រស់នៅ​ភ្នំពេញ​តឹងទ្រូង
Posted On : October, 27, 2014 | By សំឡេងទីក្រុង

ដោយ​ ថ្មីៗ ថ្ងៃទី ២៧ ខែតុលា ឆ្នាំ ២០១៤

បើ​និយាយ​ជារួម ភ្នំពេញ គឺជា​រាជធានី​ដែល​កំពុង​ត្រូវបាន​អភិវឌ្ឍ​ជាបណ្តើរៗទៅមុខ​ដោយ​គ្មាន​ថ្ងៃ​ត្រ​ទ្ប​ប់​ថយក្រោយ​វិញ​ឡើយ។ អគារធំៗ ផ្សារ​ទំនើប ហាង​ស្អេកស្កះ កា​រ៉ា​អូ​ខេ​គ្រប់​ទីកន្លែង រថយន្ត​ទំនើប ផ្ទះ​វីឡា សកលវិទ្យា​ល័យ ប្រព័ន្ធ​អ៊ី​ន​ធឺ​ណែ​ត បង្ហាញ​វត្តមាន​កាន់តែ​ច្រើនឡើង​នៅ​ទីក្រុង​ភ្នំពេញ ហើយ​នេះ គឺជា​អ្វីដែល​មិន​ធ្លាប់មាន​កាលពី៣៥ឆ្នាំមុន​ក្រោយ​ការ​រលំរលាយ​នៃ​របប​ខ្មែរក្រហម​ឆ្នាំ១៩៧៩ ។
បើ​ទីក្រុង​រីកចម្រើន​ដូច្នេះហើយ តើ​ហេតុអ្វី​បានជា​គេ​និយាយថា រាជធានី​ភ្នំពេញ​ពិបាក​រស់នៅ?

ចំណុច​អាក្រក់​របស់​ទីក្រុង​ភ្នំពេញ​ដែល​ធ្វើអោយ​ពលរដ្ឋ​ពិបាក​រស់នៅ មានដូចជា៖
ទី១ វត្តមាន​សំរាម​ស្ទើរ​គ្រប់កន្លែង។
ទី២ គ្មាន​អគ្គិសនី​គ្រប់គ្រាន់​នៅតាម​ដងផ្លូវ​នានា​នៃ​ទីក្រុង​ភ្នំពេញ។ នៅ​រាត្រី​ខ្លះ ផ្នែក​ខ្លះ​នៃ​ទីក្រុង​ភ្នំពេញ​គ្របដណ្តប់​ដោយ​ស្បៃ​ងងឹត។
ទី៣ ចរាចរណ៍​កកស្ទះ។
ទី៤ ទឹកជំនន់​លិច​ក្រុង ពេល​មាន​ភ្លៀង​ធ្លាក់ធំម្តង។
ទី៥ អ្នក​ថ្មើ​ជើង​គ្មាន​កន្លែង​ធ្វើដំណើរ​ទេ ពីព្រោះ​ចិញ្ចើមផ្លូវ​ត្រូវបាន​គេ​ធ្វើ​អាជីវកម្ម​អស់ហើយ។
ទី៦ គ្មាន​ចំណត​ត្រឹមត្រូវ។ អាជីវកម្មនីមួយៗ គេហដ្ឋាននីមួយៗ ដណ្តើមយក​ទ្រូងផ្លូវ​ដើម្បី​ចត​យានជំនិះ​ខ្លួនឯង។
ទី៧ ខ្សែភ្លើង​មហា​សែន​រញ៉េរញ៉ៃ។
ទី៨ និយាយ​ជារួម ទីក្រុង​ភ្នំពេញ​នៅ​កខ្វក់​នៅឡើយ (Not clean yet)។
ទី៩ ផ្លូវ​ក្នុង​ក្រុង​ជួសជុល​ហើយ​ខូច​ទៅវិញ
ទី១០ ពលរដ្ឋ​មួយចំនួន​គ្មាន​សតិសម្បជញ្ញៈ​ក្នុង​ការលើក​សោភ័ណភាព​ទីក្រុង។

តែ​ទោះជា​យ៉ាងណា ភ្នំពេញ​អាច​ត្រូវបាន​គេ​ចាត់ទុកថា ជាទី​ក្រុង​ដែលមាន​សុវត្ថិភាព​សន្តិសុខ​គ្រាន់បើ​ជាង​ទីក្រុង​មួយចំនួនធំ​នៅលើ​ពិភពលោក៕

Urban Voice Cambodia

Urban Voice Cambodia