អ្នក​ជំនាញ​ថា​គម្រោង​ខ្សែ​ក្រវាត់​មួយ​ផ្លូវ​មួយ​របស់​ចិន​ផ្តល់​ប្រយោជន៍​ដល់​កម្ពុជា

អ្នក​ជំនាញ​ថា​គម្រោង​ខ្សែ​ក្រវាត់​មួយ​ផ្លូវ​មួយ​របស់​ចិន​ផ្តល់​ប្រយោជន៍​ដល់​កម្ពុជា

On

ប្រភព ៖ RFA

អ្នកជំនាញពីស្ថាប័នស្រាវជ្រាវ និងស្ថាប័នរដ្ឋាភិបាល យល់ឃើញថា ប្រទេសកម្ពុជា នឹងចំណេញពីការចូលរួមអនុវត្តគំនិតផ្ដួចផ្ដើមខ្សែក្រវាត់មួយផ្លូវមួយ (Belt and Road Initiative) របស់រដ្ឋាភិបាលចិន។ អ្នកជំនាញលើកឡើងថា គម្រោងដ៏ធំសម្បើមរបស់ចិន នេះ នឹងជួយកម្ពុជា អាចសម្រេចក្តីសុបិនបានឆាប់រហ័ស តែ

ចំណត​ក្រោម​ដី​ទី​១ នឹង​ដាក់​ដំណើរ​ការ​ឆាប់ៗ ខណៈ​គម្រោង​ធំ​ទី៣ កំពុង​សិក្សា

ចំណត​ក្រោម​ដី​ទី​១ នឹង​ដាក់​ដំណើរ​ការ​ឆាប់ៗ ខណៈ​គម្រោង​ធំ​ទី៣ កំពុង​សិក្សា

On

ប្រភព ៖ ភ្នំពេញបុស្តិ៍

ខណៈពេលដែលបញ្ហាទីចំណតយានយន្តកំពុងចោទឡើងជាបញ្ហាជារៀងរាល់ថ្ងៃ ក្រុមហ៊ុន OCIC ក៏កំពុងសម្រុកការដ្ឋានសាងសង់ចំណតរថយន្តសាធារណៈក្រោមដីទី១ ដោយគ្រោងនឹងបើកដំណើរការនៅពេលខាងមុខដ៏ខ្លីនេះ ទន្ទឹមនឹងនេះគម្រោងចំណតក្រោមដីទី៣ ដែលមានទំហំធំជាងគេនោះក៏ត្រូវបានអ្នកជំនាញមកពីក្រុមហ៊ុនបរទេស កំពុងធ្វើការសិក្សាយ៉ាងលម្អិតជាមួយសាលារាជធានីភ្នំពេញ។

លោក ទូច សំណាង អគ្គនាយករងក្រុមហ៊ុន OCIC បានថ្លែងថា ៖ «មិនយូរទេ! តាមសម្ទុះការងារ និងការសាងសង់ជាក់ស្តែង យើងអាចនឹងសម្ពោធបើកដាក់ឲ្យប្រើប្រាស់ចំណតក្រោមដីសាធារណៈដំបូងបំផុតនេះ នៅក្នុងអំឡុងពេលយ៉ាងយូរ ១ ឬ២ខែទៀតប៉ុណ្ណោះ»។

លោកបន្តថា ៖ «ឥឡូវនេះ យើងកំពុងរង់ចាំការរៀបចំតម្រាយផ្លូវនៅជុំវិញទីនោះរបស់សាលារាជធានី»។

លោក រិទ្ធ រ៉ាវីន (Rith Ravin, Site Manager) អ្នកគ្រប់គ្រងគម្រោងសាងសង់ចំណតក្រោមដី របស់ក្រុមហ៊ុន OCIC បានថ្លែងប្រាប់ប៉ុស្តិ៍អចលនទ្រព្យកាលពីរសៀលថ្ងៃអង្គារដើមសប្តាហ៍នេះថា រហូតមកទល់ពាក់កណ្តាលខែមិថុនានេះ ការដ្ឋានសាងសង់ចំណតរថយន្តក្រោមដីនៅចន្លោះអគារ Canadia Tower និងអគារវឌ្ឍនៈ បានសម្រេចកិច្ចការសាងសង់សំខាន់ៗ របស់គម្រោងនេះស្ទើរតែរួចរាល់អស់ហើយ «ដោយក្រុមការងាររបស់យើងបានបញ្ចប់ការងារជាទូទៅនោះបានជិត ៩០ ភាគរយហើយ គឺនៅសល់តែការងារតូចតាចប៉ុណ្ណោះ និងជាចុងក្រោយ គឺការសាងសង់សួនច្បារនៅផ្នែកខាងលើជាការស្រេច។ តាមការគ្រោងទុកយើងនឹងបញ្ចប់ការដ្ឋាននេះទាំងស្រុងនៅអំឡុងចុងខែកក្កដាខាងមុខនេះ»។

លោក រ៉ាវីន បានពន្យល់ថា គម្រោងចំណតយានយន្តក្រោមដីសាធារណៈនេះ គឺជាគម្រោងដំបូងបំផុតនៅកម្ពុជា «ដោយការសាងសង់តួនៃសំណង់នៅក្រោមដីមានបណ្តោយប្រវែង៦៨ម៉ែត្រ គុណទទឹង ៦៤ ម៉ែត្រ គុណជម្រៅ ៧ ម៉ែត្រចុះក្រោមដី និងមានចែកចេញជា២ជាន់ស្មើគ្នា។ នៅពេលបញ្ចប់ចំណតក្រោមដីនេះនឹងអាចផ្ទុករថយន្តបានចំនួន ៣១០ គ្រឿង និងម៉ូតូរាប់រយគ្រឿងទៀត»។

លោកបន្តថា ចំណតនេះវានឹងផ្តល់ភាពងាយស្រួលជាច្រើនដល់សាធារណជនទូទៅរស់នៅ និងបំពេញការងារនៅម្តុំនេះ ដែលធ្លាប់តែជួបការប្រឈមក្នុងការចតយានយន្តរបស់ខ្លួន។

លោកបានពន្យល់អំពីទិដ្ឋភាព និងលក្ខណៈសុវត្ថិភាពនៅក្នុងចំណតនោះថា ៖ «នៅគ្រប់ជាន់មានបំពាក់ភ្លើង បំភ្លឺគ្រប់គ្រាន់មានប្រព័ន្ធកាមេរ៉ាសុវត្ថិភាព មានគំនូសចរាចរណ៍ត្រឹមត្រូវ ជណ្តើរឡើងចុះដោយជើងចំនួនពីរកន្លែងផ្សេងគ្នា រីឯផ្លូវបើកយានយន្តចេញចូលឡើងចុះចំណតនេះគឺមានទំហំ៧ម៉ែត្រចែក ជាច្រកចូលនិងចេញ និងមានជម្រាលតែប្រហែលតែ១០ដឺក្រេតែប៉ុណ្ណោះ»។ ចំណែកផ្លូវចេញចូល នោះគឺនៅជាប់តាមផ្លូវលេខ ៧៧។

22-6-002

ក្នុងករណី «ដាច់ចរន្តអគ្គីសនី នោះអំពូល LED ស្វ័យប្រវត្តិរបស់យើងនឹងដំណើរការបំភ្លឺដោយស្វ័យប្រវត្តិ ហើយវាអាចបំភ្លឺបានរហូតដល់រយៈពេលជាង២ម៉ោង» នេះបើតាមការអះអាងរបស់លោក រ៉ាវីន។ «ចំណែកឯប្រព័ន្ធការពារទឹកលិចវិញ យើងក៏មានបំពាក់ដោយប្រព័ន្ធម៉ូទ័របូមទឹកស្វ័យប្រវត្តិសម្រាប់បូមទឹកចេញពីចំណតក្រោមដីនេះ ក្នុងករណីមានទឹកចូលដោយចៃដន្យ។ ជារួមគឺខាងក្រុមហ៊ុនបានរៀបចំគ្រឿងបំពាក់ដើម្បីបង្ការ …

ជួសជុលស្ពានជ្រោយចង្វារចាស់ សាលាក្រុងសង់ស្ពានដែកជំនួស

ជួសជុលស្ពានជ្រោយចង្វារចាស់ សាលាក្រុងសង់ស្ពានដែកជំនួស

On

ប្រភព ៖ អង្រុត

បើគ្មានការប្រែប្រួលទេ សាលារាជធានីភ្នំពេញនឹងចាប់ផ្តើមបើកការដ្ឋានសាងសង់ស្ពានដែកមួយឆ្លងកាត់ទន្លេសាបដើម្បីបញ្ចៀសការកកស្ទះដោយសារសាលាក្រុងបិទស្ពានជ្រោយចង្វារចាស់ជួសជុលរយៈពល២ឆាំ្ន ។

បើតាមលោកអភិបាលរងរាជធានីភ្នំពេញ អៀង អូនី បានប្រាប់ទីភ្នាក់ងារសារព័ត៌មានកម្ពុជា (AKP) ឲ្យដឹងទៀតថា ការសាងសង់នឹងចាប់ផ្តើមនៅអំឡុងខែកក្កដា ឆ្នាំ២០១៧និងចំណាយសាងសង់រយៈពេល៦ខែ ។ ចំពោះថវិកាសាងសង់ស្ពានដែកនេះ ជាបន្ទុករបស់ក្រុមហ៊ុន OCIC ដែលអភិវឌ្ឍន៍ទីក្រុងរណបជ្រោយចង្វារ ។

បើតាមលោកអភិបាលរងរាជធានីភ្នំពេញ នៅក្រោយពេលស្ពានជ្រោយចង្វារចាស់ ឬស្ពានមិត្តភាពកម្ពុជា-ជប៉ុន ស្ថាបនារួចរាល់ ស្ពានដែកនេះនឹងត្រូវរុះរើចេញវិញ ហើយជំនួសដោយស្ពានថ្មខ្សែកាប ដែលអាជ្ញាធររាជធានី និងក្រុមហ៊ុន OCIC បានសិក្សាពីបច្ចេកទេសសាងសង់រួចរាល់ហើយ៕

19-6-030

19-6-031

ក្រុមហ៊ុន​ខ្មែរ និង​បារាំង រួមគ្នា​បោះទុន​៣​លាន​ដុល្លារ សង់រោង​ចក្រ​ផលិត​ស៊ីម៉ង់ត៍​នៅ​កម្ពុជា

ក្រុមហ៊ុន​ខ្មែរ និង​បារាំង រួមគ្នា​បោះទុន​៣​លាន​ដុល្លារ សង់រោង​ចក្រ​ផលិត​ស៊ីម៉ង់ត៍​នៅ​កម្ពុជា

On

ប្រភព ៖ ថ្មីៗ

ក្រុមហ៊ុនមួយរបស់កម្ពុជា និងក្រុមហ៊ុនបារាំង បានសហការគ្នា បោះទុនវិនិយោគប្រមាណ៣លានដុល្លារ សង់រោងចក្រផលិតស៊ីម៉ង់ត៍នៅកម្ពុជា។   គម្រោងសាងសង់នេះ នឹងចាប់ផ្តើមនៅចុងឆ្នាំ២០១៧ ដោយផលិតសម្ភារសំណង់ និងឥដ្ឋធ្វើពីស៊ីម៉ង់ ដែលមានគុណភាពខ្ពស់ និងមានតម្លៃសមរម្យ ដោយប្រើប្រាស់វត្ថុធាតុដើមក្នុងស្រុក។

ក្រុមហ៊ុន CHHOR BUNSAM Investment Co, Ltd និងក្រុមហ៊ុនផលិតឥដ្ឋស៊ីម៉ង់ PLATTARD របស់បារាំង បានរួមគ្នាបើករោងចក្រផលិតឥដ្ឋស៊ីម៉ង់នៅកម្ពុជា។ គម្រោងសាងសង់នេះ នឹងចាប់ផ្តើមនៅចុងឆ្នាំ២០១៧ ដោយគ្រោងចំណាយទុនវិនិយោគក្នុងទឹកប្រាក់ប្រមាណ៣លានដុល្លារ។ នេះបើតាមទីភ្នាក់ងារព័ត៌មានកម្ពុជា AKP ដែលបន្តឲ្យដឹងថា ការសម្រេចលើគម្រោងវិនិយោគនេះ ធ្វើឡើងក្នុងដំណើរដំណើរទស្សនកិច្ចរបស់ក្រុមហ៊ុនបារាំងនេះ ដើម្បីស្វែងយល់ពីវិស័យសំណង់នៅកម្ពុជា កាលពីថ្ងៃទី៧ ខែមិថុនា។

AKP បានស្រង់សម្តីរបស់ លោក CHHOR BUNSAM នាយកគ្រប់គ្រងទូទៅក្រុមហ៊ុន CHHOR BUNSAM Investment ដៃគូវិនិយោគភាគីកម្ពុជាថា នេះគឺជាក្រុមហ៊ុនបារាំងលើកដំបូង ដែលសហការបង្កើតរោងចក្រផលិតសម្ភារសំណង់ និងផលិតផលឥដ្ឋស៊ីម៉ង់ត៍នៅកម្ពុជា។ នាយកគ្រប់គ្រងទូទៅរូបនេះ អះអាងទៀតថា ក្រុមហ៊ុននឹងប្រើប្រាស់វត្ថុធាតុដើមក្នុងស្រុក ដើម្បីផលិតសម្ភារសំណង់ និងឥដ្ឋធ្វើពីស៊ីម៉ង់ ដែលមានគុណភាពខ្ពស់ និងមានតម្លៃសមរម្យផងដែរ។

ជាមួយគ្នានោះ តំណាងក្រុមហ៊ុនបារាំង ក៏បានបញ្ជាក់នៅក្នុងដំណើរទស្សនកិច្ច និងការស្វែងយល់ពីវិស័យសំណង់នៅកម្ពុជា កាលពី ថ្ងៃទី៧ ខែមិថុនាដែរថា ការសម្រេចវិនិយោគនេះ គឺដោយសារក្រុមហ៊ុនមើលឃើញពីសក្ដានុពលវិស័យសំណង់នៅកម្ពុជា ដែលកំពុងកើនឡើង និងស្របពេលដែលការផ្គត់ផ្គង់ នៅមិនទាន់ឆ្លើយតបទៅនឹងតម្រូវការទីផ្សារ។ តំណាងក្រុមហ៊ុនដដែល ឲ្យដឹងថារោងចក្រនេះ នឹងផលិតសម្ភារសំណង់សម្រាប់ផ្គត់ផ្គង់ការសាងសង់អគារ ដែលមានស្ដង់ដារខ្ពស់ពីប្រទេសបារាំង៕

ផ្លូវបេតុងជាង១០ខ្សែ តម្លៃខ្ទង់លានដុល្លារ ត្រូវបានស្ថាបនាជូនពលរដ្ឋនៅខណ្ឌដង្កោ

ផ្លូវបេតុងជាង១០ខ្សែ តម្លៃខ្ទង់លានដុល្លារ ត្រូវបានស្ថាបនាជូនពលរដ្ឋនៅខណ្ឌដង្កោ

On

ប្រភព ៖ FreshNews

គិតត្រឹមខែឧសភា ឆ្នាំ២០១៧នេះ ផ្លូវបេតុងជាង១០ខ្សែ ដែលមានតម្លៃរហូតដល់ខ្ទង់លានដុល្លារ ត្រូវបានរដ្ឋបាលខណ្ឌដង្កោ បានបើកការដ្ឋានជូនប្រជាពលរដ្ឋ សម្រាប់ការធ្វើដំណើរ និងដើម្បីចូលរួមលើកកម្ពស់ជីវភាព ប្រជាពលរដ្ឋកាន់តែខ្លាំងឡើង ពីការដឹកជញ្ជូនទំនិញ និងផលិតផ្សេងៗ។

ជាក់ស្តែងនៅថ្ងៃទី២៩ ខែឧសភា ឆ្នាំ២០១៧នេះ លោក នុត ពុធដារ៉ា អភិបាលខណ្ឌដង្កោ រួមជាមួយបេក្ខជនក្រុមប្រឹក្សាសង្កាត់ មន្ត្រីរាជការខណ្ឌ សង្កាត់ ភូមិ បានបន្តបើកការដ្ឋានស្ថាបនាផ្លូវបេតុង២ខ្សែទៀត ព្រមទាំងការដាក់ប្រព័ន្ធលូ១ខ្សែ ស្ថិតក្នុងសង្កាត់ព្រៃវែង ខណ្ឌដង្កោ។

គម្រោងដែលបើកការដ្ឋានស្ថាបនាក្នុងឱកាសនេះរួមមាន៖
១-ផ្លូវបេតុង០១ខ្សែ ប្រវែង៤៥០ម៉ែត្រ ទទឹង០៤ម៉ែត្រ កម្រាស់០,១៥ម៉ែត្រ ស្ថិតក្នុងភូមិទ័ពបោះ និងភូមិត្រពាំងស្វាយ (ជាគម្រោងថវិការបស់រដ្ឋបាលខណ្ឌ ឆ្នាំ២០១៧)
២-ផ្លូវបេតុង០១ខ្សែ ប្រវែង ៣២៩ម៉ែត្រ ទទឹង០៤ម៉ែត្រ កម្រាស់ ០,១៥ម៉ែត្រ ស្ថិតក្នុងភូមិសេរីដីដុះ (ជាគម្រោងមូលនិធិអភិវឌ្ឍសង្កាត់ឆ្នាំ២០១៧)
៣-ដាក់ប្រព័ន្ធលូរំដោះទឹក ០១ខ្សែ ប្រវែង១៤០ម៉ែត្រ មុខកាត់០,៦ម៉ែត្រ ស្ថិតក្នុងភូមិទួលសំបូរ។

មន្រ្តីសាលាខណ្ឌដង្កោ បានបញ្ជាក់ថា ផ្លូវបេតុងរហូតជាង១០ខ្សែហើយ ត្រូវបានរដ្ឋបាលខណ្ឌចុះបើកការដ្ឋានជាបន្តបន្ទាប់ និងសឹងតែរាល់ថ្ងៃតែម្តង ដែលមួយខ្សែៗមានតម្លៃខ្ទង់ម៉ឺនដុល្លារឯណោះ ដូច្នេះផ្លូវទាំងជាង១០ខ្សែនេះ បើគិតជាទឹកប្រាក់ គឺរហូតដល់លានដុល្លារ។

មន្រ្តីសាលាខណ្ឌដង្កោ ក៏បានលើកឡើងថា គោលនយោបាយរបស់គណបក្សសង្គ្រោះជាតិ ដែលមេបក្សតែងតែប្រកាសថា នៅពេលជាប់ឆ្នោត នឹងទម្លាក់លុយទៅឲ្យមេឃុំ ឬចៅសង្កាត់រហូតដល់៥០ម៉ឺនដុល្លារក្នុងមួយឆ្នាំនោះ ជាការភូតភរសុទ្ធសាធ ពោលខាងរាជរដ្ឋាភិបាល តាមរយៈអាជ្ញាធរថា្នក់ក្រោមជាតិ បានចំណាយលុយរាប់ម៉ឺន រាប់សែន និងរហូតដល់ខ្ទង់លានដុល្លារ សម្រាប់ការអភិវឌ្ឍន៍នៅតាមមូលដ្ឋាន។

ថ្លែងក្នុងឱកាសនោះ លោកអភិបាលខណ្ឌដង្កោ បានផ្តាំផ្ញើរការសាកសួរសុខទុក្ខពីសំណាកសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា និងសម្តេចកិត្តិព្រឹទ្ធបណ្ឌិត ជូនដល់បងប្អូនប្រជាពលរដ្ឋ និងបានលើកឡើងអំពីការអភិវឌ្ឍរីកចម្រើនរបស់ប្រទេសជាតិយើង ក្រោមការដឹកនាំប្រកបដោយគតិបណ្ឌិតរបស់ សម្តេចតេជោ ដែលបានអភិវឌ្ឍន៍ប្រទេសជាតិ និងបានថែរក្សាសុខសន្តិភាពនៅទូទាំងប្រទេស។

ជាក់ស្តែងនៅថ្ងៃនេះ សមិទ្ធផលផ្លូវបេតុងថ្មី២ខ្សែនេះ និងប្រព័ន្ធលូថ្មីនេះ នឹងបម្រើផលប្រយោជន៍របស់បងប្អូនប្រជាពលរដ្ឋសម្រាប់ការធ្វើដំណើរ បញ្ជៀសការលិចលង់ និងរក្សាបាននូវផាសុខភាពសម្រាប់ការរស់នៅផងដែរ។

លោកអភិបាល បានផ្តាំផ្ញើដល់ក្រុមហ៊ុនទទួលការស្ថាបនា និងមន្ត្រីបច្ចេកទេសឲ្យស្ថាបនាផ្លូវឲ្យបានត្រឹមត្រូវតាមលក្ខណៈបច្ចេកទេស ដើម្បីជូនប្រជាពលរដ្ឋឆាប់បានប្រើប្រាស់។ ជាមួយគ្នានេះ លោកអភិបាលក៏បានសំណូមដល់បងប្អូន ប្រជាពលរដ្ឋសូមមេត្តាជួយតាមដាន …

៤ខែដើមឆ្នាំ២០១៧ ការវិនិយោគលើវិស័យសំណង់នៅកម្ពុជាឡើងដល់ជាង៤ពាន់លានដុល្លារកើនជាង៤៣%

៤ខែដើមឆ្នាំ២០១៧ ការវិនិយោគលើវិស័យសំណង់នៅកម្ពុជាឡើងដល់ជាង៤ពាន់លានដុល្លារកើនជាង៤៣%

On

ប្រភព ៖ ពាណិជ្ជកម្មកម្ពុជា

គិតត្រឹមរយៈពេល៤ខែដើមឆ្នាំ២០១៧នេះ កម្ពុជាបានបោះទុនវិនិយោគលើការសាងសង់ឡើងដល់ប្រមាណ ជាង៤,០២២,៦៥៨,០៤៣ ដុល្លារសហរដ្ឋអាមេរិក កើនប្រមាណ ៤៣,៣៧ភាគរយ បើធៀបនឹងរយៈពេលដូចគ្នាកាលពីឆ្នាំ២០១៦។ នេះបើយោងតាមសេចក្តីប្រកាសរបស់ ក្រសួង ដែនដីនគររូបនីយកម្ម និងសំណង់។

យោងតាមការចុះបញ្ជីនៃការសាងសង់ បានបញ្ជាក់ថា លិខិតអនុញ្ញាតសាងសង់ចំនួន ១០២០ គម្រោង មានផ្ទៃក្រឡាសំណង់សរុបចំនួន ៥,៦០៥,០០៧ ម៉ែត្រការ៉េ មានតម្លៃប្រមាណ៤,០២២,៦៥៨,០៤៣ ដុល្លារសហរដ្ឋអាមេរិក កើនឡើងប្រមាណ ៤៣,៣៧ភាគរយ។

គិតមកទល់រយៈពេល ០៤ខែ ឆ្នាំ២០១៧ ក្រសួងបានចុះបញ្ជីក្រុមហ៊ុនអាជីវកម្មសិក្សាគម្រោងប្លង់ និងសាងសង់ នៅមានសុពលភាពចំនួន ១០១១ក្រុមហ៊ុន ក្នុងនោះមានដូចជា៖

១-ក្រុមហ៊ុនសិក្សាគម្រោងប្លង់មានចំនួន ៤១ក្រុមហ៊ុន

២- ក្រុមហ៊ុនសាងសង់ មានចំនួន ៩៧០ក្រុមហ៊ុន

គួររំលឹកថា នៅឆ្នាំ ២០១៦ការសាងសង់មានចំនួន ៧១២ គម្រោង មានផ្ទៃក្រឡាសំណង់សរុបចំនួន ៥,៩៣១,៤៨៩ ម៉ែត្រការ៉េ មានតម្លៃប្រមាណ ២,៨០៥,៧៨០,២១៧ ដុល្លារសហរដ្ឋអាមេរិក ។

គួរឲ្យដឹងផងដែរថា គិតចាប់ពីឆ្នាំ ២០០០ ដល់ ០៤ខែ ឆ្នាំ២០១៧ ការបោះទុនវិនិយោគរបស់វិស័យឯកជនមកពីបរទេសមានចំនួន ១៨ប្រទេស មានចំនួន ៣០៤គម្រោង មានផ្ទៃក្រឡាសំណង់សរុប ១៣.២៣៨.១៧០ម៉ែត្រការ៉េ មានតម្លៃប៉ានស្មានទុនវិនិយោគសាងសង់ ៤.៥៣៩.៦០០.៩៦១ដុល្លារសហរដ្ឋអាមេរិក។