អគ្គិសនីកម្ពុជានឹងផ្អាកការផ្គត់ផ្គង់នៅតំបន់ភ្លើងមួយចំនួន

អគ្គិសនីកម្ពុជានឹងផ្អាកការផ្គត់ផ្គង់នៅតំបន់ភ្លើងមួយចំនួន

On

អគ្គីសនីកម្ពុជាចេញសេចក្តីប្រកាស់ផ្អាកផ្គត់ផ្គង់អគ្គីសនីតាមតំបន់មួយចំនួនក្នុងរាជធានីភ្នំពេញ ចាប់ពីថ្ងៃព្រហត្បស៍ ទី ០៣ ខែកញ្ញា ២០១៥ រហូតដល់ថ្ងៃអាទិត្យទី ០៦ ខែកញ្ញា ២០១៥

7403_02_09_2015_Page_1 7403_02_09_2015_Page_2

សាលារាជធានីភ្នំពេញចេញបំរាម នឹងណែនាំពីរបៀបទុក្ខដាក់សំរាមអោយបានត្រឹមត្រូវ

សាលារាជធានីភ្នំពេញចេញបំរាម នឹងណែនាំពីរបៀបទុក្ខដាក់សំរាមអោយបានត្រឹមត្រូវ

On

ថ្ងៃទី៖ ០២ ខែកញ្ញា ២០១៥   ដោយ៖ Urban Voice Cambodia     អត្តបទ៖ ចាន់ថុន

កាលពីថ្មីៗនេះសាលារាជធានីបានចេញបំរាម នឹងសេចក្តីណែនាំ ពីបៀបក្នុងការទុក្ខដាក់សម្រាមអោយបានត្រឹមត្រូវ នៅក្នុង Facebook Page ផ្លូវការបស់ខ្លួនក្នុងឱកាស់ចុះជួយសហការជាមួយក្រុមហ៊ុនសិុនទ្រី ក្នុងការសំអាតសម្រាមនៅក្នុងសង្កាត់ស្ទឹងមានជ័យ។

ដោយបំរាម នឹងសេចក្តីណែនាំនោះមានក្លឹមសារដូចតទៅ៖

១ /របៀបទុកដាក់ សំអាត និងចាក់សំរាម
-ត្រូវទុកដាក់សំរាមនៅក្នុងធុង កញ្ឆេ ឬ ក្នុងថង់ប្លាស្ទិក
-ត្រូវចងមាត់ថង់សំរាមឲ្យជិត និងទុកដាក់ឲ្យបានត្រឹមត្រូវ
-ត្រូវសំអាតមុខផ្ទះ មុខទីតាំង កន្លែងទុកដាក់សំរាមនិងមាត់លូខាងមុខផ្ទះជាប្រចាំ
២ /កន្លែងចាក់សំរាម
-បើផ្ទះនៅតាមផ្លូវធំ សំរាមដែលវេចខ្ចប់ហើយ
ត្រូវដាក់នៅមុខផ្ទះរៀងខ្លួន។
-បើផ្ទះនៅតាមច្រកផ្លូវតូច ឬឌឿងហែម រថយន្តចូលមិនដល់ត្រូវដាក់សំរាមនៅមុខផ្ទះឬមុខជណ្តើរដើម្បីឲ្យរទេះអូសសំរាមចូលទៅយក
៣ /ពេលវេលាចាក់សំរាម
-សំរាមអាចបញ្ចេញនិងចាក់បាននៅថ្ងៃដែល
បានកំណត់ពេលរថយន្តមកដឹកប៉ុណ្ណោះ
-សំរាមអាចបញ្ចេញឬចាក់បានតែក្នុងរយៈ
ពេលខ្លីគឺ១ម៉ោងមុនឡានសំរាមមកប្រមូល
៤ /ការហាមប្រាម
-មិនត្រូវចាក់សំរាមចោលផ្ទាល់ទៅលើដី
-មិនត្រូវបោះសំរាមចោលតាមដងផ្លូវ ទីសាធារណៈ និងក្រុងទីផ្សារឡើយ
-មិនត្រូវទុកសំរាមចោលឲ្យរាយប៉ាយ ហូរទឹកស្អុយកង្វក់នៅមុខផ្ទះឬជុំវិញលំនៅដ្ឋានឡើយ។
-មិនត្រូវយកសំរាមទៅចាក់នៅតំបន់អ្នកដ៏ទៃ
-មិនត្រូវចាក់សំរាមខុសថ្ងៃនិងពេលវេលា
កំណត់។
-ប្រសិនបើលោកអ្នកខកខានមិនបានចាក់
សំរាមតាមពេលម៉ោងដែលបានកំណត់ សូមរងចាំចាក់សំរាមនៅវេនលើកក្រោយទៀត

រូបពី FB Page សាលារាជធានីភ្នំពេញ
រូបពី FB Page សាលារាជធានីភ្នំពេញ

11986561_478960578951366_7678918840902209175_n

 

ប្រជាជនភូមិបឹងសាឡាងអំពាវនាវរកអន្តរាគមន៍លើការឈូសដីធ្វើផ្លូវ

ប្រជាជនភូមិបឹងសាឡាងអំពាវនាវរកអន្តរាគមន៍លើការឈូសដីធ្វើផ្លូវ

On

ដោយ៖ ងី សុវណ្ណរតនី ថ្ងៃទី០២ ខែកញ្ញា ឆ្នាំ២០១៥

នៅព្រឹកថ្ងៃទី២ ខែកញ្ញា នេះ អាជ្ញាធរខណ្ឌឫស្សីកែវ នឹងធ្វើការឈូសឆាយដី បើកផ្លូវដើម្បី ស្ដារប្រឡាយបាក់ទូក ដែលនឹងនាំឲ្យប៉ះពាល់ដល់ការរស់នៅរបស់ប្រជាពលរដ្ឋក្នុងតំបន់ជាច្រើន។

លោ​ក សេក សុខា អាយុ ៥៣​ ឆ្នាំ ជាប្រជាពលរដ្ឋរស់នៅ ភូមិបឹងសាឡាង សង្កាត់ឫស្សីកែវ ខណ្ឌឫស្សីកែវនេះ មានប្រសាសន៍ថា ក្រុមអាជ្ញាធរបានផ្ញើលិខិតជូនប្រជាពលរដ្ឋ ដើម្បីជម្រាបពីការឈូសឆាយនេះរួចមកហើយ កាលពី ថ្ងៃទី០៦ ខែកក្កដាកន្លងទៅនេះ។

លោក សុខា បានបន្ថែមថា ក្នុងខ្លឹមសារនៃលិខិតនោះ គឺអាជ្ញាធរមានគម្រោងឈូសឆាយដីបើកផ្លូវថ្មី ដើម្បីស្តារប្រឡាយដែលភា្ជប់ពីអតីតបឹងកក់ ក្នុងការរំដោះទឹកភ្លៀងជំនន់។​ ហើយអាជ្ញាធរនឹងយកផ្លូវនេះសម្រាប់ជាមធ្យោយបាយឲ្យរថយន្តដឹកដី និងគ្រឿងចក្រផ្សេងៗធ្វើដំណើរចេញចូលការដ្ឋាន។

លោក​ក៍បានបញ្ជាក់ថា ការឈូសឆាយដីបើកផ្លូវថ្មី​ធ្វើឲ្យប៉ះពាល់ដល់ផ្ទះប្រជាពលរដ្ឋជាច្រើនខ្នង ពិសេសគឺផលដំណាំរបស់លោកផ្ទាល់តែម្តង ដែលរួមមានដូចជា​ ដូង ត្នោត ជ្រៃ​ និងស្វាយជាដើម។

ប្រជាពលរដ្ឋនៅភូមិបឹងសាឡាង ក៍ដូចជា លោ​ក សេក សុខា ផ្ទាល់បានអំពាវនាវដល់អង្គការ ឬស្ថាបនផ្នែកសិទ្ធិមនុស្ស ឲ្យជួយធ្វើអន្តរាគមន៍ និងឃ្លាំមើលការរាល់សកម្មភាពរំលោភសិទ្ធិមនុស្សទាំងនេះ។

ក្នុងការអំពាវនាវនេះផងដែរ លោក សុខា បាននិយាយថាលោកនឹងដេញដោលពីសកម្មភាពនេះ ដែលអាចនឹងមានការប៉ះទង្គិចជាមួយអាជ្ញាធរ។

ក្នុងការខ្លឹមសារនៃការអំពាវនាវនេះទៀតសោត លោក សុខា​ ក៍បានបញ្ជាក់ពីទីតាំងនៃសកម្មភាពនេះដែរ គឺនៅភូមិបឹងសាឡាង សង្កាត់ឫស្សីកែវ ខណ្ឌឫស្សីកែវ ចូលតាមវត្តទួលសង្កែ មកជើងត្រង់រហូតដល់ការ៉ាស់សាំងតេលា បត់ឆ្វេង រួចមកត្រង់រហូតដល់ ពៅនាថវីឡាកាហ្វេ។
ផែនទីនៃទីតាំង៖ https://goo.gl/sZY1fM

សូមសរសេរមកកាន់លោក ងី សុវណ្ណរតនី តាមរយៈ ngysovanratany@gmail.com

យុទ្ធនាការ​​ភ្ជាប់​ចរន្តអគ្គិសនី​​តម្លៃ​៦១០​រៀល​បាន​ជាង​១៥​ម៉ឺន​បន្ទប់​ក្នុង​រយៈពេល​៧​ខែ​​

យុទ្ធនាការ​​ភ្ជាប់​ចរន្តអគ្គិសនី​​តម្លៃ​៦១០​រៀល​បាន​ជាង​១៥​ម៉ឺន​បន្ទប់​ក្នុង​រយៈពេល​៧​ខែ​​

On

ដោយ៖ ងី​​ សុវណ្ណរតនី ថ្ងៃទី០១ ខែកញ្ញា ឆ្នាំ២០១៥

អគ្គិសនី​កម្ពុជា (EDC) ឲ្យដឹងថា ខ្លួន​បាន​ចុះ​ភ្ជាប់​ចរន្ដអគ្គិសនី​ដល់ផ្ទះ និង​បន្ទប់​ជួល​នៅ​ក្នុង​រាជធានី​ភ្នំពេញ​បាន​ចំនួន ១៥១ ៥៦២ ​បន្ទប់​ហើយ​គិត​មកដល់​ថ្ងៃ​ទី​៣០ ខែសីហា ឆ្នាំ​២០១៥ ។​

​សេចក្តីប្រកាស​ព័ត៌មាន​របស់​អគ្គិសនី​កម្ពុជា​ចុះ​ថ្ងៃ​ទី​៣១ ខែសីហា បានឲ្យដឹងថា ក្នុង​រយៈពេល​៥៧ខែ គឺ​ចាប់ពី​ថ្ងៃ​ទី​២៩ ខែ​មករា ឆ្នាំ​២០១៥ រហូតដល់​យប់​ថ្ងៃ​ទី​៣០ ខែសីហា ឆ្នាំ​២០១៥ ក្រុមការងារ​ត​ភ្ជាប់​ចរន្តអគ្គិសនី​តម្លៃ​៦១០​រៀល ជា​ថ្លៃ​អនុគ្រោះ​សម្រាប់​ការប្រើប្រាស់​ក្រោម​៥០​គីឡូវ៉ាត់ម៉ោង​ក្នុង​មួយ​ខែ​នោះ ត​ភ្ជាប់​បាន​ចំនួន ១៥១ ៥៦២ បន្ទប់​រួច​ហើយ ។​

​សេចក្តីប្រកាស​ព័ត៌មាន​ដដែល ក៏​បាន​ថ្លែងអំណរគុណ​ និងការកោតសរសើរដល់​គ្រប់​ម្ចាស់​ផ្ទះជួល អាជ្ញាធរ​មូលដ្ឋាន និង កម្លាំងប្រដាប់អាវុធ ដែល​សហការ​ជាមួយ​ក្រុម​ការងារ​ត​ភ្ជាប់​ចរន្តអគ្គិសនី​ក្នុងតម្លៃ​អនុគ្រោះ​នេះ​។​

​គួរបញ្ជាក់​ថា ក្នុង​រាជធានី​ភ្នំពេញ អគ្គិសនី​កម្ពុជា​បាន​កំណត់​តម្លៃ​អគ្គិសនី​ជា​៣​បែប គឺ​បើ​ប្រើប្រាស់​មិន​លើសពី​៥០​គីឡូវ៉ាត់ម៉ោង​ក្នុង​មួយខែ ត្រូវ​ចំណាយ ៦១០​រៀល​ក្នុង​មួយ​គីឡូវ៉ាត់ម៉ោង ប្រើប្រាស់​ចាប់ពី​៥១​ទៅ​២០០​គីឡូវ៉ាត់ម៉ោង ត្រូវ​យក​តម្លៃ ៧២០​រៀល​ក្នុង​មួយ​គីឡូវ៉ាត់ម៉ោង និង​លើសពី ២០០ គីឡូវ៉ាត់ម៉ោង ត្រូវ​យក​តម្លៃ ៨២០ រៀល​ក្នុង​មួយ​គីឡូវ៉ាត់ម៉ោង៕

សូមសរសេរមកកាន់លោក ងី សុវណ្ណរតនី តាមរយៈ ngysovanratany@gmail.com

 

អគ្គិភ័យលេបត្របាក់ផ្ទះប្រជាជនអស់៣ខ្នងក្នុងសង្កាត់ឬស្សីកែវ

អគ្គិភ័យលេបត្របាក់ផ្ទះប្រជាជនអស់៣ខ្នងក្នុងសង្កាត់ឬស្សីកែវ

On

ដោយ៖ ងី សុវណ្ណរតនី ថ្ងៃទី០១ ខែកញ្ញា ឆ្នាំ២០១៥

អគ្គីភ័យបានឆាបឆេះផ្ទះប្រជាពលរដ្ឋចំនួន ៣ ខ្នងក្នុងសហគមន៍ស្រ្តីឃ្លាំងសាំង​ ក្នុងសង្កាត់ឬស្សីកែវ ខណ្ឌឬស្សីកែវ កាលពីថ្ងៃទី៣១ ខែសីហា វេលាម៉ោងប្រមាណ២រសៀល ដោយសារទុស្សេចរន្តអគ្គិសនី។​

តាមប្រសាសន៍ប្រជាសហកររស់នៅក្នុងសហគមន៍ស្រ្តីឃ្លាំងសាំង លោក ចេវ តុលា បានឲ្យដឹងថា អគ្គីភ័យនេះកើតឡើងដោយសារទុស្សេចរន្តអគ្គិសនីចេញពីផ្ទះមួយ នៅវេលាម៉ោង៤រសៀលម្សិលមិញនេះ ដែលបាន​ធ្វើឲ្យផ្ទះចំនួន ៣ ខ្នងរងការឆេះខូចខាត ប៉ុន្តែមិនបានបណ្តាលឲ្យប្រជាជនណាម្នាក់រងរបួស ឬក៍បាត់បង់អាយុជីវិតឡើយ។

យ៉ាងណាមិញ អគ្គីភ័យនេះបានរលត់ទៅវិញទាំងស្រុងនៅម៉ោងប្រមាណ៥ល្ងាច ដោយមានការអន្តរាគមន៍ពីការិយាល័យពន្លត់អគ្គីភ័យរាជធានីភ្នំពេញ ដែលបានប្រើប្រាស់រថយន្តពន្លត់អគ្គិភ័យអស់ចំនួន ៥ គ្រឿង និងបំពង់ពន្លត់អគ្គិភ័យជាច្រើនបំពង់។

គូសបញ្ជាក់ផងដែរថា នៅក្នុងខែសីហាកន្លងទៅនេះ មានអគ្គិភ័យកើតឡើងផ្ទួនៗគ្នា និងប៉ុន្មានករណីរួចមកហើយ ដូចនេះសូមប្រជាពលរដ្ឋនៅគ្រប់ទីកន្លែងបង្កើនការប្រុងប្រយ័ត្នឲ្យបានខ្ពស់ទៅលើបញ្ហានេះ ដែលអាចកើតមានឡើងជាយកថាហេតុ ដើម្បីកុំឲ្យមានការបាត់បង់នូវទ្រព្យសម្បត្តិ ឬអាយុជីវិត។

សរសេរមកកាន់លោក ងី សុវណ្ណរតនី តាមរយៈ ngysovanratany@gmail.com

កម្មវិធីស្ម័គ្រចិត្តលើកទី៣៖ ទស្សនកិច្ចសិក្សាទៅកាន់សហគមន៍ក្រីក្រភូមិអណ្តូង

កម្មវិធីស្ម័គ្រចិត្តលើកទី៣៖ ទស្សនកិច្ចសិក្សាទៅកាន់សហគមន៍ក្រីក្រភូមិអណ្តូង

On

ដោយ៖ ងី សុវណ្ណរតនី ថ្ងៃទី៣០​ ខែសីហា ឆ្នាំ២០១៥

នៅព្រឹក​ថ្ងៃ​អាទិត្យ ទី៣០ ខែ​សីហា ឆ្នាំ២០១៥នេះ សំឡេង​ទីក្រុង​កម្ពុជា (Urban Voice Cambodia) ​នឹងធ្វើទស្សនកិច្ចសិក្សាមួយ ទៅកាន់សហគមន៍​ក្រីក្រ​ភូមិអ​ណ្តូ​ង​ដែល​មាន​ទីតាំង​ស្ថិត​នៅ​​ជាយក្រុង​នៃ​រាជធានី​ភ្នំពេញ ក្នុងសង្កាត់គោករការខណ្ឌដង្កោរ ​រួម​ជា​មួយ​នឹងអ្នកចូលរួមស្ម័គ្រចិត្ត ៣០ នាក់​ទៀតដែលមាន​ទាំង​យុវជន​ សិស្ស​និស្សិត​ និងបងប្អូនប្រជាសហគមន៍ មកពីសហគមន៍ផ្សេងៗទៀតដូចជា សហគមន៍ បុរីកីឡា សហគមន៍ ព្រែកតានូ សហគមន៍ ទួលរ៉ាដា សហគមន៍ ជ័យជំនះ សហគមន៍ សាមគ្គី៤ សហគមន៍ ភូមិ២៣ និងសហគមន៍ ផ្លូវរថភ្លើង ជាដើម ក្នុង​គោល​បំណង​ដើម្បី​ផ្តល់​ឱ្យអ្នកចូលរួមក៍ដូចជាផ្សព្វផ្សាយឲ្យសង្គមខាង​ក្រៅបាន​ សិក្សារៀនសូត្រ និងយល់ដឹង​ឲ្យបានទូលំទូលាយ​ ​និង​​​ស៊ីជម្រៅទៅ​លើ​ជីវភាព​រឹតត្បិតដ៍លំបាក​នៃ​ប្រជាជន​ក្នុង​សហគមន៍​ក្រីក្រនោះ​។

សហគមន៍អ​ណ្តូ​ង​ត្រូវ​បាន​ហៅ​ថា​ ជា​តំបន់​អនាធិបតេយ្យ​ដែល​មានប្រមាណ១៥០០​គ្រួសាររស់នៅក្នុងតំបន់។ ​ពួកគេត្រូវបាន​ប​ណ្តេ​ញ​ចេញពី​តំបន់ដែលពួកគេរស់នៅកាលពីមុន នៅទី​ប្រជុំជននៃរាជធានី​ភ្នំពេញ​ និងក្រោយមកត្រូវបានគេបង្ខំឲ្យមករស់នៅក្នុងតំបន់ក្រីក្រដែលកំពុងជួបប្រទះបញ្ហាជាច្រើនដូចជា កង្វះទឹកស្អាត អនាម័យ បញ្ហាសុខភាព និង ការអប់រំទូទៅ។ ប្រជាជន​ត្រូវ​បាន​គេ​បំបិទសិទិ្ធក្នុងការទទួលបាននូវលំនៅដ្ឋានដ៍សមស្របមួយ ​និង​ឥឡូវ​នេះសហគមន៍​ទាំង​មូល​កំពុង​ប្រឈម​មុខ​នឹង​ការ​រើស​អើង​ ក៍ដូចជាការព្រងើយកន្តើយពីសង្គមខាងក្រៅ​។

កិច្ចប្រជុំ ក៍ដូចជាទស្សនកិច្ចសិក្សានេះ ជាសកម្មភាពសប្បាយរីករាយដែលអ្នកចូលរួមអាចមានបណ្ដាញទំនាក់ទំនង​ និងទទួលបានចំណេះដឹងល្អផ្សេងពីអ្នកដែលមានចំណាប់អារម្មណ៍អំពីបញ្ហាទីក្រុង ដែលនឹងប្រព្រឹត្តទៅមួយថ្ងៃពេញ និងបញ្ចប់ទៅវិញនៅម៉ោង៥ល្ងាចនេះវិញ។ អ្នកចូលរួមក៏មានឱកាសបានសិក្សាពីប្រជាពលរដ្ឋនៅក្នុងសហគមន៍អំពីភាពអត់ធន់របស់ពួកគេ និងទទួលរងផលលំបាកជាច្រើន ភាពអយុត្តិធម៌ ការដកហូត ការជិះជាន់ និងវិសមភាពសហគមន៍។ អ្នកចូលរួមអាចយល់ដឹងកាន់តែច្បាស់ពីស្ថានភាពរស់នៅប្រជាជនកម្ពុជា។

ផែនទី ទិតាំងភូមិអណ្តូង
ផែនទី ទិតាំងភូមិអណ្តូង