គម្រោង​ខ្សែ​រថភ្លើង​ស្វ័យប្រវត្តិ​លើ​អាកាស ​នឹង​ត្រូវ​ស្នើ​ទៅ​រដ្ឋាភិបាល ដើម្បី​សម្រេច​នា​ពេល​ខាង​មុខ​នេះ

គម្រោង​ខ្សែ​រថភ្លើង​ស្វ័យប្រវត្តិ​លើ​អាកាស ​នឹង​ត្រូវ​ស្នើ​ទៅ​រដ្ឋាភិបាល ដើម្បី​សម្រេច​នា​ពេល​ខាង​មុខ​នេះ

On

ភ្នំពេញជារាជធានី ដែលមានភាពមមាញឹកជាប់រវល់ជានិច្ទនៅក្នុងព្រះរាជាណាចក្រកម្ពុជា ដែលជាទីប្រសព្វដោយទន្លេធំៗបួនដូចជា ទន្លេមេគង្គលើ ទន្លេមេគង្គក្រោម ទន្លេសាប និងទន្លេបាសាក់ កំពុងរក្សាការអភិវឌ្ឍយ៉ាងខ្លាំងជាបន្តបន្ទាប់ក្នុងវិស័យអចលនទ្រព្យក្នុងពេលបច្ទុប្បន្ននេះ និងគម្រោងស្ថាបនាហេដ្ឋារចនាសម្ព័ន្ធសាធារណៈជាច្រើនទៀត។

OCIC គ្រោង​ចំណាយ​​​ជាង​ ១ ​លាន​ដុល្លារ​​សង់​ផ្លូវ​ថ្មើរជើង​ថ្មី​ នៅ​ចំណុច​ប្រសព្វ​រង្វង់មូល​នាង​គង្ហីង

OCIC គ្រោង​ចំណាយ​​​ជាង​ ១ ​លាន​ដុល្លារ​​សង់​ផ្លូវ​ថ្មើរជើង​ថ្មី​ នៅ​ចំណុច​ប្រសព្វ​រង្វង់មូល​នាង​គង្ហីង

On

ប្រភព ៖ ភ្នំពេញបុស្តិ៍

ក្រុមហ៊ុន OCIC គ្រោងចំណាយទឹកប្រាក់ជាង ១ លានដុល្លារដើម្បីសាងសង់ផ្លូវថ្មើរជើងថ្មីមួយស្ថិតនៅចំណុចប្រសព្វអតីតៈរង្វង់មូលនាងគង្ហីងជាទីតាំងស្ថិតនៅទល់មុខគម្រោង Olympia City ដែលវិនិយោគដោយក្រុមហ៊ុនមួយនេះ។

អគ្គនាយករងក្រុមហ៊ុន OCIC លោក ទូច សំណាង បានថ្លែងឲ្យដឹងតាមទូរស័ព្ទកាលពីថ្ងៃសៅរ៍ថា បច្ចុប្បន្នក្រុមហ៊ុនកំពុងសិក្សាពីផលប៉ះពាល់ និងប្លង់មេនៃគម្រោងនេះជាមួយសាលាក្រុងភ្នំពេញ មុនពេលចាប់ផ្តើមសាងសង់ដែលអាចនឹងធ្វើឡើងនៅក្នុងត្រីមាសទី ៣ ឆ្នាំនេះ។ លោកបន្តថាផ្លូវថ្មើរជើងថ្មីនេះមានចំនួន ៥ ដែលអាចឲ្យប្រជាពលរដ្ឋដើរឆ្លងកាត់បានគ្រប់ទិសដើម្បីសម្រួលការធ្វើដំណើរ និងកាត់បន្ថយអត្រាគ្រោះថ្នាក់ចរាចរណ៍។

លោកបន្តថា៖ «តាមធម្មតាគម្រោងអ្វីមួយតែងមានគុណវិបត្តិ និងគុណសម្បត្តិ ប៉ុន្តែប្រទេសយើងស្ថិតក្នុងដំណាក់កាលអភិវឌ្ឍហេតុនេះគម្រោងនេះនឹងត្រូវតែទៅមុខ»។

លោកបន្តថា៖ «គម្រោងនេះត្រូវបានឌីសាញឡើងដោយស្ថាបត្យករខ្មែរ ១០០ ភាគរយហើយថវិកាវិនិយោគលើគម្រោងនេះមានចន្លោះ ១ ទៅ ១,៥០ លានដុល្លារអាមេរិកជាថវិការបស់ក្រុមហ៊ុន»។

ប្រសិនជាការសាងសង់ផ្លូវថ្មើរជើងនេះដំណើរការនេះគឺជាផ្លូវថ្មើរជើងឆ្លងកាត់ថ្នល់ទី ២ ហើយនៅទីក្រុងភ្នំពេញដែលគម្រោងទី ១ ស្ថិតនៅតាមបណ្តោយផ្លូវជាតិលេខ ៤ ម្តុំវត្ត និងផ្សារជម្ពូរវ័ន ប៉ុន្តែស្ពានឆ្លងកាត់ផ្លូវធ្វើដំណើរលើកទី ១ ដែលបានបើកឲ្យដំណើរការនាពេលថ្មីៗនេះរងការរិះគន់ពីប្រជាពលរដ្ឋដោយសារការសាងសង់ស្ពាននោះមិនសមស្របតាមបទដ្ឋានបច្ចេកទេសពោលគឺស្ពាននោះមិនបានឆ្លងកាត់ទទឹងផ្លូវទាំងស្រុងទេដែលបង្កឲ្យមានគ្រោះថ្នាក់ចរាចរណ៍ដល់ប្រជាពលរដ្ឋធ្វើដំណើរឆ្លងកាត់។

លោកបណ្ឌិត វ៉ាន់ វ៉ាត អ្នកឯកទេសផ្នែកនគរូបនីយកម្មបានថ្លែងថាការធ្វើស្ពាន ឬផ្លូវថ្មើរជើងឆ្លងកាត់ថ្នល់ជាការជួយសម្រួលចរាចរ និងកាត់បន្ថយគ្រោះថ្នាក់ព្រោះនៅតំបន់នោះមានចរាចរណ៍ច្រើនឆ្លងកាត់ ដូច្នេះការសាងសង់ផ្លូវថ្មើរជើងខាងលើជាជម្រើសល្អ។ ប្រសិនជាការសាងសង់នេះភ្ជាប់ដល់ផ្លូវចូលស្តាតអូឡាំពិកជាការកាន់តែល្អ ដោយសារពេលមានសកម្មភាពកីឡាម្តងៗតែងតែមានមនុស្សឆ្លងកាត់ច្រើននៅតំបន់នេះ។

លោកបន្តថា៖ «នៅទីក្រុងរបស់យើងមានផ្លូវប្រសព្វគ្នាច្រើន ដូច្នេះការសាងសង់ផ្លូវថ្មើរជើងឆ្លងកាត់ផ្លូវកាន់តែច្រើនកាន់តែល្អ»។ លោកបន្តថា៖ «វាជាការចាំបាច់ណាស់សម្រាប់រាជធានីរបស់យើងដើម្បីសម្រួលការធ្វើដំណើរ»។

លោក មាស ម៉េតភក្តី អ្នកនាំពាក្យសាលារាជធានីភ្នំពេញបានថ្លែងថាជាគោលការណ៍សាលារាជធានីភ្នំពេញបានផ្តល់ការអនុញ្ញាតហើយ ប៉ុន្តែការអនុវត្តការងារ និងបទដ្ឋានបច្ចេកទេសមួយចំនួនស្ថិតនៅក្រោមមន្ទីរសាធារណការ និងដឹកជញ្ជូនរាជធានីភ្នំពេញ។

លោក សាំ ពិសិដ្ឋ ប្រធានមន្ទីរសាធារណការ និងដឹកជញ្ជូនរាជធានីភ្នំពេញមិនលើកទូរស័ព្ទផ្តល់ការបញ្ជាក់នោះទេ៕

ឆ្នាំ​២០១៨ នឹង​មាន​សំណង់​អគារ​ខ្ពស់​ៗ​ជា​ច្រើន​លេច​រូបរាង​នៅ​ភ្នំពេញ

ឆ្នាំ​២០១៨ នឹង​មាន​សំណង់​អគារ​ខ្ពស់​ៗ​ជា​ច្រើន​លេច​រូបរាង​នៅ​ភ្នំពេញ

On

ប្រភព ៖ កោះសន្តិភាព

ម្ចាស់ក្រុមហ៊ុនវិនិយោគនានានៅកម្ពុជាបានលើកឡើងថា នៅក្រោយឆ្នាំ២០១៨ខាងមុខ នឹងមានសំណង់អគារខ្ពស់ៗជាច្រើនលេចរូបរាងនៅក្នុងរាជធានីភ្នំពេញ ដែលបច្ចុប្បន្នការសាងសង់សំណង់ទាំងនោះកំពុងតែមានភាពសកម្ម ។

លោក ថម អូស៊ីលីវ៉ាន់ អ្នកគ្រប់គ្រងរៀបចំការតាំងពិព័រណ៍អចលនទ្រព្យអន្តរជាតិ និងជាអគ្គនាយកក្រុមហ៊ុនគេហទំព័រអចលនទ្រព្យ realestate.com.kh បានថ្លែងឲ្យដឹងក្នុងពិព័រណ៍អចលនទ្រព្យរយៈពេល២ថ្ងៃ ដោយចាប់ផ្តើមពីថ្ងៃទី៥ដល់ទី៦ ឧសភា នេះថា ប្រទេសកម្ពុជាបច្ចុប្បន្នកំពុងមានសក្តានុពលខ្លាំងផ្នែកខាងសំណង់អគារខ្ពស់ ហើយយ៉ាងយូរចាប់ពីក្រោយឆ្នាំ២០១៨ តទៅ នៅក្នុងរាជធានីភ្នំពេញ និងមានសំណង់អគារខ្ពស់ៗជាច្រើនលេចរូបរាងឡើង ។ ជាមួយគ្នានោះ សំណង់អគារផ្ទះល្វែង ក៏កំពុងកើតមានយ៉ាងច្រើនផងដែរ ។

លោកថ្លែងថា ៖ « ក្នុងព្រឹត្តិការណ៍តាំងពិព័រណ៍នេះ ខ្ញុំបានអញ្ជើញភ្ញៀវក្នុងស្រុក និងក្រៅស្រុកមកចូលរួមដើម្បីមើលពីគម្រោងថ្មីៗនៅកម្ពុជា និងឈានទៅរកការទិញកាន់តែច្រើនថែមទៀត » ។
យោងតាមរបាយការណ៍របស់ក្រសួងរៀបចំដែនដី នគរូបនីយកម្ម និងសំណង់ បានរកឃើញថា នៅទីក្រុងភ្នំពេញមានអគារចាប់ពីកម្ពស់៥ជាន់ ដល់ជាង៤០ជាន់ មានចំនួនជាង៦០០អគារ ។
នៅក្នុងព្រឹត្តិការណ៍តាំងពិព័រណ៍អចលនទ្រព្យរយៈពេល២ថ្ងៃនៅសណ្ឋាគារណាហ្គាវើនេះដែរ មានគម្រោងអភិវឌ្ឍន៍សំណង់អគារចំនួន២០គម្រោង ត្រូវបានយកមកតាំងបង្ហាញ ក្នុងនោះ មាន១០គម្រោងជាក្រុមហ៊ុនវិនិយោគលើវិស័យអចលនទ្រព្យ ។

លោក ថម អូស៊ីលីវ៉ាន បានបន្តថា ទីផ្សារអចលនទ្រព្យនៅកម្ពុជាកំពុងមានភាពលូតលាស់យ៉ាងលឿន ហើយវិស័យនេះនឹងបន្តរីកចម្រើនបន្ថែមទៀត ទោះបីជាការលក់ខុនដូបច្ចុប្បន្នមានភាពយឺតយ៉ាវជាងមុនក្តី ប៉ុន្តែទីផ្សារនេះនៅតែមានភាពល្អប្រសើរសម្រាប់បុរី និងសំណង់ លំនៅឋានផ្សេងៗទៀត ។

realestate.com.kh បានធ្វើការសម្ភាសន៍ជាមួយប្រជាពលរដ្ឋចំនួន៥ពាន់នាក់ និងបានរកឃើញថា អ្នកឆ្លើយជាង៥០ភាគរយជឿជាក់ថាតម្លៃដីធ្លីនៅទីក្រុងភ្នំពេញ នឹងកើនឡើងបន្ថែមទៀត ។
លោក គីម ហ៊ាង ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា បានលើកឡើងថា ការរីកចម្រើន និងវត្តមានអគារខ្ពស់ៗនៅទីក្រុងភ្នំពេញ ឆ្លុះបញ្ចាំងពីការរីកចម្រើននៃសេដ្ឋកិច្ច និងសង្គមរបស់ប្រទេសនេះ ។

លោកថ្លែងថា ៖ « យើងមិននឹកស្មានថាទីក្រុងភ្នំពេញលេចឡើងនូវវត្តមានអគារខ្ពស់ៗដ៏ឆាប់រហ័សបែបនេះឡើយ ប៉ុន្តែបច្ចុប្បន្នមានវត្តមានអគារខ្ពស់ៗកើតឡើងស្ទើរគ្រប់កន្លែងនៃទីក្រុងភ្នំពេញ ដែលនេះជាមោទនភាពមួយ ក្នុងនាមជាប្រជាពលរដ្ឋខ្មែរ » ។

លោកបន្តថា ៖ « វត្តមានអគារខ្ពស់ៗនៅទីក្រុងភ្នំពេញ មិនត្រឹមតែឆ្លុះបញ្ចាំងពីការរីកចម្រើននៃសេដ្ឋកិច្ចនោះទេ ប៉ុន្តែវាក៏បង្ហាញពីទំនុកចិតរបស់អ្នកវិនិយោគ និងទាក់ទាញអ្នកវិនិយោគថ្មីៗបន្ថែមទៀតមកកាន់កម្ពុជាផងដែរ » ៕

8-5-019

កម្ពុជាបើកសម្ភោធការដ្ឋានសាងសង់រោងចក្រផលិតប្រេងកាតជាលើកដំបូង

កម្ពុជាបើកសម្ភោធការដ្ឋានសាងសង់រោងចក្រផលិតប្រេងកាតជាលើកដំបូង

On

ប្រភព ៖ VOD

រាជរដ្ឋាភិបាលកម្ពុជា នឹងបើកសម្ភោធការដ្ឋានសាងសង់រោងចក្រចម្រាញ់ប្រេងកាតជាលើកដំបូង ខណៈដែលតម្រូវការប្រើប្រាស់ក្នុងស្រុកត្រូវពឹងផ្អែកការនាំចូលពីបរទេស។

ក្រសួងធនធានរ៉ែ និងថាមពល ឲ្យដឹងថា ការសម្ភោធការដ្ឋានសាងសង់រោងចក្រផលិតប្រេងកាត ដែលអាចមានសមត្ថភាពផលិតប្រេងកាតបាន ៥លានតោនក្នុងមួយឆ្នាំ ធ្វើឡើនៅភូមិព្រែកទាល់ ឃុំទឹកថ្លា ស្រុកព្រៃនប់ ខេត្តព្រះសីហនុ នាថ្ងៃទី៤ខែឧសភាឆ្នាំ២០១៧នេះ។

រោងចក្រផលិតប្រេងកាតនេះ គឺជាការវិនិយោគរបស់ក្រុមហ៊ុន

សំណង់ខុន​ដូ​មួយ​កំពុង​បំផ្លាញ​សម្បត្តិ​សាធារណៈ និង​បង្ក​ការ​កកស្ទះ​ស្ទើរ​រាល់ថ្ងៃ

សំណង់ខុន​ដូ​មួយ​កំពុង​បំផ្លាញ​សម្បត្តិ​សាធារណៈ និង​បង្ក​ការ​កកស្ទះ​ស្ទើរ​រាល់ថ្ងៃ

On

ប្រភព ៖ Angrut

យោងតាមគេហទំព័ររបស់អគ្គស្នងការបានចុះផ្សាយពីការដ្ឋានសំណង់ខុនដូ កាលពីថ្ងៃទី០៣ ខែឧសភា ឆ្នាំ២០១៧ នេះដែលកំពុងបំផ្លាញហេដ្ឋារចនាសម្ព័ន្ធ និងធ្វើឲ្យមានការកកស្ទះចរាចរណ៍យ៉ាងខ្លាំង ក៏ប៉ុន្តែអាជ្ញាធរមូលដ្ឋានមើលមិនឃើញ ដែលមានទីតាំងស្ថិតតាមបណ្តោយមហាវិថីព្រះនរោត្តម ក្នុងសង្កាត់ទន្លេបាសាក់ ខណ្ខចំការមន រាជធានីភ្នំពេញ ។

ប្រភពបានអោយដឹងថា លោកអភិបាលខណ្ឌចំការមន នៅព្រឹកថ្ងៃទី០៣ ខែឧសភា នេះនឹងអញ្ជើញម្ចាស់ការដ្ឋានសាងសង់ខុនដូ មួយកន្លែងឈ្មោះ ឆាយណា ខុនស្ត្រាក់សិន ហ្វតស៍ អេនជីនារីង ឌីវិសិន ខប អិលធីឌី (CHINA CONTRUCTION FOURTH ENGINEERING DIVISION CORP. LTD) ដែលរងការរិះគន់ថា កំពុងបំផ្លាញហេដ្ឋារចនាសម្ព័ន្ធ និងធ្វើឲ្យមានការកកស្ទះចរាចរណ៍យ៉ាងខ្លាំង ជារៀងរាល់ថ្ងៃ ព្រោះការដ្ឋានមួយនេះ បានយកចិញ្ចើមផ្លូវសម្រាប់ដាក់ដែក និងសម្ភារៈសំណង់ និងមានរថយន្តដឹកខ្សាច់ រថយន្តក្រឡុកស៊ីម៉ងត៍ ចតមុខការដ្ឋាននេះជាច្រើន និងបង្ហៀរទឹកកង្វក់មកលើផ្លូវ ដែលជាហេតុធ្វើឲ្យផ្លូវខូច និងរកដំណោះស្រាយបញ្ហាខាងលើ ។

សូមបញ្ជាក់ថា កន្លងមកលោកទេសរដ្ឋមន្ត្រី ជា សុផារ៉ា រដ្ឋមន្ត្រីក្រសួងរៀបចំដែនដីនគរូបនីយកម្ម និងសំណង់ បានចេញបម្រាមមួយ ដាក់កម្រិតមិនឲ្យការដ្ឋានសំណង់ធំៗ ខ្ពស់ៗក្នុង រាជធានីភ្នំពេញ យកទ្រូងផ្លូវ ឬចិញ្ចើមផ្លូវសាធារណៈ ដើម្បីដាក់សម្ភារៈសាងសង់នោះឡើយ ជាពិសេស ហាមមិនឲ្យដាក់ដងស្ទូចជាប់ផ្លូវ ឬលើកសម្ភារសំណង់រំលងផ្លូវ ព្រោះវាបង្កការកកស្ទះចរាចរណ៍ ហើយក៏អាចបង្កគ្រោះថ្នាក់ដល់អ្នកដំណើរបានផងដែរ ។

បើទោះបីជាមានបម្រាមបែបនេះក៏ដោយ ក៏ការដ្ឋានសំណង់របស់ជនជាតិចិនមួយនេះ នៅបង្កការរំខាន និងបំផ្លាញផលប្រយោជន៍សាធារណៈដដែល ជាពិសេស លើកស្ទួចសម្ភារៈសំណង់ រំលងផ្លូវ ដោយខ្វល់ពីការបង្កគ្រោះ ថ្នាក់ដល់ជីវិតមនុស្ស ដែលធ្វើដំណើរនៅតាមដងផ្លូវឡើយ។ ដោយឡែកអ្នកធ្វើដំណើរតាមបណ្តោយមហាវិថីព្រះនរោត្តម បានរិះគន់ថា អាជ្ញាធរពាក់ព័ន្ធជួយពិនិត្យមើលផង ចំណែកសាលាខណ្ឌចំការមន និងសាលារាជធានីភ្នំពេញ មិនដឹងទទួលបានផលប្រយោជន៍អ្វីខ្លះ ពីខុនដូនេះទេ បានជាមើលមិនឃើញ ពីផលប៉ះពាល់ដល់សម្បត្តិសាធារណៈ និងបង្កការកកស្ទះចរាចរណ៍ជារៀងរាល់ថ្ងៃបែបនេះ ៕

3-5-015

3-5-014

3-5-0133-5-012

3-5-011

 

 

ស្ពាន​ជ្រៃ​ធំ​-​ឡុង​ប៊ិ​ញ តម្លៃ​៣៦​លាន​ដុល្លារ ត្រូវបាន​សម្ភោធអោយ​ប្រើប្រាស់ជា​ផ្លូវការនៅព្រឹកនេះហើយ

ស្ពាន​ជ្រៃ​ធំ​-​ឡុង​ប៊ិ​ញ តម្លៃ​៣៦​លាន​ដុល្លារ ត្រូវបាន​សម្ភោធអោយ​ប្រើប្រាស់ជា​ផ្លូវការនៅព្រឹកនេះហើយ

On

ប្រភព ៖ ថ្មីៗ (thmeythmey.com)

ស្ពានមិត្តyភាពកម្ពុជា-វៀតណាម ជ្រៃធំ-ឡុងប៊ិញ ត្រូវបាន សម្តេចនាយករដ្ឋមន្ត្រី ហ៊ុន សែន និង លោក ង្វៀន សួនហ្វ៊ុក នាយករដ្ឋមន្ត្រីសាធារណរដ្ឋសង្គមនិយមវៀតណាម សម្ភោធឲ្យប្រើប្រាស់ជាផ្លូវការនៅថ្ងៃទី២៤ ខែមេសា ឆ្នាំ២០១៧នេះ។

ស្ពានជ្រៃធំ-ឡុងប៊ិញ មានប្រវែង ៤២៧ម៉ែត្រ ឆ្លងកាត់ព្រែកជ្រៃធំ ព្រំប្រទល់កម្ពុជា-វៀតណាម។ ខាងទឹកដីកម្ពុជា ស្ពាននេះស្ថិតក្នុងស្រុកកោះធំ ខេត្តកណ្ដាល ដែលតភ្ជាប់ចេញពីផ្លូវជាតិលេខ ២១ និងភ្ជាប់ទៅខេត្តអានយ៉ាង ប្រទេសវៀតណាម។ ស្ពាននេះ ត្រូវបានសាងសង់អស់រយៈពេល ២៧ខែ គឺចាប់ពី ខែធ្នូឆ្នាំ២០១៤ ដល់ខែមេសាឆ្នាំ២០១៧ ។

បើតាមការថ្លែងសន្ទរកថារបស់ លោក ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន នៅក្នុងពិធីសម្ភោធនេះ ការស្ថាបនាស្ពានជ្រៃធំ-ឡុងប៊ិញនេះ និងផ្លូវតភ្ជាប់សងខាងស្ពាន ត្រូវបានចំណាយថវិកាជាង ៣៦លានដុល្លារអាមេរិក។

លោក ស៊ុន ចាន់ថុល មានប្រសាសន៍ថា ស្ពាននេះមិនត្រឹមតែជួយតភ្ជាប់ផ្នែកសេដ្ឋកិច្ច ពាណិជ្ជកម្មប៉ុណ្ណោះទេ តែថែមទាំងជួយតភ្ជាប់ផ្នែកសង្គម វប្បធម៌រវាងកម្ពុជា និងប្រទេសវៀតណាមផងដែរ៕

capture001