កិច្ចពិភាក្សាការងាររវាង ក្រសួងសាធារណការនិងដឹកជញ្ជូនកម្ពុជា និងដៃគូប្រជាមានិត​ចិន
Posted On : October, 28, 2016 | By Sarim Tith

Sorry, this entry is only available in Khmer. For the sake of viewer convenience, the content is shown below in the alternative language. You may click the link to switch the active language.

ប្រភព៖ ក្រសួងសាធារណការនិងដឹកជញ្ជូន

ថ្ងៃទី២៧ ខែតុលា ឆ្នាំ២០១៦ ឯកឧត្តម ស៊ុន ចាន់ថុល ទេសរដ្ឋមន្រ្តី រដ្ឋមន្រ្តីក្រសួងសាធារណការនិងដឹកជញ្ជូន បានជួបពិភាក្សាការងារជាមួយឯកឧត្តមវេជ្ជបណ្ឌិត Zhou Wei រដ្ឋលេខាធិការ និងជាប្រធានវិស្វករ នៃក្រសួងដឹកជញ្ជូនរបស់សាធារណរដ្ឋប្រជាមានិតចិន និងលោក Greg Smith នាយកគ្រប់គ្រងគម្រោងយុទ្ធសាស្រ្ត iRAP ។

ឯកឧត្តមទេសរដ្ឋមន្រ្តី បានសម្តែងនូវការកោតសរសើរ ចំពោះរដ្ឋាភិបាល នៃសាធារណរដ្ឋប្រជាមានិតចិនដែលបានផ្តល់ការគាំទ្រជាបន្តរបស់ខ្លួនដល់ការអភិវឌ្ឍហេដ្ឋារចនាសម្ព័ន្ធកម្ពុជានិងដែលបានចូលរួមចំណែកបន្ថែមទៀតក្នុងការកសាងសមត្ថភាព សុវត្ថិភាពចរាចរណ៍ផ្លូវគោក និងការជំរុញផ្សព្វផ្សាយអំពីដងផ្លូវឱ្យកាន់តែមានសុវត្ថិភាពសម្រាប់ប្រជាជនកម្ពុជា។

ឯកឧត្តមទេសរដ្ឋមន្រ្តី បានជម្រាបជូនគណៈប្រតិភូថា ក្នុងអំឡុងពេលដំណើរទស្សនកិច្ចចុងក្រោយរបស់ឯកឧត្តមទៅកាន់សាធារណរដ្ឋប្រជាមានិតចិន ក្រសួងសាធារណការ និងដឹកជញ្ជូនកម្ពុជា និងក្រសួងដឹកជញ្ជូនរបស់សាធារណរដ្ឋប្រជាមានិតចិន បានយល់ព្រមចុះហត្ថលេខាលើអនុស្សរណៈនៃការយោគយល់គ្នា(MoU) ដើម្បីពង្រឹងកិច្ចសហប្រតិបត្តិការរវាងក្រសួងទាំងពីរបន្ថែមទៀត៕

Urban Voice Cambodia

Urban Voice Cambodia