PPWSA ផ្អាក​ផ្ត​ត់​ផ្គង់​ទឹក​នៅ​សង្កាត់​ចំនួន​៣ នៅ​យប់​ថ្ងៃ​សុក្រ​នេះ​

PPWSA ផ្អាក​ផ្ត​ត់​ផ្គង់​ទឹក​នៅ​សង្កាត់​ចំនួន​៣ នៅ​យប់​ថ្ងៃ​សុក្រ​នេះ​

On

ប្រភព៖ ថ្មីៗ

រដ្ឋាករទឹកស្វយ័តក្រុងភ្នំពេញ(PPWSA) នឹងផ្អាកការផ្គត់ផ្គង់ទឹក នៅក្នុងសង្កាត់ចំនួន៣ រយៈពេលប្រមាណ ៧ ម៉ោង ចាប់ពីម៉ោង៩យប់ ដល់ម៉ោង៤ភ្លឺ ថ្ងៃទី១០ ខែមីនា។ សង្កាត់ទាំង៣ គឺសង្កាត់ទឹកថ្លា និងសង្កាត់ភ្នំពេញថ្មី ក្នុងខណ្ឌសែនសុខ និងនៅសង្កាត់កាកាប ខណ្ឌពោធិ៍សែនជ័យ។

បើយោងតាមលិខិតរបស់ PPWSA ជម្រាបទៅអភិបាលខណ្ឌទាំង២ ចុះថ្ងៃទី៦ ខែមីនា រដ្ឋាករទឹកស្វយ័តក្រុងភ្នំពេញគ្រោងកាត់ភ្ជាប់បំពង់មេនាំទឹកថ្មីទំហំ ៥០០មីលីម៉ែត្រ នៅចិញ្ចើមខាងជើងផ្លូវ ៥៥P កែងផ្លូវសហព័ន្ធរុស្ស៊ី ចាប់ពីស្តុបផ្សារដីហុយ ដល់ស្ថានីយទូរទស្សន៍អាស៊ីអាគ្នេយ៍ ក្នុងសង្កាត់ទឹកថ្លា ខណ្ឌសែនសុខ។

ដើម្បីអនុវត្តន៍ការងារកាត់ភ្ជាប់បំពង់មេនាំទឹកថ្មី ដែលគ្រោងធ្វើនៅយប់ថ្ងៃសុក្រ ទី១០ ខែមីនា នេះ រដ្ឋាករទឹកស្វយ័តក្រុងភ្នំពេញនឹងផ្អាកការផ្គត់ផ្គង់ទឹក នៅក្នុងសង្កាត់ ទឹកថ្លា និងសង្កាត់ភ្នំពេញថ្មី ក្នុងខណ្ឌសែនសុខ និងនៅសង្កាត់កាកាប ខណ្ឌពោធិ៍សែនជ័យ ពីម៉ោង៩យប់ ដល់ម៉ោង៤ភ្លឺ៕

យានយន្ត​ចុះបញ្ជី​ថ្មី​នៅក្នុង​ឆ្នាំ ២០១៦ កើនឡើង ៣២ ភាគរយ​

យានយន្ត​ចុះបញ្ជី​ថ្មី​នៅក្នុង​ឆ្នាំ ២០១៦ កើនឡើង ៣២ ភាគរយ​

On

ប្រភព៖ ថ្មីថ្មី

ទិន្នន័យពីក្រសួងសាធារណការ និងដឹកជញ្ជូន បង្ហាញថា ក្រសួងទទួលការចុះបញ្ជីយានយន្តសរុបចំនួន ៥២,៥ម៉ឺនគ្រឿង នៅក្នុងឆ្នាំ២០១៦ ដែលកើនឡើង ៣២ភាគរយ បើប្រៀបធៀបនឹងឆ្នាំ២០១៥។

ក្នុងចំណោមយានយន្តចុះបញ្ជីសរុបទាំងជាង ៥២ម៉ឺនគ្រឿងនេះ ការចុះបញ្ជីទោចក្រយានយន្ត (ម៉ូតូ) មានចំនួន ៤៦,៥ម៉ឺនគ្រឿង, រថយន្តគ្រួសារមាន ៣៧៤៨០ម៉ឺនគ្រឿង, រថយន្តដឹកអ្នកដំណើរ ៤៦១០ គ្រឿង, រថយន្តក្រុង ៥២៨គ្រឿង, រថយន្តភីកអាប់ ១០៩៦១គ្រឿង និងរថយន្តដឹកទំនិញមានចំនួន ៧២១៥គ្រឿង។

ការចុះបញ្ជីម៉ូតូឆ្នាំ២០១៦ កើនឡើង ៣៦ភាគរយ បើធៀបនឹងឆ្នាំ២០១៥ ដែលមានចំនួន៣៤,២ម៉ឺនគ្រឿង។ ឯការចុះបញ្ជីរថយន្តឆ្នាំមុនមានជាង ៦ម៉ឺនគ្រឿង កើនឡើង ៧ភាគរយ ដោយធៀបនឹងឆ្នាំ២០១៥ ដែលមានចំនួន ៥,៦ម៉ឺនគ្រឿង។

បើគិតចាប់ពីឆ្នាំ១៩៩០ ដល់ឆ្នាំ២០១៦ កម្ពុជាមានម៉ូតូចុះបញ្ជីសរុប ៣,១៨លានគ្រឿង ខណៈការចុះបញ្ជីរថយន្តមានចំនួន ៥៤,៧ម៉ឺនគ្រឿង។

ចំពោះកំណើនរថយន្តនៅកម្ពុជា លោក ប៉ា សុជាតិវង្ស អភិបាលរាជធានីភ្នំពេញ ធ្លាប់លើកឡើងថា រថយន្តថ្មីមានតែជាង ១០ភាគរយប៉ុណ្ណោះនៃចំនួនរថយន្តសរុបដែលត្រូវបាននាំចូលទីផ្សារក្នុងស្រុក។

ពាក់ព័ន្ធនឹងការចុះបញ្ជីយានយន្តនេះដែរ ក្រសួងសាធារណការ កាលពីខែមករាឆ្នាំនេះ បានដាក់ឲ្យដំណើរការប្រព័ន្ធចុះបញ្ជីយានយន្តតាមអនឡាញ។ ជាមួយគ្នានេះ អ្នកទិញយានយន្ត ក៏អាចធ្វើស្លាកលេខ និងបណ្ណសម្គាល់យានយន្តនៅហាងលក់ម៉ូតូ ឬហាងលក់រថយន្តតែម្ដង៕

JICA មិនទាន់មាន​គម្រោង​ច្បាស់លាស់​លើ​ការសង់​ផ្លូវ​រថភ្លើង​លើ​អាកាស​នៅ​ភ្នំពេញ​ឡើយ​

JICA មិនទាន់មាន​គម្រោង​ច្បាស់លាស់​លើ​ការសង់​ផ្លូវ​រថភ្លើង​លើ​អាកាស​នៅ​ភ្នំពេញ​ឡើយ​

On

ប្រភព៖ ថ្មីៗ

ភ្នំពេញ៖ ទីភ្នាក់ងារសហប្រតិបត្តិការអន្តរជាតិជប៉ុន(JICA) បានស្នើអាជ្ញាធររាជធានីភ្នំពេញសិក្សាគម្រោងផ្លូវរថភ្លើងស្វ័យប្រវត្តិធុនស្រាល(AGT) ថ្មីមួយទៀត ដែលរត់ពីរាជធានីភ្នំពេញ ទៅអាកាសយានដ្ឋានអន្តរជាតិភ្នំពេញ។ នេះបើតាមលោក ម៉េត មាសភក្តី អ្នកនាំពាក្យសាលារាជធានីភ្នំពេញ។

លោក ម៉េត មាសភក្តី បានឲ្យដឹងថា JICA បានសុំអាជ្ញាធរសិក្សាគម្រោងរថភ្លើងធុនស្រាលស្វ័យប្រវត្ដិលើអាកាស (AGT, Automated Guideway Transit) ដោយគេសិក្សាលើផ្នែកបច្ចេកទេស និងផលប៉ះពាល់ពលរដ្ឋមួយចំនួន មុនពេលដំណើរការគម្រោងរថភ្លើងធុនស្រាល ក្នុងរាជធានីភ្នំពេញ នាពេលខាងមុខ។

លោកបានបន្តប្រាប់សារព័ត៌មានថ្មីៗថា គម្រោងផ្លូវរថភ្លើងលើអាកាសថ្មីមួយទៀតដែលជប៉ុនបានពិភាក្សាជាមួយអាជ្ញាធរ កាលពីថ្ងៃទី៣១ មករាម្សិលមិញនេះ គឺចាប់ចេញដំណើរពីមហាវិថីព្រះមុនីរ៉េត រត់តាមបណ្តោយផ្លូវស្រេង រហូតដល់រង្វង់មូលចោមចៅ។

«បច្ចុប្បន្ន ភ្នាក់ងារ JICA បាន និងកំពុងសិក្សា ហើយខ្ញុំរំពឹងថា អ្វីៗនឹងដំណើរការទៅមុខ ដើម្បីរួមចំណែកកាត់បន្ថយការកកស្ទះចរាចរណ៍ក្នុងរាជធានីភ្នំពេញ»។ អ្នកនាំពាក្យសាលារាជធានីភ្នំពេញបញ្ជាក់នៅថ្ងៃទី១ កុម្ភៈនេះ មុនឆ្លើយបន្ថែមទាក់ទងនឹងទឹកប្រាក់វិនិយោគថា ជប៉ុនគ្រោងចំណាយថវិកាសាងសង់ប្រមាណ ៥០០លានដុល្លារអាមេរិក។

ក្រៅពីគម្រោងថ្មីនេះ JICA បាន និងកំពុងសិក្សាគម្រោងរថភ្លើងធុនស្រាលស្វ័យប្រវត្តិលើផ្លូវអាកាសប្រភេទ AGT ចំនួន៣ខ្សែ រយៈពេលជិត ២ឆ្នាំ្មហើយ។ គម្រោងរថភ្លើងទាំងបីខ្សែ ដែលគេសិក្សាតាំងពីឆ្នាំ ២០១៥រហូតមកនោះ រួមមាន ខ្សែទី១ ផ្តើមពីចំណុចវិថីកម្ពុជាក្រោម មហាវិថីព្រះមុនីវង្ស មហាវិថីសហព័ន្ឋរុស្ស៊ី និងរង្វង់មូលចោមចៅ ហើយខ្សែទី២ ពីមហាវិថីព្រះមុនីវង្សរត់ស្របផ្លូវរថភ្លើងរួចបត់ឆ្វេងតាមផ្លូវតាំងកសាងចូលអាកាសយានដ្ឋានអន្តរជាតិភ្នំពេញ និងខ្សែទី៣ ផ្តើមពីផ្សារថ្មី វិថីហ្សាលដឺហ្គោលវិថីព្រះមុនីរ៉េត ផ្លូវវេងស្រេង រង្វង់មូលចោមចៅ បត់មកអាកាសយានដ្ឋានអន្តរជាតិភ្នំពេញ។

ដោយជប៉ុនកំពុងសិក្សាផែនការមេ និងការស្ទង់មតិលើគម្រោងប្លង់មេចរាចរណ៍ក្នុងរាជធានីភ្នំពេញនោះ អ្នកនាំពាក្យសាលារាជធានី ពុំទាន់ដឹងពីកាលបរិច្ឆេទចាប់ផ្តើមគម្រោងច្បាស់លាស់នោះទេ។ ប៉ុន្តែ លោកគ្រាន់តែបង្ហើបគម្រោងអាទិភាពក្នុងគម្រោងប្លង់មេនោះ គឺការរៀបចំប្រព័ន្ធផ្លូវរថភ្លើងសាធារណៈ នាពេលខាងមុខ៕

លោក Nicolas, បែលហ្ស៊ិក​, បង្កើត​សេវា​ដឹកជញ្ជូន​តាម​កង់​នៅ​ភ្នំពេញ​ដើម្បី​កាត់បន្ថយ​ការបំពុល​បរិស្ថាន

លោក Nicolas, បែលហ្ស៊ិក​, បង្កើត​សេវា​ដឹកជញ្ជូន​តាម​កង់​នៅ​ភ្នំពេញ​ដើម្បី​កាត់បន្ថយ​ការបំពុល​បរិស្ថាន

On

ប្រភព៖ ថ្មីៗ

ភ្នំពេញ៖ លោក Nicolas Van den Bossche អាយុ៣៤ឆ្នាំ ជនជាតិបែលហ្ស៊ិក បានសម្រេចចិត្តបង្កើតសេវាកម្មដឹកជញ្ជូនតាមកង់នៅទីក្រុងភ្នំពេញក្នុងគោលបំណងចូលរួមកាត់បន្ថយឧស្ម័នកាបូនិកដែលបង្កឡើងដោយម៉ូតូ និងរថយន្ត។ ២ខែក្រោយការបង្កើត លោក Nicolas ទទួលបានម៉ូយជាប្រចាំចំនួនបីហើយ, ហើយលោកមានម៉ូយរាយមួយចំនួនផ្សេងទៀត។ ដើម្បីជ្រាបព័ត៌មានលម្អិត សូមអញ្ជើញស្តាប់បទសម្ភាសជាភាសាបារាំងរវាងលោក គី សុខលីម អ្នកសារព័ត៌មានអេឡិចត្រូនិកថ្មីៗ និងលោក Nicolas ដូចតទៅ៖

មករស់នៅក្នុងប្រទេសកម្ពុជាអស់រយៈពេល៩ខែ ហើយបង្កើតសេវាកម្មដឹកជញ្ជូនតាមកង់កាលពី២ខែមុន, លោក Nicolas ហាក់បីដូចជាជាមានជំនឿ និងពេញចិត្តលើសេវាកម្មរបស់ខ្លួន។ រហូតមកដល់ពេលនេះ លោកទើបទទួលបានម៉ូយប្រចាំចំនួនបី និងម៉ូយរាយមួយចំនួនមែន។ តែលោកសង្ឃឹមថា ជំនួញខ្នាតតូចរបស់លោកនឹងអាចជោគជ័យនាពេលអនាគត។

រកប្រាក់ចំណេញជារឿងមួយ។ តែលោកបង្កើតសេវាកម្មនេះដោយមានគោលបំណងរបស់លោកច្បាស់លាស់។ ទី១ គឺលោកចង់ចូលរួមកាត់បន្ថយឧស្ម័នកាបូនិកដែលបង្កឡើងដោយម៉ូតូ និងរថយន្តនៅក្នុងទីក្រុងភ្នំពេញដែលកាន់តែមានចំនួនច្រើនឡើងៗពីមួយថ្ងៃទៅមួយថ្ងៃ និងទី២ លោកគិតថា សេវាដឹកជញ្ជូនតាមកង់អាចលឿនជាងតាមម៉ូតូ ក្នុងខណៈពេលដែលចរាចរណ៍កាន់តែយ៉ាប់យ៉ឺនឡើងៗនៅទីក្រុងភ្នំពេញ។ លោក Nicolas គិតថា៖«កង់មិនបំពុល និងលឿនជាងម៉ូតូ»។

ក្នុងនាមជាអ្នកស្រឡាញ់បរិស្ថាន លោកបានទទួលបានគំនិតនេះពីក្រៅប្រទេស ដូចជា ប្រទេសអាមេរិក បារាំង អាឡឺម៉ង់ និងប្រទេសបែលហ្ស៊ិក ដើម្បីដាក់ឲ្យដំណើរការនៅក្នុងប្រទេសកម្ពុជា ជាពិសេស នៅទីក្រុងភ្នំពេញ។ លោកហៅសេវារបស់លោកថាជា«សេវាបៃតង» ជាភាសាអង់គ្លេស Green Delivery និង La livraison verte ជាភាសាបារាំង។

សេវាកម្មនេះ លោកទើបតែបង្កើតបានរយៈពេល២ខែទេ។ ខុសពីអ្នកជំនួញដទៃទៀតដែលខ្លាចអ្នកប្រកួតប្រជែងទីផ្សារ លោក Nicolas ស្វាគមន៍ឲ្យមានអ្នកជំនួញផ្សេងទៀតចូលមកប្រកួតប្រជែងក្នុងប្រភេទជំនួញនេះឲ្យកាន់តែច្រើនឡើង។ សម្រាប់លោក Nicolas, បើមានអ្នកជំនួញក្នុងវិស័យនេះ កាន់តែច្រើន នោះការបំពុលបរិស្ថាននៅទីក្រុងភ្នំពេញនឹងកាន់តែត្រូវកាត់បន្ថយ។

តើ«សេវាបៃតង»របស់លោក Nicolas យកកម្រៃដូចម្តេច?

លោក Nicolas បានពន្យល់ថា ចម្ងាយ៤គីឡូម៉ែត្រចុះក្រោម សេវាកម្មតម្លៃផ្ញើ គឺ៦ពាន់រៀល។ លើសពី៤គីឡូម៉ែត្រ លោកគិតតម្លៃបន្ថែម២ពាន់រៀលក្នុងមួយគីឡួម៉ែត្រ។ លោកបានបញ្ជាក់ប្រាប់អតិថិជនថា លោកអាចដឹកជញ្ជូនបានតែឥវ៉ាន់ស្រាលៗល្មមទេ។ ទំនិញធ្ងន់ៗពេក លោកមិនអាចដឹកបានឡើយ។

នៅក្នុងប្រទេសកម្ពុជា អ្នកជិះកង់ពេលខ្លះត្រូវបានគេគិតថា ជាអ្នកក្រ, តើលោក Nicolas យល់ឃើញយ៉ាងដូចម្តេចដែរ? …

មន្ទីរសង្គមកិច្ចរាជធានីភ្នំពេញ ប្រមូលក្មេងអនាថា តាមដងផ្លូវ៥៨នាក់ យកទៅចិញ្ចឹម និងប្រគល់ឲ្យអង្គការមួយចំនួន

មន្ទីរសង្គមកិច្ចរាជធានីភ្នំពេញ ប្រមូលក្មេងអនាថា តាមដងផ្លូវ៥៨នាក់ យកទៅចិញ្ចឹម និងប្រគល់ឲ្យអង្គការមួយចំនួន

On

ប្រភព៖ Fresh News

(ភ្នំពេញ)៖ ក្មេងកំព្រា អនាថាចំនួន៥៨នាក់ ត្រូវបានមន្ទីរសង្គមកិច្ចរាជធានីភ្នំពេញ បានចុះប្រមូលនៅតាមដងផ្លូវសាធារណ: ដើម្បីយកទៅចិញ្ចឹម និងប្រគល់ជូនអង្គការមួយចំនួនដែលធ្វើការលើកុមារ។

លោក សន សុផល ប្រធានមន្ទីរសង្គមកិច្ចរាជធានីភ្នំពេញបានបញ្ជាក់ប្រាប់អង្គភាព Fresh News នៅព្រឹកថ្ងៃទី១៧ ខែមករា ឆ្នាំ២០១៧នេះថា «យើងធ្វើសមាហរណកម្ម ប្អូនៗ យុវជន និងក្មេងៗកំព្រា អនាថាដើរសុំទានតាមដងផ្លូវ តាមភ្លើងស្តុប ឬក្មេងខ្សោយសតិបញ្ញា ទៅក្នុងសង្គម តាមរយ:អង្គការជាដៃគូចំនួន៣៥អង្គភាព ដើម្បីអោយពួកគាត់ មានចំណេះជំនាញខ្លះៗ ក្នុងការចិញ្ចឹមជីវិត ទៅថ្ងៃអនាគត»

លោក សន សុផល បានលើកឡើងបែបនេះ ខណ:លោកបានជូនដំណើរ ជនអនាថាក្មេងកំព្រា ក្មេងខ្សោយសតិបញ្ញា ក្មេងដើរសុំលុយតាមដងផ្លូវ តាមភ្លើងស្តុប ទៅតាមអង្គការ ដើម្បីបណ្តុះបណ្តាលវិជ្ជាជីវ: ដល់ពួកគេចំនួន៥៨នាក់ នារសៀលថ្ងៃទី១៦ ខែមករា ឆ្នាំ២០១៧នេះ នៅមន្ទីរសង្គមកិច្ច អតីតយុទ្ឋជន និងយុវនីតិសម្បទា រាជធានីភ្នំពេញ។

លោក សន សុផល បានបញ្ជាក់ទៀតថា នេះគឺជាការឆ្លើយតបទៅហ្នឹងសកម្មភាពមនុស្សធម៌ ជំរុញមិនអោយមាននរណាម្នាក់ថា «ស្លាប់ដោយគ្មានបាយទទួលទាន ឬដោយសារអាជ្ញាធរ យើងមិនបានដឹងនោះទេ»

ជាមួយគ្នានេះ លោកប្រធានមន្ទីរក៏អរគុណដល់អង្គការជាដៃគូ ដែលបានសហការទទួលយកកុមារអនាថា ក្មេងកំព្រា ឬជនមានសតិមិនប្រក្រតីទាំងនេះ ទៅបណ្តុះបណ្តាល ផ្តល់ជំនាញដល់ពួកគាត់។

ដោយឡែក ចំពោះក្មេងៗដែលមានឪពុកម្តាយ បណ្តោយអោយកូនៗដើរសុំទានតាមផ្លូវនោះ បើចង់យកកូនៗត្រឡប់ទៅវិញ គឺខាងអង្គការ ជួយបងៀនជំនាញរយ:ពេលកន្លះឆ្នាំសិន ទើបអនុញ្ញាតអោយត្រឡប់ទៅវិញ៕

ស្វែងរកប្រភពដើមនៅទីនេះ

រូបភាពដោយ Fresh News

ក្រសួង​សាធារណការ ពន្យារពេល​ជួសជុល​ស្ពាន​ជ្រោយចង្វារ​ចាស់

ក្រសួង​សាធារណការ ពន្យារពេល​ជួសជុល​ស្ពាន​ជ្រោយចង្វារ​ចាស់

On

ប្រភព៖ ថ្មីថ្មី

គម្រោងកែលម្អស្ពានមិត្តភាពកម្ពុជា-ជប៉ុន(ជ្រោយចង្វារចាស់) ត្រូវពន្យារពេលដល់ដើមខែមេសាខាងមុខ។ ការពន្យារពេលនេះ ដោយសារភាគីជប៉ុនផ្លាស់ប្តូរនីតិវិធី នៃការដាក់ដេញគម្រោងកែលម្អស្ពាន និងទុកពេលឲ្យភាគីកម្ពុជា រៀបចំប្រព័ន្ធខ្សែភ្លើង ប្រព័ន្ធបំពង់ទឹកស្អាត និងរុះរើលំនៅឋានប្រជាពលរដ្ឋមួយចំនួននៅត្រើយខាងកើត។

ក្រសួងសាធារណការ និងដឹកជញ្ជូន បានប្រកាសពន្យារពេលជួសជុលកែលម្អស្ពានមិត្តភាពកម្ពុជា-ជប៉ុន(ជ្រោយចង្វារចាស់)ដល់ដើមខែមេសាខាងមុខ។ នេះបើតាមទីភ្នាក់ងារសារព័ត៌មានកម្ពុជា។

បើតាមលោក ឈឹម ផល្លា មន្ត្រីកិច្ចសហប្រតិ្តបត្តិការអន្តរជាតិនៃក្រសួងសាធារណការ និងដឹកជញ្ជូន ដែលAKPបានស្រង់សម្តី ការសម្រេចពន្យារពេលជួសជុលស្ពាននេះ គឺដោយសារភាគីជប៉ុនផ្លាស់ប្តូរនីតិវិធី នៃការដាក់ដេញគម្រោងកែលម្អស្ពាន ពីខែធ្នូ ឆ្នាំ២០១៦ ទៅខែមីនា ឆ្នាំ២០១៧វិញ។ ការពន្យារពេលនេះ ក៏ដើម្បីឱ្យភាគីកម្ពុជា សម្រួលការរៀបចំប្រព័ន្ធខ្សែភ្លើង ប្រព័ន្ធបំពង់ទឹកស្អាត និងការតម្រូវឱ្យមានការរុះរើលំនៅឋានប្រជាពលរដ្ឋចំនួន២១គ្រួសារ នៅភាគខាងកើតស្ពានជ្រោយចង្វារ ដើម្បីសម្រួលដល់ការកែលម្អស្ពាននេះ។ នេះបើតាម លោកឈឹម ផល្លា ដដែល។

ដើមឡើយក្រសួងសារធារណការ និងដឹកជញ្ជូនបានបញ្ជាក់ថា នឹងបិទចរាចរណ៍លើស្ពានជ្រោយចងា្វរចាស់ ឬស្ពានមិត្តភាពកម្ពុជា-ជប៉ុន ជាបណ្ដោះអាសន្ន ដើម្បីបើកការដ្ឋានជួសជុលកែលម្អ ចាប់ពីខែមករាឆ្នាំ២០១៧ ។  ក្រុមហ៊ុនជប៉ុននឹងចំណាយពេលប្រហែល ២២ខែ ដើម្បីបញ្ចប់ការជួសជុលស្ពាននេះ។  នៅក្នុងអំឡុងពេលដំណើរការជួសជុលស្ពាន អាជ្ញាធរពិចារណាយកស្រឡាងចំនួន២គ្រឿង ពីអ្នកលឿង មកចម្លងអ្នកដំណើរពីត្រើយម្ខាង ទៅត្រើយម្ខាងទៀត។ តាមការបញ្ជាក់របស់ លោក ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន នៅក្នុងសន្និបាតបូកសរុបការងារប្រចាំឆ្នាំ២០១៦ និងទិសដៅការងារឆ្នាំ២០១៧ នៅថ្ងៃទី២៨ខែធ្នូកន្លងទៅ ការឆ្លងស្រឡាងពេលជួសជុលស្ពានជ្រោយចង្វារចាស់ មិនតម្រូវឲ្យបង់ប្រាក់ឡើយ