គម្រោងលំនៅដ្ឋានតម្លៃសមរម្យនៅកម្ពុជាគ្មានភាពច្បាស់លាស់
Posted On : មិនា, 21, 2018 | By Vantha

ប្រទេសណាក៏ដោយប្រសិនបើគ្មានការធ្វើនគរូបនីយកម្មទេ ប្រទេសនោះក៏មិនទទួលបានកំណើនសេដ្ឋកិច្ចខ្ពស់ដែរ។ អស់រយៈពេលជាងពីរទសវត្សរ៍មកហើយប្រទេសកម្ពុជាយើងបានដើរលើមាគ៌ាជោគជ័យមួយឆ្ពោះទៅរកការអនុវត្តសេដ្ឋកិច្ចដ៏រឹងមាំ ដែលកើនឡើងជាមធ្យម ៧% ជារៀងរាល់ឆ្នាំ។ ក្នុងឆ្នាំ២០១៦ ស្ថានភាពសេដ្ឋកិច្ចរបស់ព្រះរាជាណាចក្រកម្ពុជាបានផ្លាស់ប្តូរទៅជាប្រទេសមួយដែលមានប្រាក់ចំណូលជាមធ្យមកំរិតទាបជាមួយនឹងផលិតផលក្នុងស្រុកសរុប (GDP) ក្នុងមនុស្សម្នាក់ៗប្រមាណជា ១២៧០ដុល្លារអាមេរិក ។ នៅឆ្នាំ២០៣០ ប្រជាពលរដ្ឋកម្ពុជានៅតាមតំបន់ក្នុងទីក្រុងនឹងមានកំណើនពី ២៧% ទៅ ៤៤% (ប្រហែល៨លានរៀល) នៃចំនួនប្រជាជនសរុប។

(ទិដ្ឋភាពថតពីលើអាកាសនៃគម្រោងអភិវឌ្ឍន៍នៅក្នុងទីក្រុងកោះពេជ្រ (រូបថតដោយៈ www.todayonline.com)

ទីផ្សារអចលនទ្រព្យនៅប្រទេសកម្ពុជាគឺជាចំណុចចម្បងនៃការធ្វើវិនិយោគទុនបរទេសជាមួយនឹងឱកាសជាច្រើន។ ជាមធ្យមការពង្រីកទីប្រជុំជនរបស់ប្រទេសកម្ពុជាគឺជាផ្នែកមួយដែលមានសន្ទុះខ្ពស់បំផុតនៅក្នុងអាស៊ីបូព៌ា។ ក្នុងឆ្នាំ២០១៧ ក្រសួងរៀបចំដែនដីនគរូបនីយកម្មនិងសំណង់បានប្រកាសអំពីការបង្កើនគម្រោងសាងសង់ដែលមានតម្លៃប្រមាណ ៦ពាន់លានដុល្លារ។ ចាប់ពីឆ្នាំ២០១៥ ដល់ឆ្នាំ២០៣០ ប្រទេសកម្ពុជាមានតំរូវការផ្ទះជាង ៨០០,០០០ ដើម្បីបំពេញការផ្លាស់ប្តូររបស់ប្រជាសាស្រ្តនិងសេដ្ឋកិច្ចសង្គម។ រាជធានីភ្នំពេញជារដ្ឋធានីដែលមានការរីកចម្រើនយ៉ាងឆាប់រហ័ស។ រដ្ឋធានីនេះត្រូវបានគេចាត់ទុកថា មានការរីកចម្រើននៃសំណង់អគារនៅក្នុងទ្វីបអាស៊ី។ លើសពីនេះទៅទៀតអគារខ្ពស់ៗកប់ពពកជាច្រើន ក៏កំពុងបានសាងសង់នៅក្នុងទីក្រុង។ សព្វថ្ងៃទំហំរដ្ឋធានីនេះបានពង្រីកដល់ ៦៧៨,៤៦គីឡូម៉ែត្រការ៉េជាមួយនឹងប្រជាពលរដ្ឋជិត២លាននាក់ ។

Figure 1អគារខ្ពស់កប់ពពកក្នុងរាជធានីភ្នំពេញ (រូបថត៖ទស្សនាវដ្តីសំណង់និងទស្សនាវដ្តីអចលនទ្រព្យ)

ផ្ទុយទៅវិញការរីកចម្រើនឥតឈប់ឈរនៃគម្រោងសាងសង់នេះហាក់ដូចជាមិនបានជួយដល់អ្នកទិញផ្ទះនៅកម្ពុជាទេ។ ការកើនឡើងនៃការផ្គត់ផ្គង់លំនៅដ្ឋានថ្មីគួរតែជំរុញឱ្យតម្លៃចុះទាបឬធ្លាក់ចុះ។ ទោះជាយ៉ាងណាក៏វាមិនទាន់មានករណីនេះ កើតមាននៅ រាជធានីភ្នំពេញនៅឡើយទេ។ ភាគច្រើននៃអតិថិជនគឺជាជនបរទេសនិងអ្នកវិនិយោគបរទេស។ លទ្ធភាពរបស់ប្រជាជនកម្ពុជាក្នុងការទិញផ្ទះមានការថយចុះដោយសារតម្លៃផ្ទះនិងខុនដូកំពុងឡើងថ្លៃកប់ពពក។

រដ្ឋាភិបាលកម្ពុជាត្រូវការការវិនិយោគភ្លាមៗលើគម្រោងលំនៅដ្ឋាននេះ។ ប្រហែលជាមានការចូលរួមពីក្រុមហ៊ុនវិនិយោគឯកជនដើម្បីកសាងលំនៅដ្ឋានដែលមានតំលៃសមរម្យសម្រាប់ប្រជាពលរដ្ឋដែលមានប្រាក់ចំណូលមធ្យមនិងមូលនិធិលំនៅដ្ឋានសង្គមសម្រាប់ប្រជាជនក្រីក្របំផុតនៅក្នុងប្រទេស។ បច្ចុប្បន្ននេះគម្រោងសាងសង់ទាំងអស់គឺជាកម្មសិទ្ធិឯកជននិងកម្មវិធីលំនៅដ្ឋានសង្គមដែលមិនមានការគាំទ្រពីរដ្ឋ។ ក្នុងគោលបំណងដើម្បីធ្វើជាម្ចាស់ផ្ទះសម្រាប់ប្រជាពលរដ្ឋកម្ពុជាពួកគេត្រូវចំណាយពេលជាច្រើនឆ្នាំក្នុងធ្វើការរកលុយ។នាពេលបច្ចុប្បន្ននេះ ប្រជាជនដែលមានប្រាក់ចំណូលទាបនិងមធ្យមមិនមានសមត្ថភាពគ្រប់គ្រាន់ផ្នែកហិរញ្ញវត្ថុមិនអាចទិញដីធ្លីបានទេ ព្រោះតែតម្លៃដីថ្លៃ។

សហគមន៍ក្រីក្រនៅក្នុងទីក្រុងភ្នំពេញ (រូបថតពីៈ Larousee)

អ្នកឃ្លាំមើលមួយចំនួនបានលើកឡើងពីកង្វល់ខ្លះៗអំពីការអនុវត្តជាក់ស្តែងនៃគោលនយោបាយជាតិស្តីពីគម្រោងលំនៅដ្ឋានសង្គម។ ប្រទេសកម្ពុជាបានកំណត់គោលនយោបាយលំនៅដ្ឋានជាតិដើម្បីគាំទ្រដល់គ្រួសារដែលមានប្រាក់ចំណូលទាបនិងមធ្យមនិងមន្រ្តីរាជការតាមរយៈលំនៅដ្ឋានសង្គមដែលទទួលបានការឧបត្ថម្ភគាំទ្រពីរដ្ឋាភិបាលនៅក្នុងឆ្នាំ២០១៤។ គោលនយោបាយនេះនឹងកំណត់គោលដៅមន្ត្រីរាជការនិងប្រជាជនដែលមានប្រាក់បៀវត្សចាប់ពី 200 ដុល្លារទៅ 400 ដុល្លារក្នុងមួយខែ។ ទោះជាយ៉ាងណាក៏ដោយវាគឺពិបាកក្នុងការកំណត់ចំពោះអ្នកមានប្រាក់ចំណូលទាបនិងមធ្យមនិងរបៀបដែលយើងអាចកំណត់អ្នកដែលត្រូវការ។

ផ្ទះខ្មែរបែបភូមិស្នាមញញឹម (រូបថតពី Peter Guest)

មានបញ្ហាប្រឈមជាបន្តបន្ទាប់ពីរ ដែលរាជរដ្ឋាភិបាលកម្ពុជានិងភាគីពាក់ព័ន្ធដែលពាក់ព័ន្ធនឹងត្រូវយកឈ្នះគឺ ការចំណាយនិងដីធ្លីដែលមានគម្រោងសាងសង់លំនៅដ្ឋានសង្គម។

វាប្រាកដណាស់ថាតើរដ្ឋាភិបាលកម្ពុជាមានមូលនិធិគ្រប់គ្រាន់ដើម្បីអភិវឌ្ឍគម្រោងលំនៅដ្ឋានដែលមានការឧបត្ថម្ភធនដែរឬទេ។ នៅក្នុងកាលៈទេសៈនេះរដ្ឋាភិបាលគួរតែគ្រប់គ្រងក្របខ័ណ្ឌថ្មីមួយដែលអាចឱ្យស្ថាប័នសាធារណៈរបស់ខ្លួនធ្វើការជាមួយអ្នកវិនិយោគនិងធនាគារដើម្បីបង្កើតមូលនិធិវិនិយោគទុនបើមិនដូច្នោះទេការអនុវត្តនៅតែមិនទាន់ច្បាស់លាស់នៅឡើយ។ លើសពីនេះទៅទៀតប្រជាជនកម្ពុជាមាននិន្នាការចង់រស់នៅក្នុងតំបន់ទីក្រុងហើយស្ថិតនៅជាន់ផ្ទាល់ដីមិនមែនផ្ទះល្វែងដែលមានជាន់ច្រើនទេ។ ការស្វែងរកជម្រើសសម្រាប់និន្នាការនេះគឺជាបញ្ហាប្រឈម ព្រោះដីនៅតំបន់ទីក្រុងមានតម្លៃថ្លៃសម្រាប់អ្នកដែលមានប្រាក់ចំណូលទាបនិងមធ្យម។ ដោយសាររដ្ឋាភិបាលមានអំណាចយ៉ាងធំធេងក្នុងការគ្រប់គ្រងដីធ្លីដូច្នេះវិស័យសាធារណៈមានឥទ្ធិពលយ៉ាងខ្លាំងលើការគ្រប់គ្រងនិងការបែងចែកដីធ្លី។

សម្រាប់ដំណោះស្រាយប្រកបដោយការបង្កើតថ្មីក្នុងរយៈពេលវែងនេះរដ្ឋាភិបាលគួរតែលើកទឹកចិត្តឱ្យក្រុមហ៊ុនឯកជនវិនិយោគលើម៉ូតលំនៅដ្ឋានសំរាប់អ្នកមានប្រាក់ចំណូលទាបនិងមធ្យមដោយផ្តល់ការលើកទឹកចិត្តលើពន្ធនិងការអភិវឌ្ឍន៍ហេដ្ឋារចនាសម្ព័ន្ធរូបវន្ត ពោលគឺ អគ្គិសនី ផ្លូវថ្នល់ ការផ្គត់ផ្គង់ទឹក … ។ ល។ អ្នករៀបចំផែនការទីក្រុងនិងរដ្ឋាភិបាលត្រូវស្វែងរកដំណោះស្រាយប្រកបដោយនិរន្តរភាពដើម្បីគាំទ្រដល់អ្នករស់នៅដែលមានប្រាក់ចំណូលទាបនិងមធ្យមដើម្បីអាចចូលទៅរស់នៅកន្លែងមួយក្នុងសង្គម។ ផ្នែកមួយនៃយន្តការថិតថេរនេះគឺដើម្បទ្រទ្រង់ដល់គ្រួសារដែលមានប្រាក់ចំណូលទាបនិងមធ្យមនៅក្នុងប្រទេសកម្ពុជាហើយនឹងមិនអាចធ្វើឱ្យមានវិសមភាពកាន់តែធ្ងន់ធ្ងរ និងរាំងស្ទះចលនភាពសង្គម៕

សំឡេងទីក្រុង!

សំឡេងទីក្រុង!