ថវិកា​ប្រមាណ​១០​ម៉ឺន​ដុល្លា ជា​រៀង​រាល់​ខែ​សម្រាប់​បង់ខាត
Posted On : កក្កដា, 5, 2016 | By សំឡេងទីក្រុង

ថ្ងៃទី០៤ ខែកក្កដា ឆ្នាំ២០១៦

ប្រភព៖ កោះសន្តិភាព

យោងតាមការអះអាងពីមន្ត្រីរដ្ឋបាលរាជធានីភ្នំពេញបានឲដឹងថា បើទោះបីមានការខាតបង់ថវិកា ប្រមាណ១០ម៉ឺនដុល្លាជារៀងរាល់ខែ សម្រាប់ការចំណាយទៅលើសេវាខ្សែរថយន្តក្រុងសម្រាប់ដឹកអ្នកដំណើរ សាធារណៈក្តី តែរដ្ឋបាលរាជធានីភ្នំពេញមិនរាថយឡើយ សំខាន់ផលចំណេញបានទៅលើប្រជាពលរដ្ឋ ហើយជាទិសដៅបន្ត រដ្ឋាករស្វយ័តដឹកជញ្ជូនសាធារណៈរថយន្តក្រុង នៅតែបន្ត និងជុំរុញការពង្រីកខ្សែរត់បន្ថែមឲ្យបានច្រើននៅឆ្នាំ២០១៨នឹង បន្ថែមឲ្យបានស្ទើរតែពាសពេញរាជធានីភ្នំពេញនៅឆ្នាំ២០២០ខាងមុខ ។

លោក អ៊ាន សុឃីម អភិបាលរដ្ឋាករស្វយ័តដឹកជញ្ជូនសាធារណៈរថយន្តក្រុង របស់រដ្ឋបាលរាជធានីភ្នំពេញបានឲ្យដឹងថា បច្ចុប្បន្នរដ្ឋាករស្វយ័តដឹកជញ្ជូនសាធារណៈរថយន្តក្រុង មានរថយន្តក្រុង បម្រើសាធារណៈចំនួន៥៧គ្រឿង សម្រាប់ខ្សែរត់ចំនួន៣ ក្នុងនោះរថយន្ត៣៤គ្រឿងបានដំណើរការរាល់ថ្ងៃ និង១៤ទៀតគ្រឿងសម្រាប់ត្រៀមបម្រុង ។ លោកបន្តថា ក្នុងរយៈពេលកន្លងមកនេះមានប្រជាពលរដ្ឋប្រមាណក្នុងចន្លោះពី៦៥០០ នាក់ទៅ៧០០០នាក់ ក្នុងមួយថ្ងៃបានជិះរថយន្តនេះ ហើយអ្នកដែលជិះមិនបង់ថ្លៃ មានដូចជា កូនសិស្ស ចាស់ជរា និងជនពិការប្រមាណ៤០% ជារៀងរាល់ថ្ងៃ បើគិតពីចំណូល និងការចំណាយវិញ រដ្ឋបាលរាជធានីមានការខាតបង់ជារៀងរាល់ខែ គឺការចំណាយទៅលើប្រាក់ខែបុគ្គលិក ការចំណាយហ្គាស និងការងារជួសជុលច្រើនជាងចំណូលតែម្តង ហេតុនេះរដ្ឋត្រូវបំពេញបន្ថែម។

2a4024f5-796f-48f1-8025-32f91d3e74fa7cfac979-eb4b-45bc-bf3d-84fab5655312

សំឡេងទីក្រុង!

សំឡេងទីក្រុង!