ក្រសួង​ដែនដី ​ដាក់​ផែនការ​បញ្ចប់​ការចុះ​បញ្ជី​ក្បាលដី នៅ​ត្រឹមឆ្នាំ​២០៣០
Posted On : June, 28, 2018 | By សំឡេងទីក្រុង

Sorry, this entry is only available in Khmer. For the sake of viewer convenience, the content is shown below in the alternative language. You may click the link to switch the active language.

លោក ឡៅ ទិព្វ​សីហា​ អនុ​រដ្ឋលេខាធិការ​ក្រសួង​រៀបចំ​ដែនដី នគរូបនីយកម្ម និង​សំណង់ ​បាន​ថ្លែងឱ្យ​ដឹង​កាលពី​ថ្ងៃទី​២៦ ខែ​មិថុនា ឆ្នាំ​២០១៨​ថា ក្រសួង​នឹង​បញ្ចប់​ការ​ចុះ​បញ្ជី​ក្បាលដី​នៅត្រឹម​ឆ្នាំ ២០៣០​ ដែល​មាន​ក្បាលដី​សរុប​ជាង ៧លាន​ក្បាល​ដី​នៅ​ទូទាំង​ប្រទេស។

ក្រសួង​រៀបចំ​ដែនដី បាននឹង​កំពុង​ធ្វើការ​ចុះបញ្ជី​ដីធ្លី​ដល់​រាល់​បណ្ដា​ខេត្ត-រាជធានី​ទាំងអស់ ដោយ​អនុវត្ត​នៅតាម​បណ្ដា​តំបន់​ដែលមាន​សក្ដានុពល​សេដ្ឋកិច្ច​មុន ហើយ​យន្តការ​នៃការ​ចុះបញ្ជី​នេះ ត្រូវបាន​អនុវត្ត​ដោយ​មន្រ្តី​ជំនាញ​របស់​ក្រសួង។

លោក ជា សុផារ៉ា​ រដ្ឋមន្រ្តី​ក្រសួង​រៀបចំ​ដែនដី នគរូបនីយកម្ម និង​សំណង់ ធ្លាប់បាន​លើកឡើង​ថា យន្តការ​ចុះ​បញ្ជី​ក្បាលដី ជាការ​រួម​ចំណែក​កាត់​បន្ថយ​ការ​រំលោភ​បំពាន និង​ជម្លោះ​លើ​កម្មសិទ្ធិ​ដីធ្លី។

គួរ​ជម្រាប​ថា របាយការ​ណ៍ប្រចាំ​ឆ្នាំ​២០១៧ របស់​ក្រសួង​រៀបចំ​ដែនដី បាន​បង្ហាញ​ផងដែរ​ថា រាប់ពី​ពេលចាប់​ផ្តើម រហូតដល់​ដំណាច់ឆ្នាំ​២០១៧​ ក្រសួង​បាន​ចេញ​បណ្ណ​កម្មសិទ្ធិ​ដី​បាន​ចំនួន ៤ ៨៨១ ៥៨២ បណ្ណ។ ក្នុង​នោះ​ចែកជួន​ប្រជាពលរដ្ឋ​បាន​ចំនួន ៤ ៦៤៧ ៨៨៦ បណ្ណ ដែល​ស្មើនឹង ៦៦,៤%​នៃ​ក្បាលដី​ប៉ាន់ស្មាន​សរុប ៧លាន​ក្បាលដី។ ​លទ្ធផល​នេះ បើគិត​ធៀប​តាម​ផែនការ​ដែលត្រូវ​សម្រេចក្នុង​ឆ្នាំ ២០១៧ គឺ​លើស ០,៤%៕

ប្រភពដើម៖ ខ្លីៗ

Urban Voice Cambodia

Urban Voice Cambodia