រថយន្ត​ក្រុង​សាធារណៈ នឹងត្រូវ​ផ្អាក​ដំណើរការ​ក្នុង​ថ្ងៃ​បោះឆ្នោត
Posted On : July, 25, 2018 | By សំឡេងទីក្រុង

Sorry, this entry is only available in Khmer. For the sake of viewer convenience, the content is shown below in the alternative language. You may click the link to switch the active language.

សេវា​ដឹកជញ្ជូន​សាធារណៈ​រថយន្តក្រុង របស់​រដ្ឋាករ​ដឹកជញ្ជូន​សាធារណៈ​រថយន្តក្រុង (City Bus) នឹង​ត្រូវ​ផ្អាក​ រយៈពេល ១ថ្ងៃ គឺ​នៅអាទិត្យ ទី២៩ ខែកក្កដា ឆ្នាំ២០១៨ ដែល​ជា​ថ្ងៃ​បោះឆ្នោត​ជ្រើសតាំង​តំណាងរាស្រ្ដ នីតិកាល​ទី៦។ នេះ​បើ​យោង​តាម​សេចក្ដី​ជូនដំណឹង​របស់​រដ្ឋបាល​រាជធានី​ភ្នំពេញ នា​ថ្ងៃ​ទី២៤ ខែកក្កដា​នេះ។

រដ្ឋបាល​រាជធានី​ភ្នំពេញ បាន​បញ្ជាក់ថា ការ​ផ្អាក​ដំណើរការ​សេវា​រថយន្តក្រុង​សាធារណៈ​ក្នុង​ថ្ងៃ​បោះឆ្នោតនេះ គឺអនុវត្ត​តាម​សេចក្ដី​អំពាវនាវ​របស់​ គ.ជ.ប និងលិខិត​ជូនដំណឹង​ក្រសួង​ការងារ​ ដើម្បី​ឲ្យ​បុគ្គលិក​ City Bus បាន​អនុវត្ត​សិទ្ធិក្នុង​នាម​ជា​ពលរដ្ឋ​ខ្មែរ ពោល​គឺ​បាន​ទៅ​ចូលរួម​បោះឆ្នោត​ជ្រើសតាំង​តំណាងរាស្រ្ដ នីតិកាលទី៦ ឆ្នាំ២០១៨។

នៅក្នុងសេចក្ដី​ជូនដំណឹង​ដែល​ចុះ​ហត្ថលេខា​ដោយ​លោក​ ឃួង ស្រេង អភិបាល​រាជធានីភ្នំពេញនោះ បាន​បញ្ជាក់ថា សេវា​រថយន្ត​ក្រុង​សាធារណៈ នឹង​ដំណើរការ​ជា​ធម្មតា​វិញ នៅ ថ្ងៃ​ចន្ទ ទី៣០ ខែកក្កដា​ ឆ្នាំ២០១៨៕

ប្រភព៖ ខ្លីៗ

Urban Voice Cambodia

Urban Voice Cambodia