៤ខែដើមឆ្នាំ២០១៧ ការវិនិយោគលើវិស័យសំណង់នៅកម្ពុជាឡើងដល់ជាង៤ពាន់លានដុល្លារកើនជាង៤៣%

៤ខែដើមឆ្នាំ២០១៧ ការវិនិយោគលើវិស័យសំណង់នៅកម្ពុជាឡើងដល់ជាង៤ពាន់លានដុល្លារកើនជាង៤៣%

On

ប្រភព ៖ ពាណិជ្ជកម្មកម្ពុជា

គិតត្រឹមរយៈពេល៤ខែដើមឆ្នាំ២០១៧នេះ កម្ពុជាបានបោះទុនវិនិយោគលើការសាងសង់ឡើងដល់ប្រមាណ ជាង៤,០២២,៦៥៨,០៤៣ ដុល្លារសហរដ្ឋអាមេរិក កើនប្រមាណ ៤៣,៣៧ភាគរយ បើធៀបនឹងរយៈពេលដូចគ្នាកាលពីឆ្នាំ២០១៦។ នេះបើយោងតាមសេចក្តីប្រកាសរបស់ ក្រសួង ដែនដីនគររូបនីយកម្ម និងសំណង់។

យោងតាមការចុះបញ្ជីនៃការសាងសង់ បានបញ្ជាក់ថា លិខិតអនុញ្ញាតសាងសង់ចំនួន ១០២០ គម្រោង មានផ្ទៃក្រឡាសំណង់សរុបចំនួន ៥,៦០៥,០០៧ ម៉ែត្រការ៉េ មានតម្លៃប្រមាណ៤,០២២,៦៥៨,០៤៣ ដុល្លារសហរដ្ឋអាមេរិក កើនឡើងប្រមាណ ៤៣,៣៧ភាគរយ។

គិតមកទល់រយៈពេល ០៤ខែ ឆ្នាំ២០១៧ ក្រសួងបានចុះបញ្ជីក្រុមហ៊ុនអាជីវកម្មសិក្សាគម្រោងប្លង់ និងសាងសង់ នៅមានសុពលភាពចំនួន ១០១១ក្រុមហ៊ុន ក្នុងនោះមានដូចជា៖

១-ក្រុមហ៊ុនសិក្សាគម្រោងប្លង់មានចំនួន ៤១ក្រុមហ៊ុន

២- ក្រុមហ៊ុនសាងសង់ មានចំនួន ៩៧០ក្រុមហ៊ុន

គួររំលឹកថា នៅឆ្នាំ ២០១៦ការសាងសង់មានចំនួន ៧១២ គម្រោង មានផ្ទៃក្រឡាសំណង់សរុបចំនួន ៥,៩៣១,៤៨៩ ម៉ែត្រការ៉េ មានតម្លៃប្រមាណ ២,៨០៥,៧៨០,២១៧ ដុល្លារសហរដ្ឋអាមេរិក ។

គួរឲ្យដឹងផងដែរថា គិតចាប់ពីឆ្នាំ ២០០០ ដល់ ០៤ខែ ឆ្នាំ២០១៧ ការបោះទុនវិនិយោគរបស់វិស័យឯកជនមកពីបរទេសមានចំនួន ១៨ប្រទេស មានចំនួន ៣០៤គម្រោង មានផ្ទៃក្រឡាសំណង់សរុប ១៣.២៣៨.១៧០ម៉ែត្រការ៉េ មានតម្លៃប៉ានស្មានទុនវិនិយោគសាងសង់ ៤.៥៣៩.៦០០.៩៦១ដុល្លារសហរដ្ឋអាមេរិក។

ផ្សារ​កុងតឺន័រ​ថ្មី​មួយ​ទៀត​នៅ​ភ្នំពេញ

ផ្សារ​កុងតឺន័រ​ថ្មី​មួយ​ទៀត​នៅ​ភ្នំពេញ

On

ប្រភព ៖ ភ្នំពេញបុស្តិ៍

ផ្នត់គំនិតនៃផ្សារកុងតឺន័រនេះគឺរួមមានទាំងផ្សារត្រី ផ្សាររាត្រី និងផ្សារលក់ទំនិញតម្លៃថោក គឺមានអាយុកាលយូរមកហើយ។

ទាំងអាជីវករលក់ដូរ និងវិនិយោគិនដែលមានការច្នៃប្រឌិតខ្ពស់បានរួមបញ្ចូលនូវភាពច្នៃប្រឌិតបន្ថែមទៅក្នុងទីផ្សារប្រភេទនេះដោយធ្វើឲ្យមានលក់ទំនិញគ្រប់មុខក្នុងផ្សារតែមួយដែលមានតាំងពីសាច់ស្រស់ បន្លែ គ្រឿងអលង្ការ និងទំនិញម៉ូដជំនាន់ចាស់ៗជាដើម។

ផ្សារកុងតឺន័រ ដែលកំពុងមានចំណាប់អារម្មណ៍នាអំឡុងពេលចុងក្រោយនេះបានពង្រីកវិសាលភាពរបស់ខ្លួនទៅក្នុងប្រទេសជាច្រើននៅជុំវិញពិភពលោកចាប់ពីទីក្រុងបាងកក ទីក្រុងតូរ៉ង់តូ ប្រទេសកាណាដា ហើយឥឡូវនេះបានមកដល់ប្រទេសកម្ពុជាហើយ។

ជាក់ស្តែង ផ្សារឈ្មោះ Zinc (ស័ង្កសី) ដែលជាអាហារដ្ឋាន និងបារធ្វើឡើងពីទូកុងតឺន័រនេះ នឹងសាងសង់ឡើងនៅកន្លែងចំណតយានយន្តចាស់នៅតាមផ្លូវ៣០៨ ទល់មុខនឹងផ្លូវ Bassac Lane តែម្តង។ ការបុកគ្រឹះបានចាប់ផ្តើមមួយខែមុនរួចទៅហើយ ដែលកន្លែងនេះនឹងមានស្តាយបែប «អាមេរិកាំង» នេះបើយោងតាមលោក Hyunwoo Kim ដែលជាអគ្គនាយកក្រុមហ៊ុន LK Service and Trading Co., Ltd ហើយលោកគឺជាម្ចាស់គម្រោងផ្សារ Zinc។

ក្រុមហ៊ុន LK Service and Trading បានចាប់ដៃគូជាមួយភោជនីយដ្ឋាន Sura ដែលនឹងបើកនៅជាប់ទីតាំងរបស់ Zinc តែម្តងហើយនេះគឺជាគម្រោងដំបូងបង្អស់របស់ខ្លួននៅកម្ពុជា។

ហាងដែលស្ថិតនៅបណ្តោយផ្លូវ៣០៨ និងបារនៅផ្លូវ Bassac Lane មិនមានការបារម្ភពីគម្រោងរបស់លោក Kim នោះទេ ដោយម្ចាស់ហាងបានថ្លែងថា អតិថិជនគោលដៅរបស់ពួកគាត់គឺជនជាតិបរទេស។

លោកបានរំពឹងទុកថា នៅពេលដែលគម្រោងនេះស្ថាបនារួចរាល់ «យើងជឿជាក់ថា យើងនឹងអាចទាក់ទាញអតិថិជនក្នុងស្រុកបានជាច្រើនដែលពួកគេតែងតែរកកន្លែងថ្មីមកកម្សាន្ត»។

22-5-021

លោក Kim បានថ្លែងបន្តថា ៖ «ដោយសារតែហាងរបស់យើងធ្វើឡើងពីទូកុងតឺន័រ វានឹងមានភាពខុសប្លែកពីបារ និងភោជនីយដ្ឋានដទៃទៀតនៅតំបន់បាសាក់»។

ភាពពេញនិយមនៃផ្សារកុងតឺន័របានទាក់ទាញយុវជននៅកម្ពុជាយ៉ាងខ្លាំង ជាក់ស្តែងផ្សាររាត្រី Jet’s Container នៅលើផ្លូវរដ្ឋសភាមានមនុស្សជាច្រើនបានទៅទីនោះដើម្បីញ៉ាំអាហារ និងការកម្សាន្តផងដែរ។

ផ្សារ Zinc នឹងសង់ឡើងជាជាន់ៗខ្ពស់ជាងផ្សារ Jet’s Container ដែលមានផ្ទៃដីរហូតដល់ទៅ១ហិកតា បើទោះជាផ្ទៃដីរបស់ ខ្លួនមានត្រឹមតែ៥០០ម៉ែត្រការ៉េប៉ុណ្ណោះ។ ប៉ុន្តែហាងនីមួយៗមានទំហំធំជាង មានបារតូចៗ ដែលស្ថិតក្នុងតំបន់នោះ។ ទោះជាយ៉ាងណាទំហំផ្ទៃដីពាក់កណ្តាលនឹងត្រូវទុកសម្រាប់ធ្វើជាចំណតយានយន្ត។

ភាពស្រដៀងគ្នារវាងគម្រោងផ្សារកុងតឺន័រទាំងពីរ គឺសាងសង់ ឡើងដោយដាក់ត្រួតលើគ្នា។ ស្រដៀងគ្នាទៅនឹងផ្សាររាត្រី Jet’s Container ដែរ ប៉ុន្តែផ្សារ Zinc …

ជប៉ុននឹងចំណាយ៨០០លានដុល្លារលើគម្រោងបង្កើតរថភ្លើងធុនស្រាលស្វ័យប្រវត្តិលើអាកាសដំបូងក្នុងក្រុងភ្នំពេញ

ជប៉ុននឹងចំណាយ៨០០លានដុល្លារលើគម្រោងបង្កើតរថភ្លើងធុនស្រាលស្វ័យប្រវត្តិលើអាកាសដំបូងក្នុងក្រុងភ្នំពេញ

On

ប្រភព ៖ https://www.business-cambodia.com/article/28524

ប្រទេសជប៉ុននឹងចំណាយថវិកា ៨០០លានដុល្លារ លើគម្រោងបង្កើតរថភ្លើងធុនស្រាលស្វ័យប្រវត្តិលើអាកាសលើដំបូងនៅក្រុងភ្នំពេញ តាមរយៈទីភ្នាក់ងារ សហប្រតិបត្តិការអន្តរជាតិ(JICA) ក្នុងពេលឆាប់នេះៗ នេះបើយើងតាមរយៈជំនួបរវាងឯកឧត្តម ហោ ណាំហុង និងតំណាងប្រទេសជប៉ុន Keiichi ISHII នៅថ្ងៃទី៥ ឧសភា កន្លងទៅនេះ នៅវិមានសន្តិភាព។

សំណង់ខុន​ដូ​មួយ​កំពុង​បំផ្លាញ​សម្បត្តិ​សាធារណៈ និង​បង្ក​ការ​កកស្ទះ​ស្ទើរ​រាល់ថ្ងៃ

សំណង់ខុន​ដូ​មួយ​កំពុង​បំផ្លាញ​សម្បត្តិ​សាធារណៈ និង​បង្ក​ការ​កកស្ទះ​ស្ទើរ​រាល់ថ្ងៃ

On

ប្រភព ៖ Angrut

យោងតាមគេហទំព័ររបស់អគ្គស្នងការបានចុះផ្សាយពីការដ្ឋានសំណង់ខុនដូ កាលពីថ្ងៃទី០៣ ខែឧសភា ឆ្នាំ២០១៧ នេះដែលកំពុងបំផ្លាញហេដ្ឋារចនាសម្ព័ន្ធ និងធ្វើឲ្យមានការកកស្ទះចរាចរណ៍យ៉ាងខ្លាំង ក៏ប៉ុន្តែអាជ្ញាធរមូលដ្ឋានមើលមិនឃើញ ដែលមានទីតាំងស្ថិតតាមបណ្តោយមហាវិថីព្រះនរោត្តម ក្នុងសង្កាត់ទន្លេបាសាក់ ខណ្ខចំការមន រាជធានីភ្នំពេញ ។

ប្រភពបានអោយដឹងថា លោកអភិបាលខណ្ឌចំការមន នៅព្រឹកថ្ងៃទី០៣ ខែឧសភា នេះនឹងអញ្ជើញម្ចាស់ការដ្ឋានសាងសង់ខុនដូ មួយកន្លែងឈ្មោះ ឆាយណា ខុនស្ត្រាក់សិន ហ្វតស៍ អេនជីនារីង ឌីវិសិន ខប អិលធីឌី (CHINA CONTRUCTION FOURTH ENGINEERING DIVISION CORP. LTD) ដែលរងការរិះគន់ថា កំពុងបំផ្លាញហេដ្ឋារចនាសម្ព័ន្ធ និងធ្វើឲ្យមានការកកស្ទះចរាចរណ៍យ៉ាងខ្លាំង ជារៀងរាល់ថ្ងៃ ព្រោះការដ្ឋានមួយនេះ បានយកចិញ្ចើមផ្លូវសម្រាប់ដាក់ដែក និងសម្ភារៈសំណង់ និងមានរថយន្តដឹកខ្សាច់ រថយន្តក្រឡុកស៊ីម៉ងត៍ ចតមុខការដ្ឋាននេះជាច្រើន និងបង្ហៀរទឹកកង្វក់មកលើផ្លូវ ដែលជាហេតុធ្វើឲ្យផ្លូវខូច និងរកដំណោះស្រាយបញ្ហាខាងលើ ។

សូមបញ្ជាក់ថា កន្លងមកលោកទេសរដ្ឋមន្ត្រី ជា សុផារ៉ា រដ្ឋមន្ត្រីក្រសួងរៀបចំដែនដីនគរូបនីយកម្ម និងសំណង់ បានចេញបម្រាមមួយ ដាក់កម្រិតមិនឲ្យការដ្ឋានសំណង់ធំៗ ខ្ពស់ៗក្នុង រាជធានីភ្នំពេញ យកទ្រូងផ្លូវ ឬចិញ្ចើមផ្លូវសាធារណៈ ដើម្បីដាក់សម្ភារៈសាងសង់នោះឡើយ ជាពិសេស ហាមមិនឲ្យដាក់ដងស្ទូចជាប់ផ្លូវ ឬលើកសម្ភារសំណង់រំលងផ្លូវ ព្រោះវាបង្កការកកស្ទះចរាចរណ៍ ហើយក៏អាចបង្កគ្រោះថ្នាក់ដល់អ្នកដំណើរបានផងដែរ ។

បើទោះបីជាមានបម្រាមបែបនេះក៏ដោយ ក៏ការដ្ឋានសំណង់របស់ជនជាតិចិនមួយនេះ នៅបង្កការរំខាន និងបំផ្លាញផលប្រយោជន៍សាធារណៈដដែល ជាពិសេស លើកស្ទួចសម្ភារៈសំណង់ រំលងផ្លូវ ដោយខ្វល់ពីការបង្កគ្រោះ ថ្នាក់ដល់ជីវិតមនុស្ស ដែលធ្វើដំណើរនៅតាមដងផ្លូវឡើយ។ ដោយឡែកអ្នកធ្វើដំណើរតាមបណ្តោយមហាវិថីព្រះនរោត្តម បានរិះគន់ថា អាជ្ញាធរពាក់ព័ន្ធជួយពិនិត្យមើលផង ចំណែកសាលាខណ្ឌចំការមន និងសាលារាជធានីភ្នំពេញ មិនដឹងទទួលបានផលប្រយោជន៍អ្វីខ្លះ ពីខុនដូនេះទេ បានជាមើលមិនឃើញ ពីផលប៉ះពាល់ដល់សម្បត្តិសាធារណៈ និងបង្កការកកស្ទះចរាចរណ៍ជារៀងរាល់ថ្ងៃបែបនេះ ៕

3-5-015

3-5-014

3-5-0133-5-012

3-5-011

 

 

អាជ្ញាធរ​រុះរើ​របង​បើក​ធ្វើ​ផ្លូវ​​ ក្រោយ​ពី​ក្រុមហ៊ុន​បិទ​យូរ​ឆ្នាំ

អាជ្ញាធរ​រុះរើ​របង​បើក​ធ្វើ​ផ្លូវ​​ ក្រោយ​ពី​ក្រុមហ៊ុន​បិទ​យូរ​ឆ្នាំ

On

ប្រភព ៖ ភ្នំពេញបុស្តិ៍

មន្ទីរដែនដីនគរូបនីយកម្មរាជធានី និងអាជ្ញាធរខណ្ឌច្បារអំពៅកាលពីម្សិលម៉ិញបានរុះរើ របង និងចាក់ដីលុបប្រឡាយក្នុងសង្កាត់វាលស្បូវដើម្បីបើកផ្លូវទទឹង ១៦ ម៉ែត្របណ្ដោយជាង ៦ គីឡូម៉ែត្រឲ្យធ្វើចរាចរណ៍ឡើងវិញ បន្ទាប់ពីក្រុមហ៊ុន ២ បានជីក និងធ្វើរបងភ្ជិតមិនឲ្យឆ្លងកាត់ ។

លោក សារិន វណ្ណា ប្រធានមន្ទីរដែនដីនគរូបនីយកម្មរាជធានីភ្នំពេញបានប្រាប់ភ្នំពេញប៉ុស្តិ៍ថា បើតាមពលរដ្ឋផ្លូវនេះត្រូវបានក្រុមហ៊ុន ផាន អ៊ីមិច និងក្រុមហ៊ុន ហេង លី ជីកប្រឡាយ និងធ្វើរបងភ្ជិតច្រើនឆ្នាំមកហើយ។

ប៉ុន្តែលោកថា៖ «កាលពីព្រឹកម៉ិញ [ម្សិលម៉ិញ] ម្ចាស់ក្រុមហ៊ុនទាំងពីរគឺលោកជំទាវ ឧកញ៉ា ស៊ុយ សាផាន និងលោកឧកញ៉ា ហេង លី បានទទួលស្គាល់ និងបានចូលរួមសហការឲ្យបើកផ្លូវមួយខ្សែនេះ…ឡើងវិញ»។

លោក ណុប ផា អភិបាលរងខណ្ឌច្បារអំពៅបានថ្លែងដែរថាផ្លូវលំនេះសំខាន់ណាស់សម្រាប់ពលរដ្ឋនៅក្នុងសង្កាត់ចំនួនបួនគឺសង្កាត់វាលស្បូវ ព្រែកប្រា ព្រែកថ្មី និងសង្កាត់ព្រែកឯង។

លោកថា៖ «ផ្លូវនេះពីមុនធំជាងផ្លូវរទេះគោបន្តិចប៉ុណ្ណោះហើយលិចទឹកក្នុងរដូវវស្សា…ការបើកផ្លូវនេះដើម្បីសម្រួលដល់ការស្ទះចរាចរណ៍ដោយត្រូវពង្រីកធំជាងមុន និងតភ្ជាប់ជាមួយផ្លូវលេខ ៣៦៩ និងផ្លូវជាតិលេខ ១»។

តំណាងពលរដ្ឋក្នុងសង្កាត់វាលស្បូវ អ្នកស្រី យឹម ស៊ីមន បានថ្លែងថាពេលផ្លូវនេះបើកដំណើរការឡើងវិញ វានឹងជួយសម្រួលដល់ជីវភាពពួកគាត់ដូចជាការកាត់បន្ថយពេលធ្វើដំណើរ កាត់បន្ថយការស្ទះចរាចរណ៍ និងថ្លៃសាំងជាដើម។

អ្នកស្រីថា៖ «យើងរីករាយខ្លាំងណាស់បើគម្រោងនេះធ្វើបានសម្រេច»។

អ្នកស្រី ស៊ុយ សាផាន បានប្រាប់ភ្នំពេញប៉ុស្តិ៍ថាអ្នកស្រីក៏រីករាយចំពោះគម្រោងនេះដែរ។

អ្នកស្រីថា៖ «ខ្ញុំបានឯកភាព និងចូលរួមសហការជាមួយអាជ្ញាធរ…ក្នុងការស្ថាបនាផ្លូវមួយខ្សែនេះ ព្រោះគម្រោងនេះវានឹងផ្ដល់ប្រយោជន៍ជាសាធារណៈ»៕

3-5-008

សំណង់អត់ច្បាប់មួយកន្លែង នៅតាមផ្លូវជាតិលេខ៤ នៅតែបន្តសាងសង់ ទោះបីអភិបាលខណ្ឌពោធិ៍សែនជ័យ បានព្រមានឲ្យបញ្ឈប់

សំណង់អត់ច្បាប់មួយកន្លែង នៅតាមផ្លូវជាតិលេខ៤ នៅតែបន្តសាងសង់ ទោះបីអភិបាលខណ្ឌពោធិ៍សែនជ័យ បានព្រមានឲ្យបញ្ឈប់

On

ប្រភព ៈ FreshNews

សំណង់សង់រំលោភច្បាប់ រំលោភផ្លូវសាធារណៈ និងដីរបស់ប្រជាពលរដ្ឋក្បែរខាងមួយកន្លែង ម្ចាស់សំណង់នៅតែគឃ្លើនបន្តលួចសាងសង់ដដែល ទាំងបំពានច្បាប់គ្មានញញើតនោះទេ បើទោះបីជាអាជ្ញាធរខណ្ឌ ប្រកាសចាត់វិធានការក្តៅ និងមិនឲ្យសាងសង់បន្តនោះ។

សំណង់គ្មានច្បាប់មួយកន្លែងនេះ អភិបាលខណ្ឌពោធិ៍សែនជ័យ លោក ហែម ដារិទ្ធ បានបញ្ជាឲ្យអាជ្ញាធរមូលដ្ឋាន និងមន្រ្តីជំនាញចុះទៅប្រាប់ និងហាមឃាត់ តែរហូតមកដល់ពេលនេះ ម្ចាស់សំណង់មិនព្រមស្តាប់ ពោលនៅតែបន្តសាងសង់ដដែល។

ទីតាំងសំណង់ជាប្រភេទផ្ទះល្វែងខាងលើនេះ ស្ថិតនៅជិតរង្វង់មូលចោមចៅ តាមបណ្តោយផ្លូវជាតិលេខ៤ កែងផ្លូវចូលភូមិគ្រឹះវ៉ូហ្គោ១ ភូមិថ្នល់បំបែក សង្កាត់ចោមចៅ ខណ្ឌពោធិ៍សែនជ័យ។ ប្រជាពលរដ្ឋដែលរងគ្រោះ ដោយសារម្ចាស់សំណង់សង់រំលោភនោះ បានសុំអន្តរាគមន៍ទៅអាជ្ញាធរខណ្ឌផងដែរ ប៉ុន្តែពាក្យបណ្តឹងប្រៀបដូចក្រដាសជូតមាត់យ៉ាងដូច្នេះ ដោយសារតែដំណោះស្រាយមិនមានលទ្ធផលនោះទេ តាំងពីខែកុម្ភៈ រហូតមកដល់ពេលនេះ។

សម្រាប់សំណង់មួយនេះ សូម្បីតែអាជ្ញាធរមូលដ្ឋាន និងមន្រ្តីភូមិបាលខណ្ឌ ដែលមានជំនាញខាងសំណង់នោះ ក៏បានប្រាប់ថា គ្មានច្បាប់អនុញ្ញាតដែរពោលដំណើរការ សាងសង់ទាំងបំពានតែម្តង។

លោក ហែម ដារិទ្ធិ បានប្រាប់ភ្នាក់ងារ Fresh News នៅព្រឹកថ្ងៃទី២ ខែឧសភា ឆ្នាំ២០១៧នេះថា «បើម្ចាស់សំណង់អគារខាងលើ ដែលសាងសង់ គ្មានច្បាប់អនុញាតពីសាលាខណ្ឌ និងសាលារាជធានីភ្នំពេញ បើនៅតែលួចសង់យ៉ាងគគ្រឹកគគ្រេងបន្តទៀតនោះ អាជ្ញាធរខណ្ឌ នឹងចាត់វិធានការក្តៅ ឆ្លើយតប និងការគឃ្លើនរបស់ម្ចាស់សំណង់»។ បើតាមមន្រ្តីភូមិបាល ខណ្ឌពោធិ៍សែនជ័យ ម្ចាស់សំណង់មានឈ្មោះ សុក អាន។

ជាមួយគ្នានេះដែរ ប្រជាពលរដ្ឋរងគ្រោះ បានទទូចស្នើសុំដល់អាជ្ញាធរជួយអន្តរាគមន៍ និចាត់វិធានកាអនុវត្តតាមផ្លូវច្បាប់ឲ្យបានតឹងរឹង ដែលម្ចាស់សំណង់សង់រំលោភដីរបស់ពួកគាត់៕

2-5-035