ក្រសួងសាធារណការនិងដឹកជញ្ជូន បានចុះហត្ថលេខាលើកិច្ចសន្យាជាមួយក្រុមហ៊ុន Sichuan Road and Bridge (Group) Corporation Ltd ដើម្បីជួសជុល និងថែទាំផ្លូវជាតិលេខ ៣ និង លេខ ៧ គម្រោងកំណាត់ផ្លូវជាតិទាំងពីរនេះ នឹងធ្វើការលើកកម្រិតផ្លូវពីកម្រាលកៅស៊ូ DBST បច្ចុប្បន្ន ទៅជាកម្រាលកៅស៊ូ AC ហើយនិងធ្វើការស្ថាបនាលូសងខាងផ្លូវ ដើម្បីរំដោះទឹកភ្លៀងចេញ​ ក្នុងពិធីចុះហត្ថលេខាលើកិច្ចសន្យាកាលពីថ្ងៃទី៥ ខែកុម្ភៈ ឆ្នាំ២០១៨។

ការដ្ឋានស្ថាបនាផ្លូវទាំងពីរនឹងចាប់ផ្ដើមនៅខែមេសា ឆ្នាំ២០១៨ ហើយបញ្ចប់នៅ ខែកញ្ញា ឆ្នាំ២០២២ដែលចំណាយពេលអស់ ១៨ខែ​ ហើយបន្តថែទាំរយៈពេល ៣៦ខែ ដែលមានប្រវែងសរុប ១១១.៣ គ.ម និងចំណាយទឹកប្រាក់សរុបចំនួន ១៦ ៩៦៩ ៤២២ ៥៩ ដុល្លាអាមេរិក ក្រោមហិរញ្ញប្រទានពីធនាគារពិភពលោក។

កឧត្តម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រី ក្រសួងសាធារណការនិងដឹកជញ្ជូនបានស្នើរសុំឲ្យប្រជាពលរដ្ឋគោរពច្បាប់ចរាចរណ៍ និងក្រុមហ៊ុនដឹកទំនិញកុំដឹកលើសទំម្ងន់ដែលកំណត់ដោយច្បាប់៕