មូលហេតុដែលធ្វើអោយចរាចរណ៍នៅក្នុងរាជធានីភ្នំពេញអាក្រក់
Posted On : កញ្ញា, 16, 2016 | By សំឡេងទីក្រុង

ហេតុផល៩យ៉ាងដែលបង្កើតអោយមានភាពវឹកវរនៅលើដងផ្លូវនិងនាំឱ្យមានគ្រោះថ្នាក់ចរាចរណ៍នៅក្នុងរាជធានីនៃប្រទេសកម្ពុជាគឺ៖

ប័ណ្ណបើកបរ៖ អ្នកបើកបរភាគច្រើនរបស់កម្ពុជាមិនដែលបានទៅរៀននៅសាលាបើកបរឬកាន់បណ្ណបើកបរទេ។ ពេលដែលពួកគេក្លាយជាម្ខាស់យានយន្ត ហើយអាចកាន់ដៃចង្កូត និងបញ្ជាបាន ពួកគេគិតថាអាចបើកបរបានហើយ។ ទោះជាមានបញ្ហាចក្ខុវិញ្ញាណ ឬពិការភាពផ្សេងទៀតក៏ដោយមិនមែនជាបញ្ហាសម្រាប់អ្នកបើកបរនៅក្នុងប្រទេសនេះ។ អាយុមិនមែនជាបញ្ហា អ្នកនឹងឃើញមនុស្សដែលមានអាយុក្រោម១៨ឆ្នាំបើកបរជាញឹកញាប់។

road-parking-in-phnom-penh

រថយន្តចតតាមផ្លូវ នៅក្រុងភ្នំពេញ

 

មិនគោរពភ្លើងសញ្ញា៖ បង្ហាញពីភាពស្មោះត្រង់ ប្រជាពលរដ្ឋកម្ពុជាមួយចំនួនឃើញភ្លើងសញ្ញាចរាចរណ៍ដូចជាការតុបតែងផ្លូវអោយមើលទៅមានភាពស្រស់ស្អាតចឹង។ មានមនុស្សជាច្រើនមិនគោរពភ្លើងសញ្ញា ហើយនឹងជិះកាត់។ បើសិនជាប៉ូលិសចរាចរណ៍ចាប់ពួកគេនោះ ពួកគេនឹងត្រូវបានពិន័យអប្បបរមាជាប្រាក់ ៥០០០ រៀលសម្រាប់កំហុស ពិតណាស់ប៉ូលីសនឹងមិនផ្ដល់ឱ្យអ្នកនូវសំបុត្រតម្លៃនៃការផាកពិន័យនោះទេ។ ជនបរទេសនឹងត្រូវបានផាកពិន័យច្រើនជាង និងអាស្រ័យលើប៉ូលីសចរាចរណ៍ចង់បាន។ ប្រសិនបើអ្នកជាអ្នកកាសែតឬជាអ្នកធំដែលធ្វើការសម្រាប់រដ្ឋាភិបាល ប៉ូលីសអាចនឹងអត់ឱនអោយ។

ស្លាកសញ្ញាអោយឈប់ គឺគ្មានន័យ៖ ស្លាកសញ្ញាអោយឈប់ឃើញមាននៅកន្លែងមួយចំនួនក្នុងរាជធានីភ្នំពេញ ទោះជាយ៉ាងណាអ្នកពិតជាពិបាករកអ្នកដែលឈប់ពេលឃើញស្លាកសញ្ញាអោយឈប់ណាស់។ ជាញឹកញាប់ពួកគេបណ្តរដំណើរទៅមុខ ដោយមិនខ្វល់ពីស្លាកសញ្ញាអោយឈប់។

រថយន្តធំគឺស្ដេចនៅលើផ្លូវ៖ បើអ្នកបើកបរមានរថយន្តរបស់ខ្លួនធំ បង្ហាញថាមានទ្រព្យសម្បត្តិច្រើន  បន្ទាប់មកពួកគេគឺជាស្ដេចនៅលើផ្លូវនោះដូច្នេះពួកគេជឿថាច្បាប់នឹងមិនត្រូវអនុវត្តមកលើ ពួកគេឡើយ។

ការប្រើប្រាស់ទូរស័ព្ទក្នុងពេលបើកបរ៖ ពលរដ្ឋកម្ពុជាចូលចិត្តទូរស័ព្ទទំនើប ហើយវាជាការលំបាកសម្រាប់ពួកគេក្នុងការរស់នៅដោយគ្មានពួកវា។ ពួកគេត្រូវការចូលទៅកាន់ទំព័រហ្វេសប៊ុករបស់ពួកគេ ឬនិយាយទូរស័ព្ទគ្រប់ពេលវេលា ដូច្នេះការប្រើទូរស័ព្ទដៃទំនើបខណៈពេលកំពុងបើកបរគឺជាកត្តាចាំបាច់ ដែលធ្វើអោយអ្នកបើកបរបានបាត់បង់ការផ្តោតអារម្មណ៍របស់ពួកគេ។ ពេលខ្លះពួកគេបើកចូលកន្លងផ្លូវម្ខាងទៀតដោយមិនបានមើល ដោយសារពួកគេមិនបានផ្តោតអារម្មណ៍ទៅលើផ្លូវខ្លួនឯង។

ផ្លូវត្រូវបានប្រើជាកន្លែងចត ឬ កន្លែងរកស៊ី៖ មនុស្សមួយចំនួនបានប្រើប្រាស់គែមនៃផ្លូវដែលជាកន្លែងចតរថយន្តផ្ទាល់ខ្លួនឬតំបន់ធ្វើអាជីវកម្មរបស់ខ្លួន។ កត្តានោះហើយជាមូលហេតុដែលផ្លូវកាន់តែតូចទៅៗ។ លើសពីនេះទៅទៀត អ្នកថ្មើជើងដែលឆ្លងកាត់ផ្លូវ ត្រូវបានមើលឃើញថាជាការតុបតែងមួយផ្សេងទៀតនៃផ្លូវដើម្បីធ្វើឱ្យអ្នកបើកបរមានអារម្មណ៍ថាធូរស្បើយ។

ការពាក់មួកសុវត្ថិភាពមើលទៅមិនសង្ហា៖ ប្រជាជនកម្ពុជាមួយចំនួនពាក់មួកសុវត្ថិភាពដោយសារពួកគេមានការភ័យខ្លាចថាប៉ូលិសនឹងពិន័យពួកគេ ប្រសិនបើពួកគេត្រូវចាប់បាន។ នៅពេលដែលព្រះអាទិត្យអស្ដង្គតហើយប៉ូលីសបានត្រឡប់ទៅផ្ទះវិញ មួកសុវត្ថិភាពគឺក្ដៅខ្លាំងសំរាប់ពួកគេ ដូច្នេះពួកគេជិះដោយមិនពាក់មួក  ហើយក៏មិនខ្វល់ពីសុវត្តិភាពផ្ទាល់ខ្លួនគេដែរ។

ការបើកបរក្នុងពេលពួកគេស្រវឹង៖ នៅពេលយប់យើងនឹងឃើញជាញឹកញាប់ អ្នកស្រវឹងបើកបររេពីម្ខាងទៅម្ខាងផ្លូវ។ ពេលខ្លះពួកគេបើកបុកសូម្បីតែរណាំងចរាចរណ៍ ហើយនឹងបង្គោលអគ្គិសនី។

ពលរដ្ឋកម្ពុជាបើកបរទាំងពីរទិសនៃផ្លូវ៖ ខណៈពេលដែលប្រទេសជិតខាងដូចជាប្រទេសថៃបើកបរប្រកាន់ផ្នែកខាងឆ្វេងនិងវៀតណាមបើកបរប្រកាន់ខាងស្ដាំ នៅកម្ពុជាវិញពួកគេរើសយកផ្នែកដែលអោយពួកគេបានឆាប់ដល់គោលដៅលឿនប៉ុណ្ណា។ នៅពេលដែលបើកបរនៅក្នុងប្រទេសកម្ពុជាយើងត្រូវតែប្រមើលមើលជានិច្ចថានរណាម្នាក់កំពុងធ្វើដំណើរខុសទិសដៅនិងកំពុងតំរង់មករកយើង ហើយចុចស៊ីផ្លេប្រាប់យើងថាអោយពួកគេទៅ បើមិនដូចនេះទេយើងគឺជាអ្នកដែលបានធ្វើខុស។

ដើម្បីដោះស្រាយបញ្ហាទាំងនេះគ្រាន់តែតម្រូវឱ្យអ្នកបើកបរនៅកម្ពុជាមានការអប់រំជាមូលដ្ឋានពីការបើកបរ។ នេះគឺជាច្បាប់ទូទៅនៅក្នុងប្រទេសអភិវឌ្ឍន៍ និងការជាប់ទាក់ទងគ្នារវាងការអប់រំអ្នកបើកបរជាមួយនឹងគ្រោះថ្នាក់ចរាចរណ៍។ នៅក្នុងប្រទេសទាំងនោះអ្នកត្រូវបានកំណត់ដោយច្បាប់ ត្រូវតែឱ្យឆ្លងការធ្វើតេស្តជាផ្លូវការជាមុនសិនទើបអ្នកត្រូវបានអនុញ្ញាតឱ្យបើកបរ។

វាមិនជាការលំបាកសម្រាប់រដ្ឋាភិបាលដើម្បីណែនាំអប់រំឡើយ ហើយច្បាប់ត្រូវតែ រឹតបន្តឹង នឹងដាក់ទោសអ្នកបើកបរដែលប្រព្រឹត្តខុសច្បាប់ចរាចរណ៍នេះ៕

សំឡេងទីក្រុង!

សំឡេងទីក្រុង!