garbage-phnom-penh-1_large

អភិបាលរង​ក្រុងភ្នំពេញថា៖ បើនៅតែចោលសំរាមទៀតនឹងពិន័យតាមច្បាប់ អត់និយាយច្រើន

Sorry, this entry is only available in Khmer. For the sake of viewer convenience, the content is shown below in the alternative language. You may click the link to switch the active language.

ប្រសិនបើប្រជាពលរដ្ឋនៅតែមានទម្លាប់ចោលសំរាមនៅក្រៅធុង មិនយូរទេនឹងប្រើយន្តការផាកពិន័យទៅតាមអនុក្រឹត្យ ៨០៨តែម្ដង ប្រសិនបើវិធានការអប់រំផ្សព្វផ្សាយគ្មានប្រសិទ្ធភាព។ នេះបើតាមការបញ្ជាក់របស់ ឯកឧត្ដម នួន ផារ័ត្ន អភិបាលរងនៃគណៈអភិបាលរាជធានីភ្នំពេញ។

ឯកឧត្ដម នួន ផារ័ត្ន លើកឡើងថា មនុស្សមានទម្លាប់ពីរយ៉ាងខុសគ្នា គឺទី១ អ្នកមានទម្លាប់ល្អ ទម្លាប់ស្អាត បើមានសំរាមក្នុងដៃគឺដើររកធុងសំរាម ដើម្បីចោល។ តែមនុស្សខ្លះទៀតធុងសំរាមនៅក្បែរដៃយ៉ាងណាក៏មិនចោលក្នុងធុងដែរសុខចិត្តចោលក្បែរៗនឹង។ឯកឧត្ដមបន្តថា កន្លងមក នៅមិនទាន់ប្រើយន្តការច្បាប់មកដោះស្រាយនៅឡើយទេ ដោយគិតថាហាក់ដូចជាធ្ងន់ធ្ងរពេកសម្រាប់ប្រជាពលរដ្ឋ ហើយម្យ៉ាងវិញទៀតចង់ទុកពេលពេលវេលាសម្រាប់កែប្រែសិន តែរហូតមកទល់ពេលនេះទម្លាប់គ្រវែងចោលសំរាមក្រៅធុងនៅតែមាន។

ដូច្នេះហើយមានតែយន្តការច្បាប់ទេ នឹងត្រូវយកមកអនុវត្តដើម្បីបរិស្ថានស្អាត។ ក្នុងនោះអ្នកចោលសំរាមក្រៅធុង នៅតាមទីសាធារណនឹងត្រូវពិន័យជាប្រាក់ចំនួន ២០.០០០ (ពីរម៉ឺន) រៀល ចំពោះអ្នកដំណើរ អ្នកទេសចរ នឹងត្រូវប្រមូលសំអាតយកទៅដាក់ធុងសំរាមសាធារណ។ នេះបើតាមមាត្រា ៤២ នៃអនុក្រឹត្យលេខ ៨០៨ ស្ដីពីច្បាប់ការគ្រប់គ្រងកាកសំណល់ចុះថ្ងៃ ២៧ ខែសីហា ឆ្នាំ២០១៥៕

ដើម្បីលម្អិតពីបទប្បញ្ញត្តិនេះសូមមើលមាត្រា ៤២ នៃអនុក្រឹត្យលេខ ៨០៨ដូចខាងក្រោមនេះ៖

news1

 

ប្រភព៖ Sabaynews.com

Leave a Reply