ស្ពានអាកាស និងផ្លូវក្រោមដីតិចណូ នឹងសម្ពោធដាក់ឲ្យប្រើប្រាស់ជាផ្លូវការ នៅថ្ងៃទី៥ ខែមករា ខាងមុខនេះ

ស្ពានអាកាស និងផ្លូវក្រោមដីតិចណូ នឹងសម្ពោធដាក់ឲ្យប្រើប្រាស់ជាផ្លូវការ នៅថ្ងៃទី៥ ខែមករា ខាងមុខនេះ

On

ប្រភព៖ business-cambodia.com ថ្ងៃទី២១ ធ្នូ ២០១៥

ភ្នំពេញ៖ ស្ពានអាកាស និងផ្លូវក្រោមដីតិចណូ នឹងសម្ពោធដាក់ឲ្យប្រើប្រាស់ជាផ្លូវការ នៅព្រឹកថ្ងៃទី៥ ខែមករា ឆ្នាំ ២០១៦ ខាងមុខនេះ ក្រោមអធិបតីភាពរបស់សម្តេចតេជោ ហ៊ុន សែន នេះបើយោងតាមប្រភពសារពត៌មាន CEN។
កាលពីថ្ងៃទី ២១ ខែវិច្ឆិកា ឆ្នាំ២០១៥ កន្លងទៅនេះ សាលារាជធានីភ្នំពេញបានដាក់ឲ្យប្រើប្រាស់ជាបណ្ដោះអាសន្ន ស្ពានអាកាសតិចណូ ក្រោមអធិបតីភាពអភិបាលក្រុង ប៉ា សុជាតិវង្ស ។
ស្ពានអាកាសតិចណូ ដែលជាស្ពានអាកាសទី៤ សាងសង់ដោយក្រុមហ៊ុនវិនិយោគទុនអាណិកជនកម្ពុជា (OCIC) ត្រួតពិនិត្យបច្ចេកទេសដោយមន្ទីរសាធារណការ និងដឹកជញ្ជូនរាជធានីភ្នំពេញ ដោយប្រើ រយៈពេលសាងសង់១៦ខែ តែបានបញ្ចប់ការសាងសង់មុនពេលកំណត់ និងចំណាយថវិកាសាងសង់ប្រមាណជាង ១៤លានដុល្លារអាមេរិក។
គួរបញ្ជាក់បន្ថែមដែរថា ស្ពានអាកាស និងផ្លូវក្រោមដីតិចណូ មានស្ពានអាកាសមេប្រវែង ៣៨២ម៉ែត្រ ទទឹង ១៥.៨ម៉ែត្រ ផ្លូវក្រោមដីមានប្រវែង ៣៥៦ម៉ែត្រ ទទឹងពី ៦ ទៅ ៨ម៉ែត្រ ផ្លូវអមស្ពានប្រវែងសរុប ៨២៥ម៉ែត្រ ទទឹង ៥.៥ ម៉ែត្រ ស្ថិតនៅប្រសព្វមហាវិថីសហព័ន្ធរុស្ស៊ី មហាវិថីគីមអ៊ីលស៊ុង និងមហាវិថីម៉ៅសេទុង ត្រង់ប្រសព្វគ្នាត្រង់ភ្លើងស្តុបតិចណូ។
បើតាមសាលារាជធានីបានបញ្ជាក់ថា ស្ពាននេះ នឹងមិនមែនជាស្ពានចុងក្រោយទេ ហើយជាងនេះទៅទៀត ដើម្បីកាត់បន្ថយការកកស្ទះចរាចរណ៍ សាលារាជធានីភ្នំពេញ នឹងធ្វើការកែលម្អប្រព័ន្ធចរាចរណ៍ ស្ពានអាកាសក្បាលថ្នល់ ចំនុចប្រសព្វស្តុបកាណាឌីយ៉ា ស្ពានអាកាសស្តុបទឹកថ្លា និងចំនុចប្រសព្វស្តុបផ្សារដើមគជាដើម៕

ថ្ងៃនេះ​ប្រជាពលរដ្ឋ​សម្រុក​​ទៅ​ប្រឡង​ធ្វើ​ប័​ណ្ណបើកបរ​ម៉ូតូ​ចំនួន​៣១៦​នាក់កើន​ទ្វេ​ដង​

ថ្ងៃនេះ​ប្រជាពលរដ្ឋ​សម្រុក​​ទៅ​ប្រឡង​ធ្វើ​ប័​ណ្ណបើកបរ​ម៉ូតូ​ចំនួន​៣១៦​នាក់កើន​ទ្វេ​ដង​

On

ប្រភពដោយ ៖ កាសែតកោះសន្តិភាព ដោយ៖ ចន ណារិទ្ធ ថ្ងៃចន្ទ ទី២១ ខែធ្នូ ឆ្នាំ២០១៥

ក្នុង​រយៈពេល​ប៉ុន្មាន​ស​ប្តា​ហ៏​កន្លង​មកនេះ​ បន្ទាប់​ពី​ក្រសួងមហាផ្ទៃ​បាន​ប្រកាសច្បាប់​ចរាចរណ៍​ថ្មី នឹង​ត្រូវ​ចាប់ផ្តើម​អនុវត្ត​នៅ​ថ្ងៃ​ទី​១ ​ខែមករា​ ​ឆ្នាំ​២០១៦​នា​​ពេល​ខាង​មុខ​នេះ ប្រជាពលរដ្ឋ​បាន​នាំ​គ្នា​​សម្រុក​​ទៅ​ធ្វើ​ប័​ណ្ណបើកបរ​យានយន្ត​គ្រប់​ប្រភេទ​យ៉ាងច្រើន​កុះករខុស​ប្លែក​ពី​ធម្មតា។ ជា​ពិសេស​ចាប់ពី​ថ្ងៃ​ទី​១ ​ធ្នូ ​រហូត​មក​ដល់​ពេល​នេះ ​មានការ​កើនឡើង​ទ្វេ​ដង បើ​ប្រៀបធៀប​ទៅ​នឹង​ថ្ងៃ​ធម្មតា​នា​ពេល​មុន​ៗ ។

លោក​ មាស ច​ន្ថា ប្រធាន​អង្គភាព​ផ្តល់​ប័​ណ្ណ​បើកបរ និង​សុវត្ថិភាព​ចរាចរ​ណ៍ផ្លូវគោកនៃ​មន្ទីរ​សាធារណៈការ ​និង​ដឹក​ជញ្ជូន​រាជធានី​ភ្នំពេញ ​បាន​ឲ្យ​ដឹង​ថា ក្នុង​រយៈពេល​ប៉ុន្មាន​ស​ប្តា​ហ៏​ចុង​ក្រោយ​នេះ ប្រជាពលរដ្ឋ​បាន​នាំ​គ្នា​សម្រុក​​ទៅ​ធ្វើ​ប័​ណ្ណបើកបរ​ទោចក្រយានយន្ត​ និង​ប័​ណ្ណបើកបរ​យានយន្ត​យ៉ាងច្រើន​កុះករខុស​ប្លែកពី​ធម្មតា ដោយ​ពី​មុន​មាន​ត្រឹមតែ​ជាង​១០០​នាក់ ប៉ុន្តែ​ឥឡូវ​មាន​រហូត​ដល់​ទៅ​ជិត​៣០០នាក់​ក្នុង​មួយ​ថ្ងៃ នេះ​ជា​ចំនួន​មួយ​ដែល​មិន​ធ្លាប់​មាន​ពី​មុន​មក ។

ជាក់ស្តែង​នៅ​ព្រឹក​ថ្ងៃ​ទី​២១ ​ធ្នូ​ ២០១៥​ នេះ ប្រជាពលរដ្ឋ​ក្នុង​រាជធានី​ភ្នំពេញ បាន​នាំ​គ្នា​ទៅ​ប្រឡ​ង​ធ្វើ​ប័​ណ្ណបើកបរ​ម៉ូតូ​ចំនួន​៣១៦​នាក់កើន​ទ្វេ​ដង បន្ទាប់​ពី​ច្បាប់​ចរាចរណ៍​ថ្មី​គ្រោង​ចាប់ផ្តើម​អនុវត្តន៍​នៅ​ថ្ងៃ​ទី​១ ​ខែមករា​ ​ឆ្នាំ​២០១៦​ ​ខាង​មុខ​នេះ ។ លោក​បាន​បន្ត​ថា បន្ទាប់​ពី​អគ្គស្នង​ការ​នគ​បាល​ជាតិបានដាក់​បទបញ្ជា​តឹង​រឹង​ដល់​ស្នងការដ្ឋាន​នគរបាល​រាជធានី/ខេត្ត​ទាំង​២៥ ដែល​នឹង​អនុវត្តន៍​ចាប់ពី​ថ្ងៃ​ទី១​ ខែមករា​ ខាង​មុខ​នេះ​ ។

លោក​ មាស ច​ន្ថា ​បាន​ឲ្យ​ដឹង​ទៀត​ថា ចាប់ពី​ឆ្នាំ​២០០៧ ​ដល់​ឆ្នាំ​២០១៥​នេះ​ អ្នក​ដែល​បាន​ទៅ​ធ្វើ​ប័​ណ្ណ​បើកបរ​នៅ​ទូ​ទាំង​រាជធានី​ភ្នំពេញ ​សម្រាប់​​ប័​ណ្ណ​បើកបរម៉ូតូ​មាន​ចំនួន​៦៩.០២០ និង​ប័ណ្ណបើកបររថយន្ត​មាន​ចំនួន​១១២.០៨៧ ។ ​ចំពោះ​អ្នក​ដែល​ចុះ​ឈ្មោះ​ក្នុង​ការ​ប្រឡងយក​ប័​ណ្ណ​បើកបរ​បាន ត្រូវ​ភ្ជាប់​មក​ជាមួយ​នូវអត្តសញ្ញាណ​ប័​ណ្ណ​សៀវភៅ​គ្រួសារ​ ឬសំបុត្រ​កំណើត ហើយ​មានការ​បញ្ជាក់​ពី​សាលាបង្រៀន​បើកបរ​ផង​ដែរ ។

គួរ​រំលឹក​ថា កាលពី​ពេល​ថ្មី​ៗ​កន្លង​មកនេះ ក្នុង​ពិធី​ប្រជុំ​ផ្សព្វផ្សាយ​ផែនការ​ពង្រឹង​ការ​អនុវត្ត​ច្បាប់​ស្តី​ពី​ចរាចរណ៍​ផ្លូវគោក​ថ្មី​ដល់​នាយកដ្ឋាន​នគរបាល​ចរាចរណ៍​ និង​សណ្តាប់​ធ្នាប់​សាធារណៈ និង​ស្នងការដ្ឋាន​នគរបាល​រាជធានី/ខេត្ត នៅ​ទីស្តីការ​អគ្គស្នងការដ្ឋាន​នគរបាល​ជាតិ ​លោក​ឧត្តម​សេនី​យ៏​ឯក ហ៊ឹ​ម យ៉ា​ន អគ្គស្នងការ​រង​នគរបាល​ជាតិ​បាន​បញ្ជា​ទៅ​កាន់​កម្លាំង​នគរបាល​ទូ​ទាំង​ប្រទេស​ថា សម្រាប់​ការ​អនុវត្ត​ច្បាប់​ចរាចរណ៍​ថ្មី​ឆ្នាំ​២០១៦ ខាង​មុខ​នេះ កម្លាំង​នគរបាល​ទាំងអស់ ត្រូវ​កែ​លម្អ​ឥរិយា​បទ​នៅ​ពេល​ចុះ​ប្រតិបត្តិការដោយ​ប្រកាន់ខ្ជាប់នូវ​សីលធម៌ វិន័យ ហើយ​ត្រូវ​ដោះស្រាយ​បញ្ហា​ប្រឈម ឱ្យ​បាន​ទាន់​ពេលវេលា ជា​ពិសេស​ត្រូវ​បញ្ឈប់​ការ​ផាកពិន័យ​នៅ​តាម​ដងផ្លូវ មក​ធ្វើការ​ពិន័យ​នៅ​តាម​អង្គភាព​តែ​ម្តង ៕ ​

ក្រុមហ៊ុនអភិវឌ្ឍន៍ ING Holding ប្រើល្បិចបំពានដីប្រជាពលរដ្ឋ សង្កាត់ជើងឯក ខណ្ឌដង្កោ

ក្រុមហ៊ុនអភិវឌ្ឍន៍ ING Holding ប្រើល្បិចបំពានដីប្រជាពលរដ្ឋ សង្កាត់ជើងឯក ខណ្ឌដង្កោ

On

ប្រភពដោយ Fresh News ថ្ងៃទី19 ខែធ្នូ ឆ្នាំ២០១៥

ក្រុមហ៊ុនអភិវឌ្ឍន៍បឹងទំពុន ING Holding បានប្រើល្បិចបំពានលើដីប្រជាពលរដ្ឋ ដោយការកុហកប្រាប់ម្ចាស់ដីឲ្យ ចេញពីផ្ទះដើម្បី ទៅដោះស្រាយ នៅនឹងសាលាខណ្ឌ ប៉ុន្តែបែរជាលួចនាំកម្មករចូលមកចាក់លើដីទំនាស់ ដែលម្ចាស់មិនមានវត្តមាន។

ភាពមិនស្មោះត្រង់ក្នុងវប្បធម៌សន្ទនា ដើម្បីរកយុត្តិធម៌នេះ បានកើតឡើងនៅថ្ងៃទី១៨ ខែធ្នូ ឆ្នាំ២០១៥នេះ លើក្រុមគ្រួសារម្ចាស់ដីឈ្មោះ ចាន់ កុកស្រ៊ុន នៃភូមិព្រែកថ្លឹង សង្កាត់ជើងឯក ខណ្ឌដង្កោ រាជធានីភ្នំពេញ ដែលជាឪពុកលោក គឹម ទៀង បុគ្គលិក Apsara Net របស់ទូរទស្សន៍អប្សរា​ ដែលជាកម្មវិធីព័ត៌មានមួយដ៏ល្បី ដែលធ្លាប់បានជួយដល់ ប្រជាពលរដ្ឋជាច្រើន ប៉ុន្តែនៅពេលនេះត្រូវបានរងគ្រោះវិញហើយ។​ ភាពមិនស្មោះត្រង់ ក្នុងវប្បធម៌សន្ទនានេះហើយ បានធ្វើឲ្យកេរ្តិ៍ឈ្មោះក្រុមហ៊ុន ING Holding ដែលមានថ្នាក់ឧកញ៉ានៅពីក្រោយ ត្រូវគេឃើញថា បានរងឥទ្ធិពល សាបរលាប និងបាត់បង់ការជឿជាក់ពីប្រជាពលរដ្ឋ។

គួររំលឹកថា ក្រុមហ៊ុនអភិវឌ្ឍន៍បឹងទំពុន ING Holding បានធ្វើកិច្ចសន្យាមួយជាមួយរាជរដ្ឋាភិបាល ដើម្បីកសាងផ្លូវថ្មីឈ្មោះ «មហាវិថីសម្តេចតេជោ» ដែលមានទទឹង៦០ម៉ែត្រ និងបណ្តោយប្រវែងជាង៩ គីឡូម៉ែត្រ ភ្ជាប់ពីផ្លូវលេខ២៧១ ក្បាលថ្នល់ ឆ្ពោះទៅកាន់ផ្លូវជាតិលេខ ២ ក្នុងសង្កាត់ព្រែកហូរ ក្រុងតាខ្មៅ ខេត្តកណ្តាល។

យោងតាមអាជ្ញាធរក្រុមហ៊ុន គឺត្រូវដោះស្រាយ រាល់ការប៉ះពាល់នានាដែលពាក់ព័ន្ធ នឹងដីជាកម្មសិទ្ធិរស់នៅ របស់ប្រជាជន ប៉ុន្តែក្រុមហ៊ុនអភិវឌ្ឍន៍ បឹងទំពុន ING Holding មិនបានធ្វើតាមដូចបានសន្យាជាមួយនឹងរាជរដ្ឋាភិបាលឡើយ។ កាលពីម្សិលមិញក្រុមហ៊ុន បានបញ្ជាកម្មករឲ្យចូល បំពានលើដីនោះផងដែរ ប៉ុន្តែដោយសារភាពមុះមុត តបតរបស់ម្ចាស់ដី បានធ្វើឲ្យការប៉ុនប៉ងនោះបរាជ័យ។

តំណាងក្រុមហ៊ុនបានព្រមានថា គេនឹងបន្តធ្វើកិច្ចការចាក់ផ្លូវនេះ ដោយមិនរវល់នឹងការតវ៉ា ពីប្រជាជនជាម្ចាស់ដីនោះឡើយ។ នៅថ្ងៃទី១៨ ខែធ្នូនេះ ជាមួយនឹងការប្រើល្បិច ឲ្យម្ចាស់ដីចេញទៅក្រៅដោយនិយាយថា នឹងដោះស្រាយដីទំនាស់ នៅនឹងសាលាខណ្ឌដង្កោ ស្រាប់តែក្រុមហ៊ុនដែល មានឧកញ៉ាសម្បូរទ្រព្យនៅពីក្រោយ បានប្រើកម្លាំងកម្មករចាក់ដី រំលោភបំពានលើទ្រព្យសម្បត្តិ ក្រុមគ្រួសាររបស់លោក ចាន់ កុកស្រ៊ុន។

ការបង្កហេតុ …

សាលា​រាជធានី​​ភ្នំពេញ​​បាន​និង​​កំពុង​ដំណើរការ​សាងសង់​ស្ថានីយ​បូមទឹក​បឹង​ត្របែក​ថ្មី​

សាលា​រាជធានី​​ភ្នំពេញ​​បាន​និង​​កំពុង​ដំណើរការ​សាងសង់​ស្ថានីយ​បូមទឹក​បឹង​ត្របែក​ថ្មី​

On

ប្រភព ៖ កោះសន្តិភាព ដោយ៖ ចន ណារិទ្ធ

ថ្ងៃអង្គារ ទី១៥ ខែធ្នូ ឆ្នាំ២០១៥ ម៉ោង ១៥:៥៤

រាជធានី​ភ្នំពេញ ៖ មន្ត្រី​សាលា​រាជធានី​ភ្នំពេញ​បាន​ឲ្យ​ដឹង​ថា ​ដោយ​ទទួល​បាន​គោលការណ៍​ពី​សម្តេច​អគ្គមហាសេនាបតី​តេ​ជោ ហ៊ុន សែន នាយក​រដ្ឋមន្ត្រី​នៃ​ព្រះរាជាណាចក្រ​កម្ពុជា សាលា​រាជធានី​ភ្នំពេញ​បាន​និង​កំពុង​ដំណើរការ​សាងសង់​ស្ថានីយបូមទឹក​បឹង​ត្របែក​ថ្មី ដែល​បំពាក់​ម៉ូ​ទ័​រ​បូមទឹក​សរុប១១​គ្រឿង ក្នុង​នោះ ម៉ូ​ទ័​រ​ទំហំ១​ម៉ែត្រ​ចំនួន​៥​គ្រឿង និង​ទំហំ ០.៨​ម៉ែត្រ​ ចំនួន៦​គ្រឿង មាន​សមត្ថភាព​បូមទឹក​សរុប៨៤,០០០​ម៉ែត្រ​​គូប​ក្នុង​១​ម៉ោង ត្រូវជា២៣.៣​ម៉ែត្រ​​គូប​ក្នុង​១​វិនាទី ​។

ស្ថានីយ៍​បូមទឹក​ថ្មីនេះ​ នឹង​ដោះស្រាយ​​បញ្ហា​ទឹក​លិច​នៅ​តំបន់​ភូមិសាស្ត្រ​ខណ្ឌចំការមន ខណ្ឌ៧​មក​រា និង​ខណ្ឌ​​ដូនពេញ​​ ៕

ផែនការមេ ថ្មីនៃរាជធានីភ្នំពេញត្រូវបានអនុម័ត

ផែនការមេ ថ្មីនៃរាជធានីភ្នំពេញត្រូវបានអនុម័ត

On
ប្រភព: Cambodia daily, ដោយ៖ គុជ ណារែន ថ្ងៃទី ១២​ ខែធ្នូ ឆ្នាំ២០១៥

ទីស្រ្ដីការគណៈរដ្ឋមន្រ្តីបានសម្រេចឲ្យប្រើប្រាស់ផែនការប្លង់មេនៃការអភិវឌ្ឍន៏រាជធានីភ្នំពេញ កាលពីម្សិលមិញ។ ផែនការនេះសម្រាប់ការអភិវឌ្ឍន៍ទីក្រុងនៅក្នុងរាជធានីភ្នំពេញសម្រាប់២០ឆ្នាំទៅមុខទៀត នេះបើយោងតាមសេចក្ដីប្រកាសពីអ្នកតំណាង។

នៅក្នុងសេចក្ដីប្រកាស ឯកឧត្តម ប៉ា សុជាតិវង្ស អភិបាលនៃគណៈអភិបាលរាជធានីភ្នំពេញ បានមានប្រសាសន៍ថា “ផែនការប្លង់មេនៃការអភិវឌ្ឍន៏រាជធានីភ្នំពេញទៅលើការប្រើប្រាស់ដីសម្រាប់ឆ្នាំ២០៣៥”ថ្មីនេះ មានគោលបំណងដើម្បីដោះស្រាយទៅលើបញ្ហាកំណើនប្រជាជន និង ទៅលើការកើនឡើននូវគម្រោងសំណង់នានា ដែលកើតឡើងដោយសារកំណើនមនុស្ស ពី មួយភាគបី ទៅកាន់ការប៉ាន់ប្រមាណប្រហែល៣លាន នៅក្នុងឆ្នាំ២០២០។

ឯកឧត្តម ប៉ា សុជាតិវង្ស បានមានប្រសាសន៍ថា “រាជធានីភ្នំពេញបានវិវឌ្ឍទៅតាមផ្លូវមួយដែលហួសពីការរំពឹងទុក”។ លោកបានបន្ដថា “ថ្ងៃនេះ [រាជធានី] បានជួបប្រទះរបត់ជាច្រើនដូចជា កំណើនប្រជាជន ដែលបានកើនដល់២,៣៤ភាគរយ និង កំណើននគរូបនីយកម្ម សំណង់ធំៗ និង ការកើនឡើងនូវមធ្យោបាយធ្វើដំណើរ ដែលបានធ្វើឱ្យមានបញ្ហាចរាចរណ៍ និងបញ្ហាបរិស្ថាន ដែលគួរកត់សម្គាល់”។ លោកក៏បានបន្តទៀតថា “ផែនការមេនេះនឹងផ្ដោតទៅលើការអភិវឌ្ឍន៍ទៅលើហេដ្ឋារចនាសម្ព័ន្ធធំៗ ដែលរួមបញ្ចូលទាំង ផ្លូវ ប្រព័ន្ធលូ ប្រព័ន្ធទឹកស្អាត បឹង កំពង់ផែ អាកាសយានដ្ឋាន សួនច្បារ និងទីលំហរបៃតង ក៏ដូចជា  ច្បាប់លំនៅដ្ឋាន និងការការពារបេតិកភណ្ឌទីក្រុង”​។

ទោះបីជា លោកពុំអាចពន្យល់ឱ្យបានស៊ីជម្រៅទៅលើផែនការនោះបាន ក៏លោក ឡុង ឌីម៉ង់ អ្នកនាំពាក្យរបស់សាលារាជធានីភ្នំពេញ បានមានប្រសាសន៍ថា ផែនការនេះជាផែនការដំបូងបន្ទាប់ពីការធ្លាក់ក្រោមរបរប្រល័យពូជសាសន៍ ហើយផែនការនេះទៀតសោតគួរតែផ្ដោតទៅលើ “ការកំណត់ទីតាំង” របស់រាជធានី។ ន ក៏លោក ឡុង​ឌីមើផែនការនោះបានទេ ងទីលំហរបៃតង ារចនាសម្ព័ន្ធធំៗ ដែលរួមបញ្ចូលទាំង ផ្លូវ ប្រព័ន្ធលូ ប្រព័ន្ធទឹកស្អាត បឹង កំពង់ផែ អាកាមមថ

លោក ឡង់ ឌីម៉ង់ បានប្រសាសន៍ថា “ផែនការមេនេះ គឺជាឯកសារផ្លូវច្បាប់ ដែលគូសបញ្ជាក់ពីការរៀបចំរាជធានី។ វាពិតមានសារៈសំខាន់ខ្លាំងណាស់ក្នុងការមានផែនការមេ ដើម្បីធានា និរន្តរភាព និងធានាឲ្យបាននូវអត្តសញ្ញាណ [ទីក្រុង] ក៏ដូចជា ឆ្លើយតបទៅនឹងកំណើនប្រជាជន”។ …

ការ​ចត​យានយន្ត​លើ​ផ្លូវ​សាធារណៈ ​រួម​ចំណែក​ធ្វើ​ឲ្យ​កក​ស្ទះ​ចរាចរណ៍​

ការ​ចត​យានយន្ត​លើ​ផ្លូវ​សាធារណៈ ​រួម​ចំណែក​ធ្វើ​ឲ្យ​កក​ស្ទះ​ចរាចរណ៍​

On
ប្រភព៖ RFI,ដោយ អ៊ឹម រចនា,ផ្សាយ​ថ្ងៃ 14/12/2015

បញ្ហា​កក​ស្ទះ​ចរាចរណ៍​ ​នៅ​តែ​ជា​បញ្ហា​ដែល​មិន​ទាន់​អាច​ដោះស្រាយ​បាន​នៅ​ឡើយ ​សម្រាប់​រាជធានី​ភ្នំពេញ ​បេះដូង​នៃ​ព្រះរាជា​ណាច​ក្រ​កម្ពុជា។ ​មាន​មូលហេតុ​សំខាន់​ៗ​មួយ​ចំនួន​ដែល​ធ្វើ​ឲ្យ​ចរាចរណ៍​កកស្ទះ ​ប៉ុន្តែ​កត្តា​ដែល​សំខាន់​មួយ​ក្នុង​ចំណោម​នោះ​ គឺ​ការ​ចត​យានយន្ត​នៅ​លើ​ផ្លូវ​សាធារណៈ។