អាគារសិក្សាលំដាប់ថ្នាក់ពិភពលោកសម្រាប់កុមារក្រីក្រកម្ពុជាកំពុងសាងសង់

អាគារសិក្សាលំដាប់ថ្នាក់ពិភពលោកសម្រាប់កុមារក្រីក្រកម្ពុជាកំពុងសាងសង់

On

ដោយ៖ សំឡេងទីក្រុង ថ្ងៃទី២៦​ ខែសីហា ឆ្នាំ២០១៥

អាគារសិក្សាលំដាប់ស្តង់ដារពិភពលោក Neeson Cripps Academy (NCA) សម្រាប់កុមារក្រីក្រកម្ពុជាបានសម្ពោធបើកការដ្ឋានសាងសង់កាលពីថ្ងៃទី២៥ ខែសីហានេះ ក្រោមអធិបតីភាពរបស់ឯកឧត្តម ហង់ ជួនណារុន រដ្ឋមន្ត្រី​ក្រសួង​អប់រំ​យុវជន​និង​កីឡា​។

ស្ថិតនៅក្នុងពិធីចុះបឋមសិលា ឯកឧត្តម ហង់ ជួនណារុនបានធ្វើការស្វាគមន៍ចំពោះការដ្ឋាននៃអាគារសិក្សា Neeson Cripps Academy (NCA) នេះនៅចំកណ្តាលនៃសហគមន៍វាលចាក់សំរាម ដែលនឹងផ្តល់ការអប់រំដោយឥតគិតថ្លៃជូនដល់កុមារក្រីក្រកម្ពុជាទាំងអស់ផងដែរ។

លោករដ្ឋមន្ត្រីក៍បានសម្តែងនូវការគាំទ្ររបស់រាជរដ្ឋាភិបាលក្នុងការអំពាវនាវទៅដល់សប្បុរសជនទាំងឡាយដែលមានបំណងជួយជ្រោមជ្រែងពង្រឹងការអប់រំបង្កើនធនធានមនុស្សនៅកម្ពុជា។ ឯកឧត្តមបានសង្កត់ធ្ងន់ទៅលើកំណែទម្រង់ស៊ីជម្រៅនៃវិស័យអប់រំធនធានមនុស្សដើម្បីឲ្យសមស្របទៅនឹងការប្រកួតប្រជែងទីផ្សារការងារក្នុងសមាហរណកម្មអាស៊ាន។

នាយកប្រត្តិបត្ត និងអ្នកបង្កើត អង្គការមូលនិធិកុមារកម្ពុជា Cambodian Children’s Fund (CCF) លោក ស្កត នីសិន និងជាអ្នកផ្តួចផ្តើមគម្រោងការដ្ឋាននេះឡើង បានគូសបញ្ជាក់ថានេះជាព្រឹត្តិការណ៍ដ៍សោមនស្សរីករាយមួយក្នុងរយៈកាល១១ឆ្នាំកន្លងមករបស់ CCF។

គ្រឹះស្ថានអប់រំ Neeson Cripps Academy (NCA) នឹងផ្តល់ឲ្យកុមារក្រីក្រកម្ពុជាទាំងអស់ នូវប្រព័ន្ធអប់រំមួយដ៍មានគុណភាពខ្ពស់ រួមជាមួយនឹងឳកាសសិក្សាក្នុងអាគារសិក្សាដែលមានទីធ្លាធំទូលាយ សម្ភារសិក្សាដែលមានបច្ចេកវិទ្យាទំនើប និងសាស្ត្រចារ្យដែលមានជំនាញគរុកោសល្យ ដែលផ្តោតទៅលើ ប្រព័ន្ធអប់រំ STEM (វិទ្យាសាស្ត្រ បច្ចេកវិទ្យា វិស្វកម្ម និងគណិតវិទ្យា)។

លោកក៍បានបន្ថែមថា សាលាក៍មានថ្នាក់រៀនដែលមានបរិយាកាសដ៍ល្អសមស្របមួយសម្រាប់ឲ្យសិស្សរៀនប្រើគំនិតគិតឲ្យបានស៊ីជម្រៅ ក៍ដូចជាការយល់ដឹងពីពិភពលោកដែលនៅជុំវិញខ្លួនពួកគេផងដែរ។

ជាមួយនឹងការចំណាយប្រមាណ ៤លានដុល្លាអាមេរិក ដែលជាជំនួយឧបត្ថម្ភរបស់ក្រុមហ៊ុន Velcro គ្រឹះស្ថានអប់រំដែលមានកម្ពស់៥ជាន់នេះ ត្រូវរំពឹងថានឹងបញ្ចប់ការដ្ឋាននៅខែតុលា ឆ្នាំ២០១៦។

អង្គការមូលនិធិកុមារកម្ពុជា (CCF)​ ត្រូវបានបង្កើតឡើងក្នុងឆ្នាំ២០០៤ដោយអតីតនាយកប្រត្តិបត្តភាពយន្ត លោក ស្កត នីសិន ដែលមានចក្ខុវិស័យក្នុងការក្នុងការផ្លាស់ប្តូរកុមារក្រីក្រកម្ពុជាឲ្យក្លាយទៅជាអ្នកដឹកនាំក្នុងថ្ងៃអនាគត តាមរយៈការផ្តល់នូវការអប់រំដ៍ល្អត្រឹមត្រូវ និងការគាំទ្រពីក្រុមគ្រួសារ ក្រោមកម្មវិធីអភិវឌ្ឍន៍ទៅលើសហគមន៍ដែលជួបប្រទះនឹងភាពក្រីក្រលំបាកបំផុតក្នុងព្រះរាជាណាចក្រកម្ពុជា។ បច្ចុប្បន្ននេះ មានសិស្សចំនួន២,៣០០នាក់ដែលបានមកធ្វើការចុះឈ្មោះក្នុងកម្មវិធីអប់រំរបស់មូលនិធិដើម្បីកុមារកម្ពុជា (CCF)​។

នេះបើយោងតាមព័ត៌មានលើគេហទំព័រ ទីភ្នាក់ងារសារព័ត៌មានកម្ពុជា។

យុទ្ធនាការថ្មី៖  របាយការណ៍​​ស្តីអំពីការដាច់ចរន្ដអគ្គីសនីឆ្នាំ២០១៥

យុទ្ធនាការថ្មី៖ របាយការណ៍​​ស្តីអំពីការដាច់ចរន្ដអគ្គីសនីឆ្នាំ២០១៥

On

ដោយ៖ សំឡេងទីក្រុង ថ្ងៃទី២៦ ខៃសីហា ឆ្នាំ២០១៥

របាយការណ៍នៃយុទ្ធនាការ ស្តីអំពីការដាច់ចរន្តអគ្គីសនី២០១៥ បានចេញផ្សាយហើយ។ នៅក្នុងកំឡុងពេល នៃការធ្វើយុទ្ធនាការ ដែលចាប់ផ្តើមពីខែមេសា ឆ្នាំ២០១៥ រហូតដល់ ខែមិថុនា ឆ្នាំ២០១៥ សំឡេងទីក្រុងបានទទួលរបាយការណ៍ចំនួន ២៣ ដែលបង្ហាញពីទីតាំងនៃការ ការដាច់ចរន្តអគ្គីសនីនៅរាជធានីភ្នំពេញ។

គម្រោងទីក្រុងរណប នៅប៉ែកខាងត្បួងទីក្រុងភ្នំពេញ នឹងបញ្ចប់ការសាងសង់នៅចន្លោះឆ្នាំ២០២០

គម្រោងទីក្រុងរណប នៅប៉ែកខាងត្បួងទីក្រុងភ្នំពេញ នឹងបញ្ចប់ការសាងសង់នៅចន្លោះឆ្នាំ២០២០

On

ថ្ងៃទី៖  ២៥ សីហា ២០១៥  ដោយ៖ Urban Voice Cambodia     អត្ថបទ៖ ចាន់​ថុន

គម្រោងសាងសង់ទីក្រុងរណបដែលមានឈ្មោះថា ING city ដែលបានចាប់ផ្តើមដំណើរការគម្រោងរបស់ខ្លូននៅក្នុងឆ្នាំ ២០១៤  នឹងគ្រោងបញ្ចប់គម្រោងនេះនៅក្នុងឆ្នាំ ២០២០ ដោយសាងសង់នៅលើ ផ្ទៃដី 2,572ហិកតា នៃផ្ទៃដីសរុប ២៥០ ហិចតា ដែលមានទីតាំងស្ថិតនៅក្នុង ខ័ណ្ឌចំការមន​ ខ័ណ្ឌមានជ័យ ខ័ណ្ឌដង្កោរ នឹងខេត្តកណ្តាល ក្រុងតាខ្មៅ ដោយដំណើរកាសាងសង់ចាប់ពីបឹងទំពុនទៅ។

ទំនាក់ទំនងមកកាន់៖  chengchanthon@gmail.com

 

 

តើសេវាកម្មរថយន្តក្រុងសាធារណៈអាចក្ស័យធុនដែរឬទេ?

តើសេវាកម្មរថយន្តក្រុងសាធារណៈអាចក្ស័យធុនដែរឬទេ?

On

ដោយ៖ សំឡេងទីក្រុង ថ្ងៃទី២៥ ខែសីហា ឆ្នាំ២០១៥

យោងតាមកាសែតភ្នំពេញប៉ុសិ៍្តចុះថ្ងៃទី២៥ ខែសីហា សាលាក្រុងបានខាតបង់នូវទឹកប្រាក់ប្រមាណ ១០០,០០០ ដុល្លាអាមេរិកជារៀងរាល់ខែទៅលើដំណើរការនៃរថយន្តក្រុងសាធារណៈ។

អ្នកនាំពាក្យរបស់សាលាក្រុងភ្នំពេញ លោក ឡង់ ឌីម៉ង់ បាននិយាយថា សម្រាប់តម្លៃរថយន្តក្រុងសាធារណៈគឺត្រឹមតែ ១,៥០០ រៀលតែប៉ុណ្ណោះ និងមិនគិតប្រាក់ចំពោះសិស្ស និស្សិត ជនពិការ មនុស្សចាស់ជរា​ និងព្រះសង្ឃ។

លោក ឌីម៉ង់ បន្ថែមថា បើទោះបីជាមានការខាតបង់យ៉ាងនេះក្តី ក៍សាលាក្រុងមិនបញ្ឈប់សេវកម្មសាធារណៈនេះឡើយ តែផ្ទុយទៅវិញមានតែខិតខំធ្វើយ៉ាងណា ឲ្យសេវកម្មរថយន្តក្រុងសាធារណៈនេះកាន់តែមានភាពល្អប្រសើរថែមទៀត។

បច្ចុប្បន្ននេះ មានអ្នកធ្វើដំណើរតាមរថយន្តក្រុងនេះប្រមាណ​ពី ៦០០០ ទៅ ៧០០០នាក់រៀងរាល់ថ្ងៃ ជាមួយរថយន្តក្រុងចំនួន ៥០​ គ្រឿងដែលរត់លើមហាវិថីបីខ្សែក្នុងរាជធានីភ្នំពេញ។

ខ្សែទីមួយចេញពី គីឡូម៉ែតលេខ៩លើផ្លូវជាតិលេខ៥ ទៅស្តាតចាស់ និងបន្តធ្វើដំណើរចុះតាមមហាវិថីព្រះមុន្នីវង្ស ទៅស្ពានអាកាសព្រះមុន្នីវង្ស បន្ទាប់មកធ្វើដំណើរតាមផ្លូវជាតិលេខមួយ រហួតដល់ចំណតរថយន្តបឹងឈូក ចុងក្រោយត្រលប់មកចំណតដើមវិញ​ ដែលសរុបទាំងអស់មាន៦៧ ចំណតតាមរថយន្តក្រុងខ្សែនេះ។

ខ្សែទីពីរចេញពីផ្សាររាត្រីមហាវិថីព្រះស៊ីសុវត្ថិ ទៅកាន់ស្ពានជ្រោយចង្វារ និងជិះកាត់ស្តាតចាស់ ផ្លូវ៧០ ផ្លូវ២៧៣ ស្ថានីយ៍ទួលគោគ វិថីសួងគីមអ៊ែល ភ្លើងស្តុបបូកគោ មហាវិថីព្រះមុន្នីវង្ស និង ត្រង់ឆ្ពោះទៅកាន់ផ្លូវជាតិលេខ២ រហូតដល់ក្រុងតាខ្មៅ ចុងក្រោយត្រលប់មកចំណតដើមវិញ​ ដែលសរុបទាំងអស់មាន៦៨ ចំណតតាមរថយន្តក្រុងខ្សែនេះ។

ខ្សែទីបីចេញពីផ្សាររាត្រីតាមផ្លូវ១០៦ ទៅកាន់មហាវិថីព្រះនរោត្តម ផ្លូវ១៣០ ផ្សារធំថ្មី ផ្លូវកម្ពុជាក្រោម ឆ្លង់កាត់ស្ពានអាកាស៧មករា ផ្លូវសហព័ន្ធរុស្ស៊ី អាកាសយានដ្ឋានអន្តរជាតិភ្នំពេញ និងចំណតចោមចៅ ចុងក្រោយត្រលប់មកចំណតដើមវិញ​ ដែលសរុបទាំងអស់មាន៤៩ ចំណតតាមរថយន្តក្រុងខ្សែនេះ។

បឹងទំពុន ប្រឈមនឹងកាលប់ ដើម្បីធ្វើការអភិវឌ្ឍន៍ ដូចបឹងកក់ នឹងបឹងដទៃទៀត

បឹងទំពុន ប្រឈមនឹងកាលប់ ដើម្បីធ្វើការអភិវឌ្ឍន៍ ដូចបឹងកក់ នឹងបឹងដទៃទៀត

On

ថ្ងៃទី៖ ១៥ សីហា ២០១៥    ដោយ៖ Uban Voice Cambodia        អត្ថបទ៖ ចាន់ថុន

បឹងទំពុនគឺជាបឹងធម្មជាតិដ៏ធំមួយ ដែលស្ថិតនៅក្នុង ខ័ណ្ឌមានជ័យ រាជធានីភ្នំពេញ។  ហើយក៏ជាប្រភពអាស្រ័យផលសម្រាប់ប្រជាពលរដ្ឋដែលស្ថិតនៅតាមមជ្ឈដ្ឋានជុំវិញបឹងនោះ នឹងជាឃា្លំងស្តុកទឹកដ៏សំខាន់ បន្ទាប់ពីបឹងធំៗមួយចំនួនទៀតក្នុងរាជធានីភ្នំពេញ ត្រូវចាក់ដីបំពេញ។​ បឹងមួយនេះដើតួរយ៉ាងសំខាន់ក្នុងការជួយកាត់បន្ថយគ្រោះទឹកជំនន់ដែលតែងតែកើតស្ទើរគ្រប់ពេលមានភ្លៀងធំម្តងៗក្នុងទីក្រុង បច្ចុប្បន្ននេះកំពុងរងការកំរាមកំហែង ពីសំណាក់មន្រ្តីរដ្ឋាភិបាលថានឹងលប់បឹងមួយនេះ ក្រោមហេតុផលថា សម្រាប់ធ្វើការអភិវឌ្ឍន៍។

ហើយគេក៏ឮមានមតិជាច្រើនផងដែរ បានសម្តែងការមិនពេញចិត្ត នឹងគម្រោងលប់បឹងធំៗនោះឡើយដោយ បញ្ចេញនូវទស្សនៈថា កាលប់បឹងទាំងនោះវានឹងធ្វើអោយមានទឹកជំនន់ក្នុងទីក្រុង ហើយអាចបង្ករអោយមានផល់ប៉ះពាល់ជាច្រើនដល់ សេដ្ឋកិច្ច នឹងជីវភាពរស់នៅរបស់ប្រជាពលរដ្ឋដែលរស់នៅក្នុងរាជធានីភ្នំពេញទាំងមូល។​

ទំនាក់ទំនងមកកាន់៖  chengchanthon@gmail.com

 

គម្រោងជំលៀសចំណតឡានក្រុង សម្រាប់ភាពធូរស្បើយចរាចរណ៍ក្នុងក្រុងឆ្នាំ២០១៦

គម្រោងជំលៀសចំណតឡានក្រុង សម្រាប់ភាពធូរស្បើយចរាចរណ៍ក្នុងក្រុងឆ្នាំ២០១៦

On

ដោយ៖ សំឡេងទីក្រុង ​ ថ្ងៃទី២១ ខែសីហា ឆ្នាំ២០១៦

នៅដើមឆ្នាំ២០១៦នេះ រាល់ចំណតរថយន្តក្រុងដែលធ្វើដំណើរពីភ្នំពេញទៅបណ្តាខេត្ត ឬពីខេត្តមកភ្នំពេញ នឹងត្រូវផ្លាស់ប្តូរទីតាំងទៅនៅជាយក្រុងទាំងអស់ ដើម្បីសម្រួលភាពកកស្ទះនៅក្នុងក្រុងឲ្យបានប្រសើរឡើង សាលារាជធានីធ្វើសេចក្តីប្រកាសកាលពីម្សិលមិញ។

ស្ថិតនៅក្នុងជំនួបប្រជុំជាមួយនាយកដ្ឋានដឹកជញ្ជូន​ ក៍ដូចជាក្រុមហ៊ុនដឹកអ្នកដំណើរ អភិបាលរាជធានីភ្នំពេញ លោក ប៉ា សុជាតិវង្ស មានប្រសាន៍ថាបន្ចុប្បន្ននេះកំនើនយានជំនិះចេះតែកើនឡើងឥតឈប់ឈរដែលធ្វើឲ្យ​ចរាចរណ៍ក្នុងក្រុងមានភាពណែនណាន់តាន់តាប់ ដូចនេះដើម្បីឆ្លើយតបទៅនឹងបញ្ហានេះ សាលារាជធានីមានគម្រោងបំលាស់ទីចំណតរថយន្តក្រុងដឹកអ្នកដំណើរទៅខេត្ត ឬពីខេត្តមកភ្នំពេញទាំងអស់ ឲ្យនៅតាមជាយក្រុងដើម្បីបញ្ជៀសការកកស្ទះ។

យោងតាមកាសែតភ្នំពេញប៉ុស្តិ៍ចុះថ្ងៃទី២១ ខែសីហា អ្នកគ្រប់គ្រងផ្នែករដ្ឋបាលនៃក្រុមហ៊ុនមេគង្គអ៊ិចប្រេស លោក ស៊ិន ស៊ីសាកេត បាននិយាយថា គម្រោងនេះល្អចំពោះចរាចរណ៍ ប៉ុន្តែលោកមានការព្រួយបារម្ភចំពោះអ្នកដំណើររបស់លោកដែលត្រូវចំណាយប្រាក់លើសំបុត្រឡានក្រុង ហើយត្រូវចំណាយប្រាក់លើទុកទុក ឬម៉ូតូឌុប ដើម្បីធ្វើដំណើរចូលក្រុង។

អ្នកបើកទុកទុកនៅផ្សារធំថ្មី លោក ចា ណា និយាយថាគាត់មានការបារម្ភខ្លាចថាទៅកន្លែងថ្មីនឹងមិនមានមូយច្រើនទៀតទេ ប៉ុន្តែវាក៍ជាការល្អប្រសិនបើចរាចរណ៍មានភាពល្អប្រសើរនៅពេលនោះ។

តើលោកអ្នកយល់យ៉ាងណាចំពោះគម្រោងថ្មីនេះ?