ចាក់​ដី​​លុប​ប្រឡាយ​បឹងក្រពើ សង្ស័យ​បង្កប់​ដោយអំពើពុក​រលួយ​រាប់​លានដុល្លារ​

ចាក់​ដី​​លុប​ប្រឡាយ​បឹងក្រពើ សង្ស័យ​បង្កប់​ដោយអំពើពុក​រលួយ​រាប់​លានដុល្លារ​

On
ប្រភព៖ កោះសន្តិភាព,ដោយ៖ ម៉ម វ៉ាន,ថ្ងៃចន្ទ ទី៣០ ខែវិច្ឆិកា ឆ្នាំ២០១៥

រាជធានីភ្នំពេញ ៖ ឧកញ៉ា​ទី ពិសិដ្ឋ ពេលនេះ​ត្រូវ​ប្រជាពលរដ្ឋ​រាប់​រយ​គ្រួសារ ឬ​ប្រមាណ​លើ​សពី​៥០០គ្រួសារ ដែល​រស់នៅ​ក្នុង​ភូមិ​ដំណាក់ធំ សង្កាត់ស្ទឹង​មានជ័យ រាជធានីភ្នំពេញ ចោទប្រកាន់​ថា បានរំលោភ​យកប្រឡាយ​បឹងក្រពើ ដោយចាក់ដី​បំពេញ​អស់ទៅ​ហើយ ចាក់ទាំង​យប់​ចាក់ទាំងថ្ងៃ ។

​អ្នក​រស់នៅ​អម​សងខាង​ប្រឡាយ​បឹងក្រពើ ដែល​អ្នកខ្លះថា ជា​កន្ទុយ​បឹងក្រពើ ឃើញរថយន្ត​ដឹក​ដី​ចាក់​បំពេញ​ទាំងយប់​ទាំង​ថ្ងៃ​បែប​នេះ គេ​នាំគ្នា​ប្តឹង ដើម្បីឱ្យ​បញ្ឈប់​ការរំលោភ​ ប៉ុន្តែ​​ពាក្យ​បណ្តឹង​ម្តងហើយ​ម្តងទៀត កប់បាត់​នៅ​កន្លែ​ងទទួល​ ហាក់​ដូចខ្លាច​អំណាច​ឧកញ៉ា ទី ពិសិដ្ឋ ។

អភិបាល​ខណ្ឌ​មានជ័យឆ្លើយថា ឃើញគេ​ចាក់ដីលុប​ដែរ តែ​គាត់​អត់ហ៊ានទេ ។ ចៅ​សង្កាត់​ស្ទឹង​មានជ័យ ក៏ឆ្លើយ​ដូចគ្នា​ដែរ ដោយ​និយាយថា ខ្ញុំ​រដ្ឋអំណាច​ថ្នាក់​ក្រោម មិនហ៊ាន​រារាំង​ការ​រំលោភ​ដ៏​អា​ក្រក់នេះទេ ។

ចំណែក​លោកប្រធាន​ភូមិ​និយាយថា គាត់​ឈឺ​ចាប់​ជាមួយប្រជាជន ប៉ុន្តែ​ធ្វើ​ម៉េច​បើ​គេ​អត់​និយាយជាមួយ​ផង ។ រដ្ឋអំណាច​ភូមិ​ដំណាក់ធំនិយាយថា ប្រឡាយ​​បឹង​ក្រពើ​ដែល​លុប​នេះ មាន​ទំហំជិត​៣ហិកតា​ ដែល​អ្នកភូមិ​រស់​នៅ​អម​សងខាង​ អត់​ហ៊ាន​រំលោភ​ផង​ ស្រាប់តែ​ឧកញ៉ា​ ទី ពិសិដ្ឋ មកពី​សង្កាត់អូរប្ញស្សី​រំលោភ​យកអស់​។

កោះសន្តិភាព​មិន​​ទាន់​ស្វែង​រក​ការ​បំភ្លឺ​ណា​មួយ​ច្បាស់លាស់​បាន​នៅឡើយទេ ទាំងអ្នក​រំលោភ​ ទាំងអ្នក​ឱ្យ​គេរំលោភ ។

គួរកត់សម្គាល់​ថា ប្រឡាយ​បឹង​ក្រពើ​មាន​ប្រវែង​ជាង​៣០០ម៉ែត្រ មិន​មែន​ជា​ស្រះ​ទឹក មិន​មែនជា​អណ្តូង ហើយ​ក៏​មិន​​មែន​កម្ម​សិទ្ធិ​​បុគ្គ​លិក​ឯក​ជន​ណាម្នាក់ឡើយ ។ ដូច្នេះ​ ការ​ចាក់​ដីលុបរំលោភ​យក​ដោយរលូនបែបនេះ មានគេនិយាយពីមាត់​មួយ​ទៅ​មាត់​មួយថា បានបង្កប់​ទៅ​ដោយអំពើ​ពុករលួយរាប់លានដុល្លារ​ ទើបសម្រេច ។

ផ្ទៃដី​ដែលរំលោភ​នេះ មានទំហំដែល​លោក​ម្ចាស់​ថ្លើម​ថ្លៃ​​សុរិយោដីវាស់ប្រគល់​មាន​២៣.២៤៨ម៉ែត្រការ៉េ ដែល​បច្ចុប្បន្ន​​មាន​តម្លៃ​​ហាង​ឆេង​ប្រមាណ​១.០០០​ដុល្លារ ក្នុង​មួយម៉ែត្រ​ការ៉េ ។

នន១

 

រុស្ស៊ី​ជួួ​យ​កម្ពុជា​សង់រោងចក្រ​ថាមពល​នុយក្លេអ៊ែរ

រុស្ស៊ី​ជួួ​យ​កម្ពុជា​សង់រោងចក្រ​ថាមពល​នុយក្លេអ៊ែរ

On

ប្រភពដោយ : ថ្មីៗ​​​   26-11-2015

 

មន្ត្រី​ក្រុមហ៊ុនរដ្ឋ​ទទួល​បន្ទុក​ផ្នែក​ថាមពលនុយ​ក្លេអ៊ែររុស្ស៊ី Rosatom បាន​បញ្ជាក់ថា រុស្ស៊ីនឹងជួយ​កម្ពុជា​កសាងសមត្ថភាពឈាន​ឆ្ពោះទៅ​សាងសង់​រោងចក្រ​ថាមពលនុយក្លេអ៊ែរ​នៅពេលខាងមុខ។ រុស្ស៊ី​នឹង​ផ្តល់​ជំនួយបច្ចេកទេស ស្រាវជ្រាវ និងការ​បំពាក់បំប៉ន​សមត្ថភាព​នានា​ពាក់ព័ន្ធ​នឹងការសាងសង់​រោងចក្រផលិត​ថាមពល​នេះ​ដល់​កម្ពុជា​។

លោក ហ៊ុន សែន ប៉ាវ​អ្នកសិល្បៈ​ឲ្យ​ចូល​សម្តែង​ក្នុង​ព្រះរាជ​ពិធីបុណ្យ​អុំទូក​

លោក ហ៊ុន សែន ប៉ាវ​អ្នកសិល្បៈ​ឲ្យ​ចូល​សម្តែង​ក្នុង​ព្រះរាជ​ពិធីបុណ្យ​អុំទូក​

On

ដោយ : ថ្មីៗ  05-11-2015

 

បើទោះបី​ជាការ​អុំទូក ត្រូវបាន​រំសាយ​ចោល​ក៏ដោយ ប៉ុន្តែ​នា​ព្រះរាជ​ពិធី​នា​ចុងខែ​វិច្ឆិកា ការប្រគំ​តន្ត្រី ជាពិសេស​នៅតាម​ស្ថានីយ៍ទូរទស្សន៍​នានា​នៅ​ដំណើរការ​ដដែល​។ នេះ​បើតាម​ការប្រកាស​របស់​លោកនាយក​រដ្ឋមន្ត្រី ហ៊ុន សែន ក្នុង​ពិធី​សម្ពោធ​គម្រោង​របស់​អង្គការ JICA នៅ​រាជធានី​ភ្នំពេញ​នា​ព្រឹក​ថ្ងៃ​ព្រហស្បតិ៍​នេះ​។​

​លោក ហ៊ុន សែន ប្រកាសថា លោក​នឹង​ប៉ាវ [​ចេញ​លុយ​] ឲ្យ​សិល្បករ​ទាំងអស់​ដែល​ចូលរួម​សម្តែង​នាឱកាស​នោះ​។ លោក​បានលើកឡើង​ពី​ឈ្មោះ ជ័យលាភី Cambodian Idol នី រតនា សៅ ឧ​ត្ត​ម និង​ម៉ៅ ហា​ជី ហើយ​លោក​បាន​សំណូមពរ​ឲ្យ​អតីត​បេក្ខជន​ទាំង​១២​នាក់​ដែល​ឈានចូល​ក្នុង​កម្មវិធី Live Show រួមទាំង​អតីត​បេក្ខជន The Voice Cambodia ចូលរួម​សម្តែង​ផងដែរ​។​
​តារាចម្រៀង​ល្បីឈ្មោះ ព្រាប សុវត្ថិ ឆន សុវណ្ណ​រាជ ណុប បា​យ៉ា​រិ​ទ្ធ មាស សុខ​សោភា ពេជ្រ សោភា ហ៊ឹម ស៊ី​វន នាយ​ក្រឹម នាយ​កុយ នាយ​ពែ​កមី ជាដើម ក៏ត្រូវ​បាន​ប្រមុខ​រដ្ឋាភិបាល​ចុច​ឈ្មោះ​ផងដែរ​៕

 

នគរូបនីយកម្ម និងការដឹកជញ្ជូនសាធារណៈក្នុងទីក្រុង

នគរូបនីយកម្ម និងការដឹកជញ្ជូនសាធារណៈក្នុងទីក្រុង

On

រាជធានីភ្នំពេញនៃកម្ពុជា គឺជាតំបន់ដែលមានការអភិវឌ្ឍខ្លាំងបំផុតនៅក្នុងប្រទេស។ ក្នុងគោលដៅសេដ្ឋកិច្ច និងការអប់រំ មានលំហូរចូលប្រជាជនជាច្រើន មកពីតាមបណ្តាខេត្តនានា ដែលធ្វើអោយរាជធានីមានកំណើនប្រជាជនក្នុង
រយៈពេល១០ ឆ្នាំចុងក្រោយនេះ។

សាលារាជធានីភ្នំពេញ ដាក់ចេញផែនការ៤ចំណុច ដើម្បីកែលម្អប្រព័ន្ធប្រឡាយ-លូបង្ហូរទឹកភ្លៀង កាត់បន្ថយការជន់លិច

សាលារាជធានីភ្នំពេញ ដាក់ចេញផែនការ៤ចំណុច ដើម្បីកែលម្អប្រព័ន្ធប្រឡាយ-លូបង្ហូរទឹកភ្លៀង កាត់បន្ថយការជន់លិច

On

ប្រភព៖ fresh News

 

(ភ្នំពេញ)៖ លោក ប៉ា សុជាតិវង្ស អភិបាលនៃគណៈអភិបាលរាជធានីភ្នំពេញ នៅថ្ងៃទី១៩ ខែវិច្ឆិកានេះ បានសេរសរក្នុង Facebook Page ផ្លូវការរបស់ខ្លួនថា ការងារប្រឡាយ-លូ គឺជាការងារអាទិភាពក្នុងការកសាងហេដ្ឋារចនាសម្ព័ន្ធ របស់សាលារាជធានីភ្នំពេញ ដើម្បីដោះស្រាយ និងកាត់បន្ថយបញ្ហាជន់លិចដោយទឹកភ្លៀង ដូចនេះជាផែនការមេ សាលារាជធានីភ្នំពេញ បានដាក់ចេញនូវផែនការសកម្មភាព ចំនួន៤ចំណុច។

លោក ប៉ា សុជាតិវង្ស បានសរសេរក្នុង Facebook Page របស់លោកទាំងស្រុងថា៖

ជាមួយកិច្ចប្រជុំគណៈកម្មការគ្រប់គ្រង និងដឹកនាំគម្រោងសិក្សាកសាងផែនការមេ កែលម្អប្រព័ន្ធប្រឡាយ-លូបង្ហូរទឹកភ្លៀង និងសំណល់រាវក្នុងរាជធានីភ្នំពេញ សាលារាជធានីភ្នំពេញ សូមដាក់ទិសដៅចំនួន៤ចំណុច៖

១-បន្ស៊ីគ្នារវាងផែនការ របស់សាលារាជធានីភ្នំពេញ ជាមួយផែនការJICA ដើម្បីដាក់ចេញជាផែនការមេមួយ សម្រាប់អភិវឌ្ឍន៍។

២-បន្តកិច្ចការស្តារ កែលម្អ ប្រព័ន្ធប្រឡាយ-លូ ព្រមទាំងយកមកវិញ នូវផ្លូវអមសង្ខាង នៃប្រឡាយនានា។

៣-ធ្វើការកែសម្រួល និងស្ថាបនាឡើងវិញនូវស្ថានីយ៍បូមទឹកនានា ដើម្បីពន្លឿនការបូមឱ្យបានឆាប់រហ័ស។

៤-រៀបចំអាងស្តុកទឹក និងសំណល់រាវឱ្យបានល្អ ដោយត្រូវស្ថាបនា ជាអាងប្រព្រឹត្តិកម្មនៃសំណល់រាវ។

យើងរំពឹងថាឆ្នាំក្រោយ សាលារាជធានីភ្នំពេញ នឹងអាចកាត់បន្ថយបានយ៉ាងលឿន នូវការជន់លិចទឹកភ្លៀង និងបញ្ហាស្ទះលូនានា សូមចូលរួមឱ្យអស់ពីលទ្ធភាពទាំងអស់គ្នា ដើម្បីអនាគតរាជធានីភ្នំពេញរបស់យើង៕

សំរាមតាម ច្រាំងទន្លេ ត្រូវបានអាជ្ញាធរ ខណ្ឌជ្រោយចង្វារ ដឹកនាំកម្លាំង ចុះសំអាត

សំរាមតាម ច្រាំងទន្លេ ត្រូវបានអាជ្ញាធរ ខណ្ឌជ្រោយចង្វារ ដឹកនាំកម្លាំង ចុះសំអាត

On

ដោយៈ ដើមអម្ពិល,Thursday, 19 November

 

 

ram ram1ram2 ram3

ភ្នំពេញ៖ ដោយការមើលឃើញពី ផលប៉ះពាល់ផ្នែក បរិស្ថាន លោក ឃ្លាំង ហួត អភិបាលនៃគណៈអភិបាលខណ្ឌ ជ្រោយចង្វារ បានបើកយុទ្ធនាការ ដឹកនាំកម្លាំង  ចុះរើសសំរាម នៅតាមទីសាធារណៈ ពិសេសនៅតាមច្រាំងទន្លេ ចាប់ពីរស្ពាន
ជ្រោយចង្វារ ទៅដល់សណ្ឋាគារសុខា នៅវេលាម៉ោង០៧និង៣០នាទីថ្ងៃទី១៩ ខែ វិច្ឆិកា ឆ្នាំ ២០១៥។ ស្ថិតនៅសង្កាត់ជ្រោយចង្វារ ខណ្ឌជ្រោយចង្វារ  ដោយជួបជុំគា្ននៅក្បែរសួនច្បារ ជ្រោយចង្វារ ដើម្បីសំអាតបរិស្ថាន អបអរសាទរបុណ្យ អុំទូកអកអំបុក និងសំពះព្រះខែ ដែលប្រព្រឹត្ត ទៅនៅពេលខាងមុខនេះ ។

ការចុះសំអាត និងរើសសំរាម ខាងលើនេះ មានការអញ្ជើញចូលរូម លោក ឃ្លាំង ហួត អភិបាលខណ្ឌជ្រោយចង្វារ ព្រមទាំងមានការចូលរួមពីសមាជិកក្រុមប្រឹក្សាខណ្ឌ អភិបាលរងខណ្ឌ កម្លាំង នគរបាលខណ្ឌ  កម្លាំងកងរាជអាវុធហត្ថខណ្ឌ មន្ត្រីសាលាខណ្ឌ ក្រុមប្រឹក្សាសង្កាត់ មន្ត្រីសង្កាត់ ប្រជាការពារ យុវជន(សសយក) ខណ្ឌ យុវជនកាកបាទក្រហមសង្កាត់ យុវជនកាយរិទ្ធិសង្កាត់ ចូលរួមសរុបប្រមាណ២០០នាក់ ដោយធ្វើរយះពេលមួយព្រឹក ។

គួរបញ្ជាក់ថា ចំពោះការសំអាត បរិស្ថាននេះគឺ មានឡានដឹកសំរាម មួយគ្រឿងរបស់ក្រុមហ៊ុន ស៊ិនទ្រី បានចូលរួមសហការ ដើម្បីដឹកសំរាម ដែលប្រមូលបាននោះយកទៅចាក់ចោល នៅទីលានចាក់សំរាមផងដែរ ។

លោក ឃ្លាំងហួត អភិបាលខណ្ឌជ្រោយចង្វារបានឱ្យដឹងថា យើងរៀបចំសំអាតបរិស្ថានថ្ងៃនេះ គឺគោល បំណងដើម្បីក្រើនរំលឹក ដល់បងប្អូនប្រជាពលរដ្ឋ ដែលរស់តាមដងផ្លូវសំខាន់ៗក៏ដូចជាទីប្រជុំជននានា ពិសេសនៅមានទន្លេ ឱ្យពួកគាត់យល់ដឹង កុំឱ្យបោះសំរាមចោលផ្តេសផ្តាសហើយត្រូវវេចខ្ចប់ឱ្យបានត្រឹមត្រូវ ចៀសវាងបោះសំរាមចោលពាសវាលពាសកាល នាំឱ្យប៉ះពាល់ដល់បរិស្ថាន ។

លោកបន្តថា កន្លែងនេះជាបេះដូងនៃតំបន់ជ្រោយចង្វារ ដូច្នេះត្រូវមានបរិស្ថានស្អាតជាននិច្ច លោកក៏បានឱ្យដឹងផងដែរថា នៅទូទាំងរាជធានី ភ្នំពេញសាលារាជធានីបានណែនាំនិងបានកំណត់ម៉ោងឱ្យពួកគាត់យកសំរាមមកដាក់ មុខផ្ទះ ដើម្បីឱ្យក្រុមហ៊ុនសិុនទ្រី ប្រមូលដឹកយកទៅចាក់ចោលកន្លែងមានសុវត្ថិភាព តែពួកគាត់មិនបានធ្វើតាមនោះទេ ។

លោកក៏បានសំណូមពរឱ្យបងប្អូន …