សំណង់ខុន​ដូ​មួយ​កំពុង​បំផ្លាញ​សម្បត្តិ​សាធារណៈ និង​បង្ក​ការ​កកស្ទះ​ស្ទើរ​រាល់ថ្ងៃ

សំណង់ខុន​ដូ​មួយ​កំពុង​បំផ្លាញ​សម្បត្តិ​សាធារណៈ និង​បង្ក​ការ​កកស្ទះ​ស្ទើរ​រាល់ថ្ងៃ

On

ប្រភព ៖ Angrut

យោងតាមគេហទំព័ររបស់អគ្គស្នងការបានចុះផ្សាយពីការដ្ឋានសំណង់ខុនដូ កាលពីថ្ងៃទី០៣ ខែឧសភា ឆ្នាំ២០១៧ នេះដែលកំពុងបំផ្លាញហេដ្ឋារចនាសម្ព័ន្ធ និងធ្វើឲ្យមានការកកស្ទះចរាចរណ៍យ៉ាងខ្លាំង ក៏ប៉ុន្តែអាជ្ញាធរមូលដ្ឋានមើលមិនឃើញ ដែលមានទីតាំងស្ថិតតាមបណ្តោយមហាវិថីព្រះនរោត្តម ក្នុងសង្កាត់ទន្លេបាសាក់ ខណ្ខចំការមន រាជធានីភ្នំពេញ ។

ប្រភពបានអោយដឹងថា លោកអភិបាលខណ្ឌចំការមន នៅព្រឹកថ្ងៃទី០៣ ខែឧសភា នេះនឹងអញ្ជើញម្ចាស់ការដ្ឋានសាងសង់ខុនដូ មួយកន្លែងឈ្មោះ ឆាយណា ខុនស្ត្រាក់សិន ហ្វតស៍ អេនជីនារីង ឌីវិសិន ខប អិលធីឌី (CHINA CONTRUCTION FOURTH ENGINEERING DIVISION CORP. LTD) ដែលរងការរិះគន់ថា កំពុងបំផ្លាញហេដ្ឋារចនាសម្ព័ន្ធ និងធ្វើឲ្យមានការកកស្ទះចរាចរណ៍យ៉ាងខ្លាំង ជារៀងរាល់ថ្ងៃ ព្រោះការដ្ឋានមួយនេះ បានយកចិញ្ចើមផ្លូវសម្រាប់ដាក់ដែក និងសម្ភារៈសំណង់ និងមានរថយន្តដឹកខ្សាច់ រថយន្តក្រឡុកស៊ីម៉ងត៍ ចតមុខការដ្ឋាននេះជាច្រើន និងបង្ហៀរទឹកកង្វក់មកលើផ្លូវ ដែលជាហេតុធ្វើឲ្យផ្លូវខូច និងរកដំណោះស្រាយបញ្ហាខាងលើ ។

សូមបញ្ជាក់ថា កន្លងមកលោកទេសរដ្ឋមន្ត្រី ជា សុផារ៉ា រដ្ឋមន្ត្រីក្រសួងរៀបចំដែនដីនគរូបនីយកម្ម និងសំណង់ បានចេញបម្រាមមួយ ដាក់កម្រិតមិនឲ្យការដ្ឋានសំណង់ធំៗ ខ្ពស់ៗក្នុង រាជធានីភ្នំពេញ យកទ្រូងផ្លូវ ឬចិញ្ចើមផ្លូវសាធារណៈ ដើម្បីដាក់សម្ភារៈសាងសង់នោះឡើយ ជាពិសេស ហាមមិនឲ្យដាក់ដងស្ទូចជាប់ផ្លូវ ឬលើកសម្ភារសំណង់រំលងផ្លូវ ព្រោះវាបង្កការកកស្ទះចរាចរណ៍ ហើយក៏អាចបង្កគ្រោះថ្នាក់ដល់អ្នកដំណើរបានផងដែរ ។

បើទោះបីជាមានបម្រាមបែបនេះក៏ដោយ ក៏ការដ្ឋានសំណង់របស់ជនជាតិចិនមួយនេះ នៅបង្កការរំខាន និងបំផ្លាញផលប្រយោជន៍សាធារណៈដដែល ជាពិសេស លើកស្ទួចសម្ភារៈសំណង់ រំលងផ្លូវ ដោយខ្វល់ពីការបង្កគ្រោះ ថ្នាក់ដល់ជីវិតមនុស្ស ដែលធ្វើដំណើរនៅតាមដងផ្លូវឡើយ។ ដោយឡែកអ្នកធ្វើដំណើរតាមបណ្តោយមហាវិថីព្រះនរោត្តម បានរិះគន់ថា អាជ្ញាធរពាក់ព័ន្ធជួយពិនិត្យមើលផង ចំណែកសាលាខណ្ឌចំការមន និងសាលារាជធានីភ្នំពេញ មិនដឹងទទួលបានផលប្រយោជន៍អ្វីខ្លះ ពីខុនដូនេះទេ បានជាមើលមិនឃើញ ពីផលប៉ះពាល់ដល់សម្បត្តិសាធារណៈ និងបង្កការកកស្ទះចរាចរណ៍ជារៀងរាល់ថ្ងៃបែបនេះ ៕

3-5-015

3-5-014

3-5-0133-5-012

3-5-011

 

 

សំណង់អត់ច្បាប់មួយកន្លែង នៅតាមផ្លូវជាតិលេខ៤ នៅតែបន្តសាងសង់ ទោះបីអភិបាលខណ្ឌពោធិ៍សែនជ័យ បានព្រមានឲ្យបញ្ឈប់

សំណង់អត់ច្បាប់មួយកន្លែង នៅតាមផ្លូវជាតិលេខ៤ នៅតែបន្តសាងសង់ ទោះបីអភិបាលខណ្ឌពោធិ៍សែនជ័យ បានព្រមានឲ្យបញ្ឈប់

On

ប្រភព ៈ FreshNews

សំណង់សង់រំលោភច្បាប់ រំលោភផ្លូវសាធារណៈ និងដីរបស់ប្រជាពលរដ្ឋក្បែរខាងមួយកន្លែង ម្ចាស់សំណង់នៅតែគឃ្លើនបន្តលួចសាងសង់ដដែល ទាំងបំពានច្បាប់គ្មានញញើតនោះទេ បើទោះបីជាអាជ្ញាធរខណ្ឌ ប្រកាសចាត់វិធានការក្តៅ និងមិនឲ្យសាងសង់បន្តនោះ។

សំណង់គ្មានច្បាប់មួយកន្លែងនេះ អភិបាលខណ្ឌពោធិ៍សែនជ័យ លោក ហែម ដារិទ្ធ បានបញ្ជាឲ្យអាជ្ញាធរមូលដ្ឋាន និងមន្រ្តីជំនាញចុះទៅប្រាប់ និងហាមឃាត់ តែរហូតមកដល់ពេលនេះ ម្ចាស់សំណង់មិនព្រមស្តាប់ ពោលនៅតែបន្តសាងសង់ដដែល។

ទីតាំងសំណង់ជាប្រភេទផ្ទះល្វែងខាងលើនេះ ស្ថិតនៅជិតរង្វង់មូលចោមចៅ តាមបណ្តោយផ្លូវជាតិលេខ៤ កែងផ្លូវចូលភូមិគ្រឹះវ៉ូហ្គោ១ ភូមិថ្នល់បំបែក សង្កាត់ចោមចៅ ខណ្ឌពោធិ៍សែនជ័យ។ ប្រជាពលរដ្ឋដែលរងគ្រោះ ដោយសារម្ចាស់សំណង់សង់រំលោភនោះ បានសុំអន្តរាគមន៍ទៅអាជ្ញាធរខណ្ឌផងដែរ ប៉ុន្តែពាក្យបណ្តឹងប្រៀបដូចក្រដាសជូតមាត់យ៉ាងដូច្នេះ ដោយសារតែដំណោះស្រាយមិនមានលទ្ធផលនោះទេ តាំងពីខែកុម្ភៈ រហូតមកដល់ពេលនេះ។

សម្រាប់សំណង់មួយនេះ សូម្បីតែអាជ្ញាធរមូលដ្ឋាន និងមន្រ្តីភូមិបាលខណ្ឌ ដែលមានជំនាញខាងសំណង់នោះ ក៏បានប្រាប់ថា គ្មានច្បាប់អនុញ្ញាតដែរពោលដំណើរការ សាងសង់ទាំងបំពានតែម្តង។

លោក ហែម ដារិទ្ធិ បានប្រាប់ភ្នាក់ងារ Fresh News នៅព្រឹកថ្ងៃទី២ ខែឧសភា ឆ្នាំ២០១៧នេះថា «បើម្ចាស់សំណង់អគារខាងលើ ដែលសាងសង់ គ្មានច្បាប់អនុញាតពីសាលាខណ្ឌ និងសាលារាជធានីភ្នំពេញ បើនៅតែលួចសង់យ៉ាងគគ្រឹកគគ្រេងបន្តទៀតនោះ អាជ្ញាធរខណ្ឌ នឹងចាត់វិធានការក្តៅ ឆ្លើយតប និងការគឃ្លើនរបស់ម្ចាស់សំណង់»។ បើតាមមន្រ្តីភូមិបាល ខណ្ឌពោធិ៍សែនជ័យ ម្ចាស់សំណង់មានឈ្មោះ សុក អាន។

ជាមួយគ្នានេះដែរ ប្រជាពលរដ្ឋរងគ្រោះ បានទទូចស្នើសុំដល់អាជ្ញាធរជួយអន្តរាគមន៍ និចាត់វិធានកាអនុវត្តតាមផ្លូវច្បាប់ឲ្យបានតឹងរឹង ដែលម្ចាស់សំណង់សង់រំលោភដីរបស់ពួកគាត់៕

2-5-035

សណ្ឋាគារ​លំដាប់​ផ្កាយ​ ៥ ​តម្លៃ​ ៧៧ ​លាន​ដុល្លារ​បញ្ចប់​គ្រោង​អគារ​របស់​ខ្លួន

សណ្ឋាគារ​លំដាប់​ផ្កាយ​ ៥ ​តម្លៃ​ ៧៧ ​លាន​ដុល្លារ​បញ្ចប់​គ្រោង​អគារ​របស់​ខ្លួន

On

ប្រភព ៖ ភ្នំពេញបុស្តិ៍

សណ្ឋាគារលំដាប់ផ្កាយប្រាំ Intercontinental2 ដែលគ្រោងនឹងបោះទុនវិនិយោគតម្លៃ ៧៧ លានដុល្លារ បានបញ្ចប់ការសាងសង់គ្រោងអគាររបស់ខ្លួនហើយ និងគ្រោងបើកដំណើរការនៅអំឡុងរយៈពេលបីឆ្នាំខាងមុខទៀត។

លោកសាស្ត្រាចារ្យ ទួស សាភឿន ស្ថាបត្យករគម្រោងនេះ និងជាមន្ត្រីជាន់ខ្ពស់នៃក្រុមហ៊ុន ថៃ ប៊ុនរ៉ុង គឺជាក្រុមហ៊ុនវិនិយោគលើសណ្ឋាគារនេះ ដែលមានទីតាំងនៅខេត្តព្រះសីហនុបានថ្លែងឲ្យដឹងតាមប្រព័ន្ឋអេឡិចត្រូនិកកាលពីថ្ងៃសុក្រថាសណ្ឋាគារនេះបានបញ្ចប់គ្រោងអគាររបស់ខ្លួនហើយ និងកំពុងស្ថិតក្នុងដំណាក់កាលឌីហ្សាញបន្ថែមផ្នែកខាងក្នុងនៃអគារកំពស់ ១៧ ជាន់នេះ។

នៅពេលបញ្ចប់ការស្ថាបនាសណ្ឋាគារនេះមានបន្ទប់សរុបចំនួន ៤៧៦ បន្ទប់ និងមានអាងហែលទឹកធំជាងគេមានសាលប្រជុំធំដែលអាចដាក់មនុស្សបាន ៥០០ នាក់ និងសាលប្រជុំតូចៗជាច្រើនទៀតដែលអាចដាក់មនុស្សចន្លោះ ១០០ ទៅ ២០០ នាក់ ភោជនីយដ្ឋាន និងសេវាកម្មផ្សេងៗប្រកបដោយប្រណីតភាពជាច្រើនទៀត។

លោកបន្តថា៖ «យើងមិនមានបារម្ភពីទីផ្សារទេដោយសារសណ្ឋាគារមានប្រ៊េនលំដាប់អន្តរជាតិ ហេតុនេះភ្ញៀវទេសចរមកទស្សនានៅខេត្តព្រះសីហនុ ពួកគេនឹងទៅស្នាក់នៅសណ្ឋាគារនេះ»។

លោកបន្តថា៖ «ខ្ញុំមិនបារម្ភពីទីផ្សារទេ ព្រោះមានក្រុមហ៊ុនជាច្រើននឹងយកភ្ញៀវមកស្នាក់នៅសណ្ឋាគារនេះ»។

លោកសាស្ត្រាចារ្យ ទួស សាភឿន បានពន្យល់ពីការយឺតយ៉ាវនៃការបើកដំណើរការរបស់សណ្ឋាគារនេះថាលោករំពឹងថាបីឆ្នាំទៀតទើបអាចបើកដំណើរការបានព្រោះយើងជួបឧបសគ្គច្រើន លើការសាងសង់ដូចជាបញ្ហាអាកាសធាតុ កង្វះកម្លាំងពលកម្មដែលធ្វើឲ្យការធ្វើការងារមានភាពយឺតយ៉ាវ ជាក់ស្តែងឆ្នាំមុនយើងធ្វើការបានតែ ៥ ទៅ ៦ ខែប៉ុណ្ណោះ។

សណ្ឋាគារនេះសាងសង់លើផ្ទៃដី ៣ ហិកតាស្ថិតក្នុងសង្កាត់លេខ ៣ ខណ្ឌមិត្តភាព ខេត្តព្រះសីហនុ។

លោក ឡៅ ហេង ម្ចាស់សណ្ឋាគារអូរឈើទាលកម្រិតផ្កាយ ៤ ខេត្តព្រះសីហនុបានថ្លែងថាខេត្តព្រះសីហនុទទួលបានភ្ញៀវទេសចរកាន់តែច្រើន ប៉ុន្តែនៅពេលរដូវភ្លៀងសណ្ឋាគារនៅក្នុងខេត្តនេះមិនសូវមានភ្ញៀវនោះទេដែលធ្វើឲ្យសណ្ឋាគារនិមួយៗស្ងាត់ពោលគឺឧស្សាហកម្មនេះមានភាពមមាញឹកតែក្នុងរដូវប្រាំងប៉ុណ្ណោះ។

លោកបន្តថា៖ «ការវិនិយោគលើសណ្ឋាគារថ្មីកម្រិតផ្កាយ ៥ នៅខេត្តនេះនឹងធ្វើឲ្យភ្ញៀវមានជម្រើសកាន់តែច្រើន ប៉ុន្តែខ្ញុំបារម្ភពីការមកដល់របស់ភ្ញៀវនៅមានកម្រិតនៅឡើយ»។ លោកបន្តថា៖ «ប្រសិនជាមានការភ្ជាប់ជើងហោះហើរកាន់តែច្រើនមកកាន់ខេត្តនេះនឹងធ្វើឲ្យការអភិវឌ្ឍនៅក្នុងខេត្តនេះមានការរីកចម្រើនយ៉ាងឆាប់រហ័ស»។

លោក លូ ម៉េង សហប្រធានក្រុមការងារឯកជនផ្នែកវិស័យទេសចរណ៍បានថ្លែងថាខេត្តព្រះសីហនុកំពុងមានការរីកចម្រើន និងការមកដល់របស់ភ្ញៀវកាន់តែច្រើនព្រោះបច្ចុប្បន្នមានជើងហោះហើរពីប្រទេសវៀតណាម ថៃ និងប្រទេសចិនបានភ្ជាប់ជើងហោះហើរទៅកាន់ខេត្តនេះកាន់តែច្រើនដែលធ្វើឲ្យការវិនិយោគផ្នែកនេះរំពឹងនឹងទទួលបានជោគជ័យ ប៉ុន្តែអ្វីដែលកម្ពុជានៅខ្វះខាតគឺធនធានមនុស្សដែលទាមទារឲ្យមានការបណ្តុះបណ្តាលជំនាញសណ្ឋាគារ សេវាបដិសណ្ឋារកិច្ចឲ្យបានច្រើនថែមទៀត។

លោកបន្តថា៖ «សេវាកម្មនៅតាមភោជនីយដ្ឋាន សណ្ឋាគារនៅខេត្តព្រះសីហនុ មានភាពសមល្មមនាពេលបច្ចុប្បន្ននេះ ប៉ុន្តែទាមទារឲ្យមានក្រុមហ៊ុនមានវិជ្ជាជីវៈចូលទៅកាន់ខេត្តនេះកាន់តែច្រើន និងធ្វើឲ្យសេវាកម្មបដិសណ្ឋារកិច្ចកាន់តែមានភាពល្អប្រសើរ»។

ប្រធានមន្ទីរទេសចរណ៍ខេត្តព្រះសីហនុលោក តាំង សុចិត្រគ្រឹះស្នា បានថ្លែងថាការវិនិយោគលើវិស័យនេះជាការល្អមែនទែនព្រោះវាជាគោលនយោបាយអាទិភាពរបស់ថ្នាក់ជាតិ ដោយសារកំណើនភ្ញៀវទេសចរកើនឡើង ទាំងភ្ញៀវក្នុងស្រុក និងភ្ញៀវបរទេស ដូច្នេះការវិនិយោគលើសណ្ឋាគារផ្កាយ ៤ និងផ្កាយ ៥ …

នាយក​រដ្ឋមន្ត្រី​ បង្ហើប​ពី​ការ​សាងសង់​អគារ​ខ្ពស់​ជាង​គេ​នៅ​ក្រុង ​ភ្នំពេញ

នាយក​រដ្ឋមន្ត្រី​ បង្ហើប​ពី​ការ​សាងសង់​អគារ​ខ្ពស់​ជាង​គេ​នៅ​ក្រុង ​ភ្នំពេញ

On

នាយករដ្ឋមន្ត្រី ហ៊ុន សែន បានផ្តល់ក្តីសង្ឃឹមដល់អ្នកទន្ទឹងរង់ចាំមើលការសាងសង់អគារខ្ពស់ជាងគេនៅរាជធានីភ្នំពេញដោយលោកបានលើកឡើងពីអនាគតក្រុងភ្នំពេញនឹងមានអគារចំនួន ១២៥ ជាន់ និងមានកម្ពស់ ៥២០ ម៉ែត្រដែលអាចប្រកួតប្រជែងជាមួយប្រទេសក្នុងតំបន់។

មានប្រសាសន៍ក្នុងពិធីសម្ភោធផ្លូវទំហំ ៦០ ម៉ែ្រតជាផ្លូវវែង និងធំជាងគេនៅទីក្រុងភ្នំពេញដែលដាក់ឈ្មោះរបស់លោកកាលពីព្រឹកថ្ងៃច័ន្ទ នាយករដ្ឋមន្ត្រី ហ៊ុន សែន បានលើកឡើងថាការអភិវឌ្ឍមានភាពស៊ីជម្រៅដែលកាលពីមុនដីនៅទីក្រុងភ្នំពេញ និងជាយក្រុងភ្នំពេញក្នុងមួយគីឡូម៉ែត្រមានសំណង់ត្រឹមតែ ៣ ឬ ៥ ពាន់ម៉ែត្រការ៉េតែប៉ុណ្ណោះ ប៉ុន្តែឥឡូវដីមួយហិកតាអាចមានសំណង់រហូតដល់ ៥ ម៉ឺន ឬ ១០ ម៉ឺនម៉ែត្រការ៉េក៏អាចថាបាន។

លោកបានបន្តថា៖ «ពីមុននៅទីក្រុងភ្នំពេញមានសំណង់កម្ពស់ត្រឹម ៣ ទៅ ៨ ជាន់ឥឡូវមានសំណង់រហូតដល់ ៤០ ឬ ៥០ ជាន់ហើយគ្រោងនៅពេលខាងមុខនេះមានអគារកម្ពស់ ១២៥ ជាន់អាចខ្ពស់ជាងគេនៅតំបន់អាស៊ីអាគ្នេយ៍យើងនេះដោយមានកម្ពស់រហូតដល់ ៥២០ ម៉ែត្រអ៊ីចឹងយើងអាចនាំគ្នាឡើងទៅតេស្តមេឃ» បាន។

លោកបន្តថាទីក្រុងភ្នំពេញមានការអភិវឌ្ឍយ៉ាងលឿនដែលមានទីក្រុងរណបយ៉ាងរស់រវើក ហើយទីក្រុងរណបនោះហើយបានបន្ថែមហេដ្ឋារចនាសម្ព័ន្ឋនានាទើបអាចធ្វើឲ្យវាក្លាយជាទីក្រុងរណបបាន។

លោកបានបន្តថាប្រវត្តិទីក្រុងភ្នំពេញមានការអភិវឌ្ឍពិសេសក្នុងដំណាក់កាលទសវត្សរ៍ឆ្នាំ ១៩៥០ ឆ្នាំ ១៩៦០ ប៉ុន្តែវាមិនគ្រប់គ្រាន់ទេសម្រាប់ប្រទេសរបស់យើងដោយទីក្រុងនេះមានការអភិវឌ្ឍយ៉ាងលឿនក្នុងដំណាក់កាលដែលលោករួមទាំងសហការី បាននិងកំពុងដឹកនាំប្រទេសហើយពីមុនទីក្រុងនេះមានផ្ទៃដីជាង ៣០០ គីឡូម៉ែត្រការ៉េ ឥឡូវមានផ្ទៃដីជិត ៧០០ គីឡូម៉ែត្រការ៉េ។

លោកបានបន្តថា៖ «នេះជាស្ថានភាពប្រែប្រួលមួយដ៏សំខាន់ដែលនាំមកសម្រាប់ទីក្រុងភ្នំពេញរបស់យើង»។

យោងតាមរបាយការណ៍របស់មន្ទីររៀបចំដែនដី នគរូបនីយកម្ម និងសំណង់បានឲ្យដឹងថាគិតត្រឹមដំណាច់ឆ្នាំ ២០១៦ កន្លងមកនេះទីក្រុងភ្នំពេញមានសំណង់អគារកម្ពស់ ៥ ជាន់ដល់ ៤៥ ជាន់ជាង ៦០០ អគារ។

លោកសាស្ត្រាចារ្យ ទួស សាភឿន ស្ថាបត្យករមួយរូបដែលបានចូលរួមគូអគារពាណិជ្ជកម្មជាប្រវត្តិសាស្ត្រនេះបានថ្លែងឲ្យដឹងថាបច្ចុប្បន្នក្រុមហ៊ុនកំពុងរៀបចំកែលម្អរចនាសម្ព័ន្ឋអគារពាណិជ្ជកម្មនេះ បន្ទាប់ពីមានការស្នើសុំពីឯកឧត្តមទេសរដ្ឋមន្ត្រី ជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ទើបការងារនេះត្រូវពន្យារពេលសាងសង់រហូតមកទល់ពេលនេះ។

លោកបន្តថាការកែលម្អរចនាសម្ព័ន្ធរបស់អគារនេះនឹងខិតគម្លាត ២៥ ម៉ែត្រពីរបងនៅទល់មុខសណ្ឋាគារ និងកាស៊ីណូណាហ្កា។

លោកបន្តថា៖ «ប្រសិនជាមិនមានអ្វីរាំងស្ទះការសាងសង់អគារភ្លោះកប់ពពកនឹងចាប់ផ្តើមនៅពាក់កណ្តាលឆ្នាំក្រោយព្រោះដែក និងការងារបច្ចេកទេសគ្រឹះរបស់អគារនេះយើងមានអស់ហើយ»។ លោកបន្តថា៖ «ក្រុមហ៊ុនក៏មានថវិកានៅក្នុងដៃ និងក្រុមហ៊ុនសហការនៅតែបន្តធ្វើការជាមួយយើងដើម្បីសាងសង់អគារនេះ»។

លោក ទួស សាភឿន បានបន្តថាតាមគម្រោងអគារពាណិជ្ជកម្មកប់ពពកនេះនឹងចំណាយទុនវិនិយោគសម្រាប់សាងសង់ចំនួន ២១០០ លានដុល្លារអាមេរិក និងថវិកា ៣០០០ លានដុល្លារទៀតនឹងទុកប្រើប្រាស់សម្រាប់រៀបចំអគារនេះឲ្យអាចដំណើរការប្រកបដោយភាពរស់រវើក។ ការរៀបចំរចនាប្លង់អគារនេះបានបញ្ចប់ហើយ និងកំពុងរង់ចាំការអនុម័តពីថ្នាក់ដឹកនាំក្រសួងដើម្បីចាប់ផ្តើមការងារបន្តតែប៉ុណ្ណោះ។…

គម្រោងខុនដូ និងសណ្ឋាគារលំដាប់ផ្កាយ ៥ ដ៏គួរឲ្យទាក់ទាញ កំពុងដំណើរការសាងសង់

គម្រោងខុនដូ និងសណ្ឋាគារលំដាប់ផ្កាយ ៥ ដ៏គួរឲ្យទាក់ទាញ កំពុងដំណើរការសាងសង់

On

ប្រភព ៖ Post News

គម្រោងសាងសង់សណ្ឋាគារលំដាប់អន្តរជាតិ ក៏ដូចជាខុនដូលំដាប់ផ្កាយ ៥ មួយចំនួនបាននឹងកំពុងដំណើរការសាងសង់នៅកម្ពុជាយើង ដែលគម្រោងនីមួយៗមាននូវចំណុចទាក់ទាញ និងភាពល្អប្រណិតផ្សេងៗពីគ្នា ក្នុងនោះរួមមាន ៖

១. គម្រោង The Penthouse Residence

ជាគម្រោងខុនដូលំដាប់ផ្កាយ ៥ ដែលសាងសង់ឡើងកម្ពស់ ៣៦ ជាន់ ។ គម្រោងនេះ បង្កើតឡើងដើម្បីបំពេញតម្រូវការអតិថិជន ជាមួយនឹងអគារស្នាក់នៅបែបទំនើប និងទាន់សម័យ ចំណុចដ៏គួរអោយទាក់ទាញនៃគម្រោង គឺនៅជាន់កំពូលនៃអគារមានបង្កប់នូវភោជនីយដ្ឋានមួយ ដែលអាចធ្វើចលនាវិលជុំបាន ដោយប្រើរយៈពេលត្រឹម ១ ម៉ោងប៉ុណ្ណោះ ។ The Penthouse Residence មានទីតាំងនៅតាមបណ្ដោយមហាវិថីសុធារស និងឋិតនៅជិតផ្សារទំនើប អ៊ីអនម៉ល កណ្ដាលទីក្រុងភ្នំពេញ និងគ្រោងបញ្ចប់នៅឆ្នាំ ២០១៨ ខាងមុខនេះ ។

capture

២. គម្រោង Hyatt Regency Phnom Penh

ជាសណ្ឋាគារកម្ពស់ ១៤ ជាន់ ដែលសាងសង់ឡើង ក្នុងគោលបំណងសម្រាប់ទទួលភ្ញៀវទេសចរ និងអ្នកវិនិយោគទុនធំៗ ជាច្រើនដែលធ្វើដំណើរមកកាន់ទីក្រុងភ្នំពេញ ក៏ដូចជាជួយជំរុញដល់កំណើនសេដ្ឋកិច្ច និងមុខមាត់ប្រទេសជាតិផងដែរ ។ អ្វីដែលពិសេសជាងនេះទៅទៀតនោះ គឺ Hyatt Regency Phnom Penh ជាសណ្ឋាគារដ៏ល្បីលំដាប់អន្តរជាតិ ដែលមានសាខាជាង ៦០០ កន្លែង នៅ ៥៦ ប្រទេស ជុំវិញពិភពលោក ។ គម្រោងនេះ បានបើកការដ្ឋានសាងសង់ហើយ កាលពីថ្ងៃទី ២២ ខែមិនា ឆ្នាំ២០១៧ នេះបើយោងតាម គេហទំព័រ ហ្វេសប៊ុករបស់លោក ជា សុផារ៉ា រដ្ឋមន្រ្តីក្រសួងដែនដី និងនគររូបនីយកម្ម ។ វាមានទីតាំងស្ថិតនៅ សង្កាត់ទន្លេបាសាក់ ខណ្ឌចំការមន រាជធានីភ្នំពេញ ។

c001

៣. គម្រោង Sky Villa

ជាគម្រោងខុនដូលំដាប់ផ្កាយ …

ការ​ផ្លាស់​ប្តូរ​ពី​ឋានៈ​អ្នក​ជួល​ក្លាយជា​ម្ចាស់​លំនៅ​ឋាន

ការ​ផ្លាស់​ប្តូរ​ពី​ឋានៈ​អ្នក​ជួល​ក្លាយជា​ម្ចាស់​លំនៅ​ឋាន

On

អ្នកកំពុងជួលផ្ទះ ឬបន្ទប់ស្នាក់នៅ តែងចង់រំដោះខ្លួនចេញពីឋានៈជាអ្នកជួល ដោយសារតែធុញទ្រាន់នឹងយកប្រាក់ទៅបង់ថ្លៃបន្ទប់ជារៀងរាល់ខែ ។ ចំណុចនេះ អ្នកណាៗក៏ចង់បានលំនៅឋានជារបស់ខ្លួនដែរ ប៉ុន្តែមិនមែនគ្រប់គ្នានឹងអាចទិញលំនៅឋានបានទេ ព្រោះសម្រាប់អ្នកមួយចំនួន ការទិញលំនៅឋាន គឺប្រៀបដូចជាការបំពេញភារកិច្ចយ៉ាងមហាសាល ។

ចុងក្រោយ គឺបង់រំលស់មិនបាន រហូតដល់ត្រូវគេរឹបអូសទ្រព្យសម្បត្តិ ប្រាក់បង់រំលស់ក៏បាត់បង់ ប៉ុន្តែទាំងនេះមិនមានន័យថា អ្នកត្រូវតែជួលលំនៅឋានរហូតអស់មួយជីវិតដែរ ។ នេះជាសញ្ញា៥យ៉ាងបង្ហាញថា អ្នកបានត្រៀមខ្លួនផ្លាស់ប្តូរឋានៈពីអ្នកជួលទៅជាម្ចាស់ផ្ទះ ។

១-មានផែនការរស់នៅរយៈពេលយូរ ៖
បើសិនជាចាប់ផ្តើមមានសញ្ញាថា អ្នកនឹងត្រូវរស់នៅក្នុងទីតាំងនេះរយៈពេលយូរទៀត គឺលើសពីជាង៥ឆ្នាំ នេះជាសញ្ញាដំបូងដែលបង្ហាញថា គួរតែសម្លឹងរកទិញលំនៅឋានជារបស់ខ្លួនបានហើយ ព្រោះការជួលនោះគង់ត្រូវចំណាយលើថ្លៃឈ្នួលអាចនឹងកើនឡើងនាពេលអនាគត ។

២-តួនាទីការងារស្ថិតស្ថេរ ៖
នៅពេលចាប់ផ្តើមចូលវ័យបម្រើការងារ អាចជាពេលដែលមើលទៅលើខ្លួនឯងថា ផ្លាស់ប្តូរការងារញឹកញាប់ ព្រោះមិនដឹងថា ខ្លួនចូលចិត្តអ្វី ប៉ុន្តែនៅពេលចាប់ចូលដល់វ័យលើ៣០ឆ្នាំ មនុស្សជាច្រើនមានតួនាទីការងារគង់វង្សជាង ប្រាក់ខែទទួលបានក៏កើនឡើងតាមនោះដែរ ព្រោះវ័យនេះ ជាវ័យបង្កើតភាពស្ថិតស្ថេរក្នុងជីវិត ។ ដូច្នេះ អាចនិយាយបានថា វ័យដែលទើបប្រឡូកក្នុងការងារនោះ នៅមិនទាន់ស័ក្តិសមនឹងទិញផ្ទះទេ គឺមិនខុសប៉ុន្មានឡើយ ព្រោះក្រៅពីនឹងសុំខ្ចីប្រាក់ពិបាកហើយ អាចនឹងធ្វើឱ្យខាតពេលវេលាប្តូរការងារទៀតផង ។ វិធីល្អបំផុត គួរតែចាប់ផ្តើមទិញផ្ទះក្នុងពេលដែលការងារគង់វង្ស ។

៣-មានប្រាក់គ្រប់គ្រាន់សម្រាប់កក់ផ្ទះ ៖
កត្តាសំខាន់មួយទៀត និងមិនចាញ់តួនាទីការងារ គឺមានប្រាក់គ្រប់គ្រាន់សម្រាប់កក់ផ្ទះ និងថ្លៃចាយវាយផ្សេងៗក្នុងអំឡុងពេលទិញផ្ទះ។ មនុស្សភាគច្រើនតែងសម្រេចចិត្តទិញផ្ទះភ្លាមៗ ដោយមិនបាននឹកដល់ប្រាក់សន្សំដែលមានថា ច្រើនគ្រប់គ្រាន់នឹងទិញឬអត់ ។ «គ្រប់គ្រាន់» គឺត្រូវមានប្រាក់សុទ្ធច្រើនជាង២០% នៃតម្លៃផ្ទះសរុប ។ ក្រៅពីនេះ ក៏មានការចំណាយផ្សេងៗទៀតដូចជា គ្រឿងសង្ហារិម និងការតុបតែងផងដែរ ។

៤-ត្រូវពង្រីកគ្រួសារ ៖
ហេតុផលចាំបាច់ត្រូវទិញផ្ទះ ដោយសារត្រូវពង្រីកគ្រួសារក្រោយពេលរៀបការ ករណីបែបនេះគឺអាចរកវិធីទិញផ្ទះបាន ព្រោះបុគ្គលអាចរកប្រាក់ចំណូលមាន២នាក់ ។ នៅពេលសមាជិកគ្រួសារកើនឡើង ត្រូវគិតពីការចាយវាយក្នុងផ្ទះផងដែរថា នៅពេលគិតជាមួយប្រាក់ចំណូលនោះ តើនៅសល់គ្រប់គ្រាន់សម្រាប់បង់រំលស់ប្រចាំខែឬទេ ។

៥-ក្រេឌីតល្អ គ្មានបំណុល ៖
បន្ទាប់ពីមានប្រាក់សន្សំហើយ បើសិនជាអ្នកជួលអាចជម្រះបំណុលដែលមានទាំងអស់នោះ នឹងកាន់តែល្អថែមទៀត ព្រោះអាចកាត់បន្ថយហានិភ័យ និងខ្ចីប្រាក់បានដោយងាយ ខណៈការជាប់បំណុល នឹងធ្វើឱ្យការខ្ចីប្រាក់បានត្រឹមចំនួនមួយកំណត់ប៉ុណ្ណោះ។

ចំណុចនេះ ធនាគារនឹងតឹងតែងជាពិសេសសម្រាប់អ្នកជាប់បំណុល ។ ទោះយ៉ាងណា …