តម្រូវការ​លំនៅដ្ឋាន​នៅទីប្រជុំជន​នឹងកើនដល់​ ៨០ម៉ឺនខ្នង​ នៅឆ្នាំ២០៣០​
Posted On : June, 30, 2017 | By Thak Sreyleak

Sorry, this entry is only available in Khmer. For the sake of viewer convenience, the content is shown below in the alternative language. You may click the link to switch the active language.

ប្រភព ៖ Sabay

  • ប្រជាជននៅទីក្រុងភ្នំពេញត្រឹមឆ្នាំ ២០៣០ នឹងកើនដល់ ៧,៩២ លាននាក់
  • តម្រូវការលំនៅឋានជាមធ្យមមាន ៥ ម៉ឺនខ្នង ក្នុង១ឆ្នាំ
  • ឆ្នាំ ២០៣០ តម្រូវការលំនៅឋានទីប្រជុំជន និងភ្នំពេញ នឹងកើនដល់ ៨០ម៉ឺនខ្នង 

តាមរបាយការណ៍ក្រសួងដែនដី ថ្លែងដោយឯកឧត្តមទេសរដ្ឋមន្រ្តី ជា សុផារ៉ា ក្នុងពិធីបើកវេទិកាលំនៅឋានថ្នាក់ជាតិក្រោមប្រធានបទ “លំនៅឋាននៅចំណុចមូលដ្ឋាន” បានឲ្យដឹងថា ក្រសួងបានព្យាករពីតម្រូវការលំនៅដ្ឋាននៅកម្ពុជា ដោយបានបង្ហាញថា កម្ពុជាត្រូវការលំនៅដ្ឋាននៅទីក្រុងមធ្យម ៥ ម៉ឺនខ្នងក្នុងមួយឆ្នាំៗ ហើយគិតពីឆ្នាំ២០១៥ រហូតដល់ឆ្នាំ២០៣០ រយៈពេល ១៥ឆ្នាំ កម្ពុជាត្រូវការលំនៅដ្ឋានតែនៅទីប្រជុំជន មានខ្ទង់ប្រមាណ ៨០ម៉ឺន ខ្នង ស្របពេលកំណើនប្រជាពលរដ្ឋចូលមករស់នៅទីក្រុង នឹងបន្តកើនឡើងរហូតដល់ ៧, ៩២ លាននាក់នៃប្រជាជនសរុបរបស់កម្ពុជា។

ឆ្លើយតបនឹងតម្រូវការនេះ ក្រសួងដែនដីបាន និងកំពុងអនុវត្តនូវគោលនយោបាយជាតិស្ដីអំពីលំនៅឋាន ដោយជម្រុញនិងគាំទ្រដល់ការអភិវឌ្ឍលំនៅឋានគ្រប់ប្រភេទ ពោលគឺលំនៅឋានដែលមានតម្លៃមធ្យមទាបជាង ៣ ម៉ឺនដុល្លារអាមេរិក។

បន្ថែមពីនេះ គោលនយោបាយខាងលើ ក្រសួងដែនដីក៏បានដាក់ចេញនូវសេចក្តីព្រាងឯកសារគោលនយោបាយស្តីពីការលើកទឹកចិត្ត និងការបង្កើតកម្មវិធីជាតិ ក៏ជម្រុញដល់ក្រុមហ៊ុនអភិវឌ្ឍន៍ លំនៅឋានអាចទទួលបានការជាការវិនិយោគសាធារណៈ‌ ដោយលើកលែងពន្ធ និងការសម្រួលផ្នែកនិយ័តកម្ម ក្នុងការសាងសង់លំនៅឋានតម្លៃសមរម្យជូនពលរដ្ឋមានចំណូលទាបនិងមធ្យម៕

30-6-045

Urban Voice Cambodia

Urban Voice Cambodia