untitled-1

កម្ពុជានឹងបង្កើតទីក្រុងនាគរាជតេជោ តម្លៃជា៨០ ពាន់លានដុល្លារ នៅតំបន់ក្បាលនាគ

ក្រសួងរៀបចំដែនដី គ្រោងនឹងបង្កើតទីក្រុងនាគរាជតេជោថ្មីមួយ ដែលមានតម្លៃជាង ៨០ ពាន់លានដុល្លារអាមេរិក ដើម្បីឆ្លើយតបទៅនឹងកំណើនប្រជាពលរដ្ឋ និងពង្រីកនគរូបនីយកម្ម និងស្ថាបត្យកម្មថ្មីៗ។ នេះបើយោងតាមទីភ្នាក់ងារសារព័ត៌មានជាតិ។

លោក ភឿង សុភ័ណ្ឌ រដ្ឋលេខាធិការក្រសួងរៀបចំដែនដី នគរូបនិយកម្ម និងសំណង់ បានឲ្យដឹងថា គម្រោងបង្កើតទីក្រុងនាគរាជតេជោថ្មីនេះ ត្រូវធ្វើជាដំណាក់កាល និងចេញជាកង់ៗ ដោយសារតែគម្រោងនេះ ត្រូវការថវិការច្រើនសន្ធឹកសន្ធាប់។

សម្រាប់ទីតាំងនៃគម្រោងនេះ គឺធ្វើឡើងស្របតាមការសិក្សាអំពី ស្ថានភាពដីនៅចន្លោះរវាងដងទន្លេមេគង្គ និងទន្លេសាប ដែលបានបញ្ចូលគ្នា ក្លាយទៅជា ក្បាលនាគ និងជាកន្លែងមជ្ឈមណ្ឌលអន្តរជាតិ ក្នុងការទាក់ទាញការចាប់អារម្មណ៍ អ្នកទេសចរជាតិ និងអន្តរជាតិ។

តាមការស្រាវជ្រាវ គឺបង្ហាញថា កម្ពុជា ខកខានសាងសង់ទីក្រុងជាង ៥៨០ ឆ្នាំហើយ។

គួរជម្រាបដែរថា ក្រសួងរៀបចំដែនដី បានរៀបចំគម្រោងនេះរួចរាល់ហើយ និងមានក្រុមហ៊ុនចិន និងបារាំងជាច្រើន កំពុងតែចាប់អារម្មណ៍ផងដែរ៕

ប្រភព ៖ postnews.media

Leave a Reply