គម្រោងទី២ របស់ផ្សារ​ទំនើប​អ៊ីអន​​ម៉ល​ភ្នំពេញ ​នឹង​ចាប់​ផ្ដើម​សាងសង់​ចុង​ឆ្នាំ​ ២០១៦

គម្រោងទី២ របស់ផ្សារ​ទំនើប​អ៊ីអន​​ម៉ល​ភ្នំពេញ ​នឹង​ចាប់​ផ្ដើម​សាងសង់​ចុង​ឆ្នាំ​ ២០១៦

On

ថ្ងៃទី៖ ០៨ ខែសីហា ២០១៥  អត្ថបទ៖     urbanvoicecambodia.net

រយៈពេលមួយឆ្នាំហើយដែលផ្សាទំនើបអេអនម៉ល ភ្នំពេញបានបើកអោយដំណើរការ ហើយវាគឺជាភាពជោគជ័យមួយដែលផ្សាទំនើបមួយនេះអាចទាក់ទាញអតិថិជន ជិតប្រហែលជំនួនប្រជាជនសរុបនៅក្នុងប្រទេសកម្ពុជា។ ហើយក្រុមហ៊ុនជប៉ុនមួយនេះមិនបានបញ្ឈប់សកម្មភាពរបស់ខ្លួនអោយនៅទ្រឹងនោះទេ ដោយបានប្រកាស នឹងបញ្ចេញនូវគម្រោងថ្មីមួយទៀត​ពីការសាងសង់នូវអគានៃផ្សាទំនើបមួយទៀតឈ្មោះថា ផ្សាទំនើបអេអនម៉លទី២។ ដែលគម្រោង​ទី​ពីរ​របស់​ផ្សារ​ទំនើប​អ៊ីអន ម៉ល​ភ្នំពេញ​​មួយនេះគឺ​ស្ថិត​នៅ​ប៉ែក​ខាង​ជើង​រាជធានី​ភ្នំពេញ​ ​ក្នុង​តំបន់​គម្រោង​អភិវឌ្ឍ​ទីក្រុង​ថ្មី​ «PONG PEAY CITY Project»​ របស់​ក្រុមហ៊ុន​ L.Y.P Group។

សន្និសិទ្ធសារពត៌មានស្តីពីគម្រោងផ្សាទំនើបអេអនម៉លទីពីរនៅក្នុងប្រទេសកម្ពុជា
សន្និសិទ្ធសារពត៌មានស្តីពីគម្រោងផ្សាទំនើបអេអនម៉លទីពីរនៅក្នុងប្រទេសកម្ពុជា

ដោយផ្អែកទៅលើហេតុផលមួយចំនួនបានធ្វើអោយខាងក្រុមហ៊ុនជប៉ុនមួយនេះបានសម្រេច បង្កើតនៅគម្រោងនេះឡើង។

មូលហេតុគឺ៖

– ចំនួន​អតិថិជន​ដែល​​ចូល​​​ទៅ​ផ្សារ​ទំនើប​អ៊ីអន​ ម៉ល​ទី​ ១ ​ក្នុង​មួយ​ឆ្នាំ​មក​នេះ​ មាន​ច្រើន​ដល់​ទៅ​ ១៥ ​លាន​        នាក់ ​​គឺ​លើស​ការ​រំពឹង​ទុក​។

– ​ដោយសារ​​​ ​ប្រជាជន​​នៅភាគ​ខាងជើង​​​ទីក្រុង​ភ្នំពេញ​ដែល​មាន​ជីវភាព​ប្រសើរ​មិន​​អាច​ធ្វើ​ដំណើរ​មក​ទីតាំង​ទី ១ ​នៅ​ថ្ងៃ​ចុង​សប្ដាហ៍​បាន​ដោយសារ​​ការ​កក​ស្ទះ​ចរាចរណ៍​ខ្លាំងដូច្នេះ​ ការ​សាងសង់​គម្រោង​ទី​ពីរ​​​អាច​នឹង​​ទាក់ទាញ​​អតិថិជន​ទាំង​នោះ​ទៅ​កម្សាន្ត​បាន។

– ផ្សារ​ទំនើប​ទី ២ ​នឹង​​មាន​សភាព​ខុស​ប្លែក​ពី​ទី ១ ​ដោយ​​​ផ្ដោត​ទៅ​លើ​អតិថិជន​ជា​មនុស្ស​ជំនាន់​ថ្មី ​និង​នាំ​យក​អ្វី​ៗ​ពិសេស​មិន​ធ្លាប់​មាន​មក​បញ្ចូល​នៅ​ទី​នោះ ​ខុស​ពី​ទីតាំងទី​ ១ ​ដែល​ផ្តោត​ទៅ​លើ​អតិថិជន​វណ្ណៈកណ្ដាល និង​ខ្ពស់។

ផ្សារ​ទំនើប​អ៊ីអន ម៉ល​ទី ២ ​នឹង​ចាប់​ផ្ដើម​សាងសង់​នៅ​ចុង​ឆ្នាំ ​២០១៦ ​លើ​ផ្ទៃ​ដី​ទំហំ ​១ ​សែន​ម៉ែត្រ​ការ៉េ (ធំ​ជាង​ទីតាំង​ទី ១ ​ពីរ​ម៉ឺន​ម៉ែត្រ​ការ៉េ)​ ​ហើយ​គ្រោង​​​នឹង​ដាក់​ដំណើរការ​នៅ​ចុង​ឆ្នាំ ​២០១៨។ ចាន់ថុន

រូបភាព3Dនៃគម្រោងផ្សាទំនើបAeon Mall ទី២
រូបភាព3Dនៃគម្រោងផ្សាទំនើបAeon Mall ទី២
រូបភាព3Dនៃគម្រោងផ្សាទំនើបAeon Mall ទី២
រូបភាព3Dនៃគម្រោងផ្សាទំនើបAeon Mall ទី២
រូបភាព3Dនៃគម្រោងផ្សាទំនើបAeon Mall ទី២
រូបភាព3Dនៃគម្រោងផ្សាទំនើបAeon Mall ទី២

សាកលវិទ្យាល័យ​ភូមិន្ទ​វិចិត្រ​សិល្បៈ​នឹង​បាត់​បង់​ទីតាំង​ប្រវត្តិសាស្រ្ត

សាកលវិទ្យាល័យ​ភូមិន្ទ​វិចិត្រ​សិល្បៈ​នឹង​បាត់​បង់​ទីតាំង​ប្រវត្តិសាស្រ្ត

On

ប្រភព៖ វីអូអេខ្មែរ

ភ្នំពេញ—ស្ថិត​នៅ​លើ​ផ្ទៃដី​ដ៏​ធំ​ទូលាយ​និង​មាន​ដើមឈើ​ធំៗ​ផ្តល់​ម្លប់​ដ៏​ត្រឈឹង​ត្រឈៃ​ព្រមទាំង​មាន​ទីតាំង​ជាប់​ផ្នែក​ខាង​ជើង​ព្រះ​បរម​រាជវាំង​ អគារ​ពណ៌​ក្រហមឈាមជ្រូក​ដែលជា​សាកល​វិទ្យាល័យ​ភូមិន្ទ​វិចិត្រ​សិល្បៈ​ ឬ ​អតីត​សាលារចនា​នេះ​ ដើរ​តួនាទី​ជាថ្នាល​បណ្តុះ​អ្នក​សិល្បៈ​ជាច្រើន​ជំនាន់។

ដោយ​មានរូប​ចម្លាក់​ដាក់​តាំងលំអ​ពេញ​ទីធ្លា​ផង​នោះ​ ទីនេះ​ត្រូវ​បាន​គេ​មើល​ឃើញ​ថា ​ជា​កន្លែង​មួយ​តំណាង​ឱ្យដួង​ព្រលឹង​សិល្បៈ​ និង​វប្បធម៌​បុរាណ​ខ្មែរ​ផងដែរ។​

​សម្រាប់​លោក​ ព្រឿង ឈាង​ ​អតីត​ព្រឹទ្ធ​បុរស​មហា​វិទ្យាល័យ​សិល្បៈ​នាដ​សាស្ត្រ​ និង​ជា​អតីត​សាកលវិទ្យា​ធិការ​រង​នៃ​ ​សាកល​វិទ្យាល័យ​ភូមិន្ទ​វិចិត្រ​សិល្បៈ​នេះ ទីនេះ​ប្រៀប​ដូចជា​កូន​ដែល​លោក​ចិញ្ចឹម​ដោយផ្ទាល់​ដៃ៖

​«មែន​ទែន​អនុស្សាវរីយ៍​ច្រើន​ ព្រោះ​ក្រោយ​ពេល​ខ្មែរ​ក្រហម​មក​ នៅ​នេះ​សុទ្ធ​ ​តែ​ព្រៃ​ មាន​លាមក​មាន​អ្វី ​ទម្រាំ​បាន​ប៉ុណ្ណេះ។ អ្នក​ដែល​មិន​ដែល​ឃើញ​អាចាស់​ អ្នក​ឃើញ​សាលា​ប៉ុណ្ណេះ ​គេថា​សាលា​ខ្ញុំ​អន់​ តែ​ខ្ញុំ​ឃើញ​តាំង​ពី​នៅ​ព្រៃ។​ ចឹង​អនុស្សាវរីយ៍​ច្រើន​ ដែល​យើង​បាន​ចូល​រួម​ធ្វើ​ដោយ​ផ្ទាល់​ដៃ​ ធ្វើ​ពលកម្ម​ សម្អាត ​សាងសង់»។

លោក​ ព្រឿង ឈាង ​បាន​រួមចំណែកប្រមូល​ផ្តុំអ្នក​សិល្បៈ​ចាស់ៗ​ដែល​ស្ទើរ​តែ​បាត់​បង់​ក្នុង​សម័យ​ខ្មែរ​ក្រហម​ ​បើក​សាលា​សិល្បៈ​ឱ្យមាន​ដំណើរការ​ឡើងវិញ​បន្ទាប់​ពីបិទ​ទ្វារ​នា​សម័យ​ខ្មែរ​ក្រហម​ ​បណ្តុះ​បណ្តាល​អ្នក​សិល្បៈ​ជំនាន់​ថ្មី ​ព្រម​ទាំងកែប្រែ​ពី​សាលា​សិល្បៈ​រហូត​ដល់​ក្លាយ​ជា​មហា​វិទ្យា​ល័យ​សិល្បៈ​ដូច​ពេល​បច្ចុប្បន្ន​នេះ។​

សាកល​វិទ្យាល័យ​ភូមិន្ទ​វិចិត្រ​សិល្បៈ​ ឬ​អតីត​សាលា​រចនា​ ត្រូវ​បាន​កសាង​ឡើង​ក្នុង​ឆ្នាំ​១៩១៨​ ​ហើយ​ប្រែ​ក្លាយ​ទៅ​ជា​សាកល​វិទ្យាល័យ​ភូមិន្ទ​វិចិត្រ​សិល្បៈ​នៅ​ឆ្នាំ​១៩៦៥។​ ​សាកល​វិទ្យាល័យ​នេះ​ ​មាន​បណ្តុះ​បណ្តាល​ជំនាញចំនួន​៥គឺ​ ​បុរាណ​វិទ្យា​ ​សិល្បៈ​សូនរូប​ ស្ថាបត្យ​កម្ម​និង​នគ​រូប​នីយ​វិទ្យា​ ​តូរ្យ​តន្រ្តី​និង​សិល្បៈ​នាដ​សាស្រ្ត។​

ថ្មីៗ​នេះរដ្ឋាភិបាល​បាន​ប្រកាស​ពី​គម្រោងផ្លាស់​ប្តូរ​ទី​តាំង​របស់​សាកល​វិទ្យាល័យ​ភូមិន្ទ​វិចិត្រ​សិល្បៈ​ពី​ទី​តាំង​បច្ចុប្បន្ន​ទៅនៅជាយ​ក្រុង​ភ្នំពេញ​វិញ​ដោយ​ទុក​ទីនេះ​ដើម្បី​ពង្រីក​សារ​មន្ទីរ​ជាតិ​ដែល​នៅ​ជាប់​នោះ។​ គម្រោង​ផ្លាស់​ទីតាំង​នៃ​សាកល​វិទ្យា​ល័យ​ដ៏​មាន​វ័យចំណាស់​ជាង​គេ​នៅ​ក្នុង​រាជ​ធានី​ភ្នំពេញ​នេះ​ ធ្វើ​ឲ្យ​មាន​ការ​ព្រួយ​បារម្ភ និង​មាន​ការ​ខ្វែងគ្នាគំនិត​រវាង​សិស្សានុសិស្ស​ ​គ្រូ​បង្រៀន​ និង​មន្ត្រី​ក្រសួង។

លោក​ព្រឿង ឈាង ​បញ្ជាក់​ថា​ លោក​ស្ទើរតែ​ស្រក់​ទឹកភ្នែក​ពេល​ឮ​ដំណឹង​នេះ​ប៉ុន្តែ​សម្តែង​ការស្វាគមន៍​ដោយ​ប្រយ័ត្ន​ប្រយែង៖ ​

«គិត​ថា​ក៏​ល្អ​ដែរ​យក​កន្លែ​ង​ទៅ​ពង្រីក​ធ្វើ​សារមន្ទីរ។​ ​យើង​ក៏​ឯកភាព​ដែរ​ព្រោះ​សារមន្ទីរ​យើង​វា​តូច​ណាស់។ ចឹង​ពង្រីក​សារមន្ទីរ​តម្រូវ​ការ​នេះ​សមហេតុ​សមផល។​ ​កាល​នៅ​នោះ​អត់​សម​ហេតុ​ផល​ដោយសារ​ទៅជា​ផ្ទះ​ផ្សារ​។​ ឱ្យ​តម្លៃ​ផ្ទះ​ផ្សារ​ជាង​សាលា ​ អានោះខ្ញុំ​អន់​ចិត្ត»។​

​បើ​ទោះ​ជា​យ៉ាង​នេះ​ក៏​ដោយ​ លោក​ ព្រឿង​ ឈាង​ យល់​ថាការ​ផ្លាស់​ប្តូរ​នេះ អាច​ធ្វើ​ឱ្យ​ប៉ះ​ពាល់​ដល់​គុណភាព​អប់​រំ​ហើយអ្វី​ដែល​ជា​ការ​បារម្ភជាង​គេ​ដែល​អតីត​សាស្ត្រចារ្យ​រូប​នេះ​លើក​ឡើង​គឺ ​កង្វះ​មធ្យោ​បាយ​ធ្វើ​ដំណើរ​ទៅ​ទីតាំង​សាកល​វិទ្យាល័យ​ថ្មី​នោះ​។

លោក​ ថៃ​ នរៈ​សត្យា​រដ្ឋលេខាធិការ​និង​ជា​អ្នក​នាំ​ពាក្យ​ក្រសួង​វប្បធម៌​និង​វិចិត្រ​សិល្បៈ​ដែល​ជា​សាម៉ី​ក្រសួង​សម្រេច​ក្នុង​ការ​ប្តូរ​នេះ​ បាន​ប្រាប់​ VOA​ ​កាល​ពី​សប្តាហ៍​កន្លង​ទៅ​ថា​ការ​ផ្លាស់​ប្តូរ​នេះ​ ​មិន​ទាន់​មាន​ការ​បញ្ជាក់​ច្បាស់​លាស់ថា​នឹង​ធ្វើ​ឡើង​នៅ​ពេល​ណា​ប្រាកដ​នោះ​ឡើយ​ ដោយ​ហេតុ​ថា​ គម្រោង​ថ្មី​នេះ​កំពុង​រង់​ចាំ​ការ​ឯកភាពពី​រដ្ឋ​មន្ត្រី​ក្រសួង​វប្បធម៌។​

លោក​បាន​បន្ថែម​ទៀត​ថា​ គម្រោង​សាងសង់​ទីតាំង​ថ្មី​ ​ឱ្យមាន​លក្ខណៈស្តង់​ដា​សាកល​វិទ្យា​ល័យអន្តរជាតិ​នេះ ត្រូវ​ការ​ពេល​វេលា​និងថវិកា​ច្រើនក្នុង​ការសាងសង់៖

​«ទី​មួយ​ យើង​ត្រូវ​យក​គម្រោង​ ប្លង់​ស្ថាបត្យកម្ម​សិក្សា​ឱ្យ​គ្រប់​ជ្រុង​ជ្រោយ។ វា​អាច​មិន​មែន​ម៉ោង​នេះ មិន​មែនឆ្នាំ​នេះ អាច​មិន​មែន​អណត្តិ​នេះ ​ព្រោះ​អ្វី​ដែល​យើង​ធ្វើ​វា​ធំ។ បើ​គិត​ពី​ផ្ទៃ​ដី ​ឬ​បរិយាកាស​ ជា​កន្លែង​ប្រកប​ដោយ​មោទនភាព​ គួរ​ឱ្យ​ទទួល​យក​បាន​ ហើយ​អ្នក​ទៅ​រៀន​នៅ​នឹង​ប្រកប​ដោយ​កិត្តិយស។​ …

ក្រុមហ៊ុនបូមខ្សាច់របស់ លោក សោម រស្មី (ហៅពៅ ) កាយអាចម៌ដីជិតដល់សរសរផ្ទះប្រជាពល់រដ្ឋ

ក្រុមហ៊ុនបូមខ្សាច់របស់ លោក សោម រស្មី (ហៅពៅ ) កាយអាចម៌ដីជិតដល់សរសរផ្ទះប្រជាពល់រដ្ឋ

On

ថ្ងៃទី ០៧​ ខែសីហា ២០១៥   ដោយ៖ urbanvoicecambodia.net  

នៅក្នុងសហគមភូមិព្រែកតាគក់ សង្កាត់ចាក់អង្រែលើ ខ័ណ្ឌមានជ័យ រាជធានីភ្នំពេញ នៅវេលាម៉ោង ៩៖៣០នាទីព្រឹក មានករណីក្រុមហ៊ុនបូមខ្សាច់របស់ លោក សោម រស្មី (ហៅពៅ ) បានមកជីកកាយអាចម៌ដីរបស់ខ្លួនដែលហូរចូលដីប្រជាពលរដ្ឋ ពីការចាក់បំពេញបឹងសម្រាប់សាងសង់សំណង់អគាផ្សេងៗ ដែលបង្ករអោយមានការបាក់ដី នឹងប៉ះពាល់ដល់សិទ្ធលំនៅឋាន របស់ប្រជាពល់រដ្ឋប្រមាណ៣គ្រួសារ។ តំណាងគ្រួសារប្រជាពលរដ្ឋដែលរងគ្រោះម្នាក់បានអោយដឹងថា ការជីកកាយយកអាចម៌ដីនេះគឺជាចេតនារបស់ក្រុមហ៊ុន ដែលចង់បំផ្លាញគ្រួសារបស់គាត់ ដោយគាត់បានចូលរួម ជជែកវែកញែកពីការំលោភព្រំដីពីសំណាកក្រុមហ៊ុនទៅលើប្រជាពលរដ្ឋមួយគ្រួសារផ្សេងទៀត កាលពីថ្ងៃមុន។ ហើការកាយអាចម៌ដីនោះដែរគឺមានជម្រៅប្រមាណជា ពីរម៉ែត្រទៅក្រោម គឺកាយទាំងដីចាស់របស់ពួកគាត់ទៀតផងដែរ។

អគ្គីសនីកម្ពុជានឹងធ្វើការផ្តាច់ភ្លើងនៅតាមតំបន់ភ្លើងមួយចំនួននៅក្នុងរាជធានីភ្នំពេញ នឹងខេត្តកណ្តាល

អគ្គីសនីកម្ពុជានឹងធ្វើការផ្តាច់ភ្លើងនៅតាមតំបន់ភ្លើងមួយចំនួននៅក្នុងរាជធានីភ្នំពេញ នឹងខេត្តកណ្តាល

On

ប្រភព៖  edc.com.kh    ថ្ងៃទី ០៧ ខែសីហា ២០១៥ ដោយ៖ urbanvoicecambodia.net

ចាប់ពីថ្ងៃព្រហស្បត៍ ទី០៦ ខែសីហា ២០១៥ រហូតដល់ថ្ងៃអាទិត្យ ទី០៩ ខែសីហា ២០១៥ អគី្គសនីកម្ពុជា នឹងធ្វើការផ្អាកផ្គត់ផ្គង អគ្គីសនី​ នៅតាមតំបន់ភ្លើងមួយចំនួននៅក្នុងរាជធានីភ្នំពេញ នឹងខេត្តកណ្តាល។

EDC បានបង្កើតនូវកម្មវិធីរបស់ខ្លួនដែលដំណើរការលើប្រព័ន្ធប្រតិបត្តិការណ៍ iOS និងតាមរយៈ Website ។

EDC បានបង្កើតនូវកម្មវិធីរបស់ខ្លួនដែលដំណើរការលើប្រព័ន្ធប្រតិបត្តិការណ៍ iOS និងតាមរយៈ Website ។

On

នាពេលថ្មីៗ EDC ដែលជាក្រុមហ៊ុនរបស់រដ្ឋបានបង្កើតនូវកម្មវិធីរបស់ខ្លួនដែលដំណើរការលើប្រព័ន្ធប្រតិបត្តិការណ៍ iOS និងតាមរយៈ Website ។វាមានសមត្ថភាពអាចឲ្យយើងត្រួតពិនិត្យមើលចំនួន និងថ្លៃប្រើប្រាស់អគ្គិសនីរបស់ខ្លួន រួមទាំងលេខទំនាក់ទំនងទៅភ្នាក់ងាររបស់ EDC ដោយបង្កើតឲ្យមានភាពងាយស្រួលមួយបែបទៀតសម្រាប់អតិថិជន។ ក្នុងនោះដែរយើងត្រូវទៅ គ្រប់សាខាណាដែលជិតផ្ទះរបស់អ្នក ដើម្បីបង្កើតគណនីសម្រាប់ប្រើប្រាស់វា។

EDC EDC2 EDC3

អាជ្ញា​ធរមាន​គម្រោង​រៀបចំ​ឲ្យ​មាន​រថភ្លើង​ធុន​ស្រាល​ស្វ័យប្រវត្តិ​រត់​នៅ​ភ្នំពេញ

អាជ្ញា​ធរមាន​គម្រោង​រៀបចំ​ឲ្យ​មាន​រថភ្លើង​ធុន​ស្រាល​ស្វ័យប្រវត្តិ​រត់​នៅ​ភ្នំពេញ

On
ប្រភព៖ កោះសន្តិភាព,បញ្ចូលអត្ថបទ ៖ ចន្ទ្រគ្រាស,ថ្ងៃអង្គារ ទី៤ ខែសីហា ឆ្នាំ២០១៥

រាជធានី​ភ្នំពេញ ៖ ដោយ​មាន​កិច្ចសហការ​ពី​ក្រសួង​ដែនដី​ហេដ្ឋារចនាសម្ព័ន្ធ​ដឹក​ជញ្ជូន និង​ទេសចរណ៍ ប្រទេស​ជប៉ុន អាជ្ញាធរ​រាជធានី​ភ្នំពេញ​មាន​គម្រោង​រៀបចំ​ឲ្យ​មាន​រថភ្លើង​ធុន​ស្រាល​ស្វ័យប្រវត្តិ​នៅ​រាជធានី​ភ្នំពេញ ។ គម្រោង​នេះ ត្រូវ​បាន​លោក ហ្សី​មិ​ស៊ុ គិ​យ៉ូ​ហ្សី អគ្គនាយករង​កិច្ចការ​វិស្វកម្ម​នៃ​ក្រសួង​ដែនដី​ហេដ្ឋារចនាសម្ព័ន្ធ​ដឹក​ជញ្ជូន និង​ទេសចរណ៍​ប្រទេស​ជប៉ុន លើក​ឡើង​ក្នុង​ជំនួប​ជាមួយ​លោកប៉ា សុ​ជាតិ​វង្ស អភិបាល​រាជធានី​ភ្នំពេញ នៅ​សាលា​រាជធានី​ភ្នំពេញ ព្រឹក​ថ្ងៃ​ទី​០៤ សីហា ២០១៥ ។ បើ​តាម​ការ​គ្រោងទុក ផែនការ​នេះ​នឹង​ធ្វើ​បទ​បង្ហាញ​ស្តី​ពី​ប្រព័ន្ធ​ចរាចរ​ណ៏​នៅ​រាជធានី​ភ្នំពេញ និង​សារសំខាន់​នៃ​រថភ្លើង​ធុន​ស្រាល​ស្វ័យប្រវត្តិ ជា​ផ្លូវការ​នៅ​រាជធានី​ភ្នំពេញ ថ្ងៃ​ទី​០៦ សីហា ២០១៥ ឆាប់​ៗ​នេះ នៅ​មជ្ឈមណ្ឌល​កិច្ច​សហ​ប្រតិបត្តិ​ជប៉ុន ហៅ​កាត់​ថា CJCC ។ ព័ត៌មាន​លម្អិត​នឹង​ផ្សាយ​ជូន​នៅ​លើ​ទំព័រ​កាសែត​កោះសន្តិភាព >>ទទួលបានព័ត៌មានតាមរយៈ KOH SANTEPHEAP OFFICIAL LINE