សួនច្បារ​និង​រង្វង់​មូល​កាំភ្លើង​កួច​កាណុង​សាលា​រាជធានី​ភ្នំពេញ​ បាន​នឹង​កំពុង​ស្ថាបនា​ឲ្យ​ក្លាយ​ទៅជា​សួន​ប្រណិត​នៅ​គល់ស្ពាន​ជ្រោយចង្វារ​ត្រើយ​ខាងលិច
Posted On : មិនា, 18, 2015 | By សំឡេងទីក្រុង

ថ្ងៃ ទី18 មីនា ឆ្នាំ2015,  ដោយ: កម្ពុជាថ្មី​

ភ្នំពេញ ៖ អភិបាល​នៃ​គណៈ​អភិបាល​រាជធានី​ភ្នំពេញ​លោកប៉ា សុជាតិ​វង្ស បាន​មាន​ប្រសាស​ន៍ថា សាលា​រាជធានី​ភ្នំពេញ​នឹង​ស្ថាបនា​សួនច្បារ​កាំ ភ្លើង​កួច​កាណុង​ឲ្យ​ទៅជា​សួនច្បារ​ស្អាត​និង​ល្អ​ប្រណិត តាមរយៈការកែលំអរ​ហេដ្ឋារចនាសម្ព័ន្ធ​ បំពាក់​ដោយ​ក្បូរក្បាច់​រចនា​បែប​ខ្មែរ​រួមទាំង​ការដាំ​ស្មៅ​,​ដាំ​ផ្កា​,​រៀប​កំរាល​ថ្ម​ម៉ាប​,​រៀប​ចំ​ដាក់​បណ្តាញទឹក​.​ភ្លើង​ឲ្យ​មាន​លក្ខណៈ​ទំនើប​ទាន់សម័យ​ ដើម្បី​ទាក់ទាញ​ភ្ញៀវទេសចរ និង​រួមចំណែក​លើក​កំពស់​សោ​ភណ្ឌ​ភាព​រាជធានី​ភ្នំពេញ​ឲ្យ​កាន់តែ​ស្រស់​បំព្រង​។​

អភិបាល​នៃ​គណៈ​អភិបាល​រាជធានី​ភ្នំពេញ​ បាន​មានប្រសាសន៍​បែបនេះ​កាលពី​ព្រឹក​ថ្ងៃទី​១៨​មិនា ក្នុង​ខណៈពេលដែល​លោក​អភិបាល​រាជធានី ​រួមជាមួយ​មន្ត្រី​ជំនាញ​អញ្ជើញ​ទៅពិនិត្យ​មើល​ដំណើរការ​ស្ថាបនា​សួនច្បារ​នៅ​រង្វង់​មូល​កាំភ្លើង​កួច​កាណុង ដើម្បី​ជំរុញឲ្យ​ដំណើរការ​នៃ​ការស្ថាបនា​ដំណើរការ​ទៅបាន​លឿន​ និង​ស្របទៅតាម​អ្វីដែល​បានគ្រោង​ទុក​។​

លោក​សាំ ពិសិទ្ធ នាយក​មន្ទីរ​សាធារណៈការ និង​ដឹកជញ្ជូន​រាជធានី​ភ្នំពេញ​ឲ្យ​ដឹង ថា សួន​ច្បារ​គូ​ច​កាណុង​នេះ ត្រូវបាន​កែលំអរ​ឡើងវិញ​ដោយ​បង្រួម​ចូល​៥​ម៉ែត្រ​,​អង្កត់ផ្ចិត របស់​សូន​ទំហំ​៨០​ម៉។ ចំពោះ​រូបសំណាក​កាំភ្លើង​គួច​កាណុង​គឺរក្សា​ឲ្យ​នៅ​ដដែល​។ លោកនាយក​មន្ទីរ​បន្ត​ថា​ការស្ថាប​នា និង​កែលំអរ​សួនច្បារ​កាំភ្លើង​គួច​កាណុង​នេះ​ នឹង​សំរេច​ឲ្យ រួចរាល់​នៅ​ចុងខែ​ឧសភា ឆ្នាំ​២០១៥​ខាងមុខ​។ ការកែលំអរ​សួន​នេះដែរ គឹ​ធ្វើឡើង​ស្របគ្នា ទៅនឹង​ការដាក់​ឲ្យ​ប្រើប្រាស់​ស្ពាន​ជ្រោយ​ចង្វារ​ថ្មី​ដែល​ទើបនឹង​សាងសង់​រួច រង់ចាំ​តែ ថ្ងៃ​សម្ពោធ​ជា​ផ្លូវការ​តែប៉ុណ្ណោះ​។ ទាំង​រង្វង់​មូល និង​ស្ពាន​ជ្រោយចង្វា​គឺ​ស្ថិតនៅ​ចំណុច​នៃ ច្រកចេញចូល​រាជធានី​ភ្នំពេញ​ដ៏​សំខាន់ និង​មាន​ភាព​មមាញឹក​ដោយ​លំហូរ​ចរាចរ​ដ៏​ចង្អៀត ដែល​ត្រូវឲ្យ​មានការ​គិតគូរ​អោយ​ម៉ត់ចត់ និង​រក្សាបាន​នូវ​សោ​ភណ្ឌ​ភាព​ផងដែរ៕

Related Posts

សំឡេងទីក្រុង!

សំឡេងទីក្រុង!