អគ្គីសនីកម្ពុជា ផ្ដាច់ចរន្តអគ្គិសនីរយះពេល៤ថ្ងៃ ក្នុងរាជធានីភ្នំពេញ

អគ្គីសនីកម្ពុជា ផ្ដាច់ចរន្តអគ្គិសនីរយះពេល៤ថ្ងៃ ក្នុងរាជធានីភ្នំពេញ

On

អគ្គីសនីកម្ពុជា នឹងផ្អាកការផ្គតផ្គង់ចរន្តអគ្គិសនីនៅតំបន់មួយចំនួន់ ចាប់ពីថ្ងៃទី០៣ ខែសីហា ដល់ថ្ងៃទី០៦ឆ្នាំ២០១៧ ដើម្បីអនុវត្តការងារជួសជុល ផ្លាស់ប្តូរ ដំឡើងបរិក្ខារ និងរុះរើគន្លងខ្សែបណ្តាញ បង្កលក្ខណៈដល់ការដ្ឋានពង្រីកផ្លូវ។

តើប្រិយមិត្រយល់យ៉ាងណាបើមានសួនផ្កាតាមបណ្ដោយមាត់លូទឹកស្អុយ?

តើប្រិយមិត្រយល់យ៉ាងណាបើមានសួនផ្កាតាមបណ្ដោយមាត់លូទឹកស្អុយ?

On

ផ្កាសាគូជាច្រើនដែលដុះតាមបណ្តោយលូទឹកស្អុយស្ទឹងមានជ័យ ត្រង់មុខមន្ទីពេទ្យកម្ពុជា-សូវៀត(ពេទ្យរុស្ស៊ី)កំពុងបញ្ចេញសម្រស់ដ៏គួរឲ្យគយគន់។ ផ្កាទាំងនោះបានជួយបិទបាំងអ្នកដំណើរដែលឆ្លងកាត់មិនឲ្យឃើញទឹកខ្មៅកក្វក់ដែលកំពុងហូរទៅកាន់អាងស្ដុកទឹកបឹងទំពុននៅភាគខាងត្បូងរាជធានីភ្នំពេញ។ ប្រសិនបើមានសួនផ្កានៅតាមបណ្ដោយលូទឹកស្អុយទាំងអស់ក្នងរាជធានីភ្នំពេញ ប្រហែលមិនត្រឹមតែជួយបិទបាំងទឹកស្អុយប៉ុណ្ណោះទេ វានឹងជួយបង្កើនសោភ័ណភាពទីក្រុងទៀតផង។ តើលោកអភិបាលក្រុងថ្មីអាចទទួលយកគំនិតនេះទៅពិចារណាដែរឬទេ? ចុះប្រិយមិត្រយល់យ៉ាងណាដែរ?

img_0018-2 img_0020 img_0040 img_0045 img_0047img_0038

ការដុតសំរាមតាមទីសាធារណៈមានទោសដែរឬទេ?

ការដុតសំរាមតាមទីសាធារណៈមានទោសដែរឬទេ?

On

យើងសង្កេតឃើញថា ការដុតសំរាមនៅតាមទីសាធារណៈ សាលារៀន និងតាមផ្ទះមិនថាទីជនបទ ឬទីប្រជុំជននោះទេ វាហាក់ដូចជាក្លាយជារឿងសាមញ្ញ របស់ពលរដ្ឋខ្មែរមួយចំនួនទៅហើយ។ ប៉ុន្តែពួកគាត់មិនដឹងពីផលប៉ះពាល់សុខភាពបណ្តាលមកពីការដុតសំរាមនោះទេ ដែលបញ្ហានេះបានជះឥទ្ឋិពលធ្ងន់ធ្ងរដល់សុខភាពអ្នកប្រព្រឹត្តផ្ទាល់ និងសហគមន៍ជុំវិញខ្លួនពួកគេ។

ការអប់រំមនុស្សជំនាន់ក្រោយជាជម្រើសល្អសម្រាប់បរិស្ថានស្អាតនៅកម្ពុជា

ការអប់រំមនុស្សជំនាន់ក្រោយជាជម្រើសល្អសម្រាប់បរិស្ថានស្អាតនៅកម្ពុជា

On

បរិស្ថានមិនស្អាតនៅតែជាបញ្ហាប្រឈមដែលមិនទាន់អាចដោះស្រាយបាននៅកម្ពុជា។ សំរាមនៅតែឃើញមាននៅតាមទីសាធារណៈ បើទោះបីទីតាំងទាំងនោះមានធុងដាក់សំរាមហើយក៏ដោយ។ មនុស្សគ្រប់រូបមានរបៀបរស់នៅរាងៗខ្លួន ដូច្នេះវាពិតជាពិបាកក្នុងការផ្លាស់ប្ដូរទម្លាប់របស់ពួកគេណាស់។

ពិតណាស់មនុស្សម្នាក់ ឬមួយក្រុមមិនអាចដោះស្រាយបញ្ហាសំរាម បាននោះទេ ដើម្បីដោះស្រាយបញ្ហាទាំងនេះបានត្រូវការចូលរួមពីគ្រប់ភាគីពាក់ព័ន្ធ និងប្រជាពលរដ្ឋទាំងអស់គ្នា។

photo_2017-07-03_16-00-12

ការអប់រំ និងបញ្ជ្រាបការយល់ដឹងស្ដីពីបរិស្ថានទៅកាន់ក្មេងៗជំនាន់ក្រោយគឺជាមធ្យោបាយដ៏ល្អ ក្នុងការការពារ នឹងថែទាំបរិស្ថាននាថ្ងៃអនាគត។

រាជរដ្ឋាភិបាល គួរតែសហការណ៍ជាមួយអង្កការក្រៅរាជរដ្ឋាភិបាល ឬភាគីពាក់ព័ន្ធ ក្នុងការផ្សព្វផ្សាយព័ត៌មាន  ចំណេះដឹង និងអត្ថប្រយោជន៍ស្ដីពីបរិស្ថានស្អាតអោយបានទូលំទូលាយដល់សិស្សានុស្សិស និងប្រជាពលរដ្ឋតាមមូលដ្ឋាន ដូចជា៖ ការបង្កើតអោយមានគ្រូបង្គោលចុះបង្រៀនតាមសហគមន៍។  បណ្ដាញផ្សព្វផ្សាយជាតិត្រូវផលិតវីដេអូអប់រំនានា ដើម្បីចាក់ផ្សាយដល់ប្រជាពលរដ្ឋ។ ការចែក ឬបិទ ខិតប័ណ្ណពីការគ្រប់គ្រងសំរាមនៅតាមទីសារធារណៈ និងតាមលំនៅឋានរបស់ពួកគេ។

«ដើម្បីសហគមន៍មានបរិស្ថានស្អាតត្រូវចូលរួមទាំងអស់គ្នា»៕

លាហើយអាគារប៊ូឌីង

លាហើយអាគារប៊ូឌីង

On

អាគារប៊ូឌីងដែលមានអាយុកាលច្រើនមួយនេះ និងបាត់រូបរាងពីទីក្រុងភ្នំពេញនាពេលដ៏ខ្លីខាងមុខ។   ក្រុមហ៊ុនជប៉ុនដែលទទួលបានសិទ្ធិអភិវឌ្ឍពីរាជរដ្ឋាភិបាលកម្ពុជានឹងវាយកំទេចចោលអាគារដ៏ចំណាស់មួយនេះដើម្បីសាងសង់អាគារពាណិជ្ជកម្មថ្មីដែលមានកម្ពស់២១ជាន់ នាចុងឆ្នាំ២០១៧នេះ។

ក្រសួងរៀបចំដែនដី នគរូបនីយកម្ម និងសំណង់ បានទុកពេលអោយប្រជាពលរដ្ឋជាងមួយខែ ដោយគិតចាប់ពីថ្ងៃទី ៦ ខែមិថុនា ដល់ពាក់កណ្ដាល់ខែ កក្កដា ដើម្បីធ្វើការរុះរើចេញពីលំនៅឋានរបស់ខ្លួន។ ក្រុមហ៊ុនក៏បានផ្ដល់លុយបន្ថែមចំនួន១០០ ដុល្លា សម្រាប់ថ្លៃដឹកជញ្ជូនទ្រព្យសម្បត្តិចេញពីអាគារនេះ។

ប្រជាពលរដ្ឋជាច្រើនគ្រួសារបានចាប់ផ្ដើមរើអ៊ីវ៉ាន់ចេញជាបន្តបន្ទាប់ពីអាគារដែលពួកគេធ្លាប់រស់នៅជាយូរមកហើយ ក្រោយពីសំរេចចិត្តលក់អោយក្រុមហ៊ុនវិនិយោគជប៉ុនមួយ ឈ្មោះអារ៉ាកាវ៉ា ក្នុងទឹកប្រាក់ ១.៤០០ដុល្លារក្នុងមួយម៉ែត្រការ៉េសម្រាប់ផ្ទះរបស់ពួកគាត់។

អ្នករស់នៅអាគារប៊ូឌីង៣៨ឆ្នាំមកហើយលោក នាង ខេវិច បានរៀបរាប់ទាំងទឹកមុខក្រៀមក្រំថា៖ «ខ្ញុំពិតជាមានអារម្មណ៍ក្ដុកក្ដួលស្រណោះអាល័យជាខ្លាំងបន្ទាប់ពីទទួលដំណឹងថា ខ្ញុំត្រូវចាកចេញពីផ្ទះដែលធ្លាប់រស់នៅជាង៣០ឆ្នាំ ទៅកន្លែងថ្មី។ ថ្ងៃនេះយើងចាកចេញពីផ្ទះរបស់យើងដែលស្ថិតនៅក្នុងអាគារចំណាស់ ជាមួយនឹងបង្វេចសម្លៀកបំពាក់ កៅអី តុ ទូរទស្សន៍ និងសម្ភារៈមួយចំនួនទៀត។ មុនគ្រួសារខ្ញុំឡើងលើរឺម៉កកង់បី ប្អូនស្រីខ្ញុំបានចង្អុលទៅកាន់អាគារចំណាស់នោះដែលគេគ្រប់គ្នាស្គាល់ថាជាអាគារប៊ូឌីង ដោយស្រែកថា «នោះជាផ្ទះរបស់យើង» យើងទាំងអស់បង្ហាញទឹកមុខក្រៀមក្រំសោកស្ដាយ ភ្លាមនោះម្ដាយរបស់ខ្ញុំបង្ហូរទឹកភ្នែក»។ អារម្មណ៍បែបនេះមិនមែនមា នតែសម្រាប់ក្រុមគ្រួសារលោក នាង ខេវិច ទេ វាទំនងជាកើត ឡើងចំពោះប្រជាពលរដ្ឋដែលកំពុងរស់នៅទីនេះជាច្រើនផ្សេងទៀតផងដែរ។

នៅប៉ុន្មានឆ្នាំចុងក្រោយនេះ អាគារចាស់ៗជាច្រើនត្រូវបានវាយកំទេចចោល និង ធ្វើការកែប្រែថ្មី ដោយសារកំណើននៃការអភិវឌ្ឍក្នុងទីក្រុងមានការកើនឡើង។ ក្មេងជំនាន់ក្រោយប្រហែលលែងបានស្គាល់អ្វីដែលជារបស់ខ្មែរទៀតហើយ ព្រោះត្រូវជំនួសដោយអាគារទំនើបរចនាបទថ្មីបែបបរទេស។

លោក ម៉ៅ វាសនា កំពុងសិក្សាថ្នាក់អនុបណ្ឌិតច្បាប់នៅសាកលវិទ្យាល័យបញ្ញាសាស្រ្តកម្ពុជាជំនាញច្បាប់សិទ្ធិមនុស្សអន្តរជាតិដែលធ្លាប់បានឃើញអាគារនេះតាំងពី១៤ឆ្នាំមុន បានបង្ហាញអារម្មណ៍សោកស្តាយហាក់មិនចង់អោយមានការបាត់បង់បែបនេះ «ខ្ញុំធ្លាប់ឡើងលើអាគារនេះដំបូងកាលពីឆ្នាំ ២០០៣ វាជាអាគារចាស់ដែលខ្វះការថែទាំ តែមើលទៅប្រជាជនហាក់ពេញចិត្តចំពោះការរស់នៅទីនេះជាជាងផ្លាស់ទៅរស់នៅកន្លែងផ្សេង»។ លោកបន្តទៀតថា «ការបាត់បង់អាគារជាប្រវត្តិសាស្រ្តនេះវាមិនត្រឹមតែធ្វើអោយមនុស្សជំនាន់ក្រោយលែងបានស្គាល់អ្វីដែលស្ថាបត្យករឆ្នើមរបស់គេបានបន្សល់ទុកប៉ុណ្ណោះទេ តែពួកគេទំនងជាលែងមានឆន្ទៈក្នុងការបង្កើតអ្វីថ្មីសម្រាប់មនុស្សជំនាន់ក្រោយតទៅទៀតហើយ ព្រោះគេគិតថាស្នាដៃរបស់មនុស្សជំនាន់មួយនឹងត្រូវបានវាយកំទេចដោយមនុស្សជំនាន់ថ្មីមួយទៀត» ទោះជាដូច្នេះក្តី ក៏និស្សិតរូប នេះមិនបានបដិសេធចំពោះគម្រោងការអភិវឌ្ឍរបស់ក្រុមហ៊ុនជប៉ុនមួយនេះដែរ «យើងចង់ឃើញការអភិវឌ្ឍមួយដែលគោរពសិទ្ធិមនុស្ស សូមផ្តល់សំណងអោយបានសមរម្យចំពោះប្រជាពលរដ្ឋដែលសម្រេចចិត្តចាកចេញ»។

អាគារប៊ូឌីង ស្ថិតនៅក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ ដែលមានទំហំ ៦៥៣១ ៦៧ ម៉ែត្រការ៉េ មានកម្ពស់ ៤ជាន់ និងមាន៤៦៨ បន្ទប់ ត្រូវបានកសាងឡើងចន្លោះទសវត្សឆ្នាំ ៥០ និង៦០ ក្នុងសម័យសង្គមរាស្ត្រនិយម ក្នុងរជ្ជកាល ព្រះបាទ នរោត្តមសីហនុ។

អាគារនេះសាងសង់ដោយស្ថាបត្យករខ្មែរនិងបរទេស លោក លូ បានហាប់ និង លោក វ្លាឌីមៀរ …