សហគមន៍​​​រស់នៅ​​​តាម​​​ដង​​​ប្រឡាយ នឹ​​ងទទួលបាន​​​ដី​​​ថ្មី និង​​​ប័ណ្ណ​​​កម្មសិទ្ធិពី​​​រាជរដ្ឋាភិបាល

សហគមន៍​​​រស់នៅ​​​តាម​​​ដង​​​ប្រឡាយ នឹ​​ងទទួលបាន​​​ដី​​​ថ្មី និង​​​ប័ណ្ណ​​​កម្មសិទ្ធិពី​​​រាជរដ្ឋាភិបាល

On

ប្រភព ៖ ខេមបូឌៀដេលី

ក្រុមមន្ត្រីបាននិយាយថា ប្រជាពលរដ្ឋជាង៤០០គ្រួសារក្នុងរាជធានីភ្នំពេញដែលរស់នៅតាមដងប្រឡាយស្ថិតក្នុងខណ្ឌមានជ័យ នឹងត្រូវផ្តល់ប័ណ្ណកម្មសិទ្ធិជូន បន្ទាប់ពីការមានការអភិវឌ្ឍប្រព័ន្ធប្រឡាយបង្ហូរទឹកដែលគេលែងប្រើក្នុងតំបន់នេះ។

លោក ប៉ា សុជាតិវង្ស អភិបាលរាជធានីបានលើកឡើងនៅក្នុងវីដេអូឃ្លីបបង្ហោះក្នុងទំព័រហ្វេសប៊ុករបស់លោកកាលពីថ្ងៃសុក្រថា យោងតាមអង្គការសិទ្ធិលំនៅដ្ឋាន ប្រពលរដ្ឋសរុប៤២៣គ្រួសារនឹងត្រូវតាំងទីលំនៅថ្មីលើដីទំហំ៥ម៉ែត្រគុណនឹង៨ម៉ែត្រដែលកាន់ចេញពីការអភិវឌ្ឍនេះ។

លោកបានមានប្រសាសន៍ថា “យើងនឹងរៀបចំកំណត់ទំហំប្រឡាយ និងផ្លូវអមប្រឡាយ”។ លោកបានបន្តថា “ចំណែកដីដែលនៅសល់ពីគម្រោងស្ថាបនានេះរដ្ឋបាលរាជធានីភ្នំពេញនឹងស្នើសុំគោលការណ៍អនុញ្ញាតពីប្រមុខរាជរដ្ឋាភិបាលដើម្បីរៀបចំជាដីឡូត៍ និងធ្វើកម្មសិទ្ធិជូន”។ លោកបានបន្ថែមថា “សូមបងប្អូនរីករាយ និងមានការនឹងនរ។ គឺគ្មានការបណ្តេញចេញនោះទេ”។

 

លោក ម៉េត មាសភក្តី អ្នកនាំពាក្យសាលារាជធានីបានមានប្រសាសន៍កាលពីម្សិលម៉ិញថា បន្ថែមពីលើការកែលម្អប្រព័ន្ធបង្ហូរទឹកដើម្បីការពារទឹកជំនន់ដែលបានប៉ះពាល់តំបន់នេះច្រើនឆ្នាំមកហើយនោះ ក៏នឹងមានការដាក់ប្រព័ន្ធទឹកស្អាត អគ្គិសនី និងការដាក់ភ្លើងបំភ្លឺផ្លូវសម្រាប់សហគមន៍ទៀតផង។លោកបានបន្ថែមថាប៉ុន្តែកាលបរិច្ឆេទកំណត់និងថវិកាសម្រាប់ការអភិវឌ្ឍនេះកំពុងស្ថិតក្នុងដំណាក់កាលសម្រេចនៅឡើយ ហើយទំហំដីថ្មីសម្រាប់គ្រួសារនីមួយៗ ក៏មិនទាន់មានការធានានៅឡើយដែរ។

លោក ម៉េត មាសភក្តី បានមានប្រសាសន៍ថា “[គម្រោង] នេះមិនទាន់សម្រេចនៅពាក់ព័ន្ធឡើយ។ យើងគ្រាន់តែដាក់ជូនជាគោលនយោបាយ”។

យោងតាមលោក ហន សុខន សមាជិកគណៈកម្មាធិការមកពីសហគមន៍មួយក្នុងចំណោមសហគមន៍ទាំង៨ដែលរងផលប៉ះពាល់បានឱ្យដឹងថា ដំណឹងនេះទទួលបានការស្វាគមន៍ភាគច្រើនពីប្រជាពលរដ្ឋទាំងនេះ។ មានតែមួយចំនួនតូចប៉ុណ្ណោះ “មិនពេញចិត្តពីព្រោះដីរបស់ពួកគាត់ធំជាងនេះ ហើយពួកគាត់ត្រូវប្រគល់ឲ្យគេហើយរើចេញ”។

លោក អ៊ាង វុទ្ធី នាយកប្រតិបត្តិអង្គការសមធម៌កម្ពុជា ជាអង្គការមិនមែនរដ្ឋាភិបាលក្នុងស្រុកដែលជួយអ្នករងការបណ្តេញចេញ បានមានប្រសាសន៍ថា សេចក្តីប្រកាសនេះទំនងជាធ្វើឡើងដើម្បីជួយជំរុញការគាំទ្រសម្រាប់់គណបក្សកាន់អំណាចនៅមុនការបោះឆ្នោត ឃុំ សង្កាត់ នៅថ្ងៃអាទិត្យ។ លោកបានថ្លែងថា ប៉ុន្តែ ដោយល្បីខាងសន្យា ខ្យល់ក្នុងករណីដីធ្លីនាពេលកន្លងមកគណបក្សនេះត្រូវផ្តល់ភ័ស្តុតាងបញ្ជាក់ពីគោលបំណងរបស់ខ្លួន។

លោកបានថ្លែងថា “ពួកគេត្រូវចេញសេចក្តីថ្លែងការណ៍លាយលក្ខណ៍អក្សរមួយចំនួនដែលប្រជាពលរដ្ឋអាចយកជាសំអាងបាន។ ឥឡូវនេះជាពេលបោះឆ្នោត ដូច្នេះគណបក្សនយោបាយនេះប្រហែលជាធ្វើការសន្យាច្រើនចំពោះប្រជាពលរដ្ឋ។ ដើម្បីឱ្យប្រជាពលរដ្ឋជឿងទុកចិត្តលើការសន្យានេះ ត្រូវមានភាពប្រាកដប្រជា”៕

រដ្ឋាភិបាលដាក់ទុន១០០លានដុល្លារជួយសហគមន៍កសិកម្មដើម្បីបន្ថយការនាំចូលផលកសិកម្មពីប្រទេសជិតខាង

រដ្ឋាភិបាលដាក់ទុន១០០លានដុល្លារជួយសហគមន៍កសិកម្មដើម្បីបន្ថយការនាំចូលផលកសិកម្មពីប្រទេសជិតខាង

On

លោក អៀ ឯកសារ អនុប្រធាននាយកដ្ឋានអភិវឌ្ឍន៍សហគមន៍កសិកម្មបានអោយដឹងនៅថ្ងៃទី២១ ខែមីនានេះថា ក្នុងការពង្រឹងសហគមន៍កសិកម្មរដ្ឋាភិបាលបានចំណាយទុនវិនិយោគជាង១០០លានដុល្លាអាមេរិក គម្រោងនេះផ្តោតសំខាន់លើសហគមន៍ដែលខ្លាំង មានសក្តានុពលស្រាប់ ក្នុងរយៈពេល៣ឆ្នាំត្រូវផ្គត់ផ្គង់ទាំងស្រូវសម្រាប់លក់ពូជ ទាំងស្រូវសម្រាប់នាំចេញរួមទាំងការផ្គត់ផ្គង់បន្លែរផ្លែឈើផងដែរសំដៅកាត់បន្ថយបន្លែរផ្លែឈើដែលនាំមកពីក្រៅប្រទេស ម៉្យាងទៀតគម្រោងផ្តោតលើសហគមន៍ដែលខ្លាំងស្រាប់នេះដើម្បីជាបទពិសោធន៍និងជាគំរូដល់សហគមន៍ដែលទន់ខ្សោយ៕

ប្រភព ៖ HangMeasNews

រដ្ឋបាលរាជធានីភ្នំពេញ៖ កំណត់ឱសានវាទនៃការឈប់ទទួលពាក្យបណ្ដឹងតវ៉ាពាក់ព័ន្ធដីធ្លីស្ថិតក្នុងតំបន់អភិវឌ្ឍន៍ឬស្សីកែវ

រដ្ឋបាលរាជធានីភ្នំពេញ៖ កំណត់ឱសានវាទនៃការឈប់ទទួលពាក្យបណ្ដឹងតវ៉ាពាក់ព័ន្ធដីធ្លីស្ថិតក្នុងតំបន់អភិវឌ្ឍន៍ឬស្សីកែវ

On

ភ្នំពេញ៖ រដ្ឋបាលរាជធានីភ្នំពេញបានចេញនូវ សេចក្ដីជូនដំណឹងស្ដីពីការកំណត់ឱសានវាទនៃការឈប់ទទួលពាក្យបណ្ដឹងតវ៉ាពាក់ព័ន្ធនឹងដីធ្លីដែលស្ថិតក្នុងតំបន់អភិវឌ្ឍន៍ឬស្សីកែវ កាលពីថ្ងៃទី០៥ ខែតុលា ឆ្នាំ២០១៦ នៅលើទំព័រហ្វេសប៊ុករបស់ខ្លួន។

«រដ្ឋបាលរាជធានីភ្នំពេញ និងអាជ្ញាធរជាតិដោះស្រាយទំនាស់ដីធ្លី សង្ឃឹមជឿជាក់ថា បងប្អូនប្រជាពលរដ្ឋដែលមានក្បាលដីទំនាស់ពាក់ព័ន្ធក្នុងតំបន់អភិវឌ្ឍន៍ឬស្សីកែវទាំងអស់ចូលរួមអនុវត្ដតាមខ្លឹមសារប្រកបដោយប្រសិទ្ទភាព និងស្មារតីទទួលខុសត្រូវខ្ពស់»។ នៅលើទំព័រហ្វេសប៊ុករបស់រដ្ឋបាលរាជធានីភ្នំពេញ។

សម្រាប់ព័ត៌មានលម្អិត សូមអានសេចក្ដីជូនដំណឹង របស់រដ្ឋបាលរាជធានីភ្នំពេញទាំងស្រុង៖

14589570_627219897458766_4892090656471853061_o-copy

កម្ពុជាចំណាយខ្ទង់៣០០លានដុល្លារក្នុង១ឆ្នាំសម្រាប់ការនាំចូលបន្លែផ្លែឈើនិងសាច់

កម្ពុជាចំណាយខ្ទង់៣០០លានដុល្លារក្នុង១ឆ្នាំសម្រាប់ការនាំចូលបន្លែផ្លែឈើនិងសាច់

On

ប្រភព៖ business-cambodia

ភ្នំពេញ៖ បន្លែ ផ្លែឈើ និងសាច់ កំពុងមានតម្រូវការខ្ពស់នៅទីផ្សារកម្ពុជា ខណៈដែលកំណើនប្រជាជនមានការកើនឡើង ហើយក្នុងមួយឆ្នាំៗ កម្ពុជាត្រូវចំណាយប្រាក់ប្រមាណជា ៣០០លានដុល្លារអមេរិក ក្នុងការនាំចូល បន្លែផ្លែឈើ និងសាច់គ្រប់ប្រភេទ ពីបរទេស សម្រាប់ផ្គត់ផ្គង់ក្នុងតម្រូវការក្នុងស្រុក។

សហគមន៍អណ្តូង២៤ គ្រួសារទទួលបានផ្ទះថ្មី

សហគមន៍អណ្តូង២៤ គ្រួសារទទួលបានផ្ទះថ្មី

On

ភ្នំពេញ៖ ការរៀបចំចាប់ឆ្នោតប្រគល់ផ្ទះជូនប្រជាពលរដ្ឋចំនួន ២៤ គ្រួសារ នៅសហគមន៍អណ្តូង៤ សង្កាត់គោករកា ខណ្ឌព្រែកព្នៅ នេះបើតាមហ្វេសបុក សាលារាជធានីភ្នំពេញបានចុះផ្សាយនៅថ្ងៃទី០៥ ខែកញ្ញា ឆ្នាំ២០១៦នេះ។

សាលារាជធានីភ្នំពេញបានសសេរក្នុងទំព័រហ្វេសបុកថា ”រដ្ឋបាលរាជធានីភ្នំពេញរៀបចំចាប់ឆ្នោតប្រគល់ផ្ទះជូនប្រជាពលរដ្ឋចំនួន ២៤ គ្រួសារ នៅសហគមន៍អណ្តូង៤ សង្កាត់គោករកា ខណ្ឌព្រែកព្នៅ។ ប្រជាពលរដ្ឋពិតជាសប្បាយរីករាយខ្លាំងណាស់នៅពេលទទួលបានផ្ទះថ្មីដោយពុំមានបង់ប្រាក់ និងការយកចិត្តទុកដាក់ពីថ្នាក់ដឹកនាំ។”

ផ្ទះដែលទទួលបានមានទំហំ៤ គុណ ៤ម៉ែត្រ នៅតំបន់ដីថ្មីក្នុងសង្កាត់ គោករកា ខណ្ឌព្រែកព្នៅ បើតាមប្រជាពលរដ្ឋដែលនៅភូមិអណ្តូង៕

ឯកឧត្តម ប៉ា សុជាតិវង្ស មានគម្រោងរៀបចំអភិវឌ្ឍន៍ផ្លូវតាមបណ្តោយផ្លូវរថភ្លើងពីឬស្សីកែវមកដល់តំបន់បឹងកក់អោយបានឆាប់រហ័ស

ឯកឧត្តម ប៉ា សុជាតិវង្ស មានគម្រោងរៀបចំអភិវឌ្ឍន៍ផ្លូវតាមបណ្តោយផ្លូវរថភ្លើងពីឬស្សីកែវមកដល់តំបន់បឹងកក់អោយបានឆាប់រហ័ស

On

នៅព្រឹកថ្ងៃទី០៤ ខែកញ្ញា ២០១៦ ឯកឧត្តម ប៉ា សុជាតិវង្ស មានគម្រោងរៀបចំអភិវឌ្ឍន៍ផ្លូវតាមបណ្តោយផ្លូវរថភ្លើងពីឬស្សីកែវមកដល់តំបន់បឹងកក់អោយបានឆាប់រហ័ស

តាមប្រភពពីហ្វេសបុករបស់ឯកឧត្តម ប៉ា សុជាតិវង្ស លោកបានដឹងនាំក្រុមការងារបច្ចេកទេសធ្វើការចុះត្រួតពិនិត្យផ្លូវតាមបណ្តោយផ្លូវរថភ្លើងពីឬស្សីកែវមកដល់តំបន់បឹងកក់បានពិនិត្យឃើញថាត្រូវតែរៀបចំផ្លូវនេះជាផ្លូវថ្នល់ឱ្យបានត្រឹមត្រូវដោយផ្អែកលើចំណុចមួយចំនួនគឺ ស្ថានភាពផ្លូវដែកនេះ មានលក្ខណ:ទ្រុឌទ្រោមមិនងាយនឹងកែលម្អឡើយ ហានិភ័យនានាដែលអាចកើតមានជាយថាហេតុណាមួយ ដូច្នេះពួកគាត់ត្រូវតែមានផ្លូវរំដោះឱ្យបានត្រឹមត្រូវ បញ្ហាបរិស្ថានដែលបានកើតចេញពីការរស់នៅដោយគ្មានសណ្ដាប់ធ្នាប់ និងគ្មានផ្លូវត្រឹមត្រូវក្នុងការនាំយកសំរាមចេញ និងផ្លូវនេះពិតជាសំខាន់ក្នុងការងារសម្រួល និងរំដោះចរាចរណ៍ពីផ្លូវជាតិលេខ៥។

ដូច្នេះ លោកប៉ា សុជាតិវង្សបានបញ្ជាក់ ផលប៉ះពាល់នៅតែមាន ប៉ុន្តែយើងត្រូវតែព្យាយាមរកដំណោះស្រាយ ដើម្បីពន្លឿនការបើកផ្លូវនេះឱ្យបានឆាប់រហ័ស៕

14237489_1100800193289718_2446292303493065932_n - Copy 14238292_1100800479956356_4496156602436275818_n

14184463_1100800156623055_794525407213855421_n - Copy