គម្រោងជំលៀសចំណតឡានក្រុង សម្រាប់ភាពធូរស្បើយចរាចរណ៍ក្នុងក្រុងឆ្នាំ២០១៦

គម្រោងជំលៀសចំណតឡានក្រុង សម្រាប់ភាពធូរស្បើយចរាចរណ៍ក្នុងក្រុងឆ្នាំ២០១៦

On

ដោយ៖ សំឡេងទីក្រុង ​ ថ្ងៃទី២១ ខែសីហា ឆ្នាំ២០១៦

នៅដើមឆ្នាំ២០១៦នេះ រាល់ចំណតរថយន្តក្រុងដែលធ្វើដំណើរពីភ្នំពេញទៅបណ្តាខេត្ត ឬពីខេត្តមកភ្នំពេញ នឹងត្រូវផ្លាស់ប្តូរទីតាំងទៅនៅជាយក្រុងទាំងអស់ ដើម្បីសម្រួលភាពកកស្ទះនៅក្នុងក្រុងឲ្យបានប្រសើរឡើង សាលារាជធានីធ្វើសេចក្តីប្រកាសកាលពីម្សិលមិញ។

ស្ថិតនៅក្នុងជំនួបប្រជុំជាមួយនាយកដ្ឋានដឹកជញ្ជូន​ ក៍ដូចជាក្រុមហ៊ុនដឹកអ្នកដំណើរ អភិបាលរាជធានីភ្នំពេញ លោក ប៉ា សុជាតិវង្ស មានប្រសាន៍ថាបន្ចុប្បន្ននេះកំនើនយានជំនិះចេះតែកើនឡើងឥតឈប់ឈរដែលធ្វើឲ្យ​ចរាចរណ៍ក្នុងក្រុងមានភាពណែនណាន់តាន់តាប់ ដូចនេះដើម្បីឆ្លើយតបទៅនឹងបញ្ហានេះ សាលារាជធានីមានគម្រោងបំលាស់ទីចំណតរថយន្តក្រុងដឹកអ្នកដំណើរទៅខេត្ត ឬពីខេត្តមកភ្នំពេញទាំងអស់ ឲ្យនៅតាមជាយក្រុងដើម្បីបញ្ជៀសការកកស្ទះ។

យោងតាមកាសែតភ្នំពេញប៉ុស្តិ៍ចុះថ្ងៃទី២១ ខែសីហា អ្នកគ្រប់គ្រងផ្នែករដ្ឋបាលនៃក្រុមហ៊ុនមេគង្គអ៊ិចប្រេស លោក ស៊ិន ស៊ីសាកេត បាននិយាយថា គម្រោងនេះល្អចំពោះចរាចរណ៍ ប៉ុន្តែលោកមានការព្រួយបារម្ភចំពោះអ្នកដំណើររបស់លោកដែលត្រូវចំណាយប្រាក់លើសំបុត្រឡានក្រុង ហើយត្រូវចំណាយប្រាក់លើទុកទុក ឬម៉ូតូឌុប ដើម្បីធ្វើដំណើរចូលក្រុង។

អ្នកបើកទុកទុកនៅផ្សារធំថ្មី លោក ចា ណា និយាយថាគាត់មានការបារម្ភខ្លាចថាទៅកន្លែងថ្មីនឹងមិនមានមូយច្រើនទៀតទេ ប៉ុន្តែវាក៍ជាការល្អប្រសិនបើចរាចរណ៍មានភាពល្អប្រសើរនៅពេលនោះ។

តើលោកអ្នកយល់យ៉ាងណាចំពោះគម្រោងថ្មីនេះ?

អភិបាលរាជធានី ប៉ា សុជាតិវង្ស៖ យ៉ាងយូរ ៥ឆ្នាំទៀត គម្រោងដឹកជញ្ជូនផ្លូវដែកលើអាកាស ៣ខ្សែ នឹងជួយកាត់បន្ថយការកកស្ទះ

អភិបាលរាជធានី ប៉ា សុជាតិវង្ស៖ យ៉ាងយូរ ៥ឆ្នាំទៀត គម្រោងដឹកជញ្ជូនផ្លូវដែកលើអាកាស ៣ខ្សែ នឹងជួយកាត់បន្ថយការកកស្ទះ

On

ដោយ៖ សំឡេងទីក្រុង ថ្ងៃទី២០ ខែសីហា ឆ្នាំ២០១៥ 

បញ្ហាកកស្ទះចរាចរណ៍ក្លាយទីជាក្តីកង្វល់របស់ប្រជាពលរដ្ឋកម្ពុជាសម្រាប់ការរស់នៅប្រចាំថ្ងៃ។
យ៉ាងណាមិញ សាលារាជធានីភ្នំពេញកំពុងខិតខំកាត់បន្ថយ និងព្យាយាមបញ្ចៀសបញ្ហានេះ។

នៅលើបណ្តាញសង្គម Facebook ផ្លូវការ លោកអភិបាលរាជធានីភ្នំពេញ លោក ប៉ា សុជាតិវង្ស បានសរសេរថា  «តំបន់កណ្ដាលរាជធានីភ្នំពេញទាំង៤ គឺជាបណ្ដុំនៃគ្រប់វិស័យ សម្រាប់រាជធានី ដែលនេះធ្វើឱ្យលំហូរចូល នៃប្រជាពលរដ្ឋមកធ្វើការងារ រកស៊ីផ្សេងៗ ដូច្នេះបញ្ហាកកស្ទះចរាចរណ៍ ក៏ក្លាយជាកង្វល់ ដែលត្រូវគិតគូរយ៉ាងខ្លាំង។ យើងនឹងព្យាយាម កាត់បន្ថយជាបន្តបន្ទាប់ដូចជា៖ ១- ពង្រីក និងអភិវឌ្ឍន៍ហេដ្ឋារចនាសម្ព័ន្ធផ្លូវថ្នល់, ២- បង្កើនផ្លូវក្រវាត់ក្រុងជាបន្តបន្ទាប់, ៣- កាត់បន្ថយជាបន្តបន្ទាប់ឱ្យអស់នៅឆ្នាំ២០១៦ រថយន្តក្រុងដឹកអ្នកដំណើរ ឱ្យមានចំណតនៅក្រៅក្រុង និង៤-យ៉ាងយូរ ៥ឆ្នាំទៀត គម្រោងដឹកជញ្ជូនផ្លូវដែកលើអាកាស ៣ខ្សែ នឹងជួយកាត់បន្ថយការកកស្ទះ»។

ស្ថិតនៅក្នុងសារខ្លីនេះ អ្វីដែលគួរឲ្យកត់សម្គាល់នោះគឺថា នៅប៉ុន្មានឆ្នាំឆាប់ៗខាងមុខនេះ ប្រទេសកម្ពុជានឹងមានផ្លូវរថភ្លើងលើអាកាសសម្រាប់សំរួលដល់ការធ្វើដំណើរបស់ប្រជាជនដូចបរទេសដែរហើយ។

គម្រោងសាងសង់ផ្លូវរថភ្លើងលើអាកាស៣ខ្សែនោះរួមមាន៖

ខ្សែទី១- ផ្តើមមពីចំណុចវិថីកម្ពុជាក្រោម មហាវិថីព្រះមុនីវង្ស មហាវិថីសហព័ន្ធរុស្ស៊ី និងរង្វង់មូលចោមចៅ។ខ្សែទី២- ផ្តើមពីមហាវិថីព្រះមុនីវង្ស រត់ស្របផ្លូវរថភ្លើងរួចបត់ឆ្វេងតាមផ្លូវ តាំងកសាងចូលអាកាសយានដ្ឋានអន្តរជាតិភ្នំពេញ។ ខ្សែទី៣- ផ្តើមពីផ្សារថ្មី វិថីហ្សាលដឺហ្គោល វិថីព្រះមុនីរ៉េត ផ្លូវវេងស្រេង រង្វង់មូលចោមចៅ បត់មកអាកាសយានដ្ឋានអន្តរជាតិភ្នំពេញ៕

 

ក្រសួង​រឹតបន្តឹង​ទិន្នន័យ​ទ្រព្យសម្បត្តិ​ ដើម្បី​វិភាគ​ការ​អភិវឌ្ឍ​លើ​វិស័យ​នេះ

ក្រសួង​រឹតបន្តឹង​ទិន្នន័យ​ទ្រព្យសម្បត្តិ​ ដើម្បី​វិភាគ​ការ​អភិវឌ្ឍ​លើ​វិស័យ​នេះ

On

ប្រភព៖ ភ្នំពេញប៉ុស្ត៍ិ ថ្ងៃទី២០ ខែសីហា ឆ្នាំ២០១៥

«​ខ្ញុំ​សារភាព​ថា​ក្រសួង​មិនមាន​សមត្ថភាព​ក្នុង​ការ​គ្រប់គ្រង និង​រក្សា​តម្លាភាព​នៅក្នុង​វិស័យ​អចលនទ្រព្យ​នោះ​ទេ​។ ប៉ុន្តែ​ខ្ញុំ​អាច​និយាយ​បាន​ថា​វិស័យ​នេះ​មិន​ទាន់​ផ្តល់​សញ្ញា​បញ្ជាក់ពី​បញ្ហា​នៅ​ឡើយ​ទេ​។​» នេះ​ជា​សម្តី​របស់​លោក ងួន សុខា រដ្ឋលេខាធិកា ក្រសួង​សេដ្ឋកិច្ច និង​ហិរញ្ញវត្ថុ ដែល​បាន​និយាយ​នៅក្នុង​សិក្ខាសាលា​អចលនទ្រព្យ​ប្រព្រឹត្ត​ឡើង​នៅ​ក្រោម​ប្រធានបទ «​ឱកាស និង​ហានិភ័យ​នៅក្នុង​ការ​អភិវឌ្ឍ​វិស័យ​អចលនទ្រព្យ​របស់​ប្រទេស​កម្ពុជា​» កាលពី​ថ្ងៃ​អង្គារ​នេះ​។

បុគ្គល​សំខាន់ៗ​របស់​ក្រសួង​សេដ្ឋកិច្ច និង​ហិរញ្ញវត្ថុ និង​វិស័យ​ឯកជន​បាន​មក​ជួប​ប្រជុំ​គ្នា​ស្ថិត​នៅ​ក្រោម​គោលបំណង​តែ​មួយ​។ នោះ​គឺ​ការ​ចែករំលែក​ព័ត៌មាន​។

លោក ម៉ី វិន ប្រធាន​នាយកដ្ឋាន​សេដ្ឋកិច្ច​ឧស្សាហកម្ម​បាន​និយាយ​ថា​ក្រសួង​កំពុង​មាន​គម្រោង​ប្រមូល​ព័ត៌មាន​ពី​ការ​ផ្គត់ផ្គង់​សេចក្តី​ត្រូវការ​របស់​ទីផ្សារ​ពី​វិស័យ​ឯកជន​រួច​ហើយ​ធ្វើការ​វិភាគ​ដ៏ហ្មត់ចត់​មួយ​ស្តីពី​បញ្ហា​របស់​វិស័យ​នេះ​។

ដោយ​មូលហេតុ​យោង​ទៅ​តាម​លោក ម៉ី វិបត្តិ​សេដ្ឋកិច្ច​ពិភពលោក​នៅ​ឆ្នាំ​ ២០០៨ បាន​ជះ​ឥទ្ធិពល​យ៉ាង​ខ្លាំង​មកលើ​ប្រទេស​កម្ពុជា​រហូត​មក​ដល់​សព្វ​ថ្ងៃ​នេះ​។ ដូច្នេះ​ក្រសួង​មាន​គម្រោង​ចៀសវាង​ការ​ដួលរលំ​ដូច​មុន​ម្តង​ទៀត​។

ប្រព័ន្ធ​ព័ត៌មាន​នៅ​មិន​ទាន់​ដំណើរការ​ត្រឹមត្រូវ​នៅ​ឡើយ​ទេ​ហើយ​វា​កំពុង​តែ​ស្ថិត​នៅ​ក្រោម​ការ​បង្កើត​នៅ​ឡើយ​។ ក៏​ប៉ុន្តែ​ឥឡូវ​នេះ​យើង​កំពុង​ស្ថិត​នៅក្នុង​ដំណាក់កាល «​ជ្រើសរើស​អ្នក​ជំនាញ​»​។ លោក ម៉ី បាន​បន្ត​ទៀត​ថា​ គាត់​មិន​គិត​ថា​វិស័យ​អចលនទ្រព្យ​នឹង​ជួប​ហានិភ័យ​នោះ​ទេ​។

គាត់​បាន​បន្ត​បកស្រាយ​ទៅលើ​សេចក្តី​សនិ្នដ្ឋាន​ដែល​ថា​វិស័យ​អចលនទ្រព្យ​នឹង​មិន​មាន​ហានិភ័យ​៖ «​ពួក​យើង​គ្មាន​ពត៌មាន និង​ទិន្នន័យ​ច្បាស់លាស់​ដើម្បី​វាយតម្លៃ​ថា​តើ​ហានិភ័យ​កើត​មាន​ទី​ណា​នោះ​ទេ​»​។

លោក ហ៊ុយ ណារ៉ា អគ្គនាយក​នៃ​អគ្គនាយកដ្ឋាន​សំណង់​ក្រសួង​រៀបចំ​ដែនដី នគរូបនីយកម្ម និង​សំណង់​បាន​នាំ​យក​នូវ​ទិន្នន័យ​មក​កាន់​សិក្ខាសាលា​​នេះ​។ គាត់​ថែម​ទាំង​បាន​ធ្វើ​បទ​បង្ហាញ​ពី​ទិន្នន័យ​ទាំង​នោះ​ដោយ​សុទិដ្ឋិនិយម​ទៀត​ផង​។

បើ​យោង​ទៅ​តាម​លោក ហ៊ុយ វិស័យ​សំណង់​បាន​រីក​ដុះដាល​តាំងពី​ឆ្នាំ​ ២០១១ មក​ម្ល៉េះ។ ការ​វិនិយោគទុន​ក្នុង​វិស័យ​នេះ​បាន​កើនឡើង​ពី​ចំនួន ២,១០៩ ​លាន​ដុល្លារ​អាមេរិក​ក្នុង​ឆ្នាំ​ ២០១២ មក​ដល់ ២,៧៧៣ លាន​ដុល្លារ​អាមេរិក​នៅ​ឆ្នាំ​ ២០១៣ ​។

គាត់​ក៏​បាន​បញ្ជាក់​បន្ថែម​ថា​វិស័យ​សំណង់ និង​អចលនទ្រព្យ​ក៏​អាច​ភ្ជាប់​ទៅ​ជាមួយ​នឹង​វិស័យ​សេវាកម្ម និង​ឧស្សាហកម្ម​ផង​ដែរ​។ ដោយ​ហេតុ​នេះ​ហើយ​វិស័យ​ទាំង​ពីរ​នេះ​ក៏​ចូលរួម​ចំណែក​ក្នុង​ការ​លើក​ស្ទួយ​កំណើន​សេដ្ឋកិច្ច​របស់​ប្រទេស​កម្ពុជា​ផង​ដែរ​។

លោក ស្ទីវិន ហ៊ីគិន្ស ដៃគូ​គ្រប់គ្រង​របស់​ក្រុមហ៊ុន​វិនិយោគទុន​មួយ​ឈ្មោះ​ថា​ដៃគូ​យុទ្ធសាស្ត្រ​មេគង្គ​បែរ​ជា​មាន​ប្រសាសន៍​ថា​ការ​អភិវឌ្ឍ​អចលនទ្រព្យ​បច្ចុប្បន្ន​នេះ​មិន​អាច​ស្រូប​សេចក្តី​ត្រូវការ​លំនៅឋាន​ពី​ឧស្សាហកម្ម​ទាំងនោះ​ទេ​។

«​វិស័យ​ផ្សេង​ទាំង​នោះ​កំពុង​តែ​មាន​កំណើន​កើនឡើង​ក្នុង​អត្រា ១០ ​ភាគរយ​ក្នុង​មួយ​ឆ្នាំ​តែ​ខ្ញុំ​យល់​ថា​ពួកគាត់​មិន​អាច​ស្រូប​យក​នូវ​ផ្ទះ​ជាច្រើន​ដែល​កំពុង​ត្រូវ​បាន​សាងសង់ ឬ​ក៏​កំពុង​ដាក់​ឲ្យ​ប្រើ​ការ​នោះ​ទេ​ដោយសារ​ការងារ​ភាគច្រើន​ដែល​ត្រូវ​បាន​ផ្គត់ផ្គង់​ដោយ​វិស័យ​ទាំងនេះ​សុទ្ធតែ​ជា​ការងារ​មាន​កម្រិត​ប្រាក់​ចំណូល​ដែល​ធ្វើឲ្យ​ពួកគាត់​មិន​អាច​មាន​សមត្ថភាព​ទិញ​ផ្ទះ​នៅ​ម្តុំ​បឹងកេងកង​ ១ បាន​ទេ​»​។

វា​ជា​ការ​ពិត​ណាស់​ដែល​អ្នក​ធ្វើការ​នៅក្នុង​វិស័យ​សេវាកម្ម ឬ​ផលិតកម្ម​មិន​អាច​មាន​សមត្ថភាព​ទិញ​ផ្ទះ​នៅ​ម្តុំ​បឹងកេងកង​ ១ ដ៏​ប្រណីត​នោះ​ទេ​។ តើ​ចម្លើយ​ទៅ​កាន់​សំណួរ​ថា​តើ​មាន​លំនៅឋាន​ប៉ុន្មាន​ដែល​កំពុង​ត្រូវ​បាន​សាងសង់​សម្រាប់​ប្រជាជន​ដែល​មាន​ប្រាក់​ចំណូល​មធ្យម និង​ទាប​រស់នៅ​រាជធានី​ដែល​កំពុង​រីក​លូតលាស់​មួយ​នេះ​នៅ​មិន​មាន​ភាព​ជាក់ស្តែង​នោះ​ទេ​។

ការ​សាងសង់​លំនៅឋាន​ប្រណីត​ហាក់​ដូចជា​គ្រប​ដណ្តប់​ជើង​មេឃ​នៃ​ទី​កណ្តាល​របស់​ទីក្រុង​ភ្នំពេញ​៖ ការ​សាងសង់​អគារ​នីមួយៗ​មាន​ឥទ្ធិពល​ទៅលើ​តម្លៃ​។

«​នា​ពេល​បច្ចុប្បន្ន​នេះ​ខុនដូ​ភាគច្រើន​នៅ​កណ្តាល​ទីក្រុង​ត្រូវ​បាន​ទិញ​ដោយ​ជនបរទេស​។ ទង្វើ​នេះ​កំពុង​តែ​បំប៉ោង​តម្លៃ​ហើយ​វា​មិន​មាន​និរន្តរភាព​ជា​យូរអង្វែង​នោះ​ទេ​។ យើង​ត្រូវ​មាន​ការ​សាងសង់​ខុនដូ​ដែល​មាន​តម្លៃ​សមរម្យ​ដែល​អាច​បំពេញ​ទីផ្សារ​ក្នុង​ស្រុក​បាន​»​។ នេះ​បើ​តាម​សម្តី​របស់​លោក រ៉ស វ៉េបល នាយក​គ្រប់គ្រង​ប្រចាំ​ប្រទេស​ក្រុមហ៊ុន Knight Frank បាន​ប្រាប់​ភ្នំពេញ ប៉ុស្តិ៍ បន្ថែម​ទៀត​ថា «​យើង​អាច​និយាយ​បាន​ថា​តម្លៃ​ដី (​និង​តម្លៃ​អចលនទ្រព្យ​) កំពុង​ប្រថុយ​លឿន​ពេក​បើ​ប្រៀបធៀប​ទៅ​នឹង​ផលិតផល​ក្នុង​ស្រុក​សរុប​ក្នុង​មនុស្ស​ម្នាក់ៗ​របស់​កម្ពុជា​ដោយសារ​អ្នក​ទិញ​ក្នុង​ស្រុក​បាន​ចេញ​ពី​ទីផ្សារ​កណ្តាល​របស់​ទីក្រុង​ភ្នំពេញ​គឺ​អាស្រ័យ​លើ​តម្លៃ​។ …

សាលារាជធានីភ្នំពេញប្រកាស់បើកការដ្ឋានក្រាលកៅស៊ូថ្មី តាមបណ្តោយផ្លូវ ២៧១

សាលារាជធានីភ្នំពេញប្រកាស់បើកការដ្ឋានក្រាលកៅស៊ូថ្មី តាមបណ្តោយផ្លូវ ២៧១

On

ថ្ងៃទី៖ ១៩ សីហា ឆ្នាំ២០១៥   ដោយ៖ Urban Voice Cambodia      អត្ថបទ៖ ចាន់ថុន

ថ្ងៃទី ១៩ សីហា ២០១៥ សាលារាជធានីភ្នំពេញបានប្រកាស់បើកការដ្ឋានក្រាលកៅស៊ូថ្មី ដើម្បីបង្ករអោយមានភាពងាយស្រួលក្នុងការធ្វើដំណើរនៅតាមបណ្តោយផ្លូវ ២៧១ ចាប់ពីស្ពានអាកាស ស្ទឹងមានជ័យ រហូតដល់ស្ពានអាកាសក្បាលថ្នល់ ក៏ប៉ុន្តែក្នុងកំឡុងពេលដែលការដ្ឋាននេះកំពុងសាងសង់ នោះផ្លូវ ២៧១ ដែលហៅថា ផ្លូវខេមរៈភូមិន្ទ នឹងមានការកក់ស្ទះខ្លាំងជាមិនខាន បើទោះធៀបនឹងថ្ងៃធម្មតាដែលគ្មានការដ្ឋានសាងសង់ផ្លូវនេះតែងតែមានការកកស្ទះជាញឹកញាប់។ អាស្រ័យហេតុនេះសូមបងប្អូនដែលធ្វើដំណើរតាមផ្លូវនេះសូមមានការប្រុងប្រយ័ត្នអោយបានច្រើន។ឮ

ទំនាក់ទំនងមកកាន់៖  chengchanthon@gmail.com

ចំនុចដែលការដ្ឋាននឹងធ្វើការក្រាលកៅស៊ូថ្មី
ចំនុចដែលការដ្ឋាននឹងធ្វើការក្រាលកៅស៊ូថ្មី
គ្រឿងចក្រសម្រាប់ការសាងសង់
គ្រឿងចក្រសម្រាប់ការសាងសង់
271c
គ្រឿងចក្រសម្រាប់ការសាងសង់
271d
គ្រឿងចក្រសម្រាប់ការសាងសង់
271e
គ្រឿងចក្រសម្រាប់ការសាងសង់

 

 

ប្រជាសហគមន៍ព្រែកតាគង់ធ្វើពិធីបួងសួងបញ្ចៀសគម្រោងអភិវឌ្ឍទីក្រុង

ប្រជាសហគមន៍ព្រែកតាគង់ធ្វើពិធីបួងសួងបញ្ចៀសគម្រោងអភិវឌ្ឍទីក្រុង

On

This slideshow requires JavaScript.

ដោយ៖ ងី សុវណ្ណរតនី ថ្ងៃទី១៨​ ខែសីហា ឆ្នាំ២០១៥

ភ្នំពេញ៖​ ប្រជាសហគមន៍ប្រមាណ១០០នាក់ មកពី២៣ភូមិ បានធ្វើពិធីសែនព្រេនតាមបែបសាសនាមួយ នៅសហគមន៍ព្រែកតាគង់១ស្ថិតនៅក្នុងបឹងទំពុន សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ កាលពីថ្ងៃទី១៧ ខែសីហា ចាប់ពីម៉ោង២ ដល់ម៉ោងប្រមាណ៤ និង៣០នាទីល្ងាច ​ ដើម្បីធ្វើការបួងសួងបន់ស្រន់សុំសេចក្តីសុខកុំឲ្យមានការបណ្តេញចេញដោយការអភិវឌ្ឍរបស់ក្រុមហ៊ុនឯកជនមួយ ក៍ដូចជាបង្ហាញនូវសាមគ្គីភាព និងឆន្ទៈនៃការចង់អភិវឌ្ឍនៅនឹងកន្លែងរបស់ប្រជាសហគមន៍។

លោក ឡន លី អាយុ ៣៣ឆ្នាំ ជាអ្នកតំណាងសហគមន៍ព្រែកតាគង់ បាននិយាយថា ប្រជាជនមានការព្រួយបារម្ភជាខ្លាំង ក្រោយពេលដឹងថាសហគមន៍ទាំងអស់របស់គេស្ថិតនៅក្នុងគម្រោងអភវឌ្ឍន៍ ២,៥៧២ហិចតា របស់ក្រុមហ៊ុនឯកជនមួយឈ្មោះ ING Holdings Co., LTD​ ដែលនឹងប៉ះពាល់ផ្ទះ និងដីរបស់ប្រជាពលរដ្ឋប្រមាណជាង៣៦០គ្រួសារ។

លោក លី បានបន្តថា ប្រជាជនក្នុងសហគមន៍បានរស់នៅទីនេះតាំងពីមុនឆ្នាំ១៩៧៩មកម្លេះ ហើយដោយសារបញ្ហាកង្វះខាតជីវភាពគ្រួសារ ប្រជាជនភាគច្រើនពឹងផ្អែកទៅលើបឹងទំពុន និងបឹងជើងឯកក្នុងការប្រកបរបរចិញ្ចឹមជីវិតដូចជាការបេះត្រកួន កញ្ឆែត និងការនេសាទត្រីក្នុងបឹង។

បើតាមប្រសាសន៍លោក លី ក្រុមហ៊ុន ING Holdings Co., LTD បានចាប់ផ្តើមធ្វើការចាក់ខ្សាច់លុបបឹងតាំងពីឆ្នាំទៅម្លេះដែលធ្វើឲ្យមានទឹកជន់លិចក្នុងសហគមន៍ខ្លាំងនារដូវវស្សា និងពេលមានភ្លៀងធ្លាក់ខ្លាំងម្តងៗ ហើយការចាក់ខ្សាច់លុបបឹងនេះពិតជាមានផលប៉ះពាល់ដល់ការរស់នៅរបស់ប្រជាពលរដ្ឋយ៉ាងខ្លាំង។

អ្នកតំណាងសហគមន៍ព្រែកតាគង់១ដដែលនេះបានបន្ថែមថា ក្នុងវេទិការសាធារណៈកាលពីខែមុន លោក កែវ ពេជ្រមុន្នី អភិបាលខណ្ឌមានជ័យបានជម្រាបអ្នកភូមិទាំងអស់អំពីគម្រោងអភិវឌ្ឍដែលនឹងប៉ះពាល់ដល់សហគមន៍នេះ និងការប្រឈមក្នុងការរុះរើលំនៅដ្ឋាន។​ នៅក្នុងនោះផងដែរ អាជ្ញាធរបានផ្តល់ជម្រើចំនួន៤សម្រាប់ប្រជាសហគមន៍ក្នុងការជ្រើសរើសជាដំណោះស្រាយ​ គឺទីមួយ សំណងប្តូរដី ទីពីរ ក្រុមហ៊ុននឹងផ្តល់ជូនតម្លៃផ្ទះតាមទីផ្សារ ទីបីការអភិវឌ្ឍនៅនឹងកន្លែង និងទីបួន ក្រុមហ៊ុនផ្តល់សំណងតែ៣០ភាគរយទៅលើផ្ទះដែលមានការប៉ះពាល់សម្រាប់ការធ្វើផ្លូវមានទទឹង៣០ម៉ែត្រ ចំនួន៣ខ្សែ។

យ៉ាងណាមិញ លោក ឡន លីបានបង្ហាញពីជំហរយ៉ាងរឹងមាំ និងជម្រើសរបស់ប្រជាជនក្នុងភូមិថា ពួកគាត់នឹងស្នើសុំឲ្យមានការអភិវឌ្ឍនៅនឹងកន្លែងផ្ទាល់ ប្រសើរជាងការផ្លាស់ទីលំនៅទៅឆ្ងាយពីក្រុងដែលជាការលំបាកក្នុងការធ្វើការងារចិញ្ចឹមជីវិត។

សរសេរមកកាន់លោក​ ងី សុវណ្ណរតនី តាមរយៈ ngysovanratany@gmail.com

ក្រុមហ៊ុនអចលនទ្រព្យជប៉ុន Creed Group ដែលមានសាខាក្នុងប្រទេសកម្ពុជា(Creed Asia) ចេញគម្រោងលំឋានធំៗបីនៅភ្នំពេញ

ក្រុមហ៊ុនអចលនទ្រព្យជប៉ុន Creed Group ដែលមានសាខាក្នុងប្រទេសកម្ពុជា(Creed Asia) ចេញគម្រោងលំឋានធំៗបីនៅភ្នំពេញ

On

ថ្ងៃទី៖ ១៤​ សីហា ២០១៥ ដោយ៖ Urban Voice Cambodia     អត្ថបទ៖ ចាន់ថុន

ថ្ងៃព្រហស្បត្តិ៍ទី ១៣ សីហា ២០១៥ ក្រុមហ៊ុនអចលនទ្រព្យដ៏ធំមួយរបស់ជប៉ុន (Creed Group) ដែលមានសាខាក្នុងប្រទេសកម្ពុជា(Creed Asia) ដែលមានទីតាំងនៅផ្ទះលេខ,No.៤៤៥ មហាវិថីព្រះមុន្នីវង្ស កែងផ្លូវលេខ ២៣២ ភ្នំពេញថៅវើ (Phnom Penh Tower), ជាន់ទី១៧, ១២២៥៨ភ្នំពេញ បានបង្ហាញពីគម្រោងលំនៅដ្ឋានធំៗបីរបស់ខ្លួននៅសណ្ឋាគារសូហ្វីតែល ភ្នំពេញភូគីស្រា។

គម្រោងទាំងបីនោះមាន៖

BODAIJU RESIDENCES៖ គម្រោងនេះបានដាក់សម្ពោធលក់ជាផ្លូវការកាលពីម្សិលមិញ វាជាគម្រោងអភិវឌ្ឍន៍លំនៅដ្ឋានជាលក្ខណៈខុនដូ។គម្រោងនេះនឹងសាងសង់លើទំហំផ្ទៃដីសរុបចំនួន ១៦៦ ពាន់ម៉ែត្រការ៉េ ដោយ អគារខុនដូមួយមានផ្ទៃដី ២៣,៥៣០ម៉ែត្រការ៉េ និងមានអគារខុនដូសរុប ចំនួន ៦អគារ ជាមួយនឹងបន្ទប់ស្នាក់នៅសរុបចំនួន ៩២៨ យូនីត នឹងមានទីតាំងស្ថិតនៅជាប់ផ្សារទំនើប LION MALL ទល់មុខនឹងអាកាសយានដ្ឋានអន្តរជាតិភ្នំពេញ ចំពាក់កណ្ដាលរវាងរាជធានី និងតំបន់សេដ្ឋកិច្ចពិសេសភ្នំពេញ

ARATA GARDEN RESIDENCES៖ គ្រោងនឹងសាងសង់នៅ ភូមិបន្លាស្អិត សង្កាត់ខ្មួញ ខណ្ឌសែនសុខ រាជធានីភ្នំពេញ គម្រោងបុរីនេះ គ្រោងនឹងសាងសង់លើផ្ទៃដីសរុប ១១៩,៤០៤ ម៉ែត្រការ៉េ ដោយមានគេហដ្ឋានសរុបចំនួន ៧១២ យូនីត។

Morha Sensok៖  គ្រោងសាងសង់ជាប្រភេទផ្ទះល្វែង ដែលមានលក្ខណៈធម្មតា ស្របតាមការនិយមរបស់ប្រជាជនកម្ពុជា  នឹងសាងសង់លើផ្ទៃដីសរុប ១២០,៦៨៤ម៉ែត្រការ៉េ មានចំនួនផ្ទះល្វែងសរុបមាន ៦៦៩ យូនីត។ ស្ថិតនៅផ្លូវវត្តតាំងកសាង សង្កាត់ក្រាំងធ្នុង ខណ្ឌសែនសុខ ភ្នំពេញ។

ទំនាកទំនងមកកាន់៖  chengchanthon@gmail.com