pp-1

ឆ្នាំ ២០៣០ ប្រជាជនទីក្រុងនឹងកើនឡើងជាង ៨ លាននាក់ ខណៈលំនៅឋានកើនឡើងជាង ៨០ ម៉ឺនកន្លែង

Sorry, this entry is only available in Khmer. For the sake of viewer convenience, the content is shown below in the alternative language. You may click the link to switch the active language.

តាមការអះអាងរបស់ក្រសួងរៀបចំដែនដីនគរូបនីយកម្ម និងសំណង់ បានអះអាងថា ឆ្នាំ ២០៣០ ប្រជាជនទីក្រុងនឹងកើនឡើងជាង ៨ លាននាក់ត្រូវជា ៤៤ % ខណៈលំនៅដ្ឋានកើនឡើងជាង ៨០ ម៉ឺនកន្លែង ។

ថ្លែងក្នុងពិធីបញ្ចុះបឋមសិលាសាងសង់លំនៅឋានបុរីប្រណីត អ & អេស្វ របស់ក្រុមហ៊ុន R&F PROPERTIES Hs (CAMBODIA) CO., LTD នៅបណ្តាយផ្លូវ៦០ ម៉ែត្រ កាលពីថ្ងៃ ១៩ ខែធ្នូ ឆ្នាំ ២០១៧ ម្សិលមិញនេះ ឯកឧត្តម ប៉ែន សុផល រដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ មានប្រសាសន៍ថា តាមការសិក្សារបស់ក្រសួងអំពីក្របខណ្ឌយុទ្ធសាស្ត្រអភិវឌ្ឍទីក្រុងនៅកម្ពុជាឃើញថា ចំនួនប្រជាជនរស់នៅក្នុងរាជធានី ក្រុង និងទីប្រជុំជន នៅឆ្នាំ ២០១៤ មានចំនួនប្រមាណ ៤,៥ លាននាក់ ត្រូវជា ២៧,១ % នឹងបន្តកើនដល់ ៧,៩២ លាននាក់ ត្រូវជា ៤៤ % នៅឆ្នាំ ២០៣០ ។

តាមទិន្នន័យនេះ បង្ហាញឱ្យឃើញថា រយៈពេល១៥ ឆ្នាំ (២០១៥-២០៣០) តម្រូវការលំនៅឋាន សម្រាប់តំបន់រាជធានី ក្រុង និង ទីប្រជុំជនមានប្រមាណ ៨០ ម៉ឺនលំនៅឋាន ដែលគិតជាមធ្យមមានតម្រូវការប្រមាណ ៥ ម៉ឺនលំនៅឋាន ក្នុងមួយឆ្នាំ។

ឯកឧត្តមបន្ថែមថា ដើម្បីឆ្លើយតបនឹងកំណើននេះក្រសួងបាននិងកំពុងអនុវត្តគោលនយោបាយជាតិស្តីពីការរៀបចំដែនដី ក្នុងការកសាងផែនការរៀបចំដែនដី ប្លង់គោល និងផែនការប្រើប្រាស់ដីគ្រប់កម្រិត គោលនយោបាយជាតិស្តីពីលំនៅឋាន ឱ្យស្របតាមតម្រូវការ នៃការរីកលូតលាស់ផ្នែកនគរូបនីយកម្ម និងកំណត់តំបន់ទិសដៅយុទ្ធសាស្រ្តអភិវឌ្ឍក្រុង ពង្រីកទីក្រុង តំបន់ស្នាក់នៅ និងជាពិសេសរៀបចំលំនៅឋានដែលមានតម្លៃសមរម្យជូនមន្ត្រីរាជការ កងកម្លាំងប្រដាប់អាវុធ និងប្រជាពលរដ្ឋដែលមានប្រាក់ចំណូលមធ្យម ប្រាក់ចំណូលទាប និងជនងាយរងគ្រោះ ដើម្បីធានាការអភិវឌ្ឍប្រកបដោយចីរភាពនិងសមធម៌៕

 

ប្រភព៖ Businessnews

Leave a Reply