យុទ្ធនាការជួសជុលអ៊ុតកៅស៊ូលើកទី៥នៃផ្លូវ៥៧ខ្សែ​កំពុងស្ថាបនាជាបន្ទាន់នៅខណ្ឌដូនពេញ

យុទ្ធនាការជួសជុលអ៊ុតកៅស៊ូលើកទី៥នៃផ្លូវ៥៧ខ្សែ​កំពុងស្ថាបនាជាបន្ទាន់នៅខណ្ឌដូនពេញ

On

ឯកឧត្តម មាន ចាន់យ៉ាដា អភិបាលរង នៃគណៈអភិបាលរាជធានីភ្នំពេញ តំណាងឯកឧត្តមអភិបាលរាជធានីភ្នំពេញ បានអញ្ជើញបើកការដ្ឋានលើកទី៥ នៃយុទ្ធនាការជួសជុលអ៊ុតកៅស៊ូផ្លូវ ៥៧ខ្សែបន្ទាន់ក្នុងរាជធានីភ្នំពេញ។ ការជួសជុលផ្លូវទាំងនេះ គឺជាការឆ្លើយតបទៅនឹងសំណូមពររបស់បងប្អូនប្រជាពលរដ្ឋតាមរយៈលោក-លោកស្រីមេភូមិ ចៅសង្កាត់ និងគណៈអភិបាលខណ្ឌ។បើយោងតាមគេហទំព័រហ្វេសប៊ុករបស់រដ្ឋបាលរាជធានីភ្នំពេញ។

គួរបញ្ជាក់ថា ការដ្ឋានជួសជុលផ្លូវ ៥ខ្សែ ស្ថិតក្នុងភូមិសាស្ត្រខណ្ឌដូនពេញនេះ រួមមាន៖
១-ផ្លូវលេខ២៤០ ពីមហាវិថីព្រះមុនីវង្ស ដល់មហាវិថីព្រះនរោត្តម ប្រវែង ៧៦០ម៉ែត្រ
២-ផ្លូវលេខប៉ាស្ទ័រ ពីមហាវិថីព្រះសីហនុ ដល់ផ្លូវលេខ១៧៨ ប្រវែង ៩៧០ម៉ែត្រ
៣-ផ្លូវលេខ១៨៤ ពីមហាវិថីព្រះមុនីវង្ស ដល់មហាវិថីព្រះនរោត្តម ប្រវែង ១.៣២០ម៉ែត្រ
៤-ផ្លូវលេខ១១០ ពីមហាវិថីព្រះនរោត្តម ដល់វិថីព្រះស៊ីសុវត្ថិ ប្រវែង ៥៥០ម៉ែត្រ
៥-ផ្លូវលេខ៥៥ ពីផ្លូវលេខ២១៤ ដល់មហាវិថីព្រះសីហនុ ប្រវែង ៥១៥ម៉ែត្រ។

ដើម្បីឆ្លើយតបនឹងសំណូមពរ កង្វល់របស់ប្រជាពលរដ្ឋ និងការស្ថាបនាហេដ្ឋារចនាសម្ព័ន្ធនៅក្នុងទីក្រុងឱ្យមានភាពល្អនិងងាយស្រួលក្នុងការធ្វើដំណើ រដ្ឋបាលរាជធានីភ្នំពេញ បាននឹងកំពុងពន្លឿនការជួសជុលផ្លូវជាបន្ទាន់ ដើម្បីទប់ស្កាត់ការខូចខាតធ្ងន់ធ្ងរនារដូវវស្សាឆ្នាំ២០១៧ និងសម្រួលចរាចរណ៍ ក៏ដូចលើកកម្ពស់សោភ័ណភាពទីក្រុងឱ្យសមស្របនឹងកំណើនប្រជាពលរដ្ឋ និងរថយន្ដនៅក្នុងរាជធានីភ្នំពេញ៕

15781709_668591146654974_5343155738253406242_n

 

កម្ពុជាស្នើដល់វៀតណាម ផ្តល់ថវិការ៥0ភាគរយ ជួសជួលផ្លូវហាណូយប្រវែង១០គីឡូម៉ែត្រ

កម្ពុជាស្នើដល់វៀតណាម ផ្តល់ថវិការ៥0ភាគរយ ជួសជួលផ្លូវហាណូយប្រវែង១០គីឡូម៉ែត្រ

On

កម្ពុជាបានស្នើដល់ភាគីវៀតណាមឱ្យចូលរួមផ្តល់ថវិកា៥០ភាគរយក្នុងការ ជួសជុលកែលម្អផ្លូវហាណូយដែលមានប្រវែងជាង១០គីឡូម៉ែត្រដែលជាផ្លូវបេតុងវែងជាងគេ ក្នុងរាជធានីភ្នំពេញ។

ពលរដ្ឋ​ខ្មែរ​ស្នាក់ នៅ​ក្នុង​ខុន​ដូ​ចាប់ ផ្ដើម​មាន​កំណើន​បន្តបន្ទាប់

ពលរដ្ឋ​ខ្មែរ​ស្នាក់ នៅ​ក្នុង​ខុន​ដូ​ចាប់ ផ្ដើម​មាន​កំណើន​បន្តបន្ទាប់

On

ប្រភព៖ កោះសន្តិភាព

រាជធានីភ្នំពេញ ៖ ដូចអ្វីដែលអ្នកជំនាញខាងវិស័យអចលនទ្រព្យធ្លាប់លើកឡើងកាលពីពេលកន្លងមកហើយថា ស្ថានភាពទីផ្សារខុនដូនៅកម្ពុជា វានឹងវិវត្តទៅតាមបណ្ដាប្រទេសជិតខាងដូចជា សិង្ហបុរី និងថៃជាដើម ។ កាលដើមឡើយប្រទេសទាំងនោះ អ្នកស្នាក់នៅខុនដូភាគច្រើនជាជនបរទេសដែលមកបណ្ដាក់ទុនវិនិយោគ ឬធ្វើការនៅក្នុងប្រទេសនោះ ប៉ុន្តែក្រោយមកអ្នកស្នាក់ក្នុងខុនដូនៅប្រទេសទាំងនោះ ភាគច្រើនជាប្រជាជនក្នុងស្រុក ។

ចំណែកស្ថានភាពទីផ្សារខុនដូនៅក្នុងប្រទេសកម្ពុជានាពេលបច្ចុប្បន្ននេះ ក៏កំពុងវិវត្តទៅរកស្ថានភាពដូចប្រទេសទាំងនោះដែរ ដោយកាលពីដំបូង បើនិយាយពីខុនដូ គឺសំដៅសម្រាប់តែជនបរទេសប៉ុណ្ណោះ ប៉ុន្តែក្រោយមកទៀត ចាប់ផ្ដើមមានជនជាតិខ្មែរចាប់អារម្មណ៍រស់នៅក្នុងខុនដូ តែមានចំនួនតិចតួច ហើយរហូតមកដល់ពេលបច្ចុប្បន្ន មានជនជាតិខ្មែរកាន់តែច្រើនស្នាក់នៅក្នុងខុនដូតាមរបៀបបរទេស ឬចាប់អារម្មណ៍ការរស់នៅបែបស៊ីវិល័យ ។

លោក មាស សូណារ៉ា នាយកប្រតិបត្តិនៃក្រុមហ៊ុនអចលនទ្រព្យ Residia Condotel និងមានអគារខុនដូផ្ទាល់ខ្លួនមួយនៅបឹងកេងកង១ ខណ្ឌចំការមន បានឲ្យដឹងថា ទីផ្សារខុនដូនៅក្នុងប្រទេសកម្ពុជានៅពេលនេះ កំពុងតែបោះជំហានទៅមុខជាបណ្ដើរៗហើយ ដោយតម្រូវការនៃការជួលខុនដូពីសំណាក់អតិថិជនកាន់តែច្រើនឡើង ហើយភាគច្រើនមានរយៈពេលចាប់ពី៣ខែឡើងទៅ ។

លោកបន្តថា  នៅក្នុងខុនដូ Silver Town ផ្ទាល់នេះតែម្ដង គឺផ្តោតសំខាន់ទៅលើខុនដូលក្ខណៈជាសណ្ឋាគារ តែវាខុសពីសណ្ឋាគារត្រង់ថា ខុនដូ អ្នកស្នាក់នៅអាចចម្អិនម្ហូបអាហារក្នុងនោះបាន ព្រោះនៅក្នុងខុនដូ មានចង្ក្រានបាយ កន្លែងចម្អិនអាហារ កន្លែងទទួលទានអាហារ និងមានលក្ខណៈធំទូលាយជាងសណ្ឋាគារ ។ លោកនិយាយថា ៖ « ភ្ញៀវដែលមកស្នាក់នៅក្នុងខុនដូភាគច្រើនមានរយៈពេលវែងចាប់ពី៣ខែឡើងទៅ ដោយមានភាពងាយស្រួលជាងសណ្ឋាគារ ។ បើគាត់ជ្រើសយកការស្នាក់នៅក្នុងសណ្ឋាគារ គាត់ត្រូវចំណាយថ្លៃម្ហូបអាហារ និងត្រូវធ្វើដំណើរទៅញ៉ាំនៅខាងក្រៅ តែបើគាត់យកខុនដូវិញ គាត់អាចធ្វើម្ហូបខ្លួនឯងបាន មានកន្លែងញ៉ាំបាយនៅក្នុងហ្នឹងស្រាប់ ហើយម្យ៉ាងទៀត ក៏មានកន្លែងហាត់ប្រាណ ហែលទឹក ហាងកាហ្វេ និងស្កាយបារផងដែរ » ។

លោកបន្ថែមថា តាំងពីខុនដូរបស់លោកចាប់ផ្ដើមទទួលបម្រើភ្ញៀវមក កំណើនភ្ញៀវចូលស្នាក់នៅកើនឡើងជាបន្តបន្ទាប់ ហើយក្នុងនោះដែរ គិតមកដល់ពេលនេះ មានភ្ញៀវខ្មែរស្នាក់នៅជិតពាក់កណ្ដាលនៃភ្ញៀវសរុបទៅហើយ ។

លោក ឌឹត ចណ្ណា នាយកក្រុមហ៊ុនអចលនទ្រព្យឡាក់គី បានឲ្យដឹងដែរថា ជាការពិតណាស់ បើប្រៀបធៀបតាំងពីមុន និងឥឡូវ កំណើនប្រជាជនក្នុងស្រុកស្នាក់នៅខុនដូកើនឡើងមែន ក៏ប៉ុន្តែចំពោះទីផ្សារខុនដូទាំងមូលវានៅមានកម្រិតបន្តិច បើធៀបនឹងប្រទេសជិតខាង ។ លោកនិយាយថា ៖ « តាមអ្វីដែលខ្ញុំសង្កេតមើលដោយមិនមានតួលេខច្បាស់ឃើញថា កំណើនប្រជាជនខ្មែរស្នាក់នៅក្នុងខុនដូនីមួយៗមានចន្លោះពី១៥%ទៅ២០% …

ផ្សារ​រាត្រី​ធ្វើ​ពី​កុងតឺន័រ​មួយ​នឹង​បើក​នៅ​ភ្នំពេញ​នា​ពេល​ឆាប់​ៗ​នេះ

ផ្សារ​រាត្រី​ធ្វើ​ពី​កុងតឺន័រ​មួយ​នឹង​បើក​នៅ​ភ្នំពេញ​នា​ពេល​ឆាប់​ៗ​នេះ

On

ប្រភព៖ កោះសន្តិភាព

រាជធានីភ្នំពេញ ៖ ផ្សាររាត្រីធ្វើពីកុងតឺន័រមួយដែលវិនិយោគដោយក្រុមហ៊ុនក្នុងស្រុក នឹងបើកដំណើរការនៅពេលឆាប់ៗខាងមុខនេះ ដើម្បីឆ្លើយតបនឹងតម្រូវការរបស់ប្រជាពលរដ្ឋកម្ពុជា ។

លោកឧកញ៉ា ស្រី ចាន់ថន អគ្គនាយកក្រុមហ៊ុន Skyland បានថ្លែងឲ្យដឹងតាមទូរស័ព្ទនាព្រឹកថ្ងៃទី១៥ ធ្នូ កន្លងមកថា ផ្សាររាត្រីនេះ លោកបានយកទូកុងតឺន័រមកវះដើម្បីធ្វើជាស្តង់លក់ទំនិញ ដែលជួលក្នុងតម្លៃចន្លោះពី៣០០ទៅ៣៥០ដុល្លារអាមេរិកក្នុង១ខែ ។ កុងតឺន័រមួយអាចវះធ្វើជាស្តង់បាន២ទៅ៤ អាស្រ័យលើប្រវែងកុងតឺន័រនីមួយៗ ហើយមូលហេតុដែលលោកយកកុងតឺន័រមកធ្វើស្តង់នេះ គឺធ្វើឲ្យប្លែកនិងទាក់ទាញអតិថិជន ។

លោកបន្តថា ផ្សារនេះស្ថិតនៅលើទំហំដីប្រមាណ១ហិកតា នឹងបើកដំណើរការនៅដើមឆ្នាំ២០១៧ខាងមុខ ប្រសិនជាគ្មានអ្វីប្រែប្រួលទេនោះ ។

ទោះជាយ៉ាងណា លោកឧកញ៉ាមិនបានបញ្ជាក់ឲ្យដឹងពីទុនវិនិយោគលើផ្សារដែលមានលក្ខណៈប្លែកពីគេនៅឡើយទេ ។ ផ្សារនេះមានទីតាំងនៅចន្លោះអគារប៊ូឌីញស ពោលគឺស្ថិតនៅទល់មុខអគាររដ្ឋសភាជាតិ និងស្ថិតនៅក្រោយភោជនីយដ្ឋាន Jet Plus ។

លោក ញ៉ែម ចិត្រា ជំនួយការលោកឧកញ៉ាស្រី ចាន់ថន បានមានប្រសាសន៍ថា រហូតមកទល់ពេលនេះ ការនាំយកកុងតឺន័រមកដាក់នៅទីតាំងផ្សារសម្រេចបានពាក់កណ្តាលហើយ និងរំពឹងនឹងបញ្ចប់នៅពេលឆាប់ៗនេះ ហើយការបើកឲ្យអាជីវករចូលជួលស្តង់ នឹងចាប់ផ្តើមនៅខែមករា ឆ្នាំ២០១៧ខាងមុខ ។ ផ្សាររាត្រីកុងតឺន័រនេះនឹងលក់ទំនិញចម្រុះ ពិសេស ទំនិញមកពីប្រទេសថៃ និងមានលក់ម្ហូបអាហារ កន្លែងកាត់សក់ បារតូចៗ និងទំនិញទាក់ទាញមួយចំនួនទៀតដើម្បីធ្វើឲ្យផ្សារនេះមានលក្ខណៈរស់រវើកស្រដៀងគ្នានឹងផ្សាររាត្រីនៅប្រទេសថៃ ។

លោកបន្តថា ៖ « ខ្ញុំជឿជាក់ថា ផ្សារនេះនឹងទទួលបានជោគជ័យ និងទាក់ទាញភ្ញៀវទេសចរជាតិ-អន្តរជាតិមកទស្សនាកម្ពុជាកាន់តែច្រើនថែមទៀត ព្រោះគោលដៅរបស់យើងចង់រួមចំណែកជាមួយរាជរដ្ឋាភិបាលក្នុងការអភិវឌ្ឍប្រទេស » ។

លោក ធួន ស៊ីណាន ប្រធានសហព័ន្ធទេសចរណ៍កម្ពុជា បានថ្លែងថា នៅរាជធានីភ្នំពេញមិនសូវមានកន្លែងកម្សាន្តនាពេលរាត្រីនៅឡើយទេ ដែលទាមទារឲ្យមានការវិនិយោគបន្ថែមពីវិស័យឯកជន ព្រោះនៅពេលគ្មានការវិនិយោគពីវិស័យឯកជនច្រើនលើសេវាកម្មនានាក្នុងពេលរាត្រី នឹងធ្វើឲ្យភ្ញៀវទេសចរចំណាយប្រាក់ច្រើន និងស្នាក់នៅយូរនៅកម្ពុជា។

លោកបន្តថា ៖ « កម្ពុជាមិនទាន់ទាក់ទាញភ្ញៀវពីប្រទេសឥណ្ឌា និងពីប៉ែកអារ៉ាប់ច្រើនទេ ដោយសារយើងខ្វះនូវសេវាកម្មកម្សាន្តសប្បាយទាំងអស់នេះ ខុសពីប្រទេសថៃដែលមានភ្ញៀវទេសចរឥណ្ឌា និងអារ៉ាប់រាប់លាននាក់ទៅកម្សាន្ត ដោយសារគេមានកន្លែងកម្សាន្តសប្បាយ ហាងលក់ទំនិញសម្បូរបែបទាំងពេលថ្ងៃ និងពេលរាត្រី » ៕

ទុន​វិនិយោគ​ក្នុង​វិស័យ​សំណង់​រយៈពេល​១១​ខែ​ស្មើ​ជាង​៨ពាន់​លាន​ដុល្លារ

ទុន​វិនិយោគ​ក្នុង​វិស័យ​សំណង់​រយៈពេល​១១​ខែ​ស្មើ​ជាង​៨ពាន់​លាន​ដុល្លារ

On

ប្រភព៖ កោះសន្តិភាព

រាជធានីភ្នំពេញ ៖ ទុនវិនិយោគក្នុងវិស័យសំណង់រយៈពេល១១ខែឆ្នាំនេះ មានទំហំរហូតដល់៨.២០០លានដុល្លារ កើនឡើង១៧៦,៩៣% បើធៀបនឹងរយៈពេលដូចគ្នាកាលពីឆ្នាំមុន ។

លោក ឡៅ ទិព្វសីហា អនុរដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់បានថ្លែងឲ្យដឹងនៅព្រឹកថ្ងៃទី២១ ធ្នូ កន្លងមកថា កាលពីឆ្នាំមុន ទុនវិនិយោគក្នុងវិស័យនេះមានទំហំត្រឹមតែ២.៩៦១លានដុល្លារប៉ុណ្ណោះ។ ប៉ុន្តែឆ្នាំនេះទំហំទុនវិនិយោគបានកើនឡើងរហូតដល់៨.២០០លានដុល្លារអាមេរិក ដោយមានផ្ទៃក្រឡាសំណង់ទំហំ១៤លានម៉ែត្រការ៉េ ។ សំណង់ដែលបានចុះបញ្ជីដោយអាជ្ញាធររាជធានី ខេត្ត ក្រុង ភាគច្រើនជាសំណង់ធំៗ អគារពាណិជ្ជកម្ម អគារការិយាល័យ ផ្សារទំនើប ខុនដូ អាផាតមិន រោងចក្រ និងសហគ្រាសនានាជាដើម ។ លោកបន្តថា ៖ « កំណើនវិស័យសំណង់ឆ្នាំនេះ ដោយសារកម្ពុជាមានស្ថិរភាពនយោបាយ កំណើនសេដ្ឋកិច្ច សន្តិសុខល្អប្រសើរ និងឯកសារច្បាប់បទដ្ឋានគតិយុត្តិនានាមានភាពងាយស្រួល ។ ការពន្លឿនការអនុម័ត និងត្រួតពិនិត្យគម្រោងបានថយចុះពី៤៥ថ្ងៃមក២៥ថ្ងៃ ក៏ជាផ្នែកសំខាន់ក្នុងការលើកទឹកចិត្តអ្នកវិនិយោគផងដែរ » ។

កម្ពុជាបានអនុម័តច្បាប់សហកម្មសិទ្ធិកាលពីឆ្នាំ២០១១ ដែលជាមូលដ្ឋានដ៏សំខាន់ក្នុងការវិនិយោគលើសំណង់អគារសហកម្មសិទ្ធិនានា ព្រោះច្បាប់នេះអនុញ្ញាតឲ្យជនបរទេសអាចកាន់កាប់អគារចាប់ពីជាន់ទី១ ឡើងទៅ ។

លោក ឡៅ ទិព្វសីហា បន្តថា ក្នុងចំណោមទុនវិនិយោគទាំងនេះ មានទុនវិនិយោគខ្មែរ និងបរទេស ដោយគិតពីឆ្នាំ២០០០ ដល់រយៈពេល១១ខែឆ្នាំនេះ ការបោះទុនវិនិយោគរបស់ជនបរទេសមានចំនួន២៩៣គម្រោង ស្មើនឹងទំហំជាង១៣លានម៉ែត្រការ៉េ និងទុនវិនិយោគសរុប៤.៤៦២លានដុល្លារអាមេរិកមកពី១៨ប្រទេស ក្នុងនោះវិនិយោគិនចិន និងកូរ៉េមានទំហំធំជាងគេ ។

លោក ច្រឹក សុខនីម អគ្គនាយកក្រុមហ៊ុនCentury21 Mekong ឱ្យដឹងថា វាជារឿងអបអរសាទរសម្រាប់ការកើនឡើងនូវទំហំទុនវិនិយោគចូលមកក្នុងវិស័យនេះ ។ ប៉ុន្តែគ្រាន់តែជាទុនចុះបញ្ជី មិនមែនមានន័យថា ទុនចុះបញ្ជីទាំងនេះនឹងត្រូវបោះទុនវិនិយោគនៅកម្ពុជាទេ ព្រោះគម្រោងខ្លះគ្រាន់តែជាការលើកគម្រោង និងមិនទាន់សាងសង់ ។ វិនិយោគិនដែលមកវិនិយោគនៅកម្ពុជា ពួកគេមិនយកទុនទាំងដុលមកបោះទុន ឬសាងសង់ទេ ។ លោកបន្តថា ៖ « ការកើនឡើងនូវទំហំទុនវិនិយោគជារឿងត្រេកអរ តែការធ្វើឲ្យគម្រោង និងទុនទាំងនោះហូរចូលមកកម្ពុជាជារឿងសំខាន់ គឺឲ្យតែគេមកវិនិយោគនៅកម្ពុជា ទោះមកដល់ទីណា ក៏ចំណេញដល់កម្ពុជាដែរ ព្រោះវារួមចំណែកផ្តល់ការងារ និងជំរុញកំណើនសេដ្ឋកិច្ចជាតិ » ។

ប្រធានសមាគមអ្នកវាយតម្លៃ …

ផែនការ​បិទ​ស្ពាន​ជ្រោយចង្វារ​ចាស់ អាច​​​ពន្យា​រ​ពេលសិន​ ព្រោះ

ផែនការ​បិទ​ស្ពាន​ជ្រោយចង្វារ​ចាស់ អាច​​​ពន្យា​រ​ពេលសិន​ ព្រោះ

On

ប្រភព៖ កោះសន្តិភាព

រាជធានីភ្នំពេញ ៖ អាជ្ញាធរភ្នំពេញបដិសេធនូវពាក្យចចាមអារ៉ាម ដែលបានលើកឡើងថា នឹងមានការឆ្លងសាឡាង សម្រាប់អ្នកធ្វើដំណើរចេញពីរាជធានីភ្នំពេញ តែសម្រាប់អ្នកដំណើរចូលភ្នំពេញវិញអាចធ្វើចរាចរតាមស្ពានជ្រោយចង្វារថ្មីបាន ក្នុងអំឡុងពេលបិទស្ពានជ្រោយចង្វារចាស់ ដើម្បីធ្វើការជួសជុលឡើងវិញរយៈពេល២ឆ្នាំនោះ ។

លោកម៉េត មាសភក្តី អ្នកនាំពាក្យរដ្ឋបាលរាជធានីភ្នំពេញ និងលោកពៅ ម៉េងហៃ អនុប្រធានមន្ទីរសាធារណការ និងដឹកជញ្ជូនរាជធានីភ្នំពេញ បានឲ្យកោះសន្តិភាពដឹងប្រហាក់ប្រហែលគ្នាតាមរយៈទូរស័ព្ទនៅថ្ងៃទី២៧ធ្នូ នេះថា ចំពោះផែនការបិទស្ពាន
ជ្រោយចង្វារចាស់ ដែលបានកំណតយកថ្ងៃទី១ មករា ២០១៧ ដើម្បីធ្វើការជួសជុលនោះ រហូតមកដល់ពេលនេះ រដ្ឋបាលរាជធានីភ្នំពេញ និងមន្ត្រីជំនាញក្រោមឱវ៉ាតពាក់ព័ន្ធ នៅមិនទាន់បានទទួលឯកសារ ឬសេចក្តីណែនាំពីក្រសួងសាធារណការ និងដឹកជញ្ជូននៅឡើយទេ ។

លោកបន្តថា នៅក្នុងកិច្ចប្រជុំនាពេលកន្លងមក បាននិយាយគ្នារួចហើយថា មុនពេលចាប់ផ្តើមបិទក្រុមអ្នកជំនាញត្រូវប្រាប់មកអាជ្ញាធរជាមុន ដើម្បីអាជ្ញាធររៀបចំ ជាពិសេសត្រូវជូនដំណឹងឲ្យប្រជាពលរដ្ឋបានជ្រាបជាព័ត៌មាន ។

លោកពៅ ម៉េងហៃ បានបញ្ជាក់ថា ពេលនេះលោកនៅមិនទាន់ដឹងច្បាស់ថា ក្រុមជំនាញរបស់អង្គការចៃការជប៉ុនត្រូវអនុវត្តន៏នៅថ្ងៃណាឲ្យពិតប្រាកដនោះទេ គឺដឹងតែនៅក្នុងខែមករា២០១៧នេះ អាចច្បាស់ជាង ។ លោកបន្តថា បើកំណត់យកថ្ងៃទី០១មករា២០១៧ដូចអ្វីដែលបានលើកឡើងក្នុងអង្គប្រជុំកន្លងមក អាចនឹងពន្យាលពេល ពីព្រោះការបិទស្ពានចាស់ទាំងស្រុង ដើម្បីជួសជុលនោះ គឺចាំបាច់ត្រូវ រៀបចំឬកែសម្រួលឈូសឆាយក្បាលស្ពានជ្រោយចង្វារថ្មីទាំងសង់ខាងរួចសិន ដើម្បីឲ្យប្រជាពលរដ្ឋធ្វើដំណើរទាំងទៅទាំងមកបាន ដែលត្រូវការពេលវេលាមួយសមរម្យ គឺមិនអាចទាន់នៅថ្ងៃទី០១មករានេះទេ ព្រោះគៀតពេកហើយ ។

រូបភាពដោយ Khmer Times