វិនិយោគិន​ជាតិ​និង​អន្តរ​ជាតិ​កំពុង​មាន​ការ​ចាប់​អារម្មណ៍​ក្នុង​វិស័យ​សំណង់​នៅ​កម្ពុជា​

វិនិយោគិន​ជាតិ​និង​អន្តរ​ជាតិ​កំពុង​មាន​ការ​ចាប់​អារម្មណ៍​ក្នុង​វិស័យ​សំណង់​នៅ​កម្ពុជា​

On

ប្រភព៖ K QUBE ,​ដោយ​ ៖​ សេង ពិសិដ្ឋ

នៅ​ថ្ងៃ​ទី​១០​ ខែ​កញ្ញា​ ឆ្នាំ​២០១៥​ នេះ​ មន្ត្រី​ជា​ន់​ខ្ពស់​ក្រសួង​រៀប​ចំ​ដែន​ដី​ នគរូបនីយកម្ម​ និង​សំណង់​ បាន​លើក​ឡើង​ថា​ បច្ចុប្បន្ន​នេះ​ វិស័យ​សំណង់ ​និង ​ការ​សាង​សង់​អគារ​ធំ​ខ្ពស់​ៗ​នៅ​កម្ពុជា​ កំពុង​តែ​មាន​សន្ទុះ​រីក​ចម្រើន​យ៉ាង​ខ្លាំង​និង​មាន​ការ​ចាប់​អារម្មណ៍​ពី​អ្នក​វិនិយោគិន​ជាតិ​និង​អន្តរជាតិ​។
ថ្លែង​នៅ​ក្នុង​ពិធី​ពិព័រណ៍​អន្តរជាតិ​ស្តី​ពី​សំណង់​អគារ​បរិក្ខារ​មេកានិក​និង​អគ្គិសនី​នៅ​ក​​ម្ពុជា​ កាល​ពី​ព្រឹក​ថ្ងៃ​ទី​១០​ ខែ​កញ្ញា​ ឆ្នាំ​២០១៥​ នៅ​មជ្ឈ​មណ្ឌល​សន្និបាត​ និង​ពិព័រណ៍​កោះ​ពេជ្រ​ ឯក​ឧត្តម​ ភឿង​ សុភ័ណ្ឌ​ រដ្ឋ​លេខាធិការ​ក្រសួង​រៀប​ចំ​ដែនដី​ នគរូបនីយកម្ម​ និង​សំណង់​មាន​ប្រសាសន៍​ថា​ ការ​វិនិយោគ​ក្នុង​វិស័យ​សំណង់​ក្នុង​រយៈ​ពេល​ប៉ុន្មា​ន​ឆ្នាំ​ចុង​ក្រោយ​នេះ​ មាន​ការ​រីក​ចម្រើន​គួរ​ឱ្យ​កត់​សម្គាល់​ ដោយ​មាន​ក្រុម​ហ៊ុន​ក្នុង​ស្រុក​ និង​អន្តរជាតិ​ មក​វិនិយោគ​លើ​វិស័យ​នេះ​ ក្នុង​ទឹក​ប្រាក់​រាប់​ពាន់​លាន់​ដុល្លារ​អាម៉េរិក​ក្នុង​មួយ​ឆ្នាំ​ៗ​ហើយ​វិស័យ​សំណង់​នេះ ​ក៏​បាន​រួម​ចំណែក​ជំរុញ​ដល់​កំណើន​សេដ្ឋកិច្ច​ជាតិ​ជា​មួយវិ​ស័យ​ផ្សេង​ៗ​ទៀត​ដូច​ជា​ ឧស្សហកម្ម​កាត់​ដេរ​ ទេសចរណ៍​ និង​កសិកម្ម​។
ឯក​ឧត្តម​បាន​បញ្ជាក់​ថា​ ការ​រៀប​ចំ​ពិព័រណ៍​សំណង់​និង​អគារ​នៅ​ពេល​នេះ​ ពិត​ជា​មាន​សារៈ​សំខាន់​ណាស់​ចំពោះ​កម្ពុជា​ដែល​កំពុង​ជំរុញ​ការ​អភិវឌ្ឍ​វិស័យ​សំណង់​អគារ​ សម្រាប់​ការ​ស្នាក់​នៅ​អគារ​ការិយាល័យ​ និង​សម្រាប់​គោល​ដៅ​ពាណិជ្ជកម្ម​ ក្នុ​ងខណៈ​ពេល​សេដ្ឋកិច្ច​ជាតិ​ កំពុង​មាន​កំណើន​ខ្ពស់​និង​មាន​ស្ថិរភាព​នយោបាយ​។
ឯក​ឧត្តម​រដ្ឋ​លេខាធិការ​បាន​លើក​ឡើង​ទៀត​ថា​ ចំណែក​ទី​ផ្សារ​អចល​ន​ទ្រព្យ​នៅ​កម្ពុជា​មាន​ ការ​វិនិយោគ​លើ​សំណង់​ស្ថាបត្យកម្ម​ក៏​ត្រូវ​បាន​ចាប់​អារម្មណ៍​យ៉ាង​ខ្លាំង​ពី​បណ្តា​អ្នក​វិនិយោគ​ជាតិ​ និង​អន្តរជាតិ​ហើយ​ជា​ក់​ស្តែង​មក​ដល់​ពេល​នេះ​ មាន​ក្រុម​ហ៊ុន​ធំ​ៗ​មក​ពី​បរទេស​មាន​ដូច​ជា​ កូរ៉េ​ ចិន​ ជប៉ុន​ និង​សិង្ហបុរី​។ ចំណែក​អ្នក​វិនិយោគិន​ដែល​ជា​ម្ចាស់​ក្រុម​ហ៊ុន​ធំ​ៗក្នុង​ស្រុក​ ដូច​ជា​ក្រុម​ហ៊ុន​ OCIC​ ក្រុម​ហ៊ុន​វឌ្ឍនៈ​ ក្រុម​ហ៊ុន​ម៉ុង​ឬទ្ធី​ ក្រុម​ហ៊ុន​ជីព​ម៉ុង​ជា​ដើម ​បាន​បោះ​ទុន​វិនិយោគ​យ៉ាង​ច្រើន​លើ​ការ​ងា​រសាង​សង់​សំណង់​ធំ​ៗ​និង​ទំនើប​ដូច​ជា​ អគារ​ខុន​ដូ ​បុរី​ ផ្ទះ​ល្វែង​ អគារ​ពាណិជ្ជកម្ម​ ផ្សារ​ទំនើប ​និង​តំបន់​សេដ្ឋ​កិច្ច​ពិសេស​។
លោក​ឧកញ៉ា​ ពុង​ ឃាវ​សែ ​ប្រធាន​សមាគម​អ្នក​សាង​សង់​កម្ពុជា​មាន​ប្រសាសន៍​ថា​ ពេល​បច្ចុប្បន្ន​នេះ​សមាគម​អ្នក​សាង​សង់​កម្ពុជា​មាន​សមាជិក​ចំនួន​១០៣​ក្រុម​ហ៊ុន​ ក្នុង​នោះ​មាន ​ក្រុម​ហ៊ុនប្រកប​អាជីវកម្ម​សិក្សា​គម្រោង​ប្លង់​ ក្រុម​ហ៊ុន​សាង​សង់​ទាំង​ផ្នែក​អគារ​ ស្ពាន​ថ្នល់​ ផ្លូវ​ដែក​ អាកាសយាន​ដ្ឋាន​ រោង​ចក្រ​ ក្រុម​ហ៊ុន​ផ្គត់​ផ្គង់​សម្ភារ​ បរិក្ខារ​និង​គ្រឿង​ចក្រ​សំណង់​គ្រប់​ប្រភេទ​ និង​ក្រុម​ហ៊ុន​ជា​ច្រើន​ទៀត​ដែល​ទាក់​ទង​ជា​មួយ​ការ​សាង​សង់​នៅ​ប្រទេស​កម្ពុជា​។
ចំណែ​ក​ក្រុម​ហ៊ុន​ធ្វើ​អាជីវកម្ម​ផ្នែក​សំណង់​ដែល​មក​ចុះ​បញ្ជី​នៅ​ក្រសួង​រៀប​ចំ​ដែន​ដី​ នគរូនីយ​ កម្ម​និង​សំណង់​កំពុង​មាន​សុពល​ភាព​ មាន​ចំនួន​៦៨៧​ក្រុម​ហ៊ុន​ ជា​មួយ​គ្នា​នេះ​គិត​ត្រឹម​ឆមាស​ទី​១​ ឆ្នាំ​២០១៥​ក្រោយ​ពី​បាន​ការ​លើក​ទឹក​ចិត្ត​របស់​រាជ​រដ្ឋាភិបាល​ឲ្យ​ជន​បរទេស​មាន​សិទ្ធិ​ទិញ​ចំណែក​អគារ​សហ​កម្ម​សិទ្ធិ​ បាន​កើន​ដល់​៤៤៦​ឯក​តា។​
យោង​តាម​របាយ​ការណ៍​ក្រសួង​រៀប​ចំ​ដែន​ដី​ នគរូប​នី​យកម្ម​ និង​សំណង់​ បាន​ឱ្យ​ដឹង​ថា​ ការ​វិនិ​យោគ​ក្នុង​វិស័យ​សំណង​ក្នុង​រយៈ​ប៉ុន្មាន​ឆ្នាំ​ចុង​ក្រោយ​នេះ ​គឺ​គិត​ចាប់​ពី​ឆ្នាំ​២​០១១​មក​ដល់​បំណាច់​ឆ្នាំ​២០១៤​កន្លង​មក​នេះ​ គឺ​មាន​ទឹក​ប្រាក់​ជា​មធ្យម​ប្រមាណ​ …
លំនៅដ្ឋាន និងអគាពានិជ្ជកម្ម TK Royal One គ្រោងនឹងបញ្ចប់ការសាងសង់នៅក្នុង២០១៧

លំនៅដ្ឋាន និងអគាពានិជ្ជកម្ម TK Royal One គ្រោងនឹងបញ្ចប់ការសាងសង់នៅក្នុង២០១៧

On

ថ្ងៃទី៖ ១១ ខែកញ្ញា ២០១៥    ដោយ៖ Urban Voice Cambodia       អត្ថបទ៖  ចាន់ថុន

TK Royal One គឺជាគម្រោងអគារពានិជ្ជកម្ម នឹងជាលំនៅដ្ឋានដ៏ប្រណិត ដែលគិតទៅលើបីចំណុច គឺវាមានជាលក្ខណៈអន្តរជាតិ ទីតាំងសមរម្យ និងភាពទំនើបនិយម។ ដែលមានទីតាំងនៅតាមបណ្តោយមហាវិថីសហពន្ធ័រុស្សី នៅត្រង់ចំណុចទល់មុខ សកលវិទ្យាល័យភូមិន្ទភ្នំពេញ ស្ថិតក្នុងក្នុងសង្កាត់ទឹកល្អក់ ៣ ខ័ណ្ឌទួលគោគ ដែលកម្ពស់ ១៩ជាន់ គ្រោងនឹងសាងសង់អោយចប់នៅក្នុងឆ្នាំ២០១៧ ។ ដែលបួនជាន់ក្រោមនៃអគានេះ សម្រាប់ជាទីលំនៅដ្ឋានឯកជន មាន ១៤០បន្ទប់ នឹងអគាពានិជ្ជកម្មមាន ៤០ បន្ទប់ ហើយក៏មានកន្លែងចតយាន្តយន្តប្រមាណជា ២០០ កន្លែងផងដែរ ។ ទីតាំងពានិជ្ជកម្មមានលក្ខខ្វាត់ខ្វែង ពីជាន់ក្រោមបង្អស់រហូតដល់ជាន់ទី៤ ជាការចនាអោយមាន ៤០បន្ទប់ លក្ខណៈជាលំដាប់ថ្នាក់អន្តរជាតិ ដែលអាចទាក់ទាញសម្រាប់ធ្វើអាជីវកម្មខ្នាតធំ។ ចាប់ពីជាន់ទី ៦រហូតដល់ជាន់ទី ១៧ ជាស្តង់ដានៃលំនៅដ្ឋានដ៏ច្រើនខ្វាត់ខ្វែង ដែលមានទាំងអស់ ១៤៣ បន្ទប់។

Publish Tk Royal

សាលារាជធានី៖ ការដ្ឋានវិថីសម្តេចសុធារសបានបញ្ចប់ជាសា្ថពរហើយ

សាលារាជធានី៖ ការដ្ឋានវិថីសម្តេចសុធារសបានបញ្ចប់ជាសា្ថពរហើយ

On

ដោយ៖ ងី សុវណ្ណរតនី ថ្ងៃទី១០ ខែកញ្ញា ឆ្នាំ២០១៥

សាលារាជធានីភ្នំពេញកាលពីថ្ងៃទី០៩​ ខែកញ្ញា ម្សិលមិញនេះបានចេញផ្សាយនូវសេចក្តីជូនដំណឹងមួយស្តីអំពីការបញ្ចប់ទៅជាស្ថាពរនៃការដ្ឋានវិថីសម្តេច សុធារស។

សេចក្តីជូនដំណឹងចុះថ្ងៃទី០៩ ខែកញ្ញា ឆ្នាំ២០១៥​ ដោយសាលារាជធានីភ្នំពេញ បានជម្រាបឲ្យដឹងថា ការដ្ឋានស្ថាបនាពង្រីកផ្លូវ និងដាក់លូ ទំហំ ១.៥ ម៉ែត្រ វិថីសម្តេច សុធារស ដែលបានដំនើរការ កាលពីខែមេសា ឆ្នាំ២០១៥ រហូតដល់ថ្ងៃទី០៧ ខែកញ្ញា ឆ្នាំ២០១៥​ កន្លងទៅនេះ បានបញ្ចប់ការងារ ១០០ ភាគរយហើយ។

សេចក្តីជូនដំណឹងនេះបាន​បន្តថា បន្ទាប់ពីការដ្ឋានពង្រីកផ្លូវនេះ ចាប់ពីមហាវិថីព្រះនរោត្តម ដល់ផ្លូវជាប់ខាងជើងស្ថានទូតរុស្ស៊ី និងការដាក់លូ ក៍ដូចជាតម្លើងខឿនបែងចែកចរាចរ បានបញ្ចប់ជាស្ថាពរហើយនោះ សាលារាជធានីភ្នំពេញនឹងដាក់ឲ្យដំណើរការផ្លូវនេះ ជាផ្លូវចរាចរណ៍ទ្វេរទិស ដែលធ្វើដំនើរទៅ និងមកបាន ចាប់ពីថ្ងៃដែលផ្សាយដំណឹងនេះ។

ទន្ទឹមនឹងនេះ សាលារាជធានីភ្នំពេញក៍បានអំពាវនាវស្នើសុំឲ្យសាធារណជនគ្រប់រូបឲ្យបានជ្រាបពីការជូនដំណឹងនេះ និងបើកបរគោរពច្បាប់ចរាចរណ៍ប្រកបដោយសុវត្ថិភាព។

សូមសរសេរមកកាន់លោក ងី សុវណ្ណរតនី តាមរយៈ ngysovanratany@gmail.com

គម្រោង Diamond Twin Tower​ គ្រោងនឹងបញ្ចប់ នៅឆ្នាំ២០១៨

គម្រោង Diamond Twin Tower​ គ្រោងនឹងបញ្ចប់ នៅឆ្នាំ២០១៨

On

ថ្ងៃទី៖  ១០ ខែសីហា ២០១៥    ដោយ៖ Urban Voice Cambodia      អត្ថបទ៖ ចាន់ថុន

គម្រោង Diamond Twin Tower មានកម្ពស់ប្រមាណជា១៣៦ម៉ែត្រ ដែលមានពីរអគារ ដែលមួយអគារសម្រាប់បម្រើសេវាការិយាល័យដែលមានប្រមាណជា៣០ជាន់ ស្មើនឹង៤៨២យូនីត ដោយជាន់នីមួយៗមានកម្ពស់៣,៨ម៉ែត្រ និងមួយអគារទៀតជាអគារពាណិជ្ជកម្មអន្តរជាតិ ដែលមាន៣២ជាន់ ដោយជាន់នីមួយៗមានកម្ពស់ចាប់ពី៣,៣ម៉ែត្រឡើងទៅ។ អគារនេះមានទីតាំងនៅ តាមបណ្តោយផ្លូវ សុភមង្គល កោះពេជ្យ នៅជិត ស្ពានហង្ស រាជធានីភ្នំពេញ ដែលអគារទាំងពីរនេះ នឹងត្រូវសាងសង់លើផ្ទៃដីសរុប៥.២២៤ម៉ែត្រការ៉េ ដែលគ្រោងនឹងបញ្ចប់នាខែមេសា ឆ្នាំ២០១៨ខាងមុខ ។
គម្រោងអគារភ្លោះមួយនេះមានដៃគូរសហការជាមួយ Chao Chi Groupរបស់តៃវ៉ាន់ និងក្រុមហ៊ុន Hung Ting International Real Estate របស់ចិន ។ ដោយគេរំពឹងថាអគារភ្លោះ Diamond Twin Tower អាចនឹងក្លាយជាទីកន្លែងចម្រុះសម្បូរបែបដូចជា ឆ្នេរខ្សាច់ រលកទឹកសមុទ្រ អាងហែលទឹក និងSky Bar នៅលើអាកាស ។

Twin Twin2

Maps twinEdited

 

 

 

ក្រុម​ហ៊ុន​ប្រេង​ព្រម​ទទួល​យក​ការ​កំណត់​តម្លៃ​ប្រែប្រួល

On
ប្រភព៖ ភ្នំពេញប៉ុស្ត៍ិ ដោយ ស ច័ន្ទដារ៉ា ថ្ងៃទី១០ ខែកញ្ញា ឆ្នាំ២០១៥

ក្រុមហ៊ុន​លក់​រាយ​ប្រេង​ឥន្ធនៈ​ក្នុង​ស្រុក​កាល​ពី​ម្សិលមិញ​បាន​យល់​ព្រម​អនុវត្ត​យន្តការ​កំណត់​តម្លៃ​ប្រែប្រួល​ទៅ​តាម​ទីផ្សារ ដើម្បី​ឆ្លុះ​បញ្ចាំង​ពី​ការ​ឡើង​ចុះ​តម្លៃ​ប្រេង​ពិភពលោក។

ទោះ​បី​យ៉ាង​នេះ​ក្តី​នឹង​មិន​ទាន់​មាន​ការ​កាត់​បន្ថយ​តម្លៃ​ភ្លាមៗ​ណា​មួយ​ទេ។ នេះ​បើ​តាម​មន្ត្រី​ក្រសួង​ពាណិជ្ជកម្ម។

រដ្ឋាភិបាល​បាន​ឲ្យ​ដឹង​កាល​ពី​ម្សិលមិញ​ថា យន្តការ​ថ្មី​នេះ​នឹង​ទាក់​ទង​ក្នុង​ការ​ត្រួត​ពិនិត្យ​តម្លៃ​នាំ​ចូល​ប្រេង និង​ថា​ប្រសិន​បើ​មាន​ការ​ធ្លាក់​ចុះ​តម្លៃ ដែល​ជា​ការ​ឆ្លុះ​បញ្ចាំង​អំពី​ការ​ធ្លាក់​ចុះ​តម្លៃ​ប្រេង​ពិភពលោក ក្រុមហ៊ុន​ឯកជន​នឹង​ត្រូវ​បន្ទាប​តម្លៃ​នៅ​តាម​ស្ថានីយ​ប្រេង បើ​មិន​អ៊ីចឹង​ទេ​នឹង​ប្រឈម​នឹង​ការ​ចាត់​វិធានការ។

លោក កែន រដ្ឋា អ្នក​នាំ​ពាក្យ​ក្រសួង​ពាណិជ្ជកម្ម​បាន​ថ្លែង​ថា៖ «ពួក​គេ [ក្រុមហ៊ុន​ប្រេង] បាន​យល់​ព្រម​ក្នុង​ការ​ប្រើប្រាស់​យន្តការ​កំណត់​តម្លៃ​ប្រែប្រួល ប៉ុន្តែ​លទ្ធភាព​ថា​តើ​ពួក​គេ​អាច​អនុវត្ត​បាន​កម្រិត​ណា​នោះ យើង​នឹង​ត្រួត​ពិនិត្យ​នៅ​ពេល​ក្រោយ»។ លោក​បញ្ជាក់​ថា៖ «ប្រសិន​បើ​ពួក​គេ​មិន​អនុវត្ត​តាម​អ្វី​ដែល​ពួក​គេ​បាន​សន្យា​នោះ​ទេ យើង​នឹង​មាន​វិធានការ​ផ្សេង​ទៀត»។ ប៉ុន្តែ​លោក កែន រដ្ឋា មិន​បាន​បញ្ជាក់​តើ​វិធានការ​អ្វី​នឹង​ត្រូវ​ចាត់​ការ​ប្រឆាំង​នឹង​ក្រុម​ហ៊ុន​ដែល​ប្រព្រឹត្ត​ខុស​នោះ​ទេ។

លោក Hiroshi Suzuki ប្រធាន​សេដ្ឋវិទូ​នៅ​វិទ្យាស្ថាន​ស្រាវជ្រាវ​ពាណិជ្ជកម្ម​កម្ពុជា បាន​ថ្លែង​ថា​រដ្ឋាភិបាល​ត្រូវ​ធានា​ការ​ផ្គត់ផ្គង់​ឲ្យ​មាន​ស្ថិរភាព និង​ការ​កំណត់​តម្លៃ​នៅ​ក្នុង​វិស័យ​ប្រេង ព្រម​ទាំង​ការ​ធានា​ឲ្យ​ការ​កំណត់​តម្លៃ​ប្រកួត​ប្រជែង។ លោក​ថ្លែង​ថា៖ «ខ្ញុំ​សូម​កោត​សរសើរ​ដល់​ការ​ធ្វើ​អន្តរាគមន៍​បាន​ទាន់​ពេល​វេលា​របស់​រដ្ឋាភិបាល​ដល់​ទីផ្សារ​ប្រេង​ឥន្ធនៈ​កម្ពុជា​តាម​រយៈ​ការ​ជំរុញ​ឲ្យ​មាន​ការ​ប្រកួត​ប្រជែង​ក្នុង​ចំណោម​ក្រុម​ហ៊ុន​ចែក​ចាយ»។

លោក​បន្ថែម​ថា វា​គឺ​ពេលវេលា​ដ៏​ត្រឹម​ត្រូវ​សម្រាប់​កម្ពុជា​ក្នុង​ការ​បង្កើត​យុទ្ធសាស្ដ្រ​បម្រុង​ប្រេង​ទុក​នៅ​ពេល​តម្លៃ​ចុះ​ទាប​នៅ​លើ​ទីផ្សារ​ពិភពលោក។ លោក​បន្ត​ថា ការ​បម្រុង​ទុក​ទាំង​នេះ​នឹង​ជួយ​កាត់​បន្ថយ​ការ​ប្រែប្រួល​តម្លៃ​ប្រេង​ខ្លាំង​នៅ​ពេល​អនាគត។ លោក​បន្ត​ថា៖ «ខ្ញុំ​រំពឹង​ទុក​ពី​កិច្ច​ខិតខំ​ប្រឹងប្រែង​របស់​រដ្ឋាភិបាល ដោយ​មាន​កិច្ច​សហការ​ដ៏​ល្អ​ពី​វិស័យ​ឯកជន សម្រាប់​ការ​ពង្រឹង​យុទ្ធសាស្ដ្រ​បម្រុង​ទុក​ប្រេង​ដើម្បី​ឆ្លើយតប​នឹង​ការ​ប្រែប្រួល​ខ្លាំង​ដែល​អាច​កើត​ឡើង​នៅ​លើ​ទីផ្សារ​ប្រេង​អន្តរជាតិ​នា​ពេល​អនាគត»។

Chevron ដែល​ជា​ក្រុមហ៊ុន​លក់​ប្រេង​រាយ​បាន​ពិចារណា​លើ​កត្តា​ជាច្រើន​យ៉ាង​ទូលំ​ទូលាយ​មុន​ពេល​សម្រេច​ចិត្ត​លើ​តម្លៃ​នៅ​តាម​ស្ថានីយ ដែល​រួម​មាន​អត្រា​ប្តូរ​ប្រាក់​បច្ចុប្បន្ន កម្រិត​ការ​ស្តុក​ទុក តម្រូវ​ការ​ទីផ្សារ ព្រម​ទាំង​ការ​ប្រតិកម្ម​របស់​ដៃ​គូ​ប្រកួត​ប្រជែង​ចំពោះ​កម្លាំង​ទីផ្សារ។ នេះ​បើ​តាម​លោក Chanlek Than អ្នក​ឯកទេស​ខាង​យីហោ​និង​ទំនាក់​ទំនង​នៅ​ក្រុមហ៊ុន​ពាណិជ្ជកម្ម​លក់​រាយ Caltex របស់ Chevron។ លោក​ថ្លែង​ថា៖«ការ​ប្រែ​ប្រួល​តម្លៃ​ប្រេង​ឆៅ​អន្តរជាតិ និង​តម្លៃ​ផលិតផល​សម្រេច​ទី​បំផុត​នឹង​ប៉ះពាល់​ដល់​តម្លៃ​ស្ថានីយ​លក់​រាយ​ក្នុង​ស្រុក»។ លោក​បន្ត​ថា ក្រុម​ហ៊ុន Chevron ប្រើ​ប្រាស់​តម្លៃ​ផ្ទាល់​ខ្លួន​ដើម្បី​វាយ​តម្លៃ​កែ​តម្រូវ ព្រម​ទាំង​ត្រួត​ពិនិត្យ​យ៉ាង​ដិត​ដល់ «ទិដ្ឋភាព​ប្រកួត​ប្រជែង​ទីផ្សារ​ប្រេង​ឥន្ធនៈ​នៅ​កម្ពុជា»។

អ្នកស្រី ស៊ន សុវត្តី អ្នក​គ្រប់​គ្រង​ទីផ្សារ និង​ទំនាក់​ទំនង​នៅ​ក្រុមហ៊ុន Total Cambodia បាន​ថ្លែង​ថា Total បាន​គោរព​តាម​សារាចរណ៍​ណែនាំ​របស់​រដ្ឋាភិបាល​នៅ​ក្នុង​រយៈពេល​កន្លង​មក ប៉ុន្តែ​លោក​ស្រី​មិន​ធ្វើ​អត្ថាធិប្បាយ​អំពី​យន្តការ​ថ្មី​នេះ​ទេ ដោយ​សារ​អ្នក​ស្រី​មិន​ត្រូវ​បាន​ផ្ដល់​សិទ្ធិ​ដោយ​ការិយាល័យ​កណ្ដាល​នៅ​ប្រទេស​បារាំង​ក្នុង​ការ​អត្ថាធិប្បាយ។ អ្នក​ស្រី​បញ្ជាក់​ថា៖ «យើង​ចូលរួម​យ៉ាង​ទៀង​ទាត់​នៅ​ក្នុង​កិច្ច​ប្រជុំ​ដែល​បាន​រៀបចំ​ដោយ​អាជ្ញាធរ​រដ្ឋាភិបាល។ យើង​គោរព​តាម​បទ​ប្បញ្ញត្តិ​រដ្ឋាភិបាល»៕

ចុងឆ្នាំ២០១៧ កម្ពុជានឹងមានអគារពាណិជ្ជកម្មមួយទៀតនៅចំកណ្តាលរាជធានី

ចុងឆ្នាំ២០១៧ កម្ពុជានឹងមានអគារពាណិជ្ជកម្មមួយទៀតនៅចំកណ្តាលរាជធានី

On

ថ្ងៃទី៖ ១០ ខែកញ្ញា ២០១៥   ដោយ៖ Urban Voice Cambodia    អត្ថបទ៖ ចាន់ថុន

អគារពាណិជ្ជកម្ម (ECC) គ្រោងនឹងបញ្ចប់ការសាងសង់នៅចុងឆ្នាំ ២០១៧ ដែលមានទីតាំងនៅតាមបណ្តោយមហាវិថីព្រះមុន្នីវង្ស ក្នុងសង្កាត់ទន្លេបាសាក់ រាជធានីភ្នំពេញ គោលបំណង់នៃការបង្កើតនេះគឺ សម្រាប់ជាទីប្រជុំជនពាណិជ្ជកម្មថ្មី មួយទៀតនៅកម្ពុជា ដែលអាចជួយសម្រួល នឹងបំពេញតម្រូវការអតិថិជនអោយបានគ្រប់ជ្រុងជ្រោយ នឹងជាជំហ៊ានក្នុងការអភិវឌ្ឍន៏ទីក្រុងអោយមានសោភ័ណ្ឌភាព នឹងភាពរីកចម្រើន។

0cc5f459b3d4ebdc419653e8390ac736ff5b933d

ប្លង់​កន្លែង​ខាង​ក្នុង​របស់​មជ្ឈមណ្ឌល​នេះគឺ​ឆ្លុះបញ្ចាំង​អំពី​តម្រូវការ​របស់​ពាណិជ្ជកម្ម​ដែល​ទើប​នឹង​ចាប់ផ្តើម​ថ្មី និង​ការ​ចូល​ទៅ​កាន់​ទីផ្សារ​លើក​ដំបូង​របស់​ពាណិជ្ជកម្ម​អន្តរជាតិ​ព្រោះ​តែ​វា​មាន​ទីកន្លែង​ការិយាល័យ​ដែល​មាន​ច្រើនបន្ទប់ និង​មាន​តម្លៃ​សមរម្យ​។ For More info:   http://goo.gl/hU9mcB

ecf3e934781a9fc116f0f79a5ccc6ffacf05b454