បញ្ចុះតម្លៃការធ្វើបណ្ណបើកបរពី៦០០០០រៀល មក២៥០០០រៀល

បញ្ចុះតម្លៃការធ្វើបណ្ណបើកបរពី៦០០០០រៀល មក២៥០០០រៀល

On

សម្តេចនាយករដ្ឋមន្ត្រី ​បានប្រកាស​បញ្ចុះ​តម្លៃ​ការធ្វើ​បណ្ណ​បើកបរ​ពី​៦០០០០​រៀល មក​២៥០០០​រៀល និង​លុបចោល​ការយក​កម្រៃ​ពិនិត្យ​សុខភាព​ហើយក៏មិនចាំបាច់​ទៅ​រៀន​បើកបរ​ម៉ូតូ​នោះឡើយ៕

សាលារាជធានី​ភ្នំពេញមានគំរោងសាងសង់​ស្ពានអាកាស​ល្បឿនលឿន​មួយមានប្រវែង​ជាង១៣គីឡូម៉ែត្រ

សាលារាជធានី​ភ្នំពេញមានគំរោងសាងសង់​ស្ពានអាកាស​ល្បឿនលឿន​មួយមានប្រវែង​ជាង១៣គីឡូម៉ែត្រ

On

សាលារាជធានី​ភ្នំពេញសហការជាមួយ​ក្រុមហ៊ុនវិនិយោគរបស់​ចិន​សាងសង់​ស្ពានអាកាស​ល្បឿនលឿន​មួយមានប្រវែង​ជាង១៣គីឡូម៉ែត្រ​ ដោយបានប្រកាសការយល់ព្រមពីសម្តេច ហ៊ុន សែនកាលពីព្រឹកព្រឹកថ្ងៃទី០៥ ​មករា ២០១៦​ ក្នុងឱកាស​ដែលសម្តេច និងសម្តេចកិត្តិព្រឹទ្ឋបណ្ឌិត​ ប៊ុន រ៉ានី ហ៊ុន សែន​ បានអញ្ជើញជាអធិបតីសម្ពោធ​ដាក់ឲ្យដំណើរការ​ជាផ្លូវការស្ពានអាកាសតិចណូ។
ស្ពានអាកាសល្បឿនលឿន​ដែលសហការណ៍សាងសង់ជាមួយ​ក្រុមហ៊ុនហ៊ុនចិន ​ហើយនឹងអាចត្រូវសាងសង់ ​ពីលើផ្លូវរថភ្លើង។

ទឹកជំនន់ក្នុងទីក្រុងភ្នំពេញ

ទឹកជំនន់ក្នុងទីក្រុងភ្នំពេញ

On

ភ្នំពេញ ក៏ដូចជាជាទីក្រុងផ្សេងៗទៀតដែរ គឺមានបញ្ហាប្រឈម។ ក្រៅពីការកកស្ទះចរាចរណ៍ ប្រជាជនតែងតែត្អូញត្អែរ អំពីបញ្ហាលិចទឹកក្នុងទីក្រុងនាដូវវស្សា ជាបញ្ហាកើតឡើងជាយូរមកហើយ។ ពេលមានភ្លៀងធ្លាក់ខ្លាំង បញ្ហាលិចទឹកបានរាំងស្ទះ ការធ្វើដំណើរ ជាក់ស្តែងនៅកាលពី ពីរបីខែមុននេះ។

ផលប៉ះពាល់នៃការលិចទឹកក្នុងទីក្រុងភ្នំពេញ បានក្លាយជាការរំខានយ៉ាងខ្លាំងដល់អ្នកធ្វើដំណើរ។ នៅពេលដែលមានភ្លៀងខ្លាំង ផ្លូវជាច្រើនលិចទឹក បង្កឲ្យចរាចរណ៍នៅតាមផ្លូវមានការកកស្ទះយ៉ាងខ្លាំង។ បញ្ហានៃការកកស្ទះចរាចរណ៍នេះ កើតឡើងជារឿយៗ និងស្ទះមានរយៈពេលយូរ។ ការលិចទឹកនេះបានបណ្តាលឱ្យខូចផ្លូវ ដែលការណ៌នេះបង្កឲ្យប៉ះពាល់ដល់ហេដ្ឋារចនាសម្ព័ន្ធក្នុងទីក្រុង។ ក្រៅពីនេះ បើប្រជាជនរវល់តែដោះស្រាយបញ្ហាលិចទឹកនេះ វានឹងធ្វើអោយកម្រិតរីកចម្រើនសេដ្ឋកិច្ចមានការយឹតយ៉ាវ ។ ប្រសិនមានទឹកជំនន់ ជាច្រើនថ្ងៃបន្តបន្ទាប់គ្នា ការបង្អាក់សង្វាក់សេដ្ឋកិច្ចនឹងកាន់តែមានសភាពធ្ងន់ធ្ងរ។ ប្រជាជនមិនអាចចេញទៅប្រកបរបរជួញដូរ រីឯ សិស្ស និងនិស្សិតមិនអាចទៅសាលារៀនបាន។ ទាំងនេះជាតថភាពជាក់ស្តែងនៃផលប៉ះពាល់ដល់ទីក្រុង និងសេដ្ឋកិច្ច។បញ្ហានៃការលិចទឹកក្នុងទីក្រុងភ្នំពេញ នារដូវវស្សា ក៏ជាប្រធានបទដ៏ក្តៅមួយដែរ។ ជារឿយៗការពិភាក្សាតែងលើកឡើងអំពី មូលហេតុ និងដំណោះស្រាយ ទាំងក្នុងកម្រិតបុគ្គល និងសាធារណៈ។ បុព្វហេតុសំខាន់ៗនៃការលិចទឹកក្នុងទីក្រុងភ្នំពេញ
អាចជា ការលុបបឹង និងស្ថានភាពនៃប្រព័ន្ធលូក្នុងទីក្រុង ។ មួយទសវត្សរ៍ចុងក្រោយនេះ បឹងជុំវិញទីក្រុង ដូចជាបឹងកក់ ត្រូវបានចាក់ដីលុបសម្រាប់គម្រោងអភិវឌ្ឍ ប៉ុន្តែបឹងនេះមានតួនាទីយ៉ាងសំខាន់ ជាអាងផ្ទុក ទឹក។ បើគ្មានបឹងទាំងនេះ ផ្លូវទឹកក្នុងទីក្រុងនឹងត្រូវបិទ ជាបច្ច័យជាក់ស្តែង គឺការលិចទឹកក្នុងទីក្រុង។

ទោះមានការផ្លាស់ប្តូរ និងអភិវឌ្ឍប្រព័ន្ធលូញឹកញាប់ក្នុងទីក្រុងភ្នំពេញក៏ដោយ នៅតែមិនអាចរកដំណោះស្រាយប្រកបដោយចេរភាព ចំពោះលិចទឹកក្នុងទីក្រុងពេលមានភ្លៀងខ្លាំងឡើយ។ ការព្រួយបារម្ភរបស់អភិបាលក្រុងគឺគុណភាពអន់នៃប្រព័ន្ធលូ និងទំហំលូមិនគ្រប់គ្រាន់។ កាន់តែអាក្រក់ជាងនេះគឺ សំរាមអាចធ្វើឲ្យស្ទះលំហូរប្រព័ន្ធលូ ដែលអាចបង្កឲ្យទឹកជន់លិចកាន់តែខ្លាំង។

ជាសត្យានុមតិ ការជន់លិច គឺជាបញ្ហាស្តែងពីភាពទន់ខ្សោយនៃផែនការអភិវឌ្ឍទីក្រុង។ ភ្លៀងធ្លាក់ជាកត្តាធម្មជាតិ នឹងបន្តឲ្យមានការជន់លិច ករណីគ្មានដោះស្រាយត្រឹមត្រូវ ការណ៌នេះធ្វើឲ្យ ទីក្រុង និងប្រជាជននឹងបន្តរងគ្រោះដោយទឹកជំនន់។ ទាំងនេះជាមូលហេតុគ្រប់គ្រាន់ ដែលយើងចង់ឲ្យមានការយកចិត្តទុកដាក់ និងអនុវត្តសកម្មភាពកាន់តែច្រើន ពីអាជ្ញាធរដើម្បីការពារទឹកជំនន់ក្នុងទីក្រុង។

នគរូបនីយកម្ម និងការដឹកជញ្ជូនសាធារណៈក្នុងទីក្រុង

នគរូបនីយកម្ម និងការដឹកជញ្ជូនសាធារណៈក្នុងទីក្រុង

On

រាជធានីភ្នំពេញនៃកម្ពុជា គឺជាតំបន់ដែលមានការអភិវឌ្ឍខ្លាំងបំផុតនៅក្នុងប្រទេស។ ក្នុងគោលដៅសេដ្ឋកិច្ច និងការអប់រំ មានលំហូរចូលប្រជាជនជាច្រើន មកពីតាមបណ្តាខេត្តនានា ដែលធ្វើអោយរាជធានីមានកំណើនប្រជាជនក្នុង
រយៈពេល១០ ឆ្នាំចុងក្រោយនេះ។

អ្នកបើក​ម៉ូតូ​អត់​ប័ណ្ណបើកបរ​ត្រូវ​ពិន័យ​ប្រាក់​បី​ម៉ឺន​រៀល​

អ្នកបើក​ម៉ូតូ​អត់​ប័ណ្ណបើកបរ​ត្រូវ​ពិន័យ​ប្រាក់​បី​ម៉ឺន​រៀល​

On

ប្រភព៖ រស្មីកម្ពុជា,ដោយ ៖ប​.​ខុន​ ថ្ងៃទី 15 វិច្ឆិកា 2015

ភ្នំពេញ: អ្នកបើកបរ​ម៉ូតូ​ភាគច្រើន​លើសលុប នៅតែ​គ្មាន​ប័ណ្ណបើកបរ​តាមច្បាប់​ថ្មី ដែល​នឹងត្រូវ​អនុវត្ត​នៅ​ដើមឆ្នាំ​២០១៦ ដែល​ត្រូវ​ផាកពិន័យ​ដល់​បី​ម៉ឺន​រៀល​។ អ្នកបើកបរ​ម៉ូតូ​នៅ​ទូទាំងប្រទេស​មាន​ប័ណ្ណ តែ​ប្រមាណ​ជា​១៥​ម៉ឺន​ប័ណ្ណ​ក្នុងពេល​ម៉ូតូ​កំពុង​ធ្វើចរាចរ​មាន​រហូតដល់ ២.៦​លាន​គ្រឿង​។​

​លោក​ឧ​ត្ត​ម​សេនីយ​ឯក រុន រ័ត្ន​វាសនា ប្រធាន​នាយកដ្ឋាន​នគរ​បាលច​រាច​រណ៍ និង​សណ្តាប់ធ្នាប់​សាធារណៈ​បាន​និយាយ​ឲ្យ​ដឹង​នៅ​ថ្ងៃទី​១៤ ខែវិច្ឆិកា​ថា ការត្រួតពិនិត្យ​ទៅលើ​អ្នកបើកបរ​ម៉ូតូ​កន្លងទៅនេះ ផ្តោត​សំខាន់​តែ​ទៅលើ​មួកសុវត្ថិភាព និង​កញ្ចក់​ឯ​អ្នកបើកបរ​ម៉ូតូ​គ្មាន​ប័ណ្ណ​មិនទាន់​ត្រូវបាន​រឹតបន្តឹង​នៅឡើយ​ទេ​។ ច្បាប់​ថ្មី​នឹងត្រូវ​ធ្វើការ​ផាកពិន័យ​គុណ​នឹង​ប្រាំ​ដង ត្រូវ​ចាប់​អនុវត្ត​ពីថ្ងៃ​ទី​១​ខែមករា​ឆ្នាំ​២០១៦​។​
​    ​
​អ្នកបើកបរ​ម៉ូតូ​សព្វថ្ងៃនេះ ត្រូវបាន​ប្រភព​ខាងលើ​ទទួលស្គាល់ថា ភាគច្រើន​មិនមាន​ប័ណ្ណបើកបរ​បានន័យថា មិនបាន​ឆ្លងកាត់​រៀន​ច្បាប់​ចរាចរ​ដែលជា​ហេតុ​បង្ក​ឲ្យ​មាន​គ្រោះថ្នាក់​ច្រើន​។ ការត្រួតពិនិត្យ​ដល់​អ្នកបើកបរ​ម៉ូតូ​សព្វថ្ងៃ​ធ្វើការ​អប់រំ​ច្រើនជាង​ការផាកពិន័យ តែ​នៅពេល​ខាងមុខ​ត្រូវអនុវត្ត​ការផាកពិន័យ​តាមច្បាប់​ហើយ​។​

​លោក​រុន រ័ត្ន​វាសនា​និយាយ​ឲ្យ​ដឹង​ទៀតថា ចំពោះ​អ្នកបើកបរ​ម៉ូតូ​ដោយ​មិន​ពាក់មួក​សុវត្ថិភាព​តាមច្បាប់​ដែល​កំពុង​អនុវត្ត​ត្រូវ​ពិន័យ ៣.០០០​រៀល តែ​នៅ​ឆ្នាំ​២០១៦​ការពិន័យ​គុណ​នឹង​ប្រាំ​ដង​ដូចគ្នា នឹង​គ្មាន​កញ្ចក់​ដែរ​។ ចំពោះ​អ្នកបើកបរ​ម៉ូតូ​ដោយ​មិន​ពាក់មួក​សុវត្ថិភាព​នេះ យើង​មាន​គម្រោង​ផាក​ពិន​យ័​ដោយ​ការផ្តល់​មួកសុវត្ថិភាព​ជំនួស​ការចេញ​វិក្ក​យ​ប​ត្រ័​។​កិច្ចការ​នេះ​បានធ្វើការ​ពិភាក្សា​ជាមួយនឹង​អង្គការ  ដែល​បាន​គាំទ្រ​ដល់​ការងារ​សុវត្ថិភាព​ចរាចរ​ផ្លូវគោក​មួយ​ជំហាន​រួចហើយ​។​
​    ​
​លោក​ប្រធាន​នាយកដ្ឋាន​បាន​ពន្យល់ថា អង្គការ​អន្តរជាតិ​មួយ ដែល​បាន​ជួយឧបត្ថម្ភ​មួក​ជា​ញឹកញាប់ ដល់​កម្មវិធី​សុវត្ថិភាព​ចរាចរ​ជា​មួក​មាន​សុវត្ថិភាព​មួយ​មានតម្លៃ ១២​ដុល្លារ តែ​អង្គការ​នេះ បាន​យកមក​លក់​តែ​ក្នុងតម្លៃ ៦.៥​ដុល្លារ​ទេ​។ យើង​កំពុងធ្វើការ​ចរចា​ឲ្យ​គេ​លក់​ក្នុងតម្លៃ​ត្រឹម​ពីរម៉ឺន​រៀល ដើម្បី​យក​មួក​នេះ​ទៅ​លក់​ឲ្យ​អ្នក​ដែល​ត្រូវ​ផាកពិន័យ​។ អ្នកបើកបរ​ដោយ​មិន​ពាក់មួក​តាមច្បាប់​ថ្មី​ត្រូវ​ពិន័យ ១៥.០០០​រៀល បានន័យថា អ្នក​ត្រូវ​ពិន័យ​ត្រូវ​បង់ ៥.០០០​រៀល​ទៀត ឲ្យ​គ្រប់​ពីរម៉ឺន​រៀល ដើម្បី​បាន​មួកសុវត្ថិភាព​មួយ ដែលមាន​គុណភាព​ល្អ​។ ធ្វើ​ដូចនេះ​អ្នកបើកបរ​ត្រូវ​ពិន័យ​អស់​លុយ តែ​បាន​មួក​មួយ​ជា​មួក​មាន​គុណភាព​ខ្ពស់​។ ការ​ពិ​និ​យ​បែបនេះ ពុំ​ផ្តល់​វិក្ក​យ​ប័ត្រ​ឲ្យ​ទេ តែបើ​មិន​យក​មួក គឺ​ពិន័យ ១៥.០០០​រៀល មាន​វិក្ក​យ​ប័ត្រ​ត្រឹមត្រូវ​។​

​ចំណែកឯ​ការពិន័យ​ដល់​អ្នកបើកបរ​ម៉ូតូ​ដោយ​គ្មាន​ប័ណ្ណបើកបរ  បើតាម​ច្បាប់​ថ្មី​ដែល​នឹងត្រូវ​អនុវត្ត​នៅ​ដើមឆ្នាំ​២០១៦ មាន​រហូតដល់​បី​ម៉ឺន​រៀល​។ ម៉ូតូ​គ្រប់​ប្រភេទ​ដែល​កំពុង​ធ្វើចរាចរ​នៅលើ​ផ្លូវ​សាធារណៈ​សព្វថ្ងៃ​នេះ មាន​ចំនួន​ប្រមាណ​ជា ២.៦​លាន​គ្រឿង​។ ឯ​ប័ណ្ណបើកបរ​ម៉ូតូ​ដែល​ក្រសួង​សាធារណការ​បានចេញ មានតែ​ប្រមាណ​ជា ១៥​ម៉ឺន​ប័ណ្ណ​ប៉ុណ្ណោះ​។​

​លោក​ព្រាប ច័ន្ទ​វិបុល ប្រធាន​នាយកដ្ឋាន​ដឹកជញ្ជូន នៃ​ក្រសួង​សាធារណការ និយាយ​ឲ្យ​ដឹងថា នៅពេល​គ្មាន​ការត្រួតពិនិត្យ គឺមាន​អ្នក​មក​ប្រឡង​យក​ប័ណ្ណបើកបរ​តិចតួច​បំផុត មួយឆ្នាំ​មានតែ​ពី​បី​ទៅ​បួន​ពាន់​ប័ណ្ណ​ប៉ុណ្ណោះ​។ បើ​មានការ​ត្រួតពិនិត្យ គេ​សម្រុក​មក​ប្រឡង​ជាន់ករ​គ្នា​ទៀតហើយ នៅពេលដែល​ការអនុវត្ត​ច្បាប់​ឆ្នាំ​២០១៦​នោះ​៕S.L – See more at: http://www.rasmeinews.com/local/ZWZiNTcwNW/21#sthash.jVuobWiz.dpuf