពេលដែលបញ្ហាទីចំណតយានយន្តកំពុងចោទឡើងជាបញ្ហាជារៀងរាល់ថ្ងៃ ក្រុមហ៊ុន OCIC ក៏កំពុងសម្រុកការដ្ឋានសាងសង់ចំណតរថយន្តសាធារណៈក្រោមដីទី១ ដោយគ្រោងនឹងបើកដំណើរការនៅពេលខាងមុខដ៏ខ្លីនេះ ទន្ទឹមនឹងនេះគម្រោងចំណតក្រោមដីទី៣ ដែលមានទំហំធំជាងគេនោះក៏ត្រូវបានអ្នកជំនាញមកពីក្រុមហ៊ុនបរទេស កំពុងធ្វើការសិក្សាយ៉ាងលម្អិតជាមួយសាលារាជធានីភ្នំពេញ។

លោក ទូច សំណាង អគ្គនាយករងក្រុមហ៊ុន OCIC បានថ្លែងថា ៖ «មិនយូរទេ! តាមសម្ទុះការងារ និងការសាងសង់ជាក់ស្តែង យើងអាចនឹងសម្ពោធបើកដាក់ឲ្យប្រើប្រាស់ចំណតក្រោមដីសាធារណៈដំបូងបំផុតនេះ នៅក្នុងអំឡុងពេលយ៉ាងយូរ ១ ឬ២ខែទៀតប៉ុណ្ណោះ»។

លោកបន្តថា ៖ «ឥឡូវនេះ យើងកំពុងរង់ចាំការរៀបចំតម្រាយផ្លូវនៅជុំវិញទីនោះរបស់សាលារាជធានី»។

លោក រិទ្ធ រ៉ាវីន (Rith Ravin, Site Manager) អ្នកគ្រប់គ្រងគម្រោងសាងសង់ចំណតក្រោមដី របស់ក្រុមហ៊ុន OCIC បានថ្លែងប្រាប់ប៉ុស្តិ៍អចលនទ្រព្យកាលពីរសៀលថ្ងៃអង្គារដើមសប្តាហ៍នេះថា រហូតមកទល់ពាក់កណ្តាលខែមិថុនានេះ ការដ្ឋានសាងសង់ចំណតរថយន្តក្រោមដីនៅចន្លោះអគារ Canadia Tower និងអគារវឌ្ឍនៈ បានសម្រេចកិច្ចការសាងសង់សំខាន់ៗ របស់គម្រោងនេះស្ទើរតែរួចរាល់អស់ហើយ «ដោយក្រុមការងាររបស់យើងបានបញ្ចប់ការងារជាទូទៅនោះបានជិត ៩០ ភាគរយហើយ គឺនៅសល់តែការងារតូចតាចប៉ុណ្ណោះ និងជាចុងក្រោយ គឺការសាងសង់សួនច្បារនៅផ្នែកខាងលើជាការស្រេច។ តាមការគ្រោងទុកយើងនឹងបញ្ចប់ការដ្ឋាននេះទាំងស្រុងនៅអំឡុងចុងខែកក្កដាខាងមុខនេះ»។

លោក រ៉ាវីន បានពន្យល់ថា គម្រោងចំណតយានយន្តក្រោមដីសាធារណៈនេះ គឺជាគម្រោងដំបូងបំផុតនៅកម្ពុជា «ដោយការសាងសង់តួនៃសំណង់នៅក្រោមដីមានបណ្តោយប្រវែង៦៨ម៉ែត្រ គុណទទឹង ៦៤ ម៉ែត្រ គុណជម្រៅ ៧ ម៉ែត្រចុះក្រោមដី និងមានចែកចេញជា២ជាន់ស្មើគ្នា។ នៅពេលបញ្ចប់ចំណតក្រោមដីនេះនឹងអាចផ្ទុករថយន្តបានចំនួន ៣១០ គ្រឿង និងម៉ូតូរាប់រយគ្រឿងទៀត»។

លោកបន្តថា ចំណតនេះវានឹងផ្តល់ភាពងាយស្រួលជាច្រើនដល់សាធារណជនទូទៅរស់នៅ និងបំពេញការងារនៅម្តុំនេះ ដែលធ្លាប់តែជួបការប្រឈមក្នុងការចតយានយន្តរបស់ខ្លួន។

លោកបានពន្យល់អំពីទិដ្ឋភាព និងលក្ខណៈសុវត្ថិភាពនៅក្នុងចំណតនោះថា ៖ «នៅគ្រប់ជាន់មានបំពាក់ភ្លើង បំភ្លឺគ្រប់គ្រាន់មានប្រព័ន្ធកាមេរ៉ាសុវត្ថិភាព មានគំនូសចរាចរណ៍ត្រឹមត្រូវ ជណ្តើរឡើងចុះដោយជើងចំនួនពីរកន្លែងផ្សេងគ្នា រីឯផ្លូវបើកយានយន្តចេញចូលឡើងចុះចំណតនេះគឺមានទំហំ៧ម៉ែត្រចែក ជាច្រកចូលនិងចេញ និងមានជម្រាលតែប្រហែលតែ១០ដឺក្រេតែប៉ុណ្ណោះ»។ ចំណែកផ្លូវចេញចូល នោះគឺនៅជាប់តាមផ្លូវលេខ ៧៧។

22-6-002

ក្នុងករណី «ដាច់ចរន្តអគ្គីសនី នោះអំពូល LED ស្វ័យប្រវត្តិរបស់យើងនឹងដំណើរការបំភ្លឺដោយស្វ័យប្រវត្តិ ហើយវាអាចបំភ្លឺបានរហូតដល់រយៈពេលជាង២ម៉ោង» នេះបើតាមការអះអាងរបស់លោក រ៉ាវីន។ «ចំណែកឯប្រព័ន្ធការពារទឹកលិចវិញ យើងក៏មានបំពាក់ដោយប្រព័ន្ធម៉ូទ័របូមទឹកស្វ័យប្រវត្តិសម្រាប់បូមទឹកចេញពីចំណតក្រោមដីនេះ ក្នុងករណីមានទឹកចូលដោយចៃដន្យ។ ជារួមគឺខាងក្រុមហ៊ុនបានរៀបចំគ្រឿងបំពាក់ដើម្បីបង្ការ …

កត្តាគួរយល់ដឹងមុនពេលអ្នកទិញអចលនទ្រព្យ

កត្តាគួរយល់ដឹងមុនពេលអ្នកទិញអចលនទ្រព្យ

On

ប្រភព ៖ Business-cambodia

តើផ្នែកណាមួយនៃអចលនទ្រព្យដែលអ្នកកំពុងសម្លឹងរក? ផ្ទះសម្បែងសម្រាប់ក្រុមគ្រួសារ?  កន្លែងសម្រាប់បើកអាជីវកម្ម ឬសម្រាប់វិនយោគបន្ត? តើលោកអ្នកកំពុងតែមានអាជីវកម្មដែលមានទំនាក់ទំនងទៅនឹងការសាងសង់ផ្ទះ ខុនដូ អគារពាណិជ្ជកម្ម ឬសណ្ឋាគារមែនទេ? បើមានបំណងបែបនេះពិតមែន តើអ្នកត្រូវស្វែងយល់ពីអ្វីខ្លះមុនពេលអ្នកសម្រេចចិត្តធ្វើវា?

១.ជ្រើសរើសក្រុមហ៊ុនអចលនទ្រព្យដែលមានវិជ្ជាជីវៈ

ក្រុមហ៊ុននេះនឹងអាចជួយសម្រួលដល់កិច្ចព្រមព្រៀងជាមួយម្ចាស់អចលនទ្រព្យនៅកម្ពុជា ថែមទាំងអាចជួយផ្តល់ប្រឹក្សាយោបល់ វាយតម្លៃលើអចលនទ្រព្យត្រូវតាមតម្លៃទីផ្សារ និងជួយសម្រួលរាល់ការដំណើរការតាមផ្លូវច្បាប់ និងការងាររដ្ឋបាលផ្សេងៗ។

២.ត្រួតពិនិត្យលើធនធាន ឬកញ្ចប់ថិការដែលខ្លួនមាន

វាគឺជាចំណុចសំខាន់មួយដែលអ្នកត្រូវដឹងពីលទ្ធិភាពផ្ទាល់ខ្លួន ហើយត្រូវចៀសវាងការទិញអចលនទ្រព្យលើសលុបពីអ្វីដែលខ្លួនមាន។ ម្យ៉ាងទៀតត្រូវចេះស្ទាបស្ទង់មើលស្ថានភាពទីផ្សារ ទីតាំង និងឱកាសល្អនៃអចលនទ្រព្យនោះ។

៣. ត្រូវធ្វើការស្រាវជ្រាវ

មិនមែនអ្នកឃើញគេមានដាក់លក់ដី ឬផ្ទះនៅកន្លែងណាមួយ ហើយត្រូវចិត្តអ្នក អ្នកនឹងទិញភ្លាមនោះទេ។អ្នកគួរធ្វើកាស្រាវជ្រាវអំពីអចលទ្រព្យនោះសិនថា តើវាជាដីឯកជន ឬដីរបស់រដ្ឋ តើវាស្ថិតនៅតំបន់អ្វី(ពាណិជ្ជកម្ម ឬទីកន្លែងសម្រាប់រស់នៅជាដើម)។ ម្យ៉ាងទៀត អ្នកត្រូវប្រាកដក្នុងចិត្តថា តើអ្នកលក់នោះពិតជាមានកម្មសិទ្ធលើអចលនទ្រព្យដែរឬទេ? តើអ្នកងាចទិញផ្តាច់ឬ ដីនៅទីនោះគ្រាន់តែជាដីសម្បទានដែលមានរយៈពេលកំណត់( ឧទាហរណ៍ត្រឹមតែ ៩០ឆ្នាំប៉ុណ្ណោះ)។ម្យ៉ាងទៀត អ្នកត្រូវដឹងច្បាស់ថា តើទ្រព្យនោះមាន ដាក់បញ្ជាំឬជាប់ទាក់ទងនឹងរឿងក្តីក្តាំងនៅតុលាការដែរឬទេ?