លំនៅឋានសាធារណៈ សម្រាប់អ្នកចំណូលទាប និងមធ្យម

លំនៅឋានសាធារណៈ សម្រាប់អ្នកចំណូលទាប និងមធ្យម

On

លំនៅឋានសាធារណៈ សម្រាប់អ្នកចំណូលទាប និងមធ្យម និងមន្រ្តីរាជការ នេះ មានតម្លៃ ចាប់ពី២៥,០០០ដុល្លារទៅ ៣០០០០ដុល្លារអាមេរិក ហើយមានចំនួន២,៤០០ខ្នង មានទំហំប្រមាណជា ៥០ម៉ែត្រការ៉េ។

ប្រជាជនដែលអាច ទិញលំនៅឋានសាធារណៈនេះបាន គឺ មន្រ្តីរាការ និងអ្នកដែលមានគ្រួសារ ដែលមានប្រាក់ខែក្រោម ៥០០ដុល្លារអាមេរិក និងត្រូវរស់នៅក្នុងផ្ទះនោះរហូតដល់៥ឆ្នាំយ៉ាងតិច និងគ្មានសិទ្ធិលក់បន្តនោះទេ។

គម្រោងលំនៅឋានសាធារណៈ នេះមានទីតាំង ស្ថិតនៅលើបណ្ដោយផ្លូវជាតិលេខ២១ ក្នុងភូមិកោះគរ ឃុំរកាខ្ពស់ ស្រុកស្អាង ខេត្តកណ្ដាល ចម្ងាយប្រមាណ៨គីឡូម៉ែត្រ ពីទីក្រុងតាខ្មៅ ខេត្តកណ្ដាល ។

រដ្ឋាភិបាល និងក្រុមហ៊ុន WorldBridge Land  បានបើកការដ្ឋានសាងសង់ កាលពីថ្ងៃទី៦ ខែមករា ឆ្នាំ២០១៦នេះ ដែលមានការចូលរួមពី ឯកឧត្ដម ជា សុផារ៉ា រដ្ឋមន្រ្តី ក្រសួងរៀបចំដែនដី នគរូបនីយកម្ម និងសំណង់។

ប្រភព៖ business-cambodia

ក្រុមហ៊ុន​ចិន​នឹង​វិនិយោគ​មជ្ឈមណ្ឌល​ផ្គត់ផ្គង់​គ្រឿង​សំណង់​នៅ​ភ្នំពេញ

ក្រុមហ៊ុន​ចិន​នឹង​វិនិយោគ​មជ្ឈមណ្ឌល​ផ្គត់ផ្គង់​គ្រឿង​សំណង់​នៅ​ភ្នំពេញ

On

ក្រុមហ៊ុនរបស់ប្រទេសចិនដែលមានឈ្មោះថា YunnanSengmaoInvestment បានវិនិយោគទឹកប្រាក់ចំនួនប្រហែលជា៦០លានដុល្លារសហរដ្ឋអាមេរិកដើម្បីធ្វើការសាងសង់មជ្ឈមណ្ឌលផ្គត់ផ្គង់សំភារៈសំណង់ដែលមានទីតាំងស្ថិតនៅជាយរាជធានីភ្នំពេញបន្ទាប់ពីឈានដល់កិច្ចព្រមព្រៀងជួលដីពីកំពង់ផែស្វយ័តភ្នំពេញ (PPAP) កាលពីថ្ងៃសុក្រសប្តាហ៍មុន។

ក្រសួង​សាធារណការ ពន្យារពេល​ជួសជុល​ស្ពាន​ជ្រោយចង្វារ​ចាស់

ក្រសួង​សាធារណការ ពន្យារពេល​ជួសជុល​ស្ពាន​ជ្រោយចង្វារ​ចាស់

On

ប្រភព៖ ថ្មីថ្មី

គម្រោងកែលម្អស្ពានមិត្តភាពកម្ពុជា-ជប៉ុន(ជ្រោយចង្វារចាស់) ត្រូវពន្យារពេលដល់ដើមខែមេសាខាងមុខ។ ការពន្យារពេលនេះ ដោយសារភាគីជប៉ុនផ្លាស់ប្តូរនីតិវិធី នៃការដាក់ដេញគម្រោងកែលម្អស្ពាន និងទុកពេលឲ្យភាគីកម្ពុជា រៀបចំប្រព័ន្ធខ្សែភ្លើង ប្រព័ន្ធបំពង់ទឹកស្អាត និងរុះរើលំនៅឋានប្រជាពលរដ្ឋមួយចំនួននៅត្រើយខាងកើត។

ក្រសួងសាធារណការ និងដឹកជញ្ជូន បានប្រកាសពន្យារពេលជួសជុលកែលម្អស្ពានមិត្តភាពកម្ពុជា-ជប៉ុន(ជ្រោយចង្វារចាស់)ដល់ដើមខែមេសាខាងមុខ។ នេះបើតាមទីភ្នាក់ងារសារព័ត៌មានកម្ពុជា។

បើតាមលោក ឈឹម ផល្លា មន្ត្រីកិច្ចសហប្រតិ្តបត្តិការអន្តរជាតិនៃក្រសួងសាធារណការ និងដឹកជញ្ជូន ដែលAKPបានស្រង់សម្តី ការសម្រេចពន្យារពេលជួសជុលស្ពាននេះ គឺដោយសារភាគីជប៉ុនផ្លាស់ប្តូរនីតិវិធី នៃការដាក់ដេញគម្រោងកែលម្អស្ពាន ពីខែធ្នូ ឆ្នាំ២០១៦ ទៅខែមីនា ឆ្នាំ២០១៧វិញ។ ការពន្យារពេលនេះ ក៏ដើម្បីឱ្យភាគីកម្ពុជា សម្រួលការរៀបចំប្រព័ន្ធខ្សែភ្លើង ប្រព័ន្ធបំពង់ទឹកស្អាត និងការតម្រូវឱ្យមានការរុះរើលំនៅឋានប្រជាពលរដ្ឋចំនួន២១គ្រួសារ នៅភាគខាងកើតស្ពានជ្រោយចង្វារ ដើម្បីសម្រួលដល់ការកែលម្អស្ពាននេះ។ នេះបើតាម លោកឈឹម ផល្លា ដដែល។

ដើមឡើយក្រសួងសារធារណការ និងដឹកជញ្ជូនបានបញ្ជាក់ថា នឹងបិទចរាចរណ៍លើស្ពានជ្រោយចងា្វរចាស់ ឬស្ពានមិត្តភាពកម្ពុជា-ជប៉ុន ជាបណ្ដោះអាសន្ន ដើម្បីបើកការដ្ឋានជួសជុលកែលម្អ ចាប់ពីខែមករាឆ្នាំ២០១៧ ។  ក្រុមហ៊ុនជប៉ុននឹងចំណាយពេលប្រហែល ២២ខែ ដើម្បីបញ្ចប់ការជួសជុលស្ពាននេះ។  នៅក្នុងអំឡុងពេលដំណើរការជួសជុលស្ពាន អាជ្ញាធរពិចារណាយកស្រឡាងចំនួន២គ្រឿង ពីអ្នកលឿង មកចម្លងអ្នកដំណើរពីត្រើយម្ខាង ទៅត្រើយម្ខាងទៀត។ តាមការបញ្ជាក់របស់ លោក ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន នៅក្នុងសន្និបាតបូកសរុបការងារប្រចាំឆ្នាំ២០១៦ និងទិសដៅការងារឆ្នាំ២០១៧ នៅថ្ងៃទី២៨ខែធ្នូកន្លងទៅ ការឆ្លងស្រឡាងពេលជួសជុលស្ពានជ្រោយចង្វារចាស់ មិនតម្រូវឲ្យបង់ប្រាក់ឡើយ

ពលរដ្ឋ​ខ្មែរឥស្លាម​រាប់​រយនាក់ ប្រមូលផ្តុំ​គ្នា​តវ៉ា​គម្រោង​សាងសង់​ផ្លូវ​កាត់​វិហារ​បឹងកក់

ពលរដ្ឋ​ខ្មែរឥស្លាម​រាប់​រយនាក់ ប្រមូលផ្តុំ​គ្នា​តវ៉ា​គម្រោង​សាងសង់​ផ្លូវ​កាត់​វិហារ​បឹងកក់

On

នៅថ្ងៃទី៣០ ធ្នូនេះ មានពលរដ្ឋខ្មែរឥស្លាម រាប់រយនាក់ បានប្រមូលផ្ដុំគ្នាតវ៉ា ចំពោះគម្រោងរបស់សាលារាជធានីភ្នំពេញ ដែលសាងសង់ផ្លូវថ្មីកាត់របងវិហារឥស្លាមបឹងកក់ ពលរដ្ឋខ្មែរឥស្លាមទាំងនោះអះអាងថា ពួកគេមិនគាំទ្រចំពោះគម្រោងសង់ផ្លូវកាត់វិហារនេះឡើយ ព្រោះវាឲ្យប៉ះពាល់ និងបង្កភាពអានាធិបតេយ្យដល់បរិវេណព្រះវិហារដែលជាទីសក្ការបូជារបស់សាសនាឥស្លាម។

ខណៈដែលពលរដ្ឋខ្មែរឥស្លាម កំពុងឈរស្រែកតវ៉ាលើករណីសង់ផ្លូវកាត់នេះ គេសង្កេតឃើញមានកងកម្លាំងប្រដាប់អាវុធជាច្រើន ឈរត្រៀបត្រានៅបរិវេណវិហារឥស្លាមបឹងកក់នេះដែរ។

ជុំវិញភាពចម្រូងចម្រាសនៃការសាងសង់ផ្លូវកាត់វិហារឥស្លាម បានផ្ទុះឡើងដោយសារតែការផ្ទុយមតិគ្នារវាងតំណាងសាសនាឥស្លាម នៅតំបន់បឹងកក់នេះ។ ការផ្ទុយមតិគ្នានេះដោយសារតែលោក អូស្មាន ហាស្សាន់ រដ្ឋមន្ត្រីប្រតិភូអមនាយករដ្ឋមន្ត្រី និងជាថ្នាក់ដឹកនាំសាសនិកខ្មែរឥស្លាមមួយរូប បានបន្តប្រកាសគាំទ្រគម្រោងសង់ផ្លូវរបស់អាជ្ញាធរសាលារាជធានីភ្នំពេញ។ លោកថា គម្រោងសង់ផ្លូវសាធារណៈថ្មីមានសារៈសំខាន់ ដោយលោកនិយាយថា វារំដោះការកកស្ទះចរាចរណ៍ និងការរៀបចំប្រព័ន្ធលូរំដោះជំនន់ទឹកភ្លៀងតាមបណ្តោយផ្លុវថ្មី រួមទាំងលើកកម្ពស់សោភ័ណ ភាពវិហារឥស្លាមបឹងកក់កណ្តាលរាជធានីភ្នំពេញផង។
ប៉ុន្តែ លោក អ៉ះម៉ាត់ យ៉ះយ៉ា តំណាងខ្មែរឥស្លាមម្នាក់ដែលធ្លាប់ចាញ់ក្តីពីបទបរិហាកេរ្តិ៍លោក អូស្មាន ហាស្សាន់ ពាក់ព័ន្ធបញ្ហានេះកន្លងទៅ ធ្លាប់បានលើកហេតុផលជំទាស់នឹងគម្រោងសង់ផ្លូវកាត់របងវិហារដាច់ខាត។ លោកបានលើកហេតុផលថា វានឹងធ្វើឲ្យប៉ះពាល់ និងបង្កភាពអានាធិបតេយ្យដល់បរិវេណវិហារដែលជាទីសក្ការបូជារបស់សាសនាឥស្លាម៕

សូមអញ្ជើញទស្សនាវីដេអូរដូចខាងក្រោម៖

ប្រភព៖ thmeythmey

​គម្រោង​ទី​8 ​ចាប់​ដំណើរការ​សាងសង់​ជា​ផ្លូវការ​ហើយ

​គម្រោង​ទី​8 ​ចាប់​ដំណើរការ​សាងសង់​ជា​ផ្លូវការ​ហើយ

On

បុរីភ្នំពេញថ្មីគម្រោងទី៨ដែលមានទីតាំងនៅក្នុងសង្កាត់ទួលសង្កែ ខណ្ឌឬស្សីកែវ សាងសង់នៅលើផ្ទៃដីជាង៦ហិកតានោះ បានធ្វើពិធីក្រុងពាលីសុំម្ចាស់ទឹកម្ចាស់ដីបុកគ្រឹះដំណើរការសាងសង់ជាផ្លូវការហើយកាលពីថ្ងៃទី២៨ ធ្នូ កន្លងមកនេះ ។ 

ឆ្លង​សាឡាង ពេល​ជួសជុល​ស្ពាន​ជ្រោយចង្វារ​ចាស់ មិន​តម្រូវ​ឲ្យ​បង់ប្រាក់​ឡើយ​

ឆ្លង​សាឡាង ពេល​ជួសជុល​ស្ពាន​ជ្រោយចង្វារ​ចាស់ មិន​តម្រូវ​ឲ្យ​បង់ប្រាក់​ឡើយ​

On

អាជ្ញាធរនឹងដាក់ឲ្យប្រើប្រាស់សាឡាង ដោយឥតយកកម្រៃ អំឡុងពេលស្ពានជ្រោយចងា្វរចាស់ ឬស្ពានមិត្តភាពកម្ពុជា-ជប៉ុន ត្រូវបិទបណ្ដោះអាសន្ន ដើម្បីបើកការដ្ឋានជួសជុលកែលម្អ ចាប់ពីខែមករាឆ្នាំ២០១៧ ។ នេះបើតាមលោក ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន។