បាក់ច្រាំងទន្លេនៅគីឡូម៉ែតលេខ ៦ បណ្តាលឲ្យលំនៅដ្ឋានចំនួន ៥ ខ្នងធ្លាក់ចូលទៅក្នុងទន្លេ
Posted On : ឧសភា, 8, 2015 | By សំឡេងទីក្រុង

កាលពីថ្ងៃអាទិត្យ ទី ០៣ ខែ ឧសភា ឆ្នាំ ២០១៥ វេលាម៉ោង 8:30 នាទីព្រឹក មានការបាក់ច្រាំងទន្លេ នៅភូមិគ្រោលគោ សង្កាត់គីឡូម៉ែត្រលេខ៦ ខណ្ឌឬស្សីកែវ រាជធានីភ្នំពេញ។​ ការបាក់ច្រាំងទន្លេនេះបានធ្វើឲ្យផ្ទះ ចំនួន ៥ ខ្នង ដែលម្ចាស់ផ្ទះជាជនជាតិវៀតណាម បានបាក់ចូលទៅក្នុងទឹកទន្លេអស់ ហើយផ្ទះចំនួន១០ ខ្នងទៀត កំពុងតែរងការខូចខាត និងប្រឈមនឹងការបាក់ស្រុតដូចគ្នាដែរ។ ជនជាតិវៀតណាមដែលផ្ទះរបស់គាត់បានបាក់ចូលទន្លេនោះ បាននិយាយថា បញ្ហាបាក់ច្រាំងនេះ បណ្តាលមកពី ក្រុមហ៊ុនវឌ្ឈនៈបានបុកគ្រឹះ ដែលបានរំលោភដីច្រាំងទន្លេ និង គួបផ្សំនឹងដីថ្មីផង ទើបបណ្តាលឲ្យមានការបាក់ស្រុតបែបនេះកើតឡើង។

rursey keo (1)

rursey keo (2)

rursey keo (3)

rursey keo (4)

rursey keo (6)

ក្រោយពីមានការបាក់ច្រាំងទន្លេកើតឡើងភ្លាម ជនរងគ្រោះ បានធ្វើការតវ៉ាទាមទារសំណង ពីក្រុមហ៊ុនចំពោះការខូចខាតផ្ទះរបស់គាត់ ចំនួន៧០០០$ ក្នុងមួយគ្រួសារ។​ ខាងក្រុមហ៊ុនបានសន្យាថា នឹង ចេញសំណងឲ្យបានសមរម្យទៅតាមភាពជាក់ស្តែង។

ការបាក់ច្រាំងទន្លេ នេះមានទំហំប្រមាណជា ៦០ម៉ែត្រ និង ជម្រៅចូលជាង ៣០ម៉ែត្រ  ហើយក្នុងឧប្បត្តិហេតុនេះ មិនមានប្រជាពលរដ្ឋណាមួយរងរបួសទេ ។

Related Posts

សំឡេងទីក្រុង!

សំឡេងទីក្រុង!