យុទ្ធនាការតាមប្រព័ន្ធអ៊ីនធីណែត ភ្នំពេញ បៃតង
Posted On : May, 18, 2018 | By Vantha

Sorry, this entry is only available in Khmer. For the sake of viewer convenience, the content is shown below in the alternative language. You may click the link to switch the active language.

នៅ​តាម​ទីសាធារណៈ​ក្នុង​រាជ​ធានី​ភ្នំពេញ ការ​បោះចោល​សំរាម​ពាស​វាល​ពាស​កាល​គ្មាន​សណ្តាប់​ធ្នាប់​ ត្រូវ​បាន​គេ​ប្រទះ​ឃើញ​ជា​ញឹក​ញាប់ ពិសេស​បន្ទាប់​ពី​មាន​ពិធី​បុណ្យជាតិ​ធំ​ៗ បើទោះបីមានក្រុមហ៊ុនប្រមូលសំរាមដ៏ដោយ។

បញ្ហាចោលសំរាមមិនត្រឹមត្រូវនៅតែជា​វិបត្តិ​ដ៏ធ្ងនធ្ងរសំរាប់ពលរដ្ឋរស់​នៅ​រាជធានី​ភ្នំពេញ​។

ក្នុងទីក្រុងភ្នំពេញថង់ប្លាស្ទិកដែលត្រូវបានប្រើប្រាស់មានចំនួនរហូតដល់ទៅ១០លានថង់ជារៀងរាល់ថ្ងៃ​ ហើយថង់ប្លាស្ទិកដែលត្រូវគេប្រមូលបានតាមរយៈការបោសសំអាតផ្លូវក្នុងទីក្រុងភ្នំពេញមានប្រមាណ១លាន៧សែនថង់។

តាម​ការ​សិក្សា ​​របស់​​អង្គការ​​មូល​និធិ​​អករា (ACRA Foundation) រដ្ឋាភិបាល​កម្ពុជា​បាន​ខាត​បង់​ថវិកា​អស់​រាប់​រយ​លាន​ដុល្លារ​ពី​កាក​សំណល់​ថង់​ប្លាស្ទិក​។ មិនត្រឹមតែប៉ុណ្ណោះ កម្ពុជា ត្រូវ​​ចំណាយ​ថវិកា​​ប្រចាំ​​ឆ្នាំ​ជាង​៥ម៉ឺន​ដុល្លារក្នុងមួយឆ្នាំ ​ ទៅ​លើ​ការ​សំអាត​​ថង់​​ផ្លាស្ទិក​​តែ​ក្នុង​​ខេត្ត​ក្រុង​ធំៗ​ចំនួន​៣​ប៉ុណ្ណោះ។ ​​ក្នុងនោះ ៤ពាន់៥រយដុល្លារ ​​ក្នុង​​ខេត្ត​​ព្រះសីហនុ ១ពាន់​៥​រយ​ដុល្លារ នៅ​ខេត្ត​សៀម​រាប និង​ ៣ពាន់១រយដុល្លារ នៅ​ភ្នំ​ពេញ​។​ RFInews

មាន​ហេតុផល​ច្រើន​យ៉ាងដែល​នាំ​ឲ្យ​កើត​មាន​គំនរ​សំរាមរាយ​ប៉ាយនៅ​ភ្នំពេញ​។ ទី​១-អាច​មក​ពី​ប្រជាពលរដ្ឋ ទុកដាក់​សំរាមវេច​ខ្ចប់​មិន​មាន​សណ្តាប់ធ្នាប់ និង​មិន​មាន​ធុងសំរាម​ត្រឹមត្រូវ​។ មូលហេតុ​ទី​២-មក​ពី​ក្រុមហ៊ុន​ស៊ិ​ន​ទ្រីដែល​ម៉ៅ​ការ​ខាង​ប្រមូល​សំរាម នៅមានភាពខ្វះចន្លោះក្នុងការប្រមូល​សំរាម​ឱ្យបានទៀងទាត់​។ កន្លែង​ខ្លះមួយ​អាទិត្យទើបក្រុមហ៊ុនស៊ិ​ន​ទ្រីទៅ​យក​​ម្តង ឬ​ពីរ​ដង​ប៉ុណ្ណោះ​ ប៉ុន្តែ​ក្រុមហ៊ុនយក​លុយ​រាល់​ខែតាម​រយៈ​វិ​ក័យ​ប័ត្ររួម​ជាមួយអគ្គិសនី​។

ការគ្រប់គ្រងសំរាមប្រកបដោយប្រសិទ្ធិភាពចាំបាច់ត្រូវមានការចូលរួមចំណែកពីគ្រប់ភាគីពាក់ព័ន្ធ ជាពិសេសគឺបងប្អូនប្រជាពលរដ្ឋនៅក្នុងទីក្រុង ។ ប្រជាពលរដ្ឋគួរតែ​ទុកដាក់​វេច​ខ្ចប់​សំរាម​ឲ្យ​បាន​ត្រឹមត្រូវ ហើយ​គួរ​មាន​ធុងសំរាមនៅ​មុខ​ផ្ទះ​របស់​ខ្លួន​។ ចំពោះក្រុមហ៊ុនស៊ិ​ន​ទ្រីត្រូវមកប្រមូលសំរាមបានទៀងទាត់ និងមានកាលវិភាគប្រមូលសំរាមច្បាស់លាស់សំរាមសហគមន៍។ អជ្ញាធរពាក់ពន្ធត្រូវមានផែនកាចុះអបរំប្រជាពលរដ្ឋ និងអនុវត្តន៍ច្បាប់បរិស្ថានឱ្យបានតឹងរឹង។

សំលេងទីក្រុងបានបង្កើតឡើងនៅឆ្នាំ២០១២ ក្នុងគោលបំណងឲ្យប្រជាពលរដ្ឋដែលរស់នៅក្នុងក្រុង ចែករំលែកព័ត៌មានពីបញ្ហាប្រឈមនានាក្នុងសហគមន៍ និងចូលរួមចែករំលែកចំណេះដឹងតាមរយៈរាយការណ៍មកកាន់គេហទំព័រ។​

សំឡេងទីក្រុងបានរបាយការណ៍មួយកាលពីឆ្នាំ២០១៦ ការពិតនិងតួលេខ #៣១៖ ការពិនិត្យឡើងវិញនូវទីតាំងចោលសំរាមចំនួន ១៤៧ ចន្លោះឆ្នាំ២០១៤ និងឆ្នាំ២០១៦ ក្នុងរាជធានីភ្នំពេញ ឃើញថាតំបន់មួយចំនួនមានភាពល្អប្រសើ ដោយឡែកតំបន់មួយមួយចំនួនទៀតនៅមានភាពខ្វះចន្លោះ ដោយផ្អែកលើរបាយការណ៍របស់ប្រជាពលរដ្ឋដែលរាយការណ៍មក។ អានរបាយការណ៍

ដោយមើលឃើញថាបញ្ហាសំរាមនៅតែបន្ត ដូចច្នេះសំឡេងទីក្រុងបានរៀបចំយុទ្ធនាការតាមប្រព័ន្ធអ៊ីនធីណែត ដែលមានរយៈពេលបីខែក្នុងការប្រមូលព័ត៍មានពីទីកន្លែងដែលជួបនឹងបញ្ហសំរាម  ជួយឲ្យប្រជាពលរដ្ឋចូលរួមរាយការណ៍ពីបញ្ហសំរាមនៅក្នុងសហគមន៍របស់ខ្លួន ដើម្បីស្រង់ទិន្នន័យដាក់ជូនរាជរដ្ឋាភិបាលដោះស្រាយស្របតាមគោលនយោបាយសាធារណៈនិងអាទិភាពអភិវឌ្ឍន៍ទីក្រុង។

ប្រសិនបើបញ្ហាសំរាមនៅតែកើតមានក្នុងតំបន់ដែលលោកអ្នករស់នៅ សូមរាយការណ៍មកកាន់ពួកយើងតាមរយៈកម្មវិធីទូរស័ព្ទ Go Green Cambodia ឬ​ កម្មវិធីទូរស័ព្ទ Urban Voice ​​ និងតាមរយៈទូរស័ព្ទ ០៨១៦១៦១៣១ ឬតាមរយៈ WhatsApp (UVC)៕

Urban Voice Cambodia

Urban Voice Cambodia