លិខិតចំហ ជូនចំពោះ អគ្គិសនីកម្ពុជា

លិខិតចំហ ជូនចំពោះ អគ្គិសនីកម្ពុជា

On

លិខិតចំហ​​ ពីសម្លេងទីក្រុងកម្ពុជាទៅ លោក កែវ រតនៈ អគ្គនាយក អគ្គិសនីកម្ពុជា

សូមជម្រាបជូន

លោក កែវ រតនៈ
អគ្គនាយក អគ្គិសនីកម្ពុជា

កម្មវត្ថុ៖ សំណើសុំលោកនាយក មេត្តាពិចារណាឡើងវិញទៅលើគោលជំហរបស់អគ្គិសនីកម្ពុជា (EDC) និងការចុះផ្សាយនូវតារាងព័ត៌មានស្តីពីការដាច់ចរន្តអគ្គិសនីនៅរាជធានីភ្នំពេញ។

លោក កែវ រតនៈ ជាទីរាប់អាន
សម្លេងទីក្រុង ជាក្រុមអ្នកផ្តួចផ្តើមគំនិតក្នុងការប្រមូល និងផ្តល់ព័ត៌មានស្តីពីទីក្រុងនៅរាជធានីភ្នំពេញ។ យើងមានគោលបំណងរំលេចឱ្យឃើញអំពីនិន្នាការ និងការអភិវឌ្ឍនានាដែលកើតមាននៅក្នុងទីក្រុង ហើយផ្តល់ឱ្យអ្នកដែលមានលំនៅដ្ឋានក្នុងទីក្រុងនូវមធ្យោបាយមួយក្នុងការភ្ជាប់ទំនាក់ទំនង ដើម្បីឱ្យគេបានដឹងថាទីក្រុងមានការផ្លាស់ប្តូរមុខមាត់ និងការអភិវឌ្ឍន៍យ៉ាងដូចមេ្តចតាមរយៈគេហទំព័ររបស់យើង។

យើងខ្ញុំសរសេរលិខិតនេះ ជូនចំពោះលោកនាយក ក្នុងគោលបំណងបង្ហាញពីបញ្ហាដាច់ចរន្តអគ្គិសនីដែលបានកើត ឡើងនាពេលថ្មីៗនៅទីក្រុងភ្នំពេញ ដែលវាជាផ្នែកមួយនៃកិច្ចខិតខំប្រឹងប្រែង ក្នុងការប្រមូលព័ត៌មានរបស់យើងសម្លេងទីក្រុង បានទទួលរបាយការណ៍ចំនួន ១១០ នៅទីក្រុងភ្នំពេញនៅចន្លោះពីខែ មិនា ឆ្នាំ ២០១៣ រហូតដល់ខែ ឧសភា ឆ្នាំ ២០១៣។

របាយការណ៍ទាំងអស់នេះ យើងបានទទួលពីប្រជាជនដែលពួគគាត់មានបញ្ហាដាច់ចរន្តអគ្គិសនី និងការព្រួយបារម្ភ-ណ៍ចំពោះការដាច់ចរន្តអគ្គិសនីជាយថាហេតុ។ យើងក៏បានចងក្រងផែនទីដែលភ្ជាប់ជាមួយនូវទិន្ន័យ និងព័ត៌មាន ដែលអាចបង្ហាញទីតាំងនៃការជះឥទ្ឋិពលពីការដាច់ចរន្តអគ្គិសនីកម្រិតខ្ពស់ជាងគេ បើប្រៀបធៀបទៅកន្លែងដាច់ចរន្ត អគ្គិសនីដទៃទៀត។ នៅចំកណ្តាលរាជធានីភ្នំពេញ មានដូចជា សង្កាត់ អូឡាំពិក, បឹងកេងកងទី២ និងទី៣, និងសង្កាត់ទួលស្វាយព្រៃ បានទទួលរងផលប៉ះពាល់ពីការដាច់ភ្លើងជាប្រចាំតែម្តង។ របាយការណ៍មួយចំនួន ពីទីតាំង នៃការដាច់ចរន្តអគ្គិសនីខាងលើបានគូសបញ្ជាក់យ៉ាងច្បាស់ ពីការដាច់ចរន្តអគ្គិសនី មានរយៈពេលយូររហូតដល់ ១០ម៉ោង។

ជាការពិតណាស់ ដោយសារតែទិន្នន័យដែលយើងបានទទួលពីមហាជនហើយ វាគ្រាន់តែជាការចង្អុលបង្ហាញមួយ ដែលមិនបានឆ្លុះបញ្ចាំងពីស្ថានភាពជាក់ស្តែងពេញលេញនោះទេ។ តែបើយើងសង្កេតមើលជាក់ស្តែង អ្នករស់នៅ ទីក្រុងភ្នំពេញពិតជាទទួលរងផលប៉ះពាល់ជាអវិជ្ជមានពីការដាច់ចរន្តអគ្គិសនីមែន។

យើងខ្ញុំពិតជាយល់ចំពោះភាពកង្វះខាតភ្លើងប្រើប្រាស់នៅក្នុងទីក្រុងភ្នំពេញ ជាពិសេសនៅទូទាំងព្រះរាជាណាចក្រ កម្ពុជាតែម្តង ដែលបញ្ហាកើតឡើងចំពេលប្រទេសកម្ពុជាមានការអភិវឌ្ឍន៍។ យើងក៏ដឹងដែរថា ទាំង EDC និងរាជរដ្ឋាភិបាលបាននឹងកំពុងធ្វើការយ៉ាងសកម្ម ដើម្បីធ្វើឱ្យស្ថានភាពនៃការប្រើប្រាស់ភ្លើងមានភាពល្អប្រសើរឡើង។

បញ្ហាចម្បងនៅពេលនេះ គឺមិនត្រឹមតែការដាច់ចរន្តអគ្គិសនីដែលតែងតែកើតមានឡើងនោះទេ តែជាការដែលគេក៏មិនអាចព្យាករណ៍ដឹងថាវាដាច់នៅពេលណាឡើយ។ ដោយមិនដឹងថាដាច់ចរន្តអគ្គិសនីពេលណា នៅទីកន្លែងណា ឬរយៈពេលយូរប៉ុណ្ណាដែលនឹងអាចកើតមានឡើង វាបានធ្វើឱ្យប៉ះពាល់ដល់ការចំណាយលើសេដ្ឋកិច្ចសង្គមលើអាជីវកម្មនានារបស់ស្ថាប័ន និងក្រុមហ៊ុនឯកជនផ្សេងៗផងដែរ។ បញ្ហាទាំងនេះងាយស្រួលក្នុងការបញ្ចៀស ប្រសិនបើអ្នកទីក្រុងភ្នំពេញបានដឹងថាភ្លើងនឹងដាច់នៅពេលណា ដូច្នេះគេអាចត្រៀម ខ្លួនជាស្រេចក្នុងការរៀបចំនូវ ដំដោះស្រាយ ផ្សេងៗ លើបញ្ហាដាច់ចរន្តអគ្គិសនី។ យោងតាមបញ្ហាខាងលើ …