ព្យុះ​ទីហ្វុងមួយ នឹង​ធ្វើ​ដំណើរ​កាត់​ភាគខាងត្បូង​កម្ពុជា នៅ​យប់​នេះ
Posted On : November, 26, 2018 | By សំឡេងទីក្រុង

Sorry, this entry is only available in Khmer. For the sake of viewer convenience, the content is shown below in the alternative language. You may click the link to switch the active language.

ព្យុះទីហ្វុង USAGI នឹង​ធ្វើ​ដំណើរ​កាត់​ភាគខាងត្បូង​កម្ពុជា នាយប់​ថ្ងៃទី​២៥ ខែ​វិច្ឆិកា ឆ្នាំ​២០១៨​នេះ។ ឥទ្ធិពល​របស់​ព្យុះនេះ នឹង​មកនូវទឹកភ្លៀង​ធ្លាក់រាយប៉ាយ​ក្នុង​ក្របខណ្ឌទូទាំង​ប្រទេស លាយឡំ​ជាមួយនឹង​ខ្យល់​បក់បោក​ក្នុងល្បឿន ពី ១៣ ទៅ ១៥ ម៉ែត្រ​ក្នុងមួយ​វិនាទី ពិសេស​នៅតំបន់​ទំនាប​កណ្តាល​ភាគខាងត្បូង និង​តំបន់​មាត់សមុទ្រ (ចាប់ពី​យប់ថ្ងៃទី​២៥-២៧ វិច្ឆិកា)។ នេះបើ​តាម​សេចក្តី​ជូន​ដំណឹងរបស់​ក្រសួង​ធនធានទឹក និង​ឧតុនិយម កាលពី​ថ្ងៃទី​២៤ ខែ​វិច្ឆិកា។

ដំណើររបស់ខ្យល់ព្យុះទីហ្វុង USAGI (រូបភាព៖ ក្រសួងធនធានទឹក)

ក្រសួងបាន​ព្យាករ​ថា រាជធានី​ខេត្ត​មួយចំនួន​នៃតំបន់​ទំនាបកណ្តាល​ភាគខាងត្បូង និង​តំបន់​មាត់​សមុទ្រ អាចនឹងមាន​ជំនន់ទឹកភ្លៀង​កើតឡើង។

ជាមួយ​គ្នានេះ ក្រសួង​បាន​អំពាវនាវ​ឱ្យប្រជានេសាទ និង​អ្នកធ្វើដំណើរ​តាមសមុទ្រ ត្រូវផ្អាក​សកម្មភាព​ចាប់ពី​ថ្ងៃទី២៥ ដល់ ២៧ វិច្ឆិកា ឆ្នាំ​២០១៨ ដើម្បី​ចៀសវាង​នូវគ្រោះថ្នាក់ផ្សេងៗ ដែល​អាចកើតមាន​ឡើងជាយថាហេតុ។

សូម​រំលឹក​ថា កាលពី​រសៀល​ថ្ងៃទី​២៤ ខែ​វិច្ឆិកា កូនព្យុះ USAGI បាន​វិវត្ត​ខ្លួន និង​បង្កើន​ឥទ្ធិពល​ទៅជាព្យុះទីហ្វុង ជាមួយនឹង​ល្បឿន​អតិបរមា​ក្បែរផ្ចិត​របស់​ព្យុះ​មាន​ល្បឿន ១២០គីឡូម៉ែត្រ​ក្នុងមួយម៉ោង ដែលពេលនោះ​បាន​ស្ថិតនៅក្បែរឆ្នេរភាគអាគ្នេយ៍​ប្រទេស​វៀតណាម។ នេះបើតាម​សេចក្តី​ជូន​ដំណឹង​របស់​ក្រសួង​ធនធានទឹក​ខាងលើ​នេះ៕
ប្រភព៖ ខ្លីៗ

Urban Voice Cambodia

Urban Voice Cambodia