ស្ពានជ្រោយចង្វារទី១នឹងបើកឲ្យដំណើរការឡើងវិញនៅមុនបុណ្យចូលឆ្នាំខ្មែរខាងមុខនេះ
Posted On : February, 5, 2019 | By សំឡេងទីក្រុង

Sorry, this entry is only available in Khmer. For the sake of viewer convenience, the content is shown below in the alternative language. You may click the link to switch the active language.

ថ្មីៗនេះតាមការចុះផ្សាយរបស់ រដ្ឋបាលរាជធានីភ្នំពេញបានឱ្យដឹងថា ការជួសជុលឡើងវិញនៅស្ពានមិត្តភាពកម្ពុជា-ជប៉ុន (ស្ពានជ្រោយចង្វារទី១) មានដំណើរការលឿនជាងការគ្រោងទុក។ លើសពីនេះទៅទៀតរដ្ឋបាលរាជធានីភ្នំពេញ បានបញ្ជាក់ទៀតថា ស្ពាននេះនឹងបើកឲ្យដំណើរការឡើងវិញនៅ​មុនបុណ្យចូលឆ្នាំខ្មែរខាងមុខនេះ។

គម្រោងស្តារឡើងវិញនៃស្ពានមិត្តភាពកម្ពុជា-ជប៉ុន គឺជាហិរញ្ញប្បទាន ឥតសំណងរបស់រដ្ឋាភិបាលជប៉ុនដែលត្រូវបានចុះហត្ថលេខានៅថ្ងៃទី៣១ ខែមីនា ឆ្នាំ២០១៦។ គម្រោងនេះបានចាប់ផ្តើមការជួសជុលនៅថ្ងៃទី១៥ ខែកញ្ញា ឆ្នាំ២០១៧ ដែលគ្រោងនឹងបញ្ចប់នៅថ្ងៃទី ១៤ ខែមិថុនា ឆ្នាំ២០១៩ ដោយមានក្រុមហ៊ុនពីរគឺ  Obayashi ជាក្រុមហ៊ុនទទួលសិទ្ធិក្នុងការជួសជុលសាងសង់ និងក្រុមហ៊ុន Central Consultant Inc ជាក្រុមហ៊ុនទីប្រឹក្សាបច្ចេកទេស។ ខណៈពេលបច្ចុប្បន្ននេះ ស្ពានមិត្តភាពកម្ពុជា-ជប៉ុន ធ្វើការជួសជុលបាន ៩៣% លឿនជាងការគ្រោងទុក ១៤% ។

គួររំលឹកផងដែរថា ស្ពានជ្រោយចង្វារទី១ ត្រូវបានបំផ្លិចបំផ្លាញក្នុងឆ្នាំ១៩៧២​។ ហើយនៅឆ្នាំ១៩៩៥ រាជរដ្ឋាភិបាលកម្ពុជា បានទទួលជំនួយឥតសំណងពីរដ្ឋាភិបាលជប៉ុនដើម្បីតភ្ជាប់ស្ពាន និងដាក់ឲ្យប្រើប្រាស់រហូតមកដល់សព្វថ្ងៃនេះ។

ប្រភពវីដេអូ៖ ក្រសួងសាធារណការ និងដឹកជញ្ជូន Ministry of Public Works and Transport – MPWT

Urban Voice Cambodia

Urban Voice Cambodia