expressway_large

ច្បាស់ការហើយ! ផ្លូវ​ល្បឿន​លឿន​ដំបូង​បង្អស់​នៅ​​កម្ពុជា​​សម្រេច​ឲ្យ​សាងសង់ឆ្នាំនេះ

Sorry, this entry is only available in Khmer. For the sake of viewer convenience, the content is shown below in the alternative language. You may click the link to switch the active language.

ផ្លូវល្បឿនលឿនដំបូងបង្អស់នៅកម្ពុជាដែលនឹងត្រូវចំណាយថវិកា ប្រមាណ១៩០០លានដុល្លារជាជំនួយរបស់រដ្ឋាភិបាលចិន ត្រូវបានសម្រេចឲ្យសាងសង់ជាផ្លូវការហើយ ក្រោមកិច្ចព្រមព្រៀងរវាងក្រសួងសាធារណៈការ និងក្រុមហ៊ុនចិន ក្នុងកិច្ចប្រជុំកំពូលមេគង្គ-ឡានឆាងលើកទី២ នាព្រឹកថ្ងៃទី ១១ មករា ២០១៨។

លោក វ៉ាស៊ីម សូរិយា អ្នកនាំពាក្យក្រសួងសាធារណៈការ និងដឹកជញ្ជូនបានថ្លែងថា គម្រោងនេះអាចនឹងបើកការដ្ឋានសាងសង់នៅដើមឆ្នាំ២០១៨ នេះ និងចាត់ទុកថា នេះគឺជាមោទនភាពមួយសម្រាប់កម្ពុជាដែលមានផ្លូវល្បឿនលឿនទំហំធំបែបនេះ។

ផ្លូវល្បឿនលឿនទីមួយរបស់កម្ពុជាគឺនឹងសាងសង់ពីរាជធានីភ្នំពេញ ទៅកាន់ខេត្តព្រះសីហនុ ដែលក្នុងគម្រោងបន្ថយនៅត្រឹមប្រវែងជាង ១៩០គីឡូម៉ែត្រ អាចធ្វើដំណើរត្រឹមរយៈពេល២ម៉ោងប៉ុណ្ណោះ។

ឯកឧត្ដម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណៈការ ធ្លាប់បានបញ្ជាក់ថា អ្នកធ្វើដំណើរតាមផ្លូវល្បឿនលឿននេះ មិនត្រឹមតែចំណេញពេលវេលា កាត់បន្ថយការកកស្ទះចរាចរណ៍ប៉ុណ្ណោះទេ ប៉ុន្តែថែមទាំងមានសុវត្ថិភាពខ្ពស់ទៀតផង។ ហើយអ្នកធ្វើដំណើរទាំងអស់ កុំបារម្ភមានគោក្របីឆ្លងកាត់ ព្រោះផ្លូវនេះបិទរបងជិត និងមានប្រព័ន្ធបច្ចេកវិទ្យាទំនើបដែលក្រុមហ៊ុនចិនកំពុងសិក្សា៕

ប្រភព៖ sabay.com.kh

Leave a Reply