សាលាខណ្ឌចំការមនបានសហការជាមួយ អង្គភាពលូទឹក បានចុះមកកាយលូ

សាលាខណ្ឌចំការមនបានសហការជាមួយ អង្គភាពលូទឹក បានចុះមកកាយលូ

On

ដោយសាលារាជធានីភ្នំពេញ ថ្ងៃទី០៨ ខែធ្នូ ឆ្នាំ២០១៥

នៅព្រឹក ថ្ងៃទី 08.12.2015 សាលាខណ្ឌចំការមនបានសហការជាមួយ អង្គភាពលូទឹក បានចុះមកកាយលូនៅផ្លូវ 488 សង្កាត់ផ្សារដើមថ្កូវ។ ដោយកន្លងមក នៅផ្លូវលេខ 488 កែងផ្លូវលេខ 105 នេះមានការបាក់ស្រុតលូ បណ្តាលអោយស្ទះលូ តាមបណ្តោយផ្លូវលេខ 488នេះ និងដោយមានសំណូមពរពីប្រជាពលរដ្ឋ។ បច្ចុប្បន្នអង្គភាពលូទឹក កំពុង ធ្វើការកាយ និងជួសជុលឡើងវិញ។

រដ្ឋបាលខណ្ឌសែនសុខបានដាក់គ្រឿងចក្រចុះកាយស្តារប្រឡាយ

រដ្ឋបាលខណ្ឌសែនសុខបានដាក់គ្រឿងចក្រចុះកាយស្តារប្រឡាយ

On

ដោយ សាលារាជធានីភ្នំពេញ ថ្ងៃទី០៨ ខែធ្នូ ឆ្នាំ២០១៥ 

រដ្ឋបាលខណ្ឌសែនសុខបានដាក់គ្រឿងចក្រចុះកាយស្តារប្រឡាយស្ថិតនៅភូមិសែនសុខទី៤ និងភូមិសែនសុខទី៥ សង្កាត់ឃ្មួញ ខណ្ឌសែនសុខ រាជធានីភ្នំពេញ សម្រេចបានប្រវែង ៤៦០ម៉ែត្រ ក្នុងរយៈពេល ០៥ថ្ងៃកន្លងមកហើយ ដើម្បីជួយសម្រួលចរន្តទឹកហូរកុំអោយមានការកកស្ទះនៅតំបន់ផ្នែកខាងលើ ៕

សាលារាជធានីភ្នំពេញ's photo.

ខ្សែកាប្លិ៍អាកាស តាមមហាវិថី ៥ នឹងត្រូវទម្លាក់ មកកប់ក្រោមដី

ខ្សែកាប្លិ៍អាកាស តាមមហាវិថី ៥ នឹងត្រូវទម្លាក់ មកកប់ក្រោមដី

On

ភ្នំពេញ៖ អាជ្ញាធររាជធានីភ្នំពេញ បានបើកកិច្ចប្រជុំកាលពីម្សិលមិញនេះ ស្តីពីការទម្លាក់ខ្សែកាប្លិ៍អាកាស មកកប់ក្នុងដី

សាលា​​ក្រុង​គ្រោង​​សង់​ផ្លូវ​ល្បឿន​លឿន​រត់​ស្រប​ពី​លើ​ផ្លូវ​រថភ្លើង ​​​ពី​ក្ដាន់​ពីរ​ទៅ​​ប្រលានយន្តហោះ

សាលា​​ក្រុង​គ្រោង​​សង់​ផ្លូវ​ល្បឿន​លឿន​រត់​ស្រប​ពី​លើ​ផ្លូវ​រថភ្លើង ​​​ពី​ក្ដាន់​ពីរ​ទៅ​​ប្រលានយន្តហោះ

On

ដោយ៖ Khmerpress ,December 4, 2015

រាជធានី​ភ្នំពេញ៖ ​ឯកឧត្ដម ប៉ា សុជាតិវង្ស អភិបាល​នៃ​គណៈ​អភិបាល​រាជធានី​ភ្នំពេញ បាន​អនុញ្ញាត​ឲ្យ​ក្រុមហ៊ុន Henan Provincial
Communications Planning Survey and Design Institute Co.,Ltd

ផ្ទុះ​ប្រតិកម្ម​ដូច​ព្យុះសង្ឃរា ជុំវិញ​ការ​យក​លុយ​ពី​រថយន្ត​គ្រួសារ​នៅ​បញ្ជរ​បង់ប្រាក់​ផ្លូវ​វេ​ង​ស្រេង

ផ្ទុះ​ប្រតិកម្ម​ដូច​ព្យុះសង្ឃរា ជុំវិញ​ការ​យក​លុយ​ពី​រថយន្ត​គ្រួសារ​នៅ​បញ្ជរ​បង់ប្រាក់​ផ្លូវ​វេ​ង​ស្រេង

On
ប្រភព៖ កោះសន្តិភាព,ដោយ៖ យន់ ស៊ីថា, ថ្ងៃទី១ខែធ្នូឆ្នាំ២០១៥

យានយន្ត​គ្រប់​ប្រភេទ​បាន​​កកស្ទះ​ណែនណាន់តាន់តាប់​ តាំងពី​ព្រឹក​ព្រលឹមចាប់ពី​ស្តុ​ប​លូ​៥ ​រហូត​ដល់​បញ្ជរ​បង់​ប្រាក់ ។ អ្វី​ដែល​បង្ក​ឱ្យ​មានការ​កកស្ទះ​យា​ន​យន្ត​នោះ គឺ​ការ​អនុវត្ត​តម្រូវ​ឱ្យ​រថយន្ត​ទេសចរណ៍​តូច (​រថយន្ត​គ្រួសារ​) ត្រូវ​បង់លុយ​ឆ្លង​កាត់​​ក្នុង​តម្លៃ​១១០០​រៀល ។

ក្រសួងបរិស្ថានជំរុញឲ្យពលរដ្ឋកាត់បន្ថយការប្រើប្រាស់ថង់ប្លាស្ទីក​

ក្រសួងបរិស្ថានជំរុញឲ្យពលរដ្ឋកាត់បន្ថយការប្រើប្រាស់ថង់ប្លាស្ទីក​

On
ប្រភព​៖​ VOD, ដោយ៖​ លី បេឡា​ | ថ្ងៃសុក្រ ទី27 វិច្ឆិកា 2015

vod.1jpg vod

ក្រសួងបរិស្ថានបានជំរុញឲ្យប្រជាពលរដ្ឋធ្វើការកាត់បន្ថយនូវ​ការប្រើប្រាស់ថង់ប្លាស្ទីក ព្រោះវាជាសារធាតុមិនរលាយដែលអាចបង្កផលប៉ះពាល់ដល់បរិស្ថាន​យ៉ាងធ្ងន់ធ្ងរ។

ការលើកឡើងបែបនេះនៅក្នុងយុទ្ធនាការបញ្ឈប់ការប្រើថង់ប្លាសី្ទកធ្វើឡើងនៅ​ខាងមុខវត្តបទុមតីនៅថ្ងៃទី២៧ ​ខែវិច្ឆិកានេះដែលមានការចូលរួមពីអង្គការ​យូណេស្កូ​ប្រចាំកម្ពុជា​ ក្រសួង​បរិស្ថាន ក្រសួង​​ទេសចរណ៍ គណៈ​កម្មា​ធិ​ការ​ជាតិវាយ​តម្លៃទីក្រុងស្អាត សហភាព​សហព័ន្ធ​យុវជនកម្ពុជា និងសិស្សនិស្សិតមកពីសាលានិង​សាកល​វិទ្យា​ល័យ​មួយចំនួនផង​ដែរ។

អនុរដ្ឋលេខាធិការនៃក្រសួងបរិស្ថានលោក ស៊ូ សូវុធ បានឲ្យដឹងថាថង់ប្លាស្ទីកជាសារធាតុពុល​ដែលអាចប៉ះពាល់យ៉ាងខ្លាំងដល់បរិស្ថាននិងសុខភាពរបស់ប្រជាពលរដ្ឋ។ លោកបន្ថែមថាថង់ប្លាស្ទីក​នេះមិនអាចរម្លាយតាម​រយៈការដុត ការកប់ ឬក៏បោះចោលក្នុងទឹកបានទេដូច្នេះលោកជំរុញឲ្យ​ពលរដ្ឋប្ដូរ​មក​ប្រើប្រាស់​វិធីវេចខ្ចប់តាមបែបបុរាណវិញ។

លោកបន្ថែមថា៖ «​ជំនួសការប្រើប្រាស់ថង់ប្លាស្ទីកបុរាណកាល​មកគេប្រើស្លឹកចេក គេប្រើកន្ត្រក់ កន្រ្តក់ផ្ដៅ និង អ្វីដែលងាយរលាយហើយទុកយូរទៅវាពុកផុយ​ក្លាយទៅជាកំប៉ុសដូច្នេះប្រើថង់ប្លាស្ទីក​នៅលើពិភពលោកឥឡូវគេកាត់បន្ថយ កាត់បន្ថយច្រើនមែនទែនដូចជានៅប្រទេសបារាំងនៅសហភាព​អ៊ឺរ៉ុប»។

លោក ស៊ូ សូវុធ បន្ថែមថាយុទ្ធនាការបញ្ឈប់ការប្រើថង់ប្លាសី្ទកគឺអប់រំដល់ប្រជាពលរដ្ឋ​ឲ្យមានការយល់ដឹងនិងកាត់បន្ថយការបោះចោលសំរាមនិងថង់ប្លាស្ទីកពាស់វាលពាសកាល។

តំណាងអង្គការយូណេស្កូប្រចាំកម្ពុជាលោកស្រី អាន ឡឺមែត្រ បានឲ្យដឹងថាប្រជាពលរដ្ឋគឺជាជន​រងគ្រោះ​ដោយសារសំរាមថង់ប្លាស្ទីកតាមរយៈការប្រើប្រាស់សម្រាប់​ច្រកអាហារនិងសំភារៈផ្សេងៗដោយ​មិន​មាន​ការដាក់​ក្នុងធុងសំរាមឲ្យបានត្រឹមត្រូវ។ លោកស្រីបន្ថែមថា៖​ «ជាការពិតនៅពេលដែលថង់ប្លាស្ទីក​មិនអាចរំលាយបានវាចំនាយពេលយ៉ាងហោចណាស់៤០០ទៅ១០០០ឆ្នាំក្នុងការបំបាត់នូវថង់ប្លាស្ទីក​មួយចេញពីបរិស្ថានហើយ​វា​ក៏មិនប្រាកដថាអាចបំបាត់បាននោះ​ទេ ហើយវានឹងបំបែកទៅជាផ្នែកតូច​ដែល​នឹងបរិភោគដោយមនុស្សសត្វនិងត្រីហើយផ្នែកតូចៗនេះ​អាច​ប៉ះពាល់ខ្លាំងដល់ជីវិតមនុស្សនិងសត្វ »។

លោកស្រី អាន ឡឺមែត្រ បន្ថែមថាការប្រើប្រាស់ថង់ប្លាស្ទីកនៅកម្ពុជាមានការកើនឡើងជារៀងរាល់ឆ្នាំ​ ប៉ុន្តែលោកស្រីក៏ជំរុញឲ្យមានការប្រើប្រាស់ឡើងវិញនូវថង់ប្លាស្ទីកដែលប្រើរួច។

កញ្ញា ហ៊ន់ ស្រីនាង ដែលជានិស្សិតចិត្តសាស្ត្រមកពី​សកលវិទ្យាល័យភូមិន្ទភ្នំពេញជំរុញឲ្យមានការចូលរួមរើសថង់ប្លាស្ទីកដើម្បីសំអាតបរិស្ថាន។ កញ្ញាបន្ថែមថា៖ «ខ្ញុំគិតថា​ការរើសនេះអាចជួយបរិស្ថានបានត្រឹមតែ ១០ទៅ​២០ភាគរយទេព្រោះអ្នកចោលគឺចោលរាល់ថ្ងៃចឹងខ្ញុំគិតថាបើមានការរើសដាក់តាមអាទិត្យវាល្អជាងហើយ​​បើរើសមួយថ្ងៃវាជួយបានតែមួយថ្ងៃហ្នឹងទេហើយសម្រាប់ថ្ងៃស្អែកនឹងមានការបោះចោលសំរាមទៀត​ចឹង​»​។

គួរបញ្ជាក់ផងដែរថាការធ្វើយុទ្ធនាការបញ្ឈប់ការប្រើថង់ប្លាសី្ទកនេះមានការចូលរួមពីយុវជនប្រមាណ៥០០នាក់ ហើយពួកគេបានដើររើសសំរាម​និងថង់ប្លាស្ទីកនៅកន្លែងមួយចំនួនក្នុងទីក្រុងភ្នំពេញដូចជាវិមានឯករាជ្យ វត្តភ្នំ និងមុខព្រះបរមរាជ្យវាំងជាដើម៕